貓之茶房 (海防大廈)

營業中

休息中

🇭🇰貓之茶房·呢間我之前見到朋友去已經超想去 所以前排就搵咗日放工去😎我自己覺得佢比我想像中更好 如果大家鍾意同貓咪玩 我都幾推介大家黎😍😍佢環境好乾淨 好光猛 而且貓咪全部都好可愛 啲毛都好光滑🐱·首小時$58 l 次小時$38 l 貓零食$12/全份 $6/半份我自己都幾推介平日夜晚去 因為比禮拜六日少人好多 我哋去嗰日係得3/4組客人 所以係每個人都可以擁有勁多貓 好開心 而且你攞貓零食嘅時候啲貓咪真係會理你 好有成功感🤣🤣我自己覺得佢價錢都好合理 因為我地真係玩得超級開心 拍左好多片 而且佢一份零食係可以兩個人餵到2個鐘 唔使慳住慳住 超級開心😍·藍莓芝士蛋糕$18 l 柚子芝士蛋糕$18 l 韓國蜂蜜柚子茶$6 l 青檸梳打$10其他嘢飲嘢食我自己就覺得中規中矩啦 兩款芝士蛋糕我自己就覺得藍莓嗰個好食啲 因為有啲藍莓醬食落豐富啲🫐🧀·#rbyeat#rbycafe#rby尖沙咀 #rby旺角 #rby太子·📍尖沙咀海防道53號海防大廈3樓3室

有研究指撫摸貓狗能增加我們體內分泌的催產素，又稱「幸福賀爾蒙」，可以舒緩情緒、緩解壓力和煩躁感。可惜好多外在原因未必人人都可以養貓養狗，好彩近年開了不少貓cafe，閒時上去嘆杯咖啡食件蛋糕再玩玩貓咪都真係幾開心架。呢間貓cafe位於尖沙咀地鐵站附近夠晒方便，入店前需做足消毒程序及換上拖鞋，店員好細心講解點樣跟貓咪互動，仲介紹了有哪幾隻貓特別愛玩或親人。店裡面寬敞乾淨又企理，目測起碼有十數隻貓以上，好多都鍾意跳上檯跟客人玩，又會企定定俾你影相打卡，幾乎隻隻貓都好乖巧，而更重要的是這裡的貓都可以供有心人領養，而餐廳本身每個月亦會捐款給流浪貓團體，客人來此消費既可玩貓亦可算是做了善事。講返食物，我跟友人各點了杯芒果Soda及玫瑰Latte，芒果Soda酸酸甜甜清新開胃，咖啡入口都幾順滑；另外，此店暫時只得小食提供，所以只食了雞蛋火腿三文治及藍莓芝士蛋糕，價錢相宜、質素都唔錯。畢竟來到這裡主要是玩貓，相信大家都掛住同貓咪瘋狂影相，食物反而不是重點呢！芒果Soda $10玫瑰Latte $18雞蛋火腿三文治 $16藍莓芝士蛋糕 $18PS.貓貓等緊您領養星期一至五1330-2230星期六日及假期

✨尖沙咀·貓之茶房✨ 🔹🔹🔹🔹🔹🔹🔹🔹🔹🔹🔹好開心終於可以黎貓貓cafe玩，呢間係去過覺得最乾淨整潔的一間，一入門口職員姐姐已經好耐心地同我哋講解入內的規則並必須遵守。入面的貓貓都非常乖巧，毛毛都非常順滑乾淨，又跟人，仲識比手手添！我地嗌左d餐點，坐住一路食一路玩，嗌左個蛋火腿三文治、藍莓芝士蛋糕、凍玫瑰抹茶鮮奶、熱玫瑰花茶。輕食黎講都質素都ok,飲品覺得凍玫瑰抹茶鮮奶很值得一試，每口都有淡淡玫瑰香與抹茶鮮奶混合後，口感一流！我地玩左一個小時左右就離開了，全日入場都非常性價比高，環境恬靜光猛由舒適，可以坐一整天！🔸🔸🔸🔸🔸🔸🔸🔸🔸🔸🔸

之前去過一間叫呀貓地攤…相比之下，地方係企理啲，但係個種照顧初生嬰兒咁緊張既氣氛令人成程都好緊張好大壓力同唔舒服，連小朋友講嘢大聲少少都要shu,搞到好似去海洋公園睇熊貓咁，靜到好似圖書館咁，其實呀女已經好乖，只係指住講嘢，無搞佢哋，又無跑黎跑去，真係嚇窒我，我book左兩個鐘，半個鐘就頂唔順個氣氛走咗，不如直接寫住baby and kids unfriendly ，更加唔好提極到難食既野…俾三百蚊買難受😣Blacklist forever

今晚又去咗貓cafe,呢間貓cafe都幾受歡迎，我哋一上到去差唔多爆埸，好彩啱啱有兩位，未入去店員解釋得好清楚收費同埋規則（因為驚嚇親貓貓），跟住我哋就要消毒雙手，換上一次性拖鞋，之後就可入座啦～呢到一d異味都無，而且店內環境都好乾淨，我哋逗留咗兩小時，都見到店員不停清潔地方～我哋仲叫咗d飲品和蛋糕，飲品$10左右，蛋糕$18，質素唔錯性價比高～佢哋仲有餅乾同埋三文治可以選擇～之後我仲買貓貓食嘅雞柳條$12，可以餵貓貓，近距離同貓貓影相，佢哋嘅貓貓都幾乖～整體感覺真係唔錯，而且店員都有禮貌，我哋下次都會再嚟～

諗住貪得意帶小朋友去見識下咩係貓貓，點知去到小朋友興奮少少叫一兩聲都畀人話嘅人瘋狂咁sh同埋warning，如果真係咁矜貴嘅你不如搵個玻璃盒入住佢啦！何必畀佢哋接觸咁多人！人都冇咁矜貴！小朋友興奮大聲叫係常識我唔識點樣可以控制到小朋友唔叫囉，可能嗰度啲侍應生冇小朋友唔識體諒父母啦，嗰度啲侍應生如果有辦法可以幫我控制到小朋友唔叫嘅麻煩教下我，所以如果小朋友嘅記住唔好去嗰度！佢好應該整張牌喺度而小朋友大叫請勿內進！

嘩喂，今日去左間貓之茶房，環境真係幾舒服，好適合發懶咁。首先，唔得唔讚一下佢哋嘅招待，好貼心，整個地方潔淨得嚟又親切。無論你系貓控定唔系，呢度都會有款待令你覺得賓至如歸。都話係茶房，當然要講吓飲品啦！啱啱試左佢哋嘅蜜瓜汁，清新得黎又唔會太甜腻，真系解渴得嚟又清甜。另外個柚子蜜茶，用詞形容就系“夠曬滋味”，甘香嘅柚子味道配合蜂蜜嘅甜，係口腔裡面化開咁，飲咗之後整個人都精神曬。最正嘅系，我邊飲邊有啖啖可愛嘅貓咪陪伴，啲貓仔個個都玩得咁開心，睇落真系心情都跟住好起來。而家貓控嘅朋友仔，你哋知唔知玩貓之餘仲可以飲到啲咁得意嘅飲料？嚟呢度就啱哂啦！ 🥤😽🍵

今日難得同男朋友一齊放假，當然要好好拍拖享受一下二人世界👫作為貓奴既我地，黎到尖沙咀的貓之茶房，一邊嘆下午茶🫖一邊同主子們🐱享受天倫之樂🥰🥰入店前準備🫡1. 店員會細心安排我地消毒雙手+換上即棄拖鞋2. 介紹收費（閒日首小時$58，次小時$38）3. 温馨教導客人如何同貓咪🐱互動4. 提醒⏰客人有個別比較膽小既貓咪🐱店內裝潢設計舒適休閒，有充足陽光☀️俾主子享受日光浴👍🏻👍🏻每枱客人都有提供一個逗貓棒🪀去陪主子互動☺️☺️客人亦可以購買貓零食（一份$12半份$6）除此之外，店內更有免費提供不同書籍📚、桌遊🪆以及充電寶🔋三五知己可以度過輕松愉快的時光🕰️🕰️🐽藍莓🫐芝士蛋糕（$18）藍莓果醬酸甜開胃，蛋糕體🍰芝士味濃郁，口感結實而濕潤，有一點點糊口🤤🤤🤤🐽 柚士芝士蛋糕🍰（$18）蛋糕頂層是柚子味啫喱，口味清新，帶淡淡柚子香甜😋😚🐽玫瑰抹茶🌹🍵鮮奶 （加$3轉燕麥奶）（$21）有抹茶🍵味十分濃厚，有微微的苦澀，加上玫瑰花🌹香味，兩者味道非常之夾👍🏻👍🏻👍🏻🐽燕麥奶玫瑰Latte （$20）Latte入口順滑香濃，有玫瑰嘅淡淡清香😋

今日就去咗尖沙咀既貓之茶房玩餐廳入面超多唔同款式嘅貓貓, 整體D 貓貓超得意, 每一隻都有獨特既性格另外, 入邊嘅貓玩具設施相當豐富, 有唔少打卡嘅位置, 仲可以另外加購貓貓嘅糧食去餵貓貓收費第一個鐘HKD58，之後每小時HKD38，飲品可以選擇自費購買, 食物款式主要係輕飲甜品, 芝士蛋糕等, 飲品方面主要係茶 & 咖啡類抹茶鮮奶抹茶味道比較濃郁, 另外轉配燕麥奶,飲落香滑朱古力松露蛋糕芝士蛋糕係好實在嘅質感, 朱古力味香濃, 唔會好膩D 貓貓都唔怕人而且願意俾人摸, 用餐嘅期間貓貓成日都係啲枱凳旁邊徘徊

每次嚟親尖沙咀海防道呢個路口位，都會見到樓上有間貓貓Cafe舖，今次就終於約到朋友一齊上去玩貓貓，呢度收費係首小時$58；之後每個鐘$38入到去會有個門關位，店員會喺度同我哋講解入場前嘅須知，亦提供嘅即棄拖鞋。店員好細心，入去之前會提醒我哋有邊啲貓貓係我哋要特別注意，例如啱啱收編嘅浪浪，可能會比較怕人或者某啲部位會提醒我哋唔好掂到，好細心～之後我哋就可以入去睇貓貓啦，入到去好驚喜😆貓貓數量都好多，而且隻隻都份量十足😆好肥美好cute😆 最驚喜嘅係呢度有啲貓貓係唔怕人，我哋一坐低就即刻過嚟迎接我哋，要我哋摸～有啲貓貓仲好痴人😆坐住人哋嘅大髀入面好多唔同嘅角落都可以比貓貓有自己嘅私人空間，而呢度最特別係唔單止係個貓貓Cafe仲好似啲party玩咁有boardgame可以玩，甜品飲品價錢都好優惠，亦都有好多貓貓棒同埋一啲梳毛工具俾你同貓貓互動，所以體驗不錯👍🏻

｜ 貓之茶房 (尖沙咀)📍尖沙咀海防道53號海防大廈3樓3室朋友加拿大返黎 想搵個地方靜靜地傾下計而朋友又有養貓 又鍾意玩broad game 所以就打算搵下間貓貓Cafe坐下。意外搵到呢間貓貓Cafe~而且好近地鐘站 基本上落車5分鐘內都到了位置相當唔錯。一去到店員好清楚解釋注意事項有d貓貓係浪浪黎 所以會比較怕人 會教我地點同貓貓相處確保客人同貓貓都唔會整親☺️而且大家都要換拖鞋入去 保持地方清潔👍🏻呢到貓貓全部都好可愛同肥嘟嘟 顯然店員都打理得非常好🥹 地方十分整潔！！輕食同飲品價錢都十分親民✨🔅白桃梳打 $10🔅抹茶燕麥Latte $20🔅柚子芝士蛋糕 $18🔅朱古力松露蛋糕 $18#貓貓cafe #打卡 #消遣活動 #桌遊 #貓貓 #甜品 #貓之茶房 #foodiehk #food #cafe #cat #hkcat

慶生日跟愛心爆棚的好友走到一連鎖貓咖啡廳親親貓星人茶房環境寬敞舒適又乾淨，有足夠空間感打卡店舖致力幫助流浪貓，咖啡店內的貓貓均是領養貓除了可以與貓咪互動，亦可借用棋類遊戲遊玩閒日收費每位首小時$58，次小時$38，全日任坐只須$118小食有驚喜，朱古力松露蛋糕絲滑柔順，口感濃郁冰凍的朱古力咖啡，有少甜選項，甜度適中不膩口格雷伯爵紅茶可免費添飲，有著柑橘的特殊清香店員細心講解注意事項，大小朋友玩都盡興自由貓貓非常乾淨，會主動讓客人摸摸，十分可愛

貓控必到！！！又可以食嘢又可以玩貓一次滿足兩個願望嘢飲正正常常同出邊買嗰啲冇乜分別今次係平日嚟所以人都唔算話好多重點係貓貓真係超級得意玩完之後壓力都少咗下次有機會再嚟

【尖沙咀•貓之茶房】@catstearoomππππππππππππππππππππππππππππππ尖沙咀貓奴基地 嘆茶俾貓圍 好正牙！茶房有各式飲品同小蛋糕曲奇提供 價錢便宜 餐廳採用白色格調 適逄聖誕節日佈置 氣氛一流 有唔同既品種貓咪仔 好可愛牙 餐廳設有貓零食專櫃都係12蚊一份 仲可以免費借用逗貓棒 可以同貓咪一齊玩添餐廳入場以每小時計算 首小時58$ 次小時38$ 大小同價 入場前店員都會講解一次注意事項同叫客人著上即棄拖鞋同消毒雙手 十分細心同時亦提供左唔同類型既boardgame玩 一次過滿足你休閒寫意嘅貓貓假日之旅我就嗌咗凍嘅抹茶鮮奶及凍鮮奶同埋朱古力松露蛋糕以及朱古力曲奇 質素都唔差㗎餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300/2人 2小時連飲品小食✨✨✨✨✨✨✨✨✨✨✨✨✨#尖沙咀美食 #貓之茶房 #web3尖沙咀貓之茶房尖沙咀海防道53號海防大廈3樓3室

同朋友喺尖沙咀行街，行到攰攰地喺附近搜羅到呢間貓貓Cafe呢度啲貓貓好可愛仲可以借用逗貓棒佢哋玩佢地好乖，唔會偷食店內嘅環境好乾淨可以歇吓腳之餘，又有飲品同輕食最開心可以同朋友玩下Boardgame 輕鬆一下食物同飲品價錢好抵平均十幾蚊已經享受到✨藍莓芝士蛋糕 $18✨ 朱古力松露蛋糕 $18✨ 朱古力曲奇 $12✨ 抹茶合桃曲奇 $12✨蜜桃紅茶 $12✨ 燕麥奶 Latte $18叫咗6款野， 仲有餵貓貓嘅零食都唔洗$100, 真係好抵以後放假諗唔到去邊，都可以再嚟喇