超級自助壽司店

營業中

休息中

繁忙時間 趕時間見有位就入咗去 如其名，真係好super！入到去其實睇個裝修，亂堆嘅雜物同一個個嘅儲物箱，已經唔係好舒服，不過諗著快食無所謂啦。晚餐餐牌啲嘢同個裝修相比唔係特平，只係比出面一般有同類product嘅日本嘢平少少。咁呢就2030落單，叫咗個equivalent to 雜錦刺身飯嘅嘢等咗半鐘都未到，跟著問佢有無漏單，佢睇都無睇就話 你叫果個係會耐少少，佢重不忘把握機會sell我地叫其他嘢再等多十分鐘，佢都係無睇就話有落到，無漏單，再sell然後又十分鐘，再問，佢今次終於去睇，睇完神色有少少變，但係轉頭同我地講都係無漏單。如是者，今次只係等咗一陣，終於黎啦。嘩，等咗咁耐，另一個高潮黎啦啲刺身一睇就知唔新鮮 無色澤，加埋冷色光管燈色，簡直令到你等咗咁耐剩番果少少食慾都無埋。食落 果然係難食 唔知點解刺身飯都可以難食 真係成世人第一次 可能因為唔夠新鮮 唯一合格嘅係金目錭，食落個味正常啲 umm 個飯應該係咁多樣嘢入面最正嘅無下次，未食過嘅 想挑戰有幾super 可以去試吓架

叫左兩個午餐魚生飯加兩份三文魚刺身兩份放埋同一碟其中一份刺身係正常size 另一份係細件 仲要愈食愈細相同既價錢 但不一樣既食物size我明白師傅切魚既時候會有唔同既部位 但都唔係細件過壽司上面既刺身size 囉😑

即係咁 我都好少寫食評岩岩同女朋友睇完戲特登黎食我09:41pm落單 去到10:10pm 催單催到10:20 分都未黎到d職員仲要hea我話黎緊你條三文魚係咪落海捉緊？無下次 bye

三文魚海膽丼Price：$148📌有成6塊三文魚，仲要係厚切嘅😍海膽完全無腥味👍🏻撈埋飯一齊食好creamy，仲要每一啖飯都食到小小海膽味😋份量適中，唔會過份偏細☺️香芒鵝肝卷（4件）Price：$58📌就咁睇好似好普通，咩都無咁🧐一咬落去以為無乜味，但鵝肝味慢慢湧上嚟😎鵝肝好香，但唔會覺得好濟🤩上面塊芒果可以中和返鵝肝嘅油膩感，成個配搭好match🥳火炙左口魚群邊壽司Price：$18📌小妹本身覺醒左口魚無乜特別，但呢個真係好有驚喜😙左口魚有小小煙韌口感，油脂感好重好突出，真係好想食多舊😂拖羅壽司set（4件）Price：$148📌分別有赤身，中拖羅，大拖羅同大蔥拖羅蓉😉小妹覺得呢set味道好淡，食唔出咩味🥲但食落無乜筋，尚算新鮮🤨松葉蟹膏壽司Price：$20📌蟹膏好濃好豐富，一啖食哂真係完全感受到成口都係蟹膏，帶有小小鹹味🤓小妹個人幾鐘意🥰希靈魚刺身 / 三文魚刺身（6塊）Price：$50 / $50📌刺身都係厚切，仲要無雪藏味😁希靈魚食落好有口感，就咁食已經有甜味，好新鮮☺️鹽燒鯖花魚Price：$48📌價錢好抵！48蚊有咁大條燒鯖魚😛肉質好嫩，就咁食有啲焦香味😝再配埋提供嘅醬汁

2人同行 點咗三文魚腩壽司 日本帶子 油甘魚 全部都晦晦地 完全唔新鮮 A4和牛串 睇相就好靚咁 但實物就只有燒燶既味道 油脂又太多 咬完真係忍吾到成啖吐反出黎鵝肝壽司 炸到好油好油好油(好重要所以要講三次) 成舊鵝肝真係食唔落去...全晚最好食應該係芒果軟殼蟹壽司面頭個一塊仔芒果🥭 好慶幸唔酸帶點甜食完好後悔無影到相 因為太難食既原因真係無諗過要影啲食物相 亦無諗過難食到要寫食評 服務態度又一般 真係奉勸各位去前要三思 不過如果想買難受就去試下啦

本人非第一次食, 但每一次食都感到越來越差, 終於忍無可忍 所以今次一定要寫食評.19:45  入座 兩個人食然後點緊野食就比個呀姐''催''我落單, 我就拿拿聲交紙啦~  因為我都好肚餓.到20:00  就聽隔離枱係到投訴, 話等左成半個鐘 壽司都仲未有? 我見佢地好激動, 但我只係等左15分鐘, 所以唔好意思催~ 而且成個場差唔多坐滿既. 然後到20:15, 我真係忍唔住要問下人, 係咪漏左order? 我點左串燒, 壽司, 刺身, 點都有一樣野可以黎左先既之後話幫我睇睇, 然後就比左碗蝦頭既湯我地, 話係我地點個套餐有既, 蝦頭用黎做湯好啦又要再等, 到20:30 終於上d壽司同串燒啦, 點左d海膽壽司 同一個套餐, 放低之後個呀姐就不斷問我有無點錯啊 係咪你地ga, 我地已經不斷話係啊係啊, 我心諗: 你地無check 單我地點咩野食咩, 仲可以不斷反問我地... 好笑之後食完又等啦 因為d野完全未齊, 而我自己都有觀察下係咪太多人 所以做唔切, 但唔係 遲過我入座果d已經上曬菜, 姐係漏單啦, 我又要再問 個呀姐已經唔耐煩 話比張單我自己對下, 好啦 我發現仲有牡丹蝦未到,

同媽媽覆完診經過，見平時買開外賣返屋企食都幾新鮮，今次就試下堂食一入坐會每人送一杯蜂蜜綠茶（可選凍/熱）然後我地叫左兩個午市套餐，一個係刺身飯另加刺身，一個係壽司定食配熱烏冬加海膽壽司，食物速度快，10分鐘就到枱，賣相都唔錯，刺身都係新鮮既，唔會有啤水味（有啲餐廳會啤水解凍😮‍💨）但唯獨係個四格碟有啲污糟，唔知係洗唔乾淨定點，有啲硬既污漬係度（圖中左下果格）所以食果時都怕怕地，好彩食完無肚瀉😵‍💫

抱住一定期望試….夜晚9點入座，食完…..抱住失望嘅心情離開。永不回頭！中拖羅（3件），有好多根，失敗二人壽司（8款/16件）拼盤，唔鮮，失敗北海道海膽壽司（1件），唔值！埋單$396非常唔值@@

外賣壽司唔一定係連鎖嘅！想食性價比高嘅優質壽司，呢間餐廳唔只有堂食，仲有一個大凍櫃有多款外賣壽司選擇，自問有選擇困難症其實覺覺好難揀😂款盒盒都好似好正又唔貴👍🍣壽司外賣 壽司厚切啖啖肉，魚味新鮮濃郁，同朋友聚餐都好適合👍📍牛頭角牛頭角道33號宏光樓8號地下

今日收工肚餓就叫左10件司父發辦壽司+一件手蔓魚卷頂一頂肚等左30分鐘都未黎到..坐個個位又無信號收唔到終於忍唔住問個姐姐佢話黎緊啦黎緊啦再過左10分鐘我話未到就算啦唔該到40分鐘我終於都食第一啖！！咁大個女都未食過40分鐘既壽司點知佢我件蔓魚手卷都變左壽司🍣杯熱水都變左凍水用左5分鐘食晒埋單個彈同佢地講如果下次等咁耐可唔可以改善下？「佢話如果等一個鐘會同客人講，但你坐B場可能佢無講，今日外賣多」好唔好食我就唔係食家唔夠膽講D咩但咁既速度大家自行再判斷啦！

壽司飯鬆，生蠔唔新鮮，重點係油甘魚咁嘅色，皮都未清夠膽上碟，以為食緊鮠魚鯇，好想喊没左三百幾，唯一可取係待應姐姐好殷勤工作，大家都係努力生存最搞笑係有幾枱都問油甘魚色係咁嘅咩？姐姐答：係咁架！#超級壽司#牛頭角#一次夠#4小時後大瀉，已經瀉左五次，脫水，肯定有伏

同朋友黎呢到食壽司必點呢個天婦羅炸蝦...佢皮薄唔厚...脆卜卜同埋個醬汁煮得啱啱好唔會遮咗天婦羅蝦個味道...另外叫左個冰螺sashimi黎食... 佢全部野都係日本空運黎!！包新鮮又好味... 呢樣亦都係我嚟呢度食嘅主要原因😋最後配搭埋啲壽司剛剛好！飽哂...不過因為疫情關係佢lunch比晚市嘅野食款式少啲啲... 希望快啲可以食返佢個晚市時段啦🙊終於2個人食同一班人黎食差好遠... 起碼叫嘅款式都可以多啲先啦

疫情之後都冇再過嚟食，當然睇返啲相又會想去啦樣樣都好新鮮，赤貝冇腥味好爽脆👍🏻新鮮紫海膽😍好甜有好多唔同魚類嘅壽司，老公食得最多🤣貝貝超爽甜😍呢個拖羅令我失望，有筋，味道一般鵝肝壽司燒得超香👍🏻天婦羅，老公最鍾意食，睇個樣都知脆👍🏻

📍 #超級壽司和食堂📍Super Sushi Shop #SuperSushiShop🇭🇰香港牛頭角牛頭角道33號宏光樓8號地下🇭🇰Shop 8, G/F, Wang Kwong Building, 33 Ngau Tau Kok Road, Ngau Tau Kok, HK🌐牛頭角#MFJ牛頭角 #MFJ日本菜#MFJ_NgauTauKok #MFJ_JapaneseFood人均消費: ~HKD550味道: 👅👅👅👅賣相: 👀👀👀👀價格: 💰💰💰💰環境: 🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆完全不起眼嘅小店，但睇落啲嘢超新鮮🤤⭐️日本花咲蟹🦀HKD580一入去就決定要食依個花咲蟹，上菜又真係幾正喎！$580又唔貴呀！肉比我想像中多，肉質唔錯 略帶海水味，加埋佢比嘅醋蘸嚟食又幾特別💯加拿大海膽🍙HKD228海膽我哋揀咗加拿大海膽好好味！好好味！好好味！重要野要講三次！😂啲海膽真係好肥好鮮甜，就咁食，或者紫菜加飯一齊食都好正！ Perfect！⭐️壽司:🔴甜蝦壽司🦐HKD12/2件🟠希靈魚壽司🐟HKD12/2件🟡虎蝦壽司🦐HKD20/2件🟢馬刀貝壽司🐚HKD20/

其實已經喺九龍灣10幾年㗎啦，又搬入嚟嗰下我嘅已經存在，不嬲都有食開，質素一直都唔係話差，平常平常。重點係啲店員態度麻麻，成日黑口黑面，搞到我都唔係好想再去食。另外價錢偏貴，不過勝在好夜都仲開，次次去完睇演唱會都會去買。