越棧越式湯粉專門店 (ac2) (已結業)

其實咁多年來間唔中都會食下, 不過感覺係越來越差!去到門口完全無人理會, 我們因為不想逼人所以6點左右已去到,人唔多但很多張檯無執野, 又無人安排, 門口那位"小姐", 說很忙, 沒有理會我們.後來我們等了一會沒反應, 先入去就近門口的位置坐.我們坐下等了5分鐘都無人執檯, 叫了一會終於有人執並即時落單.(6:10PM) 叫了一個炸蝦餅河, 一個雞翼扎肉河, 及椰汁冰加底.因為見很多外賣都明白, 所以慢慢等候, 2位小朋友就玩住先,但開始唔對路, 一路等, 都完全無野食, 最後等了40分鐘, 先有野食.小朋友已經等到訓著左, 仲要完全無服務, 大家都係出去自己拿茶, 拿餐具, 拿碗, 見到有很多外賣, 所以可能阻慢了廚房,但無可能在6:10分呢D未最繁忙的時間, 都要等40分鐘先有野食, 好過份!!!我們在中途追了一次但完全無人理會.至於食物方面, 都叫KEEP到水平, 不過雞翼浸了落湯就林晒唔好味,同埋個蝦餅有縮水之感,所以我相信我以後唔會再來幫襯! 感覺很差!破壞了我本來星期日輕輕鬆鬆唔趕時間去食野的心情!!

越南野對我黎講真係好正，但是我只對越棧情有獨鍾，每次唔係叫香茅豬扒湯檬，就係扎肉湯檬，今次就叫在特別牛河湯底好鮮甜，有芽菜，洋蔥，香料，令到湯底真的好特別呢碗粉有好多材料：有牛腩，好淋， 生牛肉，，好嫩滑，兩小塊類似肉餅，紮實口感，又有少少鮮甜味的，仲有牛肚，好爽，冇異味，真的好豐富，而河粉好滑，最正既係要提一下佢既魚露，酸酸的甜甜的又辣辣地，好鬼開胃，越食越上癮架推介！

吃多一點補充體力。每次放完星期六日，星期一番工，總是好攰好眼訓，今天也不例外。辛苦了一整天，當然要慰勞一下自己。想來想去都不知道吃甚麼好，最後都係揀了「越棧」，因為我想食牛肉。每次來我都會點生牛肉湯河。這次跟肥膏一起食，當然叫兩人餐。生牛肉湯河（加大）首先要說加大是肥膏要求的，他要兩個麵都加底，我這碗要分點河粉給他，因為他太大食了!生牛肉湯河跟以往的質素一樣！牛肉嫩口，而且分量不少。最重要是湯底夠味，有很多洋蔥，又有蔥等調味，湯底甚是香甜惹味。我覺得這裡的牛肉最適合配河粉。另外，每次我都會問店員拿一碟辣椒絲。嗜辣的我，對加了辣椒絲的湯河，更覺美味！扎肉河粉（加大）肥膏很喜歡食扎肉，但我就麻麻地。我總是覺得扎肉有一種怪怪的味道。好像是擺了很耐變酸宿，但其實我試過好多家的扎肉，都是這種味道，我想是扎肉的味道。另外跟餐可選兩款小食：豬頸肉 一向好味！肉質爽口，表層脆口內裡鬆軟。味道惹味，配上甜酸汁後，更是好味！蒸粉包第一次試食這個蒸粉包。感覺像食蒸粉果一樣，內裡有菇粒，有紅蘿白粒，白蘿香，總之同粉果差不多。而我是個人不好粉果的，所以下次就應該不會點了！跟餐包的一碟菜。原本想試津白，可惜當天沒

今晚晚餐自己搞定，諗不到吃甚麼，經過越棧，食越南野，湯粉清淡，一於叫慣常叫既香茅豬扒湯朦！湯底好鮮，用味精的？不深究，好香香料味，有洋蔥，葱，芽菜，粉不淋，滑入口腔中，最愛用魚露沾上粉吃，又好多蒜蓉，酸辣又惹味！正！豬扒乾左d, 份量一塊，切埋又是方便入口，飲品要左鹹檸七，舒緩下喉嚨既辣……，鹹檸味不錯，解到渴亦能解下辣

下午茶在香港仔逛，又唔想食凍嘢！簡單去食碗越南粉！去到唔使等位裝修簡單乾淨，坐低店員比埋餐牌我睇，下午茶粉麵餐！加錢飲特飲！落好好快食物到！生牛肉河粉：賣相靚，九層塔用辣椒圈住，有好多洋蔥芽菜，湯底好濃，忍唔住飲咗好多，河粉滑，連埋半生熟牛肉片食，又暖又飽！鹹檸檬薑啤：跟餐加錢轉特飲！鹹檸味做了主角，用薑啤特別過雪碧！唔會好甜！解膩好味！阿姐店員好爽手，又有笑容！快快食完走了！

傍晚五時，是尷尬的找吃時間。因為吃晚飯嫌太早，嘆下午茶又怕吃不下晚飯。但是肚子餓，加上氣溫只有十二度，我熬不住的，還是要找吃。於是想到了越棧。原來此店下午茶時段至六時。點了：豬頸肉河粉，香茅豬扒河粉，凍檸蜜。先說湯底，此店的湯底郁香，在店外已經可以嗅到。其中的湯料是牛骨（menu有寫）。是本人欣賞的湯底之一。豬頸肉普通，主要原因是幾片豬頸肉被放在湯中，令燒（或煎）的香味被淡化了。再者，原本香脆的豬頸肉表層也被湯浸得軟了。如果這幾片豬頸肉不是被浸在湯中，應該更佳。香茅豬扒也是被浸進湯中，但味道並未像豬頸肉般受到太大的影響。算是不錯！合格！河粉不差。麵身柔軟但不易碎，油份適中。本身雖然缺乏味道，但是加上這裡的美味湯底，頓變成佳品。凍檸蜜合格。檸蜜亦無須額外加錢。總結：湯底好好味道。性價比中高的下午茶。建議餐廳研究將豬頸肉分碟另上，力臻完美。(好像從前是分碟另上的。)

餐廳環境衛生一般，比較大的問題在於其地面，很油很滑。一份二人餐$168，包麵食兩碗，小食兩客，菜一碟及飲品兩杯。香茅雞翼香度一般，口感過氣略硬。扎肉蝦片則不俗，蝦片夠香脆，提分不少。上湯浸生菜無乜特別。生牛肉湯河湯底夠甜，牛肉腍身，肉香普通。豬頸肉撈檬豬頸肉腍身味不俗，撈檬混上酸汁、花生粒、蘿蔔絲等既開胃，又富口感。一杯熱柚子蜜，滾水沖調貨色，不過甜，味一般。

食一碗湯粉/麵，始終都是覺得湯底是靈魂的所在。湯底處理得不好，更好的麵和配料都會是浪費。而湯粉/麵中，我又會偏好河粉，正因為喜歡河粉本身沒有味道，不會像麵般、會把湯的味道改變。今次途經香港仔，毫不猶疑地走進了一間我頗喜歡的餐廳。這間餐廳雖然有提供越南小食和飯。但每次去到，我都是會不奇然地叫生牛肉河為主，除非我不是一個人去，就可以有多一點的選擇。今次都沒有例外，叫了一碗生牛肉河，$6加了一個伴菜，雖然話伴菜，但其實都有一小碗，比很多粉麵店的油菜還要多。牛肉河收$45、已經是套餐價，另外加了$4轉餐飲為紅豆冰。生牛肉河的湯底一如以往，能夠維持水準，湯的味道清甜，帶有濃郁的牛肉鮮味。煮湯底的一個最基本和最重要的要求就是不能有太多的味精，我不肯定這裡是否有加，但就算有，亦相信不會太多。因為我吃食一碗湯粉/麵時、基本上會把湯喝光，如果有太多的味精，我會知，因為事後要找便利店買水喝！雖然叫生牛肉河，但通常我會要求灼熟，沒有特別原因，只是感覺上安全一點。紅豆冰亦是我其中一種愛好，特別是椰汁香濃冰凍，和湯粉一起吃，一冷一熱，感覺一流！埋單$55元，一頓簡單而滿足的午餐！

每次經過越棧都聞到陣陣嘅越南粉香味。星期日午飯時段，店內差唔多滿坐。呢度坐位較窄，空間唔多，但設計簡約亦光鮮，所以都算舒服。午市有lunch set，$45有一碗粉同一杯飲品。豬扒湯金邊粉豬扒薄薄地，煎得香而淋；雖然較細塊，但肉質軟及入味。湯顏色雖然唔淺，但並不濃郁，只有好輕微嘅香葉同牛骨味；由於湯淡口，食金邊粉時更加感受唔到越式湯嘅味道。通常食越南粉時店員都會主動送上佐料，但呢度就要叫店員攞先有，而且只有辣椒粒同青檸；食越南粉必備嘅是拉差辣醬亦要主動要求。雖然枱面有辣醬供應，但蝦醬味太濃，食馬拉嘢還可，若配越南粉就太濃，會蓋過哂粉嘅味道。服務方面，個別店員態度參差，有啲好helpful，但有啲就冇咁nice。通常食客對連鎖店嘅期望同要求會高啲，希望越棧可以喺食物同服務方面都改善一下。

今日同朋友去香港仔食野,又吾知食咩好!朋友就話好耐都無食越棧,所以去再試!一入到去都唔係好多人!人流明顯少左好多!我地叫左個生牛河,扎肉河,小食拼盤!明顯個湯底同以前吾同,無以前咁香同有少少咸!豬扒炸得太耐,有D燶!飲品珍多冰太甜,好似D糖水吾洗錢咁...服務方面,一開始叫侍應生寫單,叫左好耐都無人理我!之後叫佢地比支魚露我,態度勁差!好似阻住佢地咁!總括我都係覺得以前好食好多,而家D野食唔好食,服務仲衰!我以後吾會再去!!失望~~

放工後同男友去呢間野食..睇黎睇去果餐牌都唔知食乜好..之後見到$88..又大碗又多料..大家都覺得幾抵wor..就選擇左呢個啦..佢有生牛肉, 扎肉, 牛展, 河粉..等等兩個人食呢個...呢碗野味道幾好..生牛肉放在湯面..自己浸一浸..食落口岩岩好..牛展唔會太難食..唔會好硬身扎肉..因個人喜好啦..我就覺得爽口既..河粉也是爽口及滑..易入口湯既味道...因為濃縮左d牛..都幾肥..但幾好味..有少少咸

星期5, Easter Holiday, 本身都幾怕周圍會冇位食dinner同三五知己一齊黎到香港仔, 由於香港仔D野食基本上都食過晒, 要諗食咩野, 反而係一個好問題要50蚊左右攬掂,一於就去越棧一去到, 原來入座率得50%咁仲好, 可以唔洗等!入去, 坐低, 就睇睇menu先!我二話不說, 就決定係左豬頸肉撈檬因為係湯河果D其實好多地方都有得食所以都係撈檬較為吸引豬頸肉撈檬配Blue Haiwaii豬頸肉個賣相都唔錯, 加上成碗野都幾有心思咁放配料值得加分味道上, 豬頸肉唔算太咸, 口感ok個檬質素都算係standardised, 次次食都keep到***註: 右上角果杯就係Blue Haiwaii附上Blue Haiwaii - Menu其實有D似Cocktail 果隻, 只係冇左alcohol, 味道稍甜, 冇後悔叫左!最後, 有fd叫左凍橙梳打!即刻可以俾我做"理想與現實"比較圖

由於早餐食得好 heavy，可以等到兩點後才吃這個茶餐。今日叫了「香茅雞翼撈檬」~ 喜歡吃撈檬是因為那些 “汁” 是任意加幾多就幾多，正呀！雖然細碗咗ＤＤ，同埋比起 lunch 少o左隻雞翼，但多杯飲品（連特飲都包 ~ 今日 order 了「香橙梳打」~ 其實只係 芬逹橙汁汽水加片橙），夠食就得喇~~~ 最緊要 “平”！

吃過了不少次在家附近的越棧，一向也認為其質素在同區的食店來說，都可說是穩定可靠，是次的食評結合了兩次近來的造訪，加上本人都試了店家的新出品，所以就發表一下感想好了。先來介紹吃過也評過的越式小食拼盤，都是那四款食物那個擺放方法，分別是越式春卷、香茅豬扒、炸蝦餅及札肉檳海，跟上一小碟的魚露及數塊生菜，春卷上回跟今回也做得不馬虎，外層的米紙夠薄，幾層都炸得很脆，內部有甘荀、扎肉及豬肉等，有肉香而夠熱，好吃！另外的香茅豬扒香味不太足，但豬扒炸得夠香口，還算有丁點肉汁，骨頭旁筋肉的位置鬆化則最為好吃；炸蝦餅其實都是蝦丸罷了，吃起來沒蝦味都是預期之內，但勝在外脆而內部的蝦肉有點彈牙，也可說是合格之作；最後的札肉檳海都是如上點的在底下加了一塊蝦片，夾雜了札肉及檬粉的蝦片，一來有蝦片的脆口，二來有魚露的酸，吃起來酸酸的剛好平衡了蝦片的油膩感，加上檬粉的腍及札肉的味道，可說是夠交貨的了。頭盤是保持了水準，那主角生牛肉河又如何，吃牛河最重要的都是個湯頭，呷了一口，真的是出事了，很明顯是退步得很嚴重，幸而那條九層塔相對於碗湯河都不少，那獨特的香味彌補了一點點的缺失，而那些牛肉片就是夠生夠嫩滑，而河粉也是煮得

店舖面積不是很大，卻有很多服務員，由廳面看見裡面有一個Open 的工作區，在遠處清楚看到員工的上半身，但沒有靠近去了解。服務員先送上半杯不冷不熱的茶，這茶有特別的香味，入口愈來愈甜。我的下午茶是 扎肉撈檬 和 椰香什薈特飲，撈檬以湯碗上， 4片很薄的扎肉，不曉得正價時段是否也是一樣，米粉底下有青瓜絲和生菜絲，很多炸蒜頭碎和花生碎，加些辣椒醋汁，然後把所有材料攪拌混合，味道很清淡。 特飲有很多選擇，跟餐只須要 $3，椰香什薈的英文名是Mixed Coconut and Aloe，照字面解釋應該有蘆薈果肉，但原來只是椰汁三色冰（粟米、紅豆和綠豆），有點名不符實！衛生方面不夠完善，初時給我的飲管有漬，我要求更換，服務員放下擦枱的濕布，隨手從柜子拿出另一枝，然後遞給我，但飲管是沒有包裝的！