越泰 (已結業)

我從來不會在openrice寫食評，亦不相信openrice的食評。但這間餐廳的食物到服務品質，都不得不令我忍唔住留言，如果比我揀，我情願饑荒，都不會再進入呢間餐廳半次！首先，我點的只是一個生熟牛河加個椰青，落單後過了10多分鐘，店員竟然走來問：「小姐，你頭先落左咩話？」漏單在一間餐廳來說其實並不是什麼新鮮事，我反正不趕時間，唔緊要，我再重覆一次我落的食物。在我觀察所見，這間店門面約4-5位員工，招呼約9-10檯客人，這些員工每位都看似很忙很多嘢做，但竟然可以經常出錯單、漏單。送錯食物，送漏野飲，原來在我身邊的客人都有發生。好！姑且睇下食物質素如何。我食湯河慣先喝一口湯，但如此鹹味的湯底，我真的第一次飲，沒有鮮味不單止而且味精超濃，鹹到你跟本飲不下第二口！而且牛肉少得可憐，只有3、4小片漂浮在河粉上，如此食物質素盛惠$56元！最後！最最最勞氣的地方是，我食到第三口的時候，竟！然！有！一！隻！曱！甴！我好後悔我當時沒拍照，非常後悔。在此我奉勸各位千其千其唔好幫襯，除非你鍾意食鹹湯曱甴牛肉河！

呢間野係我人生中食過最冇禮貌既餐廳。食佢係因為係公司附近、買過幾次外賣。食物一般冇乜特別、冇希望冇其望，但求方便。經過之前經驗，今日打定電話叫Lunch 外賣。佢叫我3個字後有，落到去仲未得、再等多3個字（total 半個鐘)都仲未有。中間催過個門口個長髮大聲亞姐，佢d態度懶懶閒話之你。因時間關係（個時已經1:15)，我要求退銭。個長髮大聲亞姐立刻西面（本身已經態度差）退錢時大力拍d銭落張枱到。不知所謂。我個lunch因為你deliver 吾到，點解個長髮大聲亞姐仲可以悪過我？d野又唔係特別好食，又貴（lunch 大約70-90蚊一個人）竟然仲咁比d咁既服務態度？之前已經聽過公司同事講呢間野d服務態度，果然聞明不如見面！Been to this restaurant a few times, I went there because is close to work. There's no signature dish, food is average, slightly over priced given its quality. Based on my past experienc

以為簡簡單單跟朋友一聚，沒想過食物質素這麼差勁。招牌海南雞飯的雞沒味道，飯亦只微暖。勁大風的冷氣一直吹向明爐魚，火苗都跑出碟外，一路燒也不熱，未吃到一半已熄滅，請人添火，員工態度不悅，要換火就翻白眼。蝦餅肉質死實，粉重而中心不熱，外表的麵包糠明顯翻炸過火了。所謂鮮蝦柚子沙律，開半的蝦仁明顯是雪藏貨，不靠魚露又是沒味道貨色。只得軟殼蟹米紙卷及越式春卷尚算正常，但味道只是一般。十分失望的一餐。

由於下午要去灣仔工作，午餐就與同事來到地鐵站出口旁的越泰午餐，由於領教過午飯時間的可怕，我們自然早點來到，但求一吃飽便上路.....去工作。上一次試過這裡的咖喱，這次則選了另一款啖啖肉的午餐。泰式無骨豬髀飯 $72豬脾的脂肪層雖然挺厚，不過入口即溶的衝擊與豬皮的爽彈相當惹味，若然豬髀的肉能再煮得軟腍一點便無得彈！份量不少的黃油飯夠晒香軟，吃下吃下便把接近平日兩天的飯量吃光！每客午餐均附送熱柚子茶或凍青檸水，我當然是選凍飲的吧。凍青檸水這次雖然多了一片青檸，入口甜度適中之餘滲出陣陣酸意，不錯。

難得一個星期得一個星期日，今日緊係要去食好西啦！之前聽朋友講過話上環有間食泰國野不錯既餐廳，今日終於品嘗到！間野唔難搵，上環站C出口行1﹣2分鐘左右就到。叫左好幾樣野食，值得一提既係個海南雞飯，由於本人係好鐘意食海南雞飯，入到去就嗌左一客食，同你講，雞肉唔鞋係重點，放入口係完全冇踩Break既意慾就直達食道，好滑。同埋唔洗擔心，是冇骨的！除左個飯，亦都叫左個生蝦刺身。個刺身新鮮，雖則有小小辣，不過咁好味就當補番數啦。順帶一提既係除左泰國野食，佢地都有越南菜，都幾多選擇，不過今次冇試個越南菜，下次有機會再試！

今天中午來吃午飯，等了很久無人理會要求menu 後即落order. 叫泰式酸辣鳳爪，越式咖啡牛腩，海南雞飯 和生牛肉湯河。食物水準😰尢其酸辣鳳爪only 甜和酸。牛肉湯河等30 minutes 都未有食完全不會考慮再返回來

娘子今晚過海來找放工的Step食晚餐，但娘子想在上環食，要Step想想…Step記得有幾次食中午飯時，同事們和Step專程由西營盤搭地鐵，去到在上環地鐵站C出口側邊的一間食越南泰國菜的餐廳用餐，但每次去到都是人山人海地等著位用膳，所以每次也是放棄收場；所以便約了娘子在上環地鐵站C出口等，去試試這間平日等位等到望穿秋水的越泰有甚麼魔力!?------------------------------~裝潢擺設~由上環地鐵站C出口一出左手面第一間店舖就是越泰，可以說是擁有卓越的地理位置，來越泰用膳簡直是不怕風吹雨打；門口設計以淺啡色木紋作招牌天花，加上白色框玻璃躺門與廚窗，設計簡潔平凡，看到越泰LOGO像是泰國的廟宇屋企，表明了自己是一間有泰國菜食的餐廳；廳餐內空間不算大，全店大約有40個座位，坐位空間可算充足沒有壓迫感；裝修裝潢亦較為簡樸，一邊的牆上放了越泰的招牌名菜，如河內香茅燒香雞、泰式無骨海南雞、泰式冬陰公海鮮湯等；另一邊牆用深色木板做牆板，上面放了法國的巴黎鐵搭、一些歐洲的街道相片和越南稻草帽；天花也掛著一些假樹葉樹藤，令全間餐廳揚溢著一種清新舒適的感覺!!------------

上環地鐵站出口附近有間賣相唔錯既泰國菜，鐘意不停試新野既我又黎試試。泰式無骨海南雞飯 - 賣相還可以，雞身質地都算滑滑，只係個醬汁唔覺有咩特色，好既醬汁係可以提升主食既味道，但佢做唔到。雞油飯有味，但都似可以油少少，濃味少少會更正。冬陰公酸辣海鮮湯金邊粉 - 喜愛飲冬陰公既我最鐘意冬陰公湯河，一次過滿足醫肚同飲冬陰公兩個願望咁。今次依個海鮮金邊粉個湯底都係唔夠味，唔夠酸唔夠辣、南薑味香芧都唔夠，而且海鮮份量唔多，總體感覺只可以比勉強合格。越南春卷 - 春卷入面材料唔夠多原素，感覺唔夠豐富，不過都炸得香脆。

海南雞飯賣相唔錯，雞肉爽口嫰滑，不過肉味欠奉，醬汁本身expect有3種味道，泰式辣醬，黑豉油同甜酸醬，最後只有蒜粒同醋混合的泰式醬,幸好尚算開胃。黃油飯同雞既份量太少，收78蚊唔係好接受到。冬陰公海鮮金邊粉既湯底唔夠入味，而且So called既海鮮少得可憐，金邊粉軟硬度可以。炸春捲不過不失，幾香脆但冇咩味。

來到中上環已一段日子，面對偏高的午餐消費，除了公司午餐或沒飯帶外，午餐都是盡可能地吃便宜一點，然而這天難得有貴客相邀，偶然一次吃得好一點也無可厚非。這天舊同事過來上環工作，夾好午飯時間再次走遠一點，來到一間經常在旁邊地鐵出口上落、但卻一直沒有為意它存在的越泰。午飯時間本已座無虛席，幸好舊同事早就在樓上雅座霸了位，否則一時三刻也不可能有位。彷彿每一家越泰式食店的午餐都是湯河、咖哩飯的這些，再次聚起來午餐，感覺就像回到那時的莊士倫敦廣場...每客午餐均附送熱柚子茶或凍青檸水，夏天的我會飲熱飲才怪！凍青檸水雖然只有薄薄一片青檸，但只戳了數下，整杯偏甜的飲品已然滲出陣陣酸意，挺消暑。若然想喝其他特飲，加$12-$18也有不少選擇。泰式黃咖哩牛腩飯 $72黃咖哩的色澤與牛腩的份量令人對味道有點期待，入口微辛的咖哩其實挺香，白飯沾了咖哩汁後味道倒是不錯。可是牛腩不夠軟腍也不夠入味，難免令整客咖哩有點失色。

見天時暑熱，想食下東南亞野結果就入左呢越泰點知就又中伏見門口招牌大大隻字中英對照咁寫明係原個菠蘿先叫個最貴嘅lunch 餐點知一上枱冇左個菠蘿不但止連菠蘿肉都係得唔夠6粒, 仲要係粒粒都細過骰仔(有相為証)另外, 啲飯亦都一啲都唔熱 (可能驚太熱, 我食完會中暑?)至於個飯O既味道, 可以話係普通過普通, 可能係我唔好彩, 我見其他人O既評語, 全部寫到好似食緊米芝連咁我個食, 有D 好細隻O既蜆有一隻冇乜味O既青口仲有D 冇乜味O既魷魚有6粒丁咁大粒O既菠蘿唯一正面O既係D飯未至於話好油, 但真係食唔出其他人形容O既米芝連質素至於杯跟餐青檸水大致上係糖水+一片薄薄O既青檸 (3mm 左右厚LA)有冇青檸味呢?唔多覺真係估唔到今時今日, 商品說明條例實施左之後都仲可以咁樣做生意....只可以話, 我相信呢間, 如果唔改善好難做得長

今日來上環找朋友食午餐，她帶我去<越泰>食好西! 看一看MENU，是我的最愛!想起啖啖肉的無骨雞，已經令人食指大動了!無骨又彈牙雞肉，近看好似少女的肌膚──"零毛孔"，一啖咬下去，雞皮滑不留口，雞肉爽口嫰滑! 沾上以蒜粒、醋的混合的泰式辣醬，酸酸甜甜，在盛夏的天氣，一口「凍雞」再配一口涷青檸水，特別滋味在心頭!別只顧雞，黃油飯吸收了雞脂化成的油份，帶淡淡的雞香!  而且一層嫰雞肉下，還舖滿了下一層，吃著吃著，真令人大快朵頤!總括而言，十分推介大家來嚐一嚐啖啖肉、又充滿雞香的<泰式無骨海南雞飯>! 真令人深刻難忘~

我唔明點解做得越、泰菜，對D煎炸野應該有一手，可以炸到硬實實，嗰個牛油雞翼硬到呢，咖哩牛腩只有4件，不過唔打緊，因為唔好食費事浪費，最好味只有個「菜」及「甜品」，其他唔想再講，唉。。。定冇下次。。完

又是等相公放工放飯的時候, 今次相公叫我去這間食越泰晚餐的地方, (佢話見親中什時都大排長龍的呢~)入去坐卡位..晚市這裏都是很多人的說~等相公放工時, 當然叫返個清甜的鮮椰青 (HKD30) 濕下口先啦~相公來到, 就叫店員介紹有什麼好推介好吃, 就先來個水晶蝦米紙卷 (HKD55), 用各種蔬菜配的米綏卷, 清新健康, 加上有大大隻爽口的水晶蝦包在裏面, 清清地作前菜也不錯.要吃得飽相公的話就要叫這個西貢火車頭 (2 人份量)(HKD108) , 本身店員叫我地叫了這個份量己經足夠,應該不需要叫其他主食, 當然身為娘子的我深知相公的肚量何其的深, 所以叫店員再Suggest 其他主食啦~這個西貢火車頭的用料十足, 有生牛肉, 牛丸, 牛腩片, 牛柏葉及牛筋等…牛筋牛大大舊之餘都好腍好入味; 而, 牛柏葉都是爽口之選; 而出奇地這個火車頭的湯底較清而沒有飲完有口渴的情況而這個是必叫的邪惡食物-法式竹油雞翼2 隻 (HKD48) 炸得香脆之餘, 其牛油的濃香夾雜了一些蒜香及越式香料的味道, 非常有層次感; 而且肉質滑嫩不炸過火, 正~順化香茅牛肉撈檬 (HKD65), 大量的青瓜絲蘿蔔

男朋友專誠帶我黎越泰 睇名都估到係越南同泰菜為主，入面成間都以綠色為主，我們被安排坐卡位。燒春雞熱辣辣又香個汁同雞好夾春卷煎既春卷皮十分脆口， 入面有粉c, 羅白c, 木耳， 豬肉有少少辣， 幾有口感 , 成舊用生菜包住 點甜酸汁食 yummy男朋友專誠帶我黎越泰 睇名都估到係越南同泰菜為主，泰式生蝦吃泰國野，生蝦備有特別嘅醬汁，入口好爽，帶點微辣。泰式燒豬頸肉豬頸肉好大塊幾足料，，外層燒得金黃色入口脆脆地，豬頸肉冇咁油膩