賞島咖啡屋

營業中

休息中

今日黎到太子搵食, 見到餐牌有芝士烤雞墨西哥餅冇諗咁多就入左去.入到去雖然座位唔多 但勝在坐得舒服 唔迫我地分別叫左:-芝士烤雞墨西哥餅 $88本身我自已好鐘意食墨西哥餅 所以見到有就諗都唔諗入左去食~ 賣相好吸引!! 同埋好大份 自已食應該食唔哂 可以同朋友一齊食就最好味道方面 餡料非常豐富!!啖啖都係雞肉在配上濃厚芝士 真係好好食-黑松露薯條 $68薯條係粗薯條 炸得外脆內軟 加上黑松露沙醬好惹味 朋友唔係好食薯條都係咁食-青醬帶子螺絲粉 $128首先擺盤好靚 青醬食落都唔會好膩 好難得! 帶子煎到岩岩有少少黃金色 鮮甜得黎口感又好彈口 好好食-Strawberry Yakult Soda $48大熱天時 忍唔住叫左杯Soda黎飲 飲完個人即時清爽哂味道方面唔會好甜 岩岩好-Tiramisu $ 48擺盤好靚 酒味唔算太重 口感軟滑 唔錯

來到太子站，大部份人都喜歡到附近的茶餐廳享用下午茶還記得讀書時期，我很喜歡一放學的時候，前往茶餐廳休息。時至今日，我們已由歷史中變為歐陸風Cafe的新時代。賞島咖啡室，有非常吸引我們注目的牌面，而且內裏的裝修也是非常別緻在這裏可以看到開放式的咖啡師工作室餐牌的選擇也是琳琅滿目，有pasta有餅，也有main dishes和小食....除此以外，餐飲的選擇也是10分多我們先叫了一杯西柚梳打，手工非常精緻，我很喜歡琉璃燈狀的設計而且飲落去也是非常解渴，而且也不太甜，10分好！我們令一杯叫了Flat White，拉花很好，而且還有兩隻小猴子陪着我們味道非常香濃，而且很有cream的感覺我們主菜選擇了芝士烤雞墨西哥餅上菜的時候香味已經撲鼻而來，而且份量十足，絕對足夠兩個人享用內裏的餡料也不能看輕，除了芝士之外，還有印度食烤雞的香料和伴菜味道香濃！我們還叫了一個all day breakfast, 每次吃這個也非常開心，因為很飽足之外，牛油果和雞蛋也10分配合這個上菜最後當然也有甜品Tiramisu ，淨係外觀已經100分，蛋糕香而不樓，十分可口！希望下一次來到太子的時候，大家也會兜過來這裏享用

花園街呢度都知道好多好嘢野，今日再行後小小，俾我發現咗有間好relaxing 嘅Café!!!!外面嘅裝飾令我好似一行入去就去咗一個世外桃源咁🥰入面每張枱都有小小裝飾，或乾花，超啱打卡用！成個氣氛令人好放鬆，啱哂幾個朋友係度詳談！Menu 種類都唔算好多，但齊全！價錢亦都唔算貴👍🏼👍🏼明太子櫻花蝦意大利粉 $128真材實料!!好多明太子醬，而且佢唔係平時cafe個啲溝忌廉，超級rich，個醬好杰撻撻，好正！仲有啲碎芝士係上面，好好食！！！意粉條條都勁多醬，而軟硬適中👍🏼👍🏼西班牙凍湯大蝦蕎麥麵 $98喺外面好少見！膽粗粗叫咗🤣第一啖飲凍湯會覺得椒味好strong，到後尾就再飲到多小小蕃茄湯！大蝦超大隻，好彈牙新鮮，無雪氣味👍🏼最正係個蕎麥麵！！！！超彈牙，皆因佢過咗冷河再加上浸住係凍湯，唔會令佢變淋🥰炸雞翼 $58/5 pieces果然不負所望，炸得好靚，唔會太油熱氣！！調味好夠，雞翼炸完好入味，外脆入面好juicy!!隻隻都好肥美🥶Honey grapefruit soda $48好啱打卡！！好有特色！連啲果肉一次過食哂添呀！好甜好味道👍🏼👍🏼👍🏼最後叫多咗個甜品！Affogato

哩間店同地鐵都幾近，但位置比較入，空間唔算太大，但座位都夠寬同埋軟座，岩哂chill一chill,係旺市中既coffee shop!我地兩個人叫左3 樣野加2 杯飲品，都係400 幾蚊，好抵食又好食！我哋叫咗一份明太子櫻花蝦意大利粉！先講賣相已經一流！滿滿嘅明太子加上櫻花蝦，每條意粉都沾滿醬汁櫻花蝦同埋明太子，口感味道非常之唔錯！ 脆脆地又軟軟地既意粉！好濃味好香口！份量都幾大！另外好推介佢既牛肉沙律，一百蚊已經好大碟仲有好多牛肉，但入面有芫荽如果唔識嘅朋友就要留意啦！至於飲品方面我哋今次揀咗matcha latte同haznut latte，綠茶粉份量啱啱好非常之香，而且特別嘅擺位令到杯面好似雲石一般，鍾意打卡嘅你真係唔可以錯過，味道亦都非常之唔錯！

花墟附近同朋友行完街賞花，沿着太子方向行竟然遇到一間應該開咗冇耐嘅賞島咖啡屋，門口望入去仲好有特色，雖然附近餐廳林立但係經過門口已經吸引到我眼球。一於入去試吓！空間唔算太大座位都夠寬躺而且裝修好靚！枱上面仲有木棉花已經幻想到食物一定有返咁上下鋪排同埋一定可以打到卡！首先嗌在一份芝士烤雞墨西哥餅，餡料非常豐富！好多嘅雞肉再加埋濃厚芝士！大大份而且唔會覺得太膩！燒牛肉沙律呢份真係冇得頂！牛肉用上表面煎到香嘅牛肉而且仲要熟度啱啱好，非常Juice沙律菜亦都好新鮮好滿足！但係要注意嘅係期間裏面係有啲辣椒仔，小編比較鍾意食辣感覺幾刺激但係怕朋友就真係要小心因為都幾辣！同埋明太子意粉都極推介！價錢平靚正！飲埋野加食野都係$200 一個人埋單！

經過太子附近，係一個不起眼既位置見到『賞島咖啡屋』，覺得個名幾特別就行黎望下。再睇下餐牌覺得好似唔錯喎，就入去試下啦！餐廳裝潢優雅簡潔，It is coffee time~水吧位置係店鋪入口處，一入黎就會見到咖啡師沖調咖啡餐牌選擇都唔少，前菜小食主食都有，而且菜式都算特別。Drink Menu既選擇就非常豐富喇~大路既咖啡都有齊晒Hot Hojicha Latte好靚既拉花呀～心情即刻好好飲落亦都好香滑，茶味唔會過濃Iced Chocolate賣相超靚呢！表面亦鋪落朱古力粉飲落朱古力味香濃又唔會太甜芝士烤雞墨西哥餅估唔到係一間Cafe都可以食到咁特別既菜式呢！睇賣相會有少少似甜品，但其實係一道邪惡的芝士烤雞ＸＤ芝士做到拉絲既效果，烤雞肉質嫩滑多汁，配合埋墨西哥餅，口感非常滿足！醬汁帶有些微酸甜，令到進食時唔會覺得膩蜜糖香草烤鴨胸食完烤雞就食鴨胸鴨胸都好嫩滑呀，完全唔會鞋。鴨香味香濃，食落口仲有適量既油脂，非常惹味。另外配料都好豐富，有沙律菜，薯蓉，茹同水果！感覺上有Ｄ似All day breakfast，正！賞島Cheese Cake雖然食完主菜我地都已經食飽左，但甜品係第二個胃黎架嘛

好感動啊!!喺生日周竟然俾我搵到間用心烹調準備嘅小café令我自己一個lunch 都覺得好幸福我揀左個蜜糖香草烤鴨胸, 落左單先醒起會唔會係個d煙薰鴨胸好彩唔係! 而係好軟嫩睇個樣都知好食嘅烤鴨胸肉! 佢超多肉汁但外層就有陣燒烤過嘅香味~ 一上枱已經好吸引。而且佢嘅配菜都好有心思, 隻大啡菇一d草青味都無仲保持左少少爽嘅口感, 非常欣賞搞到食完就想試埋佢個甜品 new York cheese cake, 食得出唔係工場交嚟嘅行貨, 而係好香芝士味口感又好軟綿, 真係好有驚喜!! 下次都一定會再嚟~

賞島咖啡屋湖水綠的店面，有綠色植物點綴，是街角的小清新。蒜蓉花椒蜆肉意大利麵 $98肥美圓潤的蜆，肉質挺身，鮮味彈牙，十分舔舔脷。意粉油潤滋味，煙韌口感，咀嚼時先嘗到微辣，慢慢沁出花椒的麻香，滋味衝擊味蕾。西京燒比目魚 (午餐) $168雪白的比目魚，魚肉鮮味軟嫩，魚皮帶脆，配上甜甜的西京燒汁，份外惹味。墊底的薯蓉既香且滑，啡菇軟嫩滑溜，讓人喜歡。牛油果煙三文魚牛角包 $68酥脆的牛角包，充滿牛油香氣，夾著新鮮牛油果、蕃茄、三文魚及爽脆的生菜， 賣相吸引。三文魚鮮味滑溜，口感豐富， 令人停不了口。蜜糖柚子梳打 $48粉紅色的柚子梳打 ，充滿夏日色彩，拌匀後呷一口， 柚子果香散發口腔，十分清新。

喺地鐵站行過嚟都算幾方便鬧市中嘅一點安靜環境好舒服 同埋好乾淨食物種類唔算好多 主食 小食 飲品去到甜品都一應俱全黑松露薯條份量好多 3-4 個人食都OK醬汁有黑松露味不過又唔會太鹹薯條就咁食都好食 鴨肝多士 好大塊肝呀 煮嘅時間控制得唔錯入口好香 多士冇咩特別 記得要點埋旁邊啲醬汁一齊食好開胃又好食青醬帶子螺絲粉青醬就係有種吸引力 會想一口接一口喺香港都算食過好多間 呢個真係暫時最好食醬汁掛晒啲麵到 入口好cream掂埋上面嗰個白色醬 味道層次會再提升帶子好大粒同埋好新鮮 Tiramisu 合格以上嘅甜品 食嘅時候唔會話好散酒味唔算太重 甜中帶苦 兩個人share啱啱好另外佢擺盤都好靚 好適合打卡Grapefruit tonic 好清新嘅飲品 賣相真係好靚佢上面紫色嗰啲係有顏色嘅冰黎 賞心悅目

今日約咗朋友去新開唔係好耐嘅約賞島咖啡屋食晚餐！ Cafe 喺太子地鐵站附近非常方便! 蜜糖香草烤鴨胸 $128鴨胸肉嘅份量頗多，肉質夠juicy同埋住得好淋😋 配埋甜甜地嘅蜜糖就啱曬啦！ 另外仲有沙律同薯蓉，好夠飽！青醬帶子螺絲粉 $128青醬味夠哂濃郁， 加了果仁，令螺絲粉更有口感！ 帶子三粒都好大舊又彈牙🥰蒜蓉包 $48/5pcs蒜蓉包賣相都好吸引， 蒜蓉味夠香濃麵包好脆口👍🏻 係非常好嘅小食！ Strawberry yakult soda $48粉紅色嘅飲品啱哂打卡！ 本來好怕個梳打會太甜， 但係原來除咗加咗益力多之外，餐廳沒有額外落糖嘅！ 所以就可以放心飲， 甜度適中，加上士多啤梨味酸酸地，好快就飲曬成杯！ 🤩Tpi cheese cake $52Cheese cake 冇好膩嘅感覺 ， 同朋友share一件就啱啱好！咖啡店仲做緊優惠，凡選購正價咖啡即可以半價50%OFF 加購蛋糕一款！ 

星期六同老公去太子賞島咖啡屋食晚飯。Cafe有自助飲水機，可以自由斟水，而且唔駛加一，服務態度又好。我地total叫左四樣野食，四樣都好食，cafe都做到有水準既餐點。西班牙凍湯大蝦蕎麥麵呢個我地從來都冇食過，覺得好特別就叫左黎食。平時蕎麥麵都係日式做法，配西班牙凍湯食真係第一次，結果竟然都幾夾，無違和感，味道帶番茄同微辣，麵條又滑溜，夏天食一流，解暑。蒜油花椒蜆肉意大利麵蜆肉好惹味，意大利麵帶辣，成碟好好食，大讚。孜然烤羊架配自家製薯蓉、咖啡菇、沙律菜，羊架有兩件，無羶味，而且肉質軟腍，唔錯。賞島招牌芝士蛋糕果然係招牌，芝士味濃，口感好軟滑，入口軟綿綿，係好食既芝士蛋糕，作為飯後甜品好滿足。

超級大推！真係好難得搵到咁好味嘅咖啡屋，唔止食物好，連環境都好chill ，又可以輕鬆打卡(*¯︶¯*)最大讚係即使廚房係旁邊，都唔會有油煙味！青醬帶子螺絲粉超級好味！本身已經係青醬fans，呢度嘅青醬唔似罐頭個啲，香料味好香，又唔會過油，味道質感都平衡得好好。唔止個料理用心烹調，連擺盤都唔會輸，靚到嘩一聲！牛油果三文魚牛角包外貌就普通少少，不過入面夾左嘅煙三文魚係高質嘅，口感有，味道無太咸，牛油仲熟到啱啱好，夾埋炕過嘅牛角包食，又真係幾唔錯！黑松露薯條係新鮮炸出黎！上枱熱辣辣，正宗粗薯條，外面脆卜卜入面仲係小小軟心。跟左一兜黑松露醬，多到好似唔洗錢咁，我哋真係瘋狂點，到最後一條都仲有醬！Ice-Hojicha LatteIce-Hazelnut LatteTpi cheese cake

太子哩條街多野食左好對 Coffee 開係到相對上人流都無咁多 可以坐耐d 又唔會太逼莎莎玉米片 $78我最愛 明明屋企自己都整到但就係想睇下出面食會唔會好味d😂粟米片底係我食開既牌子 認得出隻味❤️上面加左芝士再拎去焗熱辣辣加埋忌廉好邪惡 點會唔好食先得架😍明太子櫻花蝦意大利麵 真係好想食哩碟 但買曬 證明多人叫 轉左青醬帶子螺絲粉 $128青醬我本身都好鍾意 螺絲粉條條都沾滿醬汁好好味 3粒帶子兩邊都煎香左 蜜糖香草烤鴨胸 $128 蜜糖味好出 肉係粉粉嫩嫩 整得啱啱好 加埋配菜薯蓉好滑 蘑菇用牛油炒過好香飲品 莓莓益力多蘇打連d冰都係有水果既汁整

今日下晝同屋企人行完花墟，攰攰地又肚餓，行過見到有間綠色門口既小小咖啡室，就諗住入去坐一坐，抖一抖~餐廳有lunch 同dessert set，可以加$20就有得飲埋佢地既咖啡~有pasta, main course 同小食～我地叫左一個truffle fries，帶子青醬螺絲粉，同埋一個佢地既signature cheesecakeTruffle fries即炸粗薯條夠外脆內軟，仲加左D鹽調味！個黑松露沙律醬好惹味，有足料黑松露，食到停唔到口帶子青醬螺絲粉賣相係十分吸引！好似田園畫既擺盤，有士多啤梨做點綴，仲有好多basil，螺絲粉每一條都比青醬包住！當然唔少得煎到外脆既鮮甜帶子。好清新，一D都唔膩！signature cheesecakecheesecake 好濃芝士味但質地鬆軟唔會好硬好實，唔會好甜，仲有雜莓果醬，士多啤梨同藍莓！飲品我地叫左flat white 同capuccino，capuccino既拉花十分有心思，係隻雀仔！一上枱不得不瘋狂打卡！咖啡味道香濃！係太子鬧市中想靜一靜，不妨去賞島咖啡屋 飲杯咖啡慢活一下

今日同男朋友去太子行街睇戲 經過發現太子呢一間Cafe好有特色 入邊嘅裝修好文青 好啱影相打咭 一睇到就😍😍😍 餐廳好闊落 一入到去嘅右邊係吧枱 裏面仲有個書架 嘅裝修主要係用木嘅傢俬 主要色調係啡色 白色 餐桌上邊有蠟燭同木棉花嘅擺設 有少少復古嘅感覺💕💕💕名稱明太子櫻花蝦意大利麵 $128份量好多 明太子好香 意大利粉咬落去好彈牙西京燒比目魚 $168煎得好香好出色 魚油好豐富 魚肉嫩滑 外皮香脆 味道剛剛好 配上旁邊嘅沙律不會太油膩 仲有薯蓉伴碟🤩🤩🤩Summer white $58Flat white加上一片果乾係頂 打咭一流 果香同咖啡好夾😍😍😍Butterfly Lemonade $48顔色好靚 少女心爆發😆😆😆