赤川日本料理 (已結業)

i went this restaurant with my bf last night. the food in this restaurant is super bad. every dish is no tasting. when i ate the fish, i really didn't know i was eating a fish. it is a really bad eating experience

我今日同男朋友和我屋企人一起去赤川食晚餐.一行五人,ORDER左牛肉石頭鍋飯/照燒雞石頭鍋飯/海鮮炒烏東/豬軟骨拉面/刺身船/三文魚,帶子壽司.牛肉石頭鍋飯-----呢個係我同男朋友都覺得最好味.石頭鍋鋪滿哂嫩嫩的肥牛.個汁好好味.照燒雞石頭鍋飯------呢個都ok呀,雞肉好滑,大大塊.海鮮炒烏東------比較濕,但材料多,有大大塊帶子,蝦等等...豬軟骨拉面------媽媽最喜歡這個.刺身船------爸爸最喜歡,佢話好厚身,我都覺得好新鮮,又有我喜愛的大甜蝦.不過...明明之前見到他們用好靚好大的刺身船,但我地隻船就好細同埋唔靚囉,"我男朋友話點解唔係用上次的碟,我就話係咪因為佢地打爛哂呀,哈哈,他即大笑."三文魚,帶子壽司--------今次有進步喎,飯的醋握得好準,而三文魚又軟滑,帶子依然鮮甜.服務有點新手,不過今晚再沒聽到打破碗碟了.我屋企人都好滿意呢一餐,食得好開心.

本身好like食日本野,知道樓下開0左間日本食店真係好開心,一日晏0左返屋企無野食就同女朋友仔去試下~~我個日都好夜去(好似成十點)無乜人大把位,女朋友仔未到我已落定order,先叫一set sushi,有魚生有熟料如軟殼蟹手卷,唔洗等太耐就有啦!!魚生-拔螃自己感覺係好新鮮同有咬口,可能我唔怕"聲"我唔覺但女友就話幾聲下,甜蝦劍魚腩等等係不過不失,值得一讚係三文魚腩,真係切腩邊0既,$15我覺得好抵,壽司飯底算過得去,起碼有醋味而且軟硬度accepable,軟殼蟹手卷同元氣分別不大,鰻魚壽司甜蛋壽司麻麻~~食到一半先order九洲拉麵,感覺不錯交足貨,見到佢真係有京蔥真係好驚喜,太多拉麵店求其用本地蔥我會即刻扣分,叉燒夠林夠味,湯底較淡口,食完幾滿意,仲飲晒啲湯,呢個動作我自己好少做,之後都無覺得"確"喉,好野!!食後感係幾抵同食味中規中矩,一路食一路有人斟茶服務我覺得ok,日本野呢講價錢真係算平,不過可能佢地新開張未請夠人,員工之中比較多年輕人,又可能就放工放鬆0左,成日見到佢地0係度玩玩貢唔多專業,希望佢地慢慢進步,近水樓台,我會close mon佢0既!!

食物1) 超級甜的牛肉sabusabu2) 未解凍的魚生, 食落有冰(唔知係咪呢個原因, 食落無魚味.3) 炒飯送到檯的時候凍晒4) 等九世都未出的sushi(由order至我食完餐飯,成粒半鐘都未有,把鬼火)服務1) 見旁邊檯的食物order左成粒鐘都未有,覺得"奶"野2) 有sushi or sashime 無跟wasabi, 要問先比,係咪間鋪new or cost saving3) d soya sauce碟有好多麈係面4) 呢d service 比10% surcharge, 我覺得要比discount我添我blacklist 左啦.

I went to this new sushi shop last nite, frankly, the shop is quite large but the internal design is not very sharp, i had ordered my FAVOURITE sushi ~ taste fair. However, the UDO is quite good tasting. Generally, the price is quite OK for my income level, so I would choose to encore this Sunday.

食物一般，冇什麼特別，起碼冇招牌菜，但服務都算幾好。另外，如果坐近門口，因為多人等位關係，另到太多人出出入入，加上大門不關上，令到近門口的位實在坐得不理想。

昨日媽媽生日.....想同佢去食佢最愛的日本野!打開本壹週刊，咁啱有推介【赤川】於是由老公車我地由沙田去粉嶺試下。打開餐牌，Good 價錢一d都唔貴，先黎兩客媽媽最愛三文魚及刺身拼盤，嘩!勁厚....真係厚過其他日本料理一倍之後，老公話想試下和牛刺身(一百蚊左右)，好又試下啦，入口即溶個汁好好味，仲幾大碟喎。到熱盤，牛肉飯好好味、天婦羅一般般、燒青魚好好味、燒雞翼冇特別，燒蟹腳好得意。最後，食埋個豆腐雪糕......太滿足啦!!

星期六突登落去樓下新開的日本料理店食野,裝修都幾靚呀,好大間. 可能我地坐電腦入數果個位隔離,我地餐飯由頭到尾都好嘈,砰砰砰咁,7,8個侍應0係隔離不停咁走來走去,好煩,佢地唔係慢慢行的,係跑,所以佢地上菜的時候,有些壽司係反左的.塊肉跌左出黎,真係好誇張.講食物,佢地材料唔差的,幾新鮮.帶子真係好好味,好味過出面的迴轉,好鮮甜.吞拿魚軍艦都好好食.但當我地番order 三文魚腩,呢碟竟然切得咁差,切到近條魚邊果個位(可看圖一).佢地總體價錢比出面的日本料理係平小小.不過有一個男店員,唔知佢係經理還是老闆,著便服的,(佢地有幾個是沒有著便服的)大眼果位,佢服務態度都幾差,比點意見佢,佢就死撐沒有問題,咁唔接受意見就不要開食店了.呢度扣左分,本想比笑面,唯有隔一排去睇下有冇改善啦.

新開張關係, 次次行過都勁多人..上次等唔到, 今次終於決心等落去。結果等左大概25分鐘就有位~一坐低... 見到隻碟仲有條蘿蔔絲.. 印象分即刻大減。不過佢地都好快咁換過隻俾我.. 兩個人叫左:壽司- 油甘魚、白海鱸及火炙芝士三文魚: 睇落去ok, 但食落去麻麻，元氣個燒三文魚壽司好味d..吉列咖喱餅: 入面係d咖喱薯蓉, 炸得黎食落唔太油..幾好味~~餃子釀雞翼: 三隻連雞尖0既雞翼皮包住d餃子(豬肉)0既物體黎炸..幾香口0既但都係雞肉好d..海鮮煎餅: 好多細細粒0既海鮮係裡面...條邊有d似pizza咁係脆脆地..幾大個添..好味~和風海膽海鮮炒飯: 都好足料..都有見到d碎碎地0既海膽係到，味道就普通炒飯咁0拉..都ok0既~呢度上菜都上得好快下...成程都keep住有人添茶俾我地... 服務態度唔錯~仲有野想試..希望下次再來~

估唔到咁嘅價錢,都可以食到一啲有水準嘅日本菜,雖然等候時間慢啲,但我體量新開業有少許問題在所難免,我相信大家值得食吓!!!!

見新開, 去試下,叫左個照燒雞定食，等左超耐，勁肚餓，等左廿幾分鐘，吹下佢，佢無入廚房睇下就佢同我講做緊，咁我就等啦，肚餓，叫左客三文魚sushi，塊三文魚細不在話下，切到就快到層皮啦，勁多白色位，紋理亂，唔係斜紋，第一次見波浪law~~~無所謂啦，照食，等多十分鐘，仲未有，再吹，竟然係漏左單，我第一次吹你，你同我講做緊，忙中有漏唔係問題，但你都唔應係敷衍人，足足等左我三十幾mins，佢就拎住碗飯同湯同我地講: "比住呢d您食住先!" 咁我d前菜呢???定食竟然分開上,食到一半，佢上個雪糕比我，勁野，我食完飯個雪糕都溶啦，我唯有唔食個飯住，食左杯雪糕先，then再食返個飯~.~講返個飯，都唔知係唔係趕住收工，d雞唔係照燒汁雞，係白"卓"雞，仲要無味既，煎都唔煎下，雞皮係白色,未食過咁難食既雞扒飯, black list!!!!雖然裝修係幾靚,但係食物同服務真係好差!