豬扒之家 (已結業)

近來頗有人氣的小店,上星期午市剛過的時侯經過,見人不多便入嚟試吓.鋪面好細只可擺3張檯,加埋唔夠20個位,菜式似乎不少,主要分為烏冬,拉麵,飯及小食,叫咗個吉列咖喱豬扒飯($27),炸雞軟骨($20),汽水($3).吉列豬扒係即叫即炸,好香口,炸雞軟骨同樣炸得香,以一間街坊小店的標準可以肯定是水準之上,如果要挑剔,當然有要改善的地方,例如豬扒較薄,雞軟骨無乜調味等,但以呢個價錢而有咁嘅質素,可以收貨.厨司是一個後生仔,廿歲出頭,好有心機預備食物,其他類似伙計的阿姐阿嬸們應是店主的親戚,真係全家總動員,剛巧上星期會考改榜,見到好多年青人撲學位時那種彷徨的情況,真係好想同佢地講學番門手藝,話唔定將來可以做老細.

從來沒想過自己會光顧這店, 因地理位置實在不就我的腳... 不過凡事無絕對, 遇上一個下午我會到大角咀, 又因不熟路的關係路經此店, 時間地利人和, 就試一下吧Q版軟心芝士豬扒烏冬怎麼說呢... 有創意吧! 豬扒patty內有白色芝士, 估計是某大牌子的出品, 豬扒density頗高, ok~ 烏冬也有口感, 當然, 30多元一個, 不能要求是甚麼大師級水準呢日式咖哩豬軟骨扒飯豬軟骨扒也是創意之作, 碎軟骨放在豬扒內炸, 香口特別店子地方淺窄, 會令很多男仕卻步呢...不過這小店的確值得支持的

再次一到來這個"家"，原因是之前約好了其中一位食友來這裡試吃，可惜自己先"偷步"了，所以便再約這位食友跟另一位活潑好動的女食友一起再臨這兒。說起來也有點不好意思，因為天氣熱而令到原來的慢速減慢了(迷之音:這是藉口!)，所以比相約時間遲了一點才到達。到達後跟女食友談話了一會，另一位食友也到來了，於是便開始點菜。兩位食位不約而同點了豬軟骨滑蛋飯，而我當然要試新的東西，就來個香煎軟心芝士豬扒滑蛋飯，女友則是咖喱吉列豬扒飯。先說一下前菜，今天改了為海藻豆角，雖然不是上次那個滑滑的薯蓉，但轉個新口味也是無妨的。 原以為這個沒甚麼特別，原來另外加入了一點點的木魚片，令到味道濃厚了也未至於原來的那麼單純。今天的<<吉列豬軟骨扒>>炸得很有水準，或者是看到我上次的建議吧。外層炸得黃金脆口，沒了上次因太多醬汁而變淋的弊處。不過，軟骨的份量明顯比上次減少了，是不是因為要做到香口的關係，而要去減少軟骨才行呢﹖希望不會是顧此失彼吧......而我要的<<香煎軟心芝士豬扒>>，樣子是一大球的豬肉丸子，把它切開後能看到中央部份的芝士。味道方面，豬肉算

一家只能提供最多十一、二人的小館，環境一般，但勝在態度都友善。二個人叫了豬扒飯、雞軟骨、dumpling。豬扒飯比我想像中好 豬很入味 只是飯太小 要到吃完時 看到訪問的內容才知道可以加飯 唔.....應該主動告之客人雞軟骨 ~ 沒特別 因為一點調味都沒有 雖然份量多 但最重要是味道Dumpling ~ 本以為是自家制 原來只是公仔點心 有點失望

約左兩位友人一齊去追隨一下<蝙蝠俠>熱潮，朋友問︰「咁去邊度好呀?」我點名要求去奧運睇，為嘅就係依碗豬扒飯。以前唻到大角咀，半步未離開過奧海城。依幾個月卻試過三次，第一次係去唱K，第二次去神廚館，今次係第三次。原來奧海城以外嘅地方都幾值得探索一番。叫做「豬扒之家」，扒女就冇，但係由兩夫婦打理，加上簡單的裝修，幾有「家」的感覺。地方很細，但我地三個人坐左最大張枱，都未致於太逼。坐低左，叫左野後，老闆娘隨即遞上三小碟配菜。係四季豆同昆布，味道清清，係唔錯的前菜。以佢嘅價錢，冇諗過會有配菜，所以點都係一個bonus。吉列豬軟骨扒飯︰唻到已經大失所望。豬扒好濕，一睇就知係林晒，而且滑蛋亦都偏少。可能係錯覺...但總覺得其他食友照片中嘅豬扒比我嗰件靚好多，起碼冇好似浸濕左。豬扒味道好一般，加入軟骨好有心思，但只限於「特別」，唔算係好食，因為感覺好「空虛」，可能普通豬扒啖啖肉會好食D添。反而滑蛋夠滑而且幾香，配起熱辣辣嘅飯相當唔錯，只嫌少左D。雞軟骨餃子︰普普通通。皮幾薄，味道唔錯但略油左D。朋友叫了軟心芝士豬扒，唻到時以為唻錯野。本來以為同個吉列豬軟骨扒差唔多，點知變左芝心丸。但

本來是美味的豬扒,幾時成為用來形容醜女的詞語?在大角咀有間以豬扒作主力的小店"豬扒之家",如果用另一邊的思維去想,可能會諗到"醜女之家".而這間小店是兩口子併手抵足經營,環境狹窄,十個人都坐不下.這夜四個人坐在角落,都覺得很逼.其豬扒是用日式來演繹出來.深信大多人最熟識的,是吉列豬扒.這店除吉列豬扒之外,亦有一味"芝士軟心豬扒".點為之軟心,其實是將芝士釀在做成肉丸狀的豬扒內,吃罷感覺不似吃豬扒,反而似是吃著平滑版的漢堡扒.而流出來芝士,又不是很cheesy.小弟的滑蛋豬扒飯,豬扒當然是吉列.其豬扒是加上了豬軟骨在內.在金黃的麵飽糠外層包著的豬扒內,難怪多一份脆口感.又幾特別.飯底用的是日本米,伴以香滑的滑蛋洋荵,非常美味,可惜滑蛋份量不算太多.炸雞軟骨爽脆可口.麻甩佬吃的話,少不了一杯啤酒.比起落花生,薯片爆谷更高層次.始終以三十多塊的價錢,來換取一頓蠻有創意的小店風情,也算超額完成了.繼續努力.

大角咀近年成了新興食區~不過地點就確實有點隔涉幸好這店不難找~就在大街處..只有3張檯..一眼望晒~七點半之時~空無一人但很快就滿了~實情是真的沒有多了個位這店最特別的莫過於是牆上的公仔~全是這對年青夫婦店主手繪以可愛的粉紅豬為題~為小店帶來生機~當店主想拎餐具。茶。前菜給我時~我交代了4位後~~就別過頭去~沒有再給我任何野...呆呆的等著....(我倒是以為會拿4份餐具和茶來了的嘛.....)人齊後就點菜了~都是豬豬豬同豬..haha前菜是海藻與豆角。水準一般此店自創的吉列豬軟骨扒配滑蛋飯。炸得金黃夠香夠脆豬軟骨扒的定義就是在豬扒中切一口好釀些軟骨碎進內吃下去就有雙重口感~~但可惜小比卻吃不到有特別之處..滑蛋飯反而做得不錯~洋蔥也夠多~拌著珍珠米也是不錯至於香煎軟心芝士豬扒就有點取巧~實為大型''芝心丸''起初會expect是漢堡扒的感覺~但又是彈彈的~是肉丸feel的~賣相同口味小比也只覺一般而已最受歡迎的就是這碟炒雜菜~哈哈~只是$20就有一大碟你一言我一語~就吃清了~~始終吃多熱氣野~食返d菜感覺好一點香口的炸雞軟骨也不錯~炸得夠鬆夠脆又有咬口~就如大家所說~只欠一罐啤...

下午時候, 睇完電視諗住食返個午餐上openrice 睇下有咩好食, 見到呢間既lunch , 價錢都唔算好貴所以就去買個外賣返黎食啦 !諗左好耐終於都點左 : 吉烈豬扒滑蛋飯 lunch $ 25我企係出面等外賣 , 唔知係咪老闆娘 見到我咁熱 都叫我入去鋪頭坐好彩冇阻住佢做生意 !返到屋企, 拿拿聲開碗飯黎睇可能外賣既關係, 都乾身左d 蛋汁唔算太多, 但洋蔥係面好好食豬扒開頭咬都脆身, 但放耐左都林晒下次我會試下個軟殼蟹, 因為見到好似幾好食 ^^ps ::: 間鋪都算幾迫, 老闆幾時擴大店面 ?

其實跟另外兩位食友一樣，也是在同期收到邀請的，不過在那幾個星期中，身體總是抱恙未能痊癒﹔在不想食後不得其味的情況下，到了今天晚上才有機會"一澤豬親"。這家小店的地址有點"偏遠"，若不是特意過來我想大部份食友都不會經過。在店門牆上有一隻很"肥大"的肥仔拿著箭嘴牌指向店內，就好像在向路人招手般。在下菜前留意到牆上的豬豬圖畫，細看之下原來是店主二人之作，豬仔的樣子都很可愛，可說是靚靚版的麥兜。是晚雖然味覺差不多完全康復，但是食慾還要多一點點時間來回復，所以在點菜時也只食了能吃得到的份量。我們要了炸雞軟骨、煎餃子、吉列豬軟骨配滑蛋飯、和薑汁牛肉飯。先來的是送的小前菜 - 薯仔沙律。薯仔弄得幼滑沒粒粒，混合了牛油和沙律醬，味道少許甜而香，不錯。如果你問我為什麼身體不適還要了炸雞軟骨，我實在回答不來，因為一看到便下意識要了。而這個雞軟骨卻沒有令我失望，炸炒薄而脆，軟骨有嚼頭而不過硬，唯一美中不足就是欠缺了一杯冰凍啤酒。煎餃子的樣子跟之前的好似不一樣，可能是改良過來的。餡料帶甜而材料豐富，味道是不錯的。不過在煎後的隔油功夫差了一點點點，以至餃子的底部外層仍殘番著很多的油。詰個要留意。吉列豬軟骨配滑蛋

我們倆第一次應約去試食…之前睇左食評, 原來有”行家”已經去過…評價真係唔錯…我地咁為食, 難得有人請到, 點會唔去試呢!!!…在次首先多謝店長的盛意邀請…我地都好有盛意架,今朝一早已經食左大角咀既車仔麵皇車品品,跟住就去奧海城,再去埋Element…嘩!跟住好大雨,不過都堅持赴會,為的是那份盛意…一來到,有點意外,點解得三張枱,兩個職員…(已包括廚師)…原來佢地好似我地咁, 係兩口子(我地估計)…好彩我地早來一步,因為跟住有一大堆人到來,最後佢地都要分枱,有d仲要係門口等…入正題,老婆仔叫左炸軟殼蟹手打烏冬,隻軟殼蟹炸得唔錯,無乜油,幾新鮮,而碗烏冬確係唔錯,都算中上水準la…而老公仔就食左鰻魚配滑蛋飯,正!條鰻魚又大又厚,而且燒得啱啱好,仲叫佢加多d燒汁,而個滑蛋飯都好好味,係日本米,而蛋亦都炒得啱啱好…我地仲叫左呢度特別菜式---雞軟骨餃子,咬落去都有d趣趣地, 都幾得意我們不才,只係一對為食夫婦,談不上俾什麼意見,不過店長請得我地來,應該係想聽下我地既心聲:首先…係一個唔知有無得解決既問題,就係地方太少la,最直接當然會影響生意la,就算有人行過睇到,可能會覺得唔舒服而唔光顧,

以「豬扒」為名的，也不用再問首本名菜是什麼。找個下午來吃，人客不算也，這裡舖面也小，檯也擺得密密的。店員推介是吉列豬軟骨扒及香煎軟心芝士豬扒，不想吃得太膩，就要了吉列豬軟骨扒。飯也可以選擇咖哩飯及蛋汁飯，我當然選蛋汁飯，因為最怕甜甜的日式咖哩。很快便有得吃，有效率。吃一件吉列豬軟骨扒，原來是豬扒中間切開一道口子，中間再放軟骨，同時間可以吃得到軟骨的口感，又有吃吉列豬扒的味道，就是「獨創」，果真如是。加了醬油的蛋汁，滲進了飯粒內，美味。而對於我來說，應該會比日式咖喱更對胃口。街坊小店，服務親切。店員不忘提著不夠飯時可以隨意添加，也會提議菜色的選擇，很不錯。埋單32蚊，經濟抵食的。題外話：早前收到這裡的主理人邀請，可以以折扣價來吃晚餐，順道聽聽食客的意見云云。在此謝過，亦覆電郵回謝。雖然本人不接受款待，但也感受到主理人重視客人的意見，從而改進食物的質數，是食客之福。

師傅知道昨晚冇住家飯食, 所以就把心一橫出去搵下野食, 知道會喺呢頭附近, 所以就決定喺呢頭搵野食, 期間亦同食家好友"今餐食乜好"閒談, 咁啱佢又得閒, 所以就相約一同晚膳!落左車就見到呢間食店, 師傅印象中呢間食店嘅評分都唔差, 所以就決定入黎試下! 入到去店內冇咩人, 地方都幾細幾擠逼, 得三張枱, 睇得出係小本經營; 伙計好友善咁招呼, 坐底後就同食家"今餐食乜好"商量下食咩, 最後柯打左一客雞軟骨餃子, 香煎軟心芝士豬扒咖哩飯, 自家制吉列豬軟骨扒咖哩飯同埋一客北海道鐵板牛油帶子, 再加兩罐汽水!等左一陣雞軟骨餃子率先登場, 一客五件, 雞軟骨餃子內嘅雞軟骨確實幾鬆軟, 唔會太硬, 但餃子皮唔脆又韌, 基本人一夾起件餃子, 內裡嘅雞軟骨好似就快跌晒出黎, 賣相唔得, 口感都唔算得, 普通!再試下香煎軟心芝士豬扒咖哩飯, 當師傅見到個賣相, 當堂打左個"突", 點解個香煎軟心芝士豬扒咖哩飯會變左獅子頭咖哩飯架? 賣相同想像中好有出入, 明明話豬扒, 點解會變左免治豬肉架? 咁好似有少少誤導喎, 不過點都好, 試下個咖哩飯先, 咖哩都幾香, 不過就幾杰, 而d飯都幾濕下, 口感麻

星期六晚黎呢間新新地既日式小食店試下,雖然時為八點半有多,但係竟然差點無位,好在想打退堂鼓前發覝尚餘兩個「吉」位,於是就同小牛坐低點菜。講到無位,就先要評一評呢間小店既環境。無錯,佢的確係小店,因為面積真係好細,全店只有一張大圓桌同兩張四人方桌,所以我估計,好似當日全場滿座既情況並不罕見。其實呢個係呢間店子既一大弊端,即係面積唔夠大,唔單止好容易流失客人(好似我地咁,當日差少少就走左),而且我地坐低食野時,都覺得有點迫,唔係十分舒服。不過,抵讚之處係店主相當友善,會問客人對菜色既意見,而且雖然咁多客人同埘點菜,但係大廚(相信同樣係店主)算快手快腳,我以為咁多人點菜,落左咁多張單,起碼十五分鐘以上先有得食,點知佢竟然可以係十五分鐘內搞掂,實在係一大驚喜!食物新鮮必然既,因為即叫即整,所以黎到仲熱辣辣。食物正式黎之前,估唔到每位客人會有一份前菜,不過我知前菜係乜,一小碟,似麵又似粉絲,但比粉絲粗身,米色,口感煙靭,加左酸酸地既汁,無味但得意。點左自家製豬軟骨扒配滑蛋飯,聲稱自家製,果然係別處未食過, 豬軟骨扒外脆內軟,炸皮薄薄但香脆,做得好好,裡面既豬軟骨應該係整搞勻左再整成扒狀,口感特別

因為近公司，所以我成日都會去幫襯佢地。佢地Ｄ珍珠米煲得好滑好香口，而且吉列豬扒都整得好好食～而且最好的地方係全店上下都係笑面迎人，唔係皮笑肉不笑果種，而係真係當客人係朋友咁會同佢地閒話家常，呢一份感覺好難得。另一個我好欣賞的地方係佢地可以任你添飯添汁，我次次都加兩次飯，裝到成個大飯碗都係滿滿的咖喱飯，真係食到飽一飽至出門口架。

開業五星期, 已經去過五次.奧運站B出口, 經滙豐中心電梯落到博文街, 直行到大角咀道, 向右邊方向走, 直至見到紅色燈籠就到 (61號). 大概行五分鐘或以下.雖然舖細細, 但食物質數好以及廚師煮得好好味!每一樣都不太咸, 不太油, 很適合香港人口味.自家制豬軟骨扒值得一試, 軟骨一點也不硬, 咬得爛.他們用手打烏冬, 好軟, 好滑, 有入口即溶的感覺. 不像平時打邊爐白色實實粗條那種.其他試過的有: 軟心芝士豬扒, 薑汁豬肉, 芝士日本年糕, 日式餃子, 雞軟骨餃子, 抄雜菜, 芋頭栗子餅, 照燒一口雞, 黑椒鴨胸, 鰻魚, 帶子, 多春魚, 軟腳蟹有些食過幾次也不懕. 他們也有素主菜, 所以素食朋友也可以去食.