貳郎燒雞扒 (已結業)

我記得雞地E頭, 食肆林立, 是旦一間, 都應該冇咩所謂。我地二人同行, 一個想食鳥冬, 一個就想食雞扒E間完全係符合我地既要求咁我地一人叫左一樣野 我個frd就叫左 藕餅蒜蓉茄汁烏冬, 我就叫左同一個烏冬, 但就係本店名菜－燒雞扒等都等左一段時間係等既途中都有隔離台催佢地快d咁我地呢d唔急既, 咁就唔理啦, 相信好野係需要時間整話咁快, 兩碗野黎左食左幾啖, 我真係想講一句我食緊D乜?枉佢重係個MENU到寫明「稻庭烏冬」佢完全將稻庭烏冬糟蹋曬將原來inun既口感大大降低, 而且將個烏冬煮到一跎野 淋到呢 好似食緊漿糊…我番到屋企成個喉嚨都係個種texture 好噁心而佢既雞扒, 就不過不失, 除左煎得比較燶之外,冇咩特色。整體黎講, $45, 真係唔抵食… 唔好講抵食, 應該話係完全唔值呢個價個服務衰到我飲奶茶唔比糖, 我地食野又唔比餐具我重先先以為台底有個櫃桶仔自己拎啦 點知.. 緊係冇啦…就惟有我個frd 自己去隔離台個膠箱仔自己拎…都係個句, 冇下次, thanks  

之前曾介紹過貳郎燒雞扒 一間在元朗鳳琴街附近的小店 味道都不錯 今次水太太和水爺來吃吃這裡的早餐 由於店子空間非常有限 我們被安排坐於店外 其實是在體育館後的一條小巷 環境其實不太理想 但心想只是吃個早餐吧 那就算了不過這裡的早餐都算多選擇 當然並不是只有燒雞扒啦水太太和水爺點的都是一模一樣 haha, 我們最愛的沙爹牛肉米線 沙爹味濃，帶少許香辣味 牛肉夠腍 配搭起來真的不錯多士是厚厚的大大塊 好抵食炒蛋真的正到不得了 是水太太最喜歡的半生熟狀態 炒蛋中有蛋汁液滑下來的 好好味就這樣享受了一個滿足的早餐 好幸福哦~~每人約$25 

原來家居附近有這「老翻榮式雞扒」﹗最近上網才發現~~這食店主打是燒雞扒，當然水太太和水爺都是要試試吧~~﹗水太太點了煎蛋雞扒飯，好喜歡那煎蛋的味道，煎得剛剛好，底部是有點焦的，但面的卻仍很滑，好味好味﹗而主角是在煎蛋下面的燒雞扒，雖然外形很像榮式的雞扒，但醬料似乎不一樣，貳郎的是有點麻醬味的，總之都一樣好味吧﹗還有那混在白飯的甜鼓油，很香很合適呢~~ like!!水爺點的是火腿拼雞扒飯，雞扒是一樣的，火腿是煎香的，yummy!!飯都有配湯的，是雞湯來的，沒有很味精的味道，但湯除了雞骨，是用燒雞扒來熬的，有點奇怪，大概可能是昨夜賣不出的燒雞扒剩下來就來熬湯了吧﹗每人約$40，這店會再encoure光顧呢﹗ 

因男朋友很久沒有食藕餅所以中午食飯時便襯午市時間同男朋友拍拖食午飯，去到的時候太約中午1點左右，但只有兩張枱有了(內只有五張枱)，有啲怪，因以往午市都十分繁忙的，門外亦以往有店員在門外工作(吸住煙的)，因用門外亦擺放枱的，叫左兩個雞扒蓮藕餅飯，一杯凍奶荼，一杯凍咖啡，飲品好快便送到，但可能太耐無黎，啲杯由玻璃轉晒膠杯,十分失望,咖啡比以前淡左好多，奶茶亦欠茶味，等左一陣飯到了，賣相可以，但雞扒及蓮藕餅十分咸，連我男朋友都幾食得咸，都接受唔到如此重囗味，食左少少雞扒就算了白飯尚可，望左個肥厨師兩眼,見佢塊面好黑都唔敢出聲，徹底失望了。

今天放假又掛住杯咖啡，咪叫多次外賣早餐雞扒腸仔公仔丐啦飲品當然係凍咖啡啦，早上八點半打落去結果十點先送到，仲要追左三次，結果飲品冰又融晒，湯又凍晒，食左兩啖都無食喇，很希望此店認真去改善，因為本來很有誠意的小店，現在好像無晒誠意的，亦十分希望店主及店員唔好在門外一邊抹餐具一邊食煙，保持衞生

店子位於內街後巷, 可以說一點都不起眼, 由於每星期都會來到附近所以路經看見這間專吃雞扒的店子. 今晚大約七點到達店內一個客人也沒有, 店員在外抽煙和抹餐具, 沒法子, 店子在這位置真是不太好.我和相公各點選了一個套餐, 而套餐均會送上一碗例湯, 冬瓜去濕湯真合時. 足料味道亦不錯.餐飲沒有什麼特別, 還可以.看得到雞皮上的油嗎???我認為吸吸油再上碟會比較好, 雞扒味道沒有什麼特別, 只是吃得出很鹹和點點黑椒味, 另外配料有點炸菜和蔥油, 撈起來真是鹹上加鹹, 出前一丁又過腍, 最終口感是鹹、油!!相公覺得雞扒味道不錯只是偏鹹, 豬頸肉味道可以只是份量比較少, 飯就太過腍了. 我們看見食評多是早餐, 誰不知店員說我們住得太遠不會送如要送要滿二百元才可, ....即是不用試了.

這間小店在樓下開了不知多久，但也是近一兩個月才開始幫襯，原因是樓下的茶記實在太多!!　首訪是個午睡過頭未吃午餐，餓壞了的下午，獨個來到這裡就點了份燒雞扒包拌水果沙律，配上熱飲是$28。成品一上檯時，我還心想怎麼那包燶得要緊? 但一試之下，其實撇開黑色焦的部分，包身的確烘得香脆可口吸引，中間配上夠香口而不會太肥膩的雞扒，以及清新蕃茄片及生菜，那滋味是挺好的。同上的水果沙律就水了一點，如非想要吸引多點維他命及纖維，我覺得淨吃包會更加吸引的!見到鄰桌的冰鎮奶茶很吸引，之後為此與老公前後吃了兩次早餐；果然奶茶做到味道與太興的相近，都是香濃又幼滑，跟餐好像只加$2，就算我其實不太飲（對BB不好，飲兩啖就算），也會點一杯外賣回家，等老公可以回去再回味。這裡的招牌是雞扒，早餐的燒雞扒湯麵($28)也算可以，食客可配搭煎蛋、腸仔或火腿，一份下來也夠飽肚，但要講到麵質當然太興用上丁麵會吸引得多。也試過其他的自選早餐，幾喜歡它的滑蛋十分嫩口而且蛋汁豐盈，同上的多士也烘得金黃香脆，加一點牛油已經十分美味；至於雪菜肉絲米就無特別，這樣加起來好像是$27，也算合理的。在云云食肆中，還是會為冰鎮奶茶及雞扒包重去的

今日放假回來元朗搵食,訓到下晝起身,不過仲好想食個早餐,記得這個舖位以前的小食店的濃茄湯系列超正,就搵到來鳳琴街啦!入到店內看個餐牌才知道轉左手,價錢都貴過以前添,沒法子啦,自從元朗開始起豪宅之後,一帶租金一定會上升。點了:茄湯豬扒通粉配炒蛋和火腿冰震奶茶上一手小食店的濃茄湯系列係用濃縮蕃茄醬,今次係蕃茄薯仔湯,所以無咁濃味。各人喜歡的口味都唔同既,我就幾中意呢個啦。冰震奶茶同太興一樣,唔錯!至於豬扒,炒蛋和煎火腿都好好味,豬扒"頁"得幾入味,夠林,幾大塊。其實第一次來食,應該點個雞扒食,我眼細後來才發現間舖名叫二郎燒雞扒,明顯呢道係招牌菜~一個女仔食,好FULL,可以一餐攪掂早午餐。

大家看見相中的冰鎮奶茶，不要誤會我身處太興，查實這裡是元朗的貳郎燒雞扒。是一間小店，只得幾張檯，中午繁忙時間會有人坐埋出外邊。顧名思義，店子是主打雞扒，我這天就要了雞扒撈公仔麵。撈公肯定沒有炒公仔麵咁香口，不過店方下了點辣泡菜，又提升了食味；雞扒有幾分似名店榮式燒雞扒的出品，尚算香，黑椒的辛辣味很突出，已經達到合格的分數。冰鎮奶茶，不論外觀和味道均與太興的十分相似。

店子位於不起眼的小街，鋪面裝修簡單整齊。 打開餐牌，感覺很像榮式燒雞扒。叫了一個雞扒飯，一個雞扒常餐。雞扒煎得很香脆，但略嫌多油。雞扒不算厚，很入味，有很惹味的黑椒味。二人晚餐埋單$66!超值！ 希望小店可以一直經營下去。

今日放工落著雨同太太搵地方醫肚,試咗一間開張無耐嘅舖頭仔,坐低叫咗一個雞扒藕餅飯同一個蕃茄雞扒通粉常餐,雞扒薄薄哋一啲唔覺肥,少少胡椒味,非常好食,蕃茄湯底食落無乜味精,連飲品凍寧茶同紅豆冰都好好飲,$70唔駛有咁嘅質數晚餐而家都好難搵!

今日放假約埋朋友一齊去食飯，中午1點左右在元朗體育館附近，個friend問我食乜好，我就帶左佢去食貳郞燒雞扒飯，上次食過個甘驚喜既早餐，今次一定去試佢既招牌菜燒雞扒，去到剛剛滿座，有個靚女侍應見到我地好有禮貌叫我地等一陣，果然等左2分鐘就有位，雖然地方細細職員唔多不過招呼好親切，我叫左個雞扒豬扒飯，個friend叫左個常餐茄湯雞扒通粉配炒滑蛋多士，果然同上次一樣食物十分有水準，燒雞扒皮脆而且肉質嫩滑，飯仲有蔥油同炸菜粒伴飯，正合我口味，哈哈，個friend個茄湯薯仔湯同樣出色，炒蛋多士上次已推介，水準之作，之後仲叫左個蓮藕餅小食，外脆內彈口，仲有冬菇好香，唔係周圍有得食，下次買返屋企當加餸先，不過真係幾抵食全日凍飮唔使加錢。又可以當飯堂喇，哈哈

一早去試左個早餐，沙爹牛肉同炒滑蛋多士，配凍咖啡，十分驚喜，牛肉嫩滑沙爹好香濃十分有水準，多士又厚厚的外脆內軟，配炒滑蛋一齊食十分正，有澳洲牛奶公司水準，咖啡更是驚喜，由於本人十分喜歡飲杯凍咖啡先去返工，但附近茶餐廳水準不提也擺，淡而無味，又酸又苦，甘啱聽到前面張枱個先生同餐廳啲伙計講好好飲，所以餐飲選擇凍咖啡{凍飮仲唔使加錢}，個伙計一給我時，個賣相已十分吸引，面頭仲有啲咖啡粉，十分靚仔，一飲更是出奇，因為一間甘細既主打燒雞扒餐廳竟然有杯又香又濃而且甜度又剛剛好既咖啡，十分難以估計，無論飲品食品都比價錢唔成正比，一個早餐$24又有炒蛋厚多士，又有好香濃既沙爹牛肉，仲要係一片片，口感十分好，凍咖啡甘正竟然仲唔使加錢，整定口後食早餐指定餐廳，下次試埋個招牌燒雞扒飯再同大家分享。

呢間店以前亦是餐廳,結業後呢間貳郎燒雞扒立即接力上場,現今已開業一星期.店內只有3人做事,一位樓面兼外賣,一位水吧.一位廚房,座位只得10個左右,店接手後只作簡單裝修和外面加了一部冷風機.服務當然有禮,仲主動說近可以外賣,遠仲末發展到,禮貌詞亦足夠,早餐的價錢不貴.最平20至25元,左右,凍飲不另收費.食物是落單後立即煮,這些風味真是小店才可以做,凍華田:都夠味的,華田同奶味道平均,味道不會太甜好飲.茄湯餐肉蛋通粉:茄湯雖則味道不會濃味.但材料新鮮蕃茄,薯仔,味道鮮甜,帶微微的酸味,十分醒胃,餐肉.熱辣辣,不會太鹹,有肉香味,來貸不俗.蛋,我沒有特別要求上枱時已是太陽蛋.黃似大眼睛望住我,咬下去蛋香味散播出來,好滋味,通粉彈牙,火喉恰到好處.埋單只是22元,我下次再去應該會試雞扒....