赤丸製麵所 (已結業)

打返之前的食評先~我們食了一個三個餸的關東煮, 有年糕袋、淮山卷和魚餅, 9元一點都唔特別, 比我一定唔會再食友人叫了一個唔記得左係咩的豚肉肉烏冬, 除了它的口感不錯外, 冇特別另外, 我又叫了一個set, 係滑蛋唔記得咩肉飯, 有湯, 一個女仔食, 我覺得好大碗, 好飽還點了一個餃子, 都係一般, 唔係好好食, 但又唔係好差埋單93, 冇加一, 都ok抵食呀~

同朋友睇完film 4點幾又未食午飯, 心諗係九龍灣是但一間都唔會難食點知....就真係中左招.....仲要應一應個隻其實都未叫做好難食但係以咁的價錢的食物質素同埋服務員的服務態度黎講係九龍灣黎講我諗都好難搵到一間差得過佢講返食物方面, 我叫左個牛肉烏冬d 牛肉超韌.... d烏冬就一般估唔到以一間以烏冬作賣點的食店的招牌菜都只係咁....一般...我平時係吉野家食的$19下午茶餐都比他好...而我朋友叫個乜乜乜飯.....就更加唔掂....小講為妙.....最奇的仲要係呢間店有積分計畫竟然有人會食過食完再食去儲積分真係不可思議也!!

第一次食，相信亦都係最後一次食叫左辣汁牛肉烏東、滑蛋豬扒烏東、咖哩薯餅同餃子的確，這裏出名的烏東好煙韌彈牙，但都唔能夠只靠一味做賣點gwa?至於辣汁牛肉，正確來說，這不算是辣汁吧，是辣條，同牛肉可以分開食tim....而湯底好正rr...佢同味精最fd滑蛋豬扒，最出色係d蛋，但r豬扒好似浮c 咁...好死...浮沉左好耐，但唔好腍成咁...我知佢係豬扒咁大把@@湯底有d 似係jusco 10蚊店的蛋花湯....

聽說這店最出色的就是烏冬，夠煙韌彈牙~~一場來到又怎可以不試呢~？叫了一客滑蛋豬扒烏冬。不過，期望愈大，失望就愈大……日本的麵類好重視湯底，不過這一個湯，完全不行……味精太重了……(飲左好多水~)豬扒也不脆不熱……烏冬也是失望……烹得硬身並不等於煙韌彈牙，一咬開見到麵身明顯的2種色……又不是特別滑口……第一次來已經失望……我想沒有下次了……

今早要回校補課下午與同學們到赤丸午膳從前我們喜歡叫一個烏冬再加一碟小食價錢比叫一個套餐便宜多了今天叫了一個烏冬加厚燒玉子玉子剛上來時心中有個疑惑: 這真是「厚燒」嗎?fine，也許是我多看了「厚」字吧。味道方面...奶味太重了，而且只是微暖，是一早弄好的一碟三塊薄薄的雞蛋竟然索價十四個大洋要不是我不懂煎，我才不會吃- -不過下一次都是吃其他了不過烏冬仍是美味有咬口份量剛好話說回來朋友叫的蟹肉滑蛋烏冬才二十六元分明是打壓我們這類喜愛清淡菜式的窮等人家吧?天啊

看食評，找新食肆(我未去過的)已是放假節目之一，今午專程來到觀塘的 APM 的赤丸製麵所，刻意趕在一時前入座，避開午膳的人群，果然不用等位。點了一個牛肉湯烏冬套餐 $48，另加一件黑薯糕 $4 及白魚肉餅 $6，黑薯糕細件得可憐，質地像是用海藻之類做，沒啥味道，白魚肉餅，是一片炸過的魚餅浸在湯中，味道也沒有甚麼特別。套餐包括一碗烏冬和一碗有天婦羅的飯，讚岐烏冬很粗，很煙韌，據說是用北海道的麵粉手打而成，我覺得比一般的烏冬要花點勁去嘴嚼，肥牛肉和湯都好味，天婦羅飯面有一隻蝦、一片紅蘿蔔和一塊青椒，炸得很脆，蝦很新鮮，淋面的汁配搭得宜，飯亦香糯。這裏沒有茶供應，吧頭放有很多勺凍水，可以自由斟，為其他日式餐廳少見。我是烏冬門外漢，不知讚岐或其他烏冬的分別，感覺味道很好，偶爾吃一次也是不錯的。

成日行過呢間鋪頭都見有好多人排隊，搞到自己都好想試下，但係望住條咁長既人龍又有d卻步，所以一直都冇試過。直到尋晚，同女朋友行過間鋪見條隊唔長，即刻去馬！我地點左牛肉薯餅、炸豬扒、冷烏冬同埋燒豚肉飯。由好講到差︰首先講個牛肉薯餅，幾好食，皮脆內軟，仲要做緊$10特價，抵食。不過炸豬扒就非常之一般，唔覺得好好食。到冷烏冬，呢樣就真係大失所望喇。d烏冬係就係好煙韌，但係就韌到好似食緊橡筋咁，d密度太高，根本就塑唔到d冷面汁，搞到食入口好淡，要食一口面再直接飲番少少冷面汁，我都未試過咁樣食冷面既。又話係烏冬專門店，大把地方都好食過佢啦！個燒豚肉飯就仲激氣！d豚肉少到...洗唔洗咁慳ar！d豬肉好貴咩？又唔係和豚。而且我根本都唔覺得係「燒」豚肉，似水煮多d，好淡，同張相入面既差十萬九千里！搞到我同女朋友係咁加d綠茶盬、咖哩盬同吉列汁先至餸得落飯。另外仲有d飯太爛喇。跟燒豚肉飯有一碗面豉湯，呢樣先至最離譜，d味好古怪，好似化學品咁！我地飲兩啖就放低左喇........係就係好平，兩個人食都只係需要$80，但係質素真係麻麻，我寧願畀多少少錢食好d既。又一次証明左多人追捧既唔一定好。冇下次。

好鍾意食日本讚歧烏冬，鍾意佢煙韌彈牙，不過日式超市賣既都唔係隻隻得，呢度既就好食~冷烏冬上次試左熱既，今次食冷既。鍾意加D咖哩鹽or辣鹽，我覺得前者好食D TIM煎餃子 夠哂料，不過外皮脆既話仲正吉列豬扒 肉同炸粉都冇分離咁滯，亦唔油，豬肉係瘦既(我自己鍾意瘦)，所以唔會好滑

今日比友人叫左出去食lunch不過本身自己都食左幾件糕先出去, 所以唔想食好多野揀左間野平平地又唔係好飽好耐都冇食過哩間既10蚊烏冬, 原來加左價$12- 冷烏冬, 比之前食開彈牙左好多, 以前唔太鍾意食冷烏冬, 因為熱既比較入味d, 不過依家要改觀啦- $14 炸薯餅, 細塊左好多囉真係, 不過依然係盪口, 似係手做, d 薯仔好林不過比以前, 依家哩塊真係細得可憐, 變相加價下次叫返玉子啦, 一樣價錢我個fd 叫左關東煮, 一堆魚餅獅子狗蘿蔔咁既野, 睇到真係極度頹廢再加上見個staff o係一個仲細過車仔麵既爐遂樣夾上黎, 一d 都唔新鮮, 真係唔係好開胃仲賣成$32

冷烏冬:好彈牙又抵食~加埋d蔥花更好味牛肉薯餅:麻麻地....好"流",不過勝在熱辣辣:章魚丸:非常差.....好細,冇料>"<味道都唔得.....燒雞翼:幾"野"味,有d芝麻幾度..不過甜左d~整體都唔錯...不過店鋪細,坐得唔係太舒服~夜晚去好多人,都排左幾耐~~

記得之前食赤丸製麵所都係係九龍灣分店度食觀塘呢間分店 今日都係第一次食相信間間分店都一樣 調味料由客人落上次係九龍灣叫咗個大烏冬 覺得好似同細既份量差唔多覺得唔太化算 所以今次都係叫個細既$12攞到埋黎 哇 份量好似好少 勁驚唔夠食望下其他都係叫細烏冬既客人 係咪我形住呢 好似份量大少少不過食落去真係相當唔錯 烏冬好滑 食落去煙煙韌韌味道比九龍灣分店既好 超市買幾蚊包個D根本唔會有得比有吉列雞扒同豬扒簡 我鍾意食雞多D 所以叫咗吉列雞扒$16我諗係即叫即炸 因為都要等好一段時間雞扒勁熱勁脆 我又比佢辣親 雞肉都幾嫩滑 好好味同我上次係九龍灣食既牛肉薯餅一樣咁好味以咁既價錢食到咁既水準 我覺得相當唔錯我諗佢又會成為我既飯堂啦...............

烏冬從來不是我愛吃的食物,從前,友人說他的居所附近的烏冬店做得很出色,硬要我去試試那間位於北角電器道的手打烏冬屋,而我當時的反應是左推右搪,只因對烏冬店提不起興趣。 終於有一次,被他哄騙下來到這間烏冬麵店。 自從吃過北角那間手打烏冬屋後,便開始愛上了烏冬麵。那間店做的是讚岐烏冬,麵條是粗幼不一,看得出那些麵條不是機器打造的,嚼韌非常,一吃令人一試難忘。最令我印像深刻的,就是當我一邊吃著,一邊興奮地看著日籍烏冬麵師傅在用來製烏冬的麵粉上,不停地用雙腳又跳又用力的揉踏著,而我這個食客,像是一邊吃著,一邊看著師傅的烏冬表演,心想,要是出動超個一百磅的腳力,難怪讚岐烏冬那樣有韌度。 自從那次起,每到北角區,都必然會光顧那間烏冬店。可惜地,在一年多前,從報章上看到好友極力推介的那間在北角街之廣聞的烏冬店已結業了,結業並不是生意淡簿,而是老闆想返回日本榮休。 一直知道赤丸製麵所的存在,它是一所由本地某集團其下所經營的的讚岐烏冬麵店。 儘使早巳知道他們所採用的是由北海道的麵粉製造已成的日本讚岐烏冬, 依據讚歧烏冬的製作方法加已改良; 儘使早已知道赤丸店的烏冬是每天新鮮即製,並且不含防腐劑或其他人造

十二月三十一日﹙水﹚APM三樓一角，隱藏著兩個日食孖公仔，一是蠻高水準的迴轉壽司和花亭，而和它共處同一店位的赤丸，亦據聞是頗有水準的一間手打烏冬。兩店子母房的設計蠻特別，曾經多次想來試食，但最後都被內裏的和花亭吸入去了。是日除夕夜，和妹妹來睇戲迎接新一年，睇戲前決定來這裏作為08年的最後晚餐，看看是否一間名符其實出名的製麵所。八時半，人龍不算長，大約十分鐘便可就坐。店子面積不大，有一列長長的BAR枱和兩三張TABLE便是，被安排坐到正正處於兩店交界位的一張四人桌，同時要與另外兩人搭枱，環境蠻擠迫。人手不甚足夠，來來去去只有兩三個赤丸的侍應生，蠻自助的服務，亦沒加一收費。落單有紙仔畫﹑埋單有親切的櫃枱服務﹑飲水有自斟任飲的清水供應。或許這是營造小麵店的簡單風格吧。餐牌上聲稱烏冬是製麵所直營，直送。點了燒汁豚肉湯烏冬和辣味豚肉蛋烏冬。前者清湯底做得好好，清澈見底，味道溫和；烏冬好滑，煙韌有彈性，和清淡的湯底絕對是最佳組合。烏冬長度較富久保的短，吃起來比較容易；豚肉帶點軟筋骨，有口感。肉質起初嫩滑，但愈吃可能浸透的時間長了，變得「鞋」口了，但由始至終不太感覺到有燒汁的味道存在。後者多了一隻蛋

約了粉久沒見的友人一聚~ 她說想吃日本東東~~而偶又在貧窮線下(爆) 就選擇了去在apm比較經濟的赤丸~反正很久沒來~~可能時間尚早~ 到達時剛好還有bar檯位~這種design在日本很常見~方便侍應生招呼客人和送餐~~但座位蠻逼"" 入座時也要小心翼翼避免碰到正在進食的鄰座.....看看menu和本月推介// 那些有飯又有烏冬的set似乎很不錯~可偶還是喜歡冷吃的(心) 看看單品...比以前貴了~ 小食也大多介乎$10~$20不等~ 怎麼偶記憶中小食仍是十多塊以下的呢!?最後選了冷烏冬(大)和新推介的咖哩薯餅~~友人則要了滑蛋豬扒烏冬~~自助添水個人還蠻喜歡的// 而且侍應生很快會再給水壺添水~數分鐘後便上檯了 *v*冷烏冬(大)~* $17雖說加大了...但女孩子還是能輕易KO的~烏冬不錯~不會過稔// 粉彈牙~~ 沾點冷麵醬汁...伴以wasabi和蔥花同吃...即使淨吃也不會太寡~清清淡淡適合夏天食用~~~但如果多點蔥花和醬汁濃點便更好// 偶還多手加了桌上的咖哩鹽試試// 味道? 哈哈~~ 咖哩薯餅~* $8新推介的東東~味道沒啥問題~沒有炸得過火~但感覺比較軟身// 還是喜

今日同肥豬豬去左食晚飯..佢叫左個鰻魚牛肉飯+湯烏冬+drink套餐 $48我叫左豚肉豬骨湯烏冬+蛋飯+drink套餐 $48煎餃子 $14total: $116樣樣都幾好食...esp個烏冬...