赤丸製麵所 (已結業)

一句話：難吃滑蛋吉列豬扒飯：蛋好老，豬扒無肉汁，D飯連一般日本料理食的珍珠米差好遠年糕湯烏冬：年糕太淋，湯無味，只是烏冬還可以炸雞軟骨：完全無骨，似炸雞丁多Ｄ燒八爪魚丸：擺明唔係燒，係微波爐製成品，淋啤啤

首先，服務超差，好似唔想你食咁。環境- ok 啦...食物- 超唔得。我叫o左1. 吉列豬排烏東2. 炸魚餅3. 炸薯餅烏東- 只比十蚊四包街市買到o既彈牙少少。湯- 完全唔得，好似只係水加小小鹽咁。吉列豬排- 又乾又無肉味...炸魚餅- 又係同街市買返呢咁上下。炸薯餅- 重油"益"味，無薯味，重好油膩tim...

見新開張便去試下。點知好失望!!!!環境差, d間格好奇怪。俾人一個好逼的感覺。仲好dirty. 玻璃杯有污漬。服務差: 要齊人先入得。都合理但入座安排不周。我地三個人去食, 講0左唔坐bar枱, 但最終都俾bar枱我地~~食物好唔得!! 凍冰冰, 好難食品! 好搵笨~~d waiter 好似好趕咁, 應該係人手唔夠. 將d食物亂放在枱上。仲要餐具都要問先有>.<好不愉快的一餐, 以後唔會再去。

自apm 的赤丸製麵所出現後，多次在不同報紙雜誌看到它的報導。但在觀塘，實是遠了點。難得在家附近開了一間，就立刻去一趟，儘管明知不知道要排隊等多久。等了大半小時，帶著一點期望進去，但帶者一點失望離開~~~與朋友仔點了一個年糕烏冬、雞扒烏冬、煎餃子和炸雞粒(應是這個名字吧，記得不是太清楚)。烏冬一來，份量是否小了一點？！我想，我也吃不飽，朋友仔應該吃完也會餓得很。味道方面，湯底清甜，實是不錯，雖然鄰桌的小朋友不斷說那湯很臭~~~烏冬方面，不及我完本期望的煙韌，但也不錯。煎餃子的皮很薄，值得一讚，但饀料則一般，偏乾身。炸雞粒則一般~~~服務是不過不失，添水次數密，但服務員的面部表情令人難堪~~~希望愈大，失望愈大。不用排隊的話，下次才考慮再來。

真係估唔到依家仲有咁嘅食肆...冇service....食物水準奇劣---- tempura炸蝦炸到淰pat pat，吉列豬扒只係微暖(我懷疑係用microwave叮熱嘅)，便當嘅配菜竟然有茄汁香腸，有冇攪錯ar...唯一食得落係個烏冬，算幾煙靱，但又有乜用呢...唉...門口仲有成幾十人排隊，真係為佢哋可憐...

見新開張咪同老公去試囉!老公未到咪自己排住隊先，排緊隊時比左個點食物既牌我，心諗唔洗咁急呀未入坐就好似想趕你快走咁，不過我都只係望有咩食，當然點食物都係睇左個有圖個menu先點啦! 排到差唔多到時，個類似經理既物體走過問人齊未，我話佢\係後面行緊過啦，佢\粒聲唔出繼續走去後面問後面0既人，有無攪錯呀，咁無禮貌都得，呢係咩服務態度呀........講返食物叫左叉燒拉麵，豬扒烏冬，煎肉腸叉燒拉麵-$38 0既價錢食一碗咁0既拉麵一都唔值，湯底多味精，叉燒又鞋又\"un\"，最奇係拉麵好似公仔麵豬扒烏冬-塊豬扒炸粉厚，唔夠脆，又話烏冬好出名，我覺得口感好怪，一般好食煎肉腸-係唯一最好食既食物，緊係啦因為如果煎珍寶腸加芥辣加茄汁，咁都正得唔好食既話，我就真係要寫個服字!埋單係要自己去櫃面埋，個呀姐掛住同人吹水都未停過，我重諗住佢\會連多謝都唔講添! 價錢雖然唔係貴，但如果食呢質數既食物我寧願食大家樂好過!

由觀塘店開始，我便很想嚐嚐此店的招牌貨，以讚歧作賣點的烏冬。但每次經過也大排長龍，亦沒什麼機會去apm，所以一直沒有品嚐烏冬的機會。自從在青衣城那間以草莓作主題的餐廳結業後，我一直在猜之後會有什麼食店登陸，萬萬想不到是赤丸在這裏開業。今天，和家人到來試試味道，8時多到達，輪候了10分鐘，終於可以進去了。因輪候時已預先點了菜，所以只好坐下呆等，不過我也重複一下點了什麼吧~我點了冷烏冬、吉列豬排、燒排骨、厚燒玉子、蟹肉滑蛋湯烏冬、鯖魚便弁、脆雞粒，共7款食品。等了一會，豬排、厚燒玉子、脆雞粒、燒排骨先來，脆雞粒及燒排骨也沒嚐，豬排皮肉分離，吃了一塊便停手了，厚燒玉子甜甜的，非常大件，雖則只是煎蛋捲，但味道不錯。之後，冷烏冬及蟹肉滑蛋湯烏冬也來了，先嚐蟹肉滑蛋湯烏冬，湯質偏稠，像琉璃獻多一點，充滿蛋花，也有少量蟹肉在內，味道不過不失，烏冬尚算彈牙。再嚐冷烏冬，附上蔥花及芥辣，烏冬面鋪上紫菜，因吃過蟹肉滑蛋湯烏冬，肚皮已達飽和狀態，所以只好淺嚐幾撮，烏冬夠彈牙，冷麵汁夠冰涼，不過鹹，算是不錯了。終於嚐過了此店，通常新開業的店子品質很高，服務也很好，但熱潮過後，長龍不再，品質及服務也會跟隨下滑，

咁岩禮拜六放假,同個friend諗緊去邊度食lunch,突然記起呢間舖新開左喇喎...走去試下啦...唔知係咪禮拜六既關係呢~好好好多人排隊喎,而且見到裡面d位又少...我同我個朋友2個人去食,都等左成差唔多1個鐘!!!!入到去見佢d野食都算平...又好似幾吸引咁...新開張仲要送一客"熱烏冬"or"冷烏冬"添...有烏冬喇,另外我地order左個"滑蛋吉列豬扒飯"同"雞軟骨"同埋"餃子"...其實d野就唔貴...但係都要講個好食架麻,d"雞軟骨"跟本就唔係雞軟骨,係雞粒黎架,冇骨之餘,仲要係唔熱既,冷冰冰...餃子都幾大隻,但就味道就麻麻喇,又係唔熱架...仲有可能我地食o個個係冷烏冬,比較"硬"喇~而個"滑蛋吉列豬扒飯"d味道就好d...不過就鐘意呢度有好多調味料,有基本既7味粉同豉油啦,另外特別d既有吉列汁,咖哩鹽,綠荼鹽,辣椒鹽等等...鐘意加咩都可以任加...佢呢度得好少款食物,又冇salad,又冇dessert...

尋晚我同honey去左食烏冬幾出名既赤丸食飯,間野都幾巴閉架喎,要人排隊冇飛仔拎,仲要一定齊人先入得,想坐低食野咩,真係\"一個都不能少\"架! @.@ 由於我驚死冇位既關係,自動請纓去霸位..........=.=\"點知原來係要齊人先入得,明明有唔少吉檯,但係都見到d人不斷排隊,佢\地只係未人齊~~~終於等到我honey都到埋,即刻坐低點菜,當然要試下烏冬啦,我叫左個有蟹肉滑蛋既烏冬~.~ d烏冬都冇乜咁特別o者,而且仲幾\"淋\"下,好在配滑蛋又幾好味先搭救返,honey就食左炸野菜蝦餅烏冬~.~ 又係一絕! (下刪數十字.....一個極咀刁既人在發表偉論!)另外又叫左d小食: 有炸蝦天婦羅,八爪魚丸,脆爆雞粒同埋牛肉薯餅,最差係炸雞粒,勁似kfc囉o_o 好衰唔衰尋日下晝我地就係食左kfc做午餐\,夜晚再食到呢個翻版,真係唔多開胃....似kfc都唔算差,差係差在成碟都凍既.....點食得落?! 反而個薯餅幾好味,食完想再食添~~食飽飽後發生左件趣事,就係我既另一半想拎牙籤用,以為個牙籤筒係向下倒出牙籤的,於是就大力一搖............ o___o\" 成樽牙籤就咁掉到