豬扒之家 (已結業)

都是經過OR research 才來這裡試一試的, 看看其豬扒是否真有一手。平時走過都幾多人, 可能我今日早o左少少o黎, 即刻有位。左看右看, 就試試那款推介的芝心豬扒吧。其實一早知, 那不是豬扒，而係包o左芝士o既豬肉球。 飯就是珍珠米類。豬肉球好像不甚有豬肉味, 芝士嘛, 有點兒失望哩。雖則係熱熱的, 份量叫做恰當啦(唔係話要爆出o黎咁), 但唔多食到芝士那種原味, 黏黏的口感也欠缺…… 食完, 頗有快餐店的滿足……那杯熱綠茶, 反而更有味道……

I made a call for a reservation of six in this afternoon. The staff was confused and did not want to do so . They even 晦氣地說「盡量啦！」. I dropped the reservation and say forget it. From its matter you can tell the standard of this restsurant. Totally not recommended!

家住大角咀呢間小店已經路過多次, 但因唔起眼, 所以亦都走漏眼招牌咖哩豬扒飯好味, 豬扒外脆內軟, 咖哩香辣唔會過份甜西蘭花芝士球 + 雞軟骨棒, 呢兩個都好好味!!! 食完再想, 前者芝士味香, 後者同出面D日本餐廳味道有過之至無不及, 最大問題係...前者$6/2粒, 後者$7/支...過份吧!!!炒豚肉湯烏冬, 味道合理, 不過平時係配飯居多, 呢個食法, 感覺略油膩.下次屋企無煮飯, 我一定再黎食!

D野食好普通, 無咩特別叫左個Q Port chop rice 唔係好好 太少meat... 係少得太過分Service 都係MAMA 地之後想叫小食, 不過仲貴過出面果D唔會再去

咖哩吉烈豬扒飯芝士條入到豬扒之家,沒有華麗既裝潢,好似家庭式小食店,最令我留意既係牆身大大小小既豬仔,可愛極了!豬扒理應是他們的招牌菜,那當然要叫一客吉烈豬豬試一試,咖哩汁中規中矩.但係於大角咀地區既日式咖哩已經叫做ok!豬扒太薄身,跟本唔會係叫豬扒,叫炸牛仔肉都還可以!不過可能係一個賣點,小吃多求!另外既炸芝士用左馬蘇里拉芝士,加左d番茜碎落d麵包糠度炸,都叫正常既出品,不過位於大角咀都算有特色!

其實呢間野已經食過好多次,次次都想食完返黎就寫食評,但係成日都唔記得~今次終於記得同埋得閒寫啦~我最常叫既就係佢地既1號咖哩飯~即係豬軟骨扒咖哩飯~個豬軟骨扒真係正到暈!平時就算幾好食既咖哩豬扒飯,都總係會覺得塊豬扒始終都係「鞋鞋地」同埋「梅梅地」,但係呢間既豬軟骨扒既整法可以令塊豬扒完全無左呢總感覺!真係好好味!仲有就係佢地既咖哩,整得都係好正,食得出係靠洋蔥同紅蘿蔔令到咖哩有甜味而唔係靠落椰油,個味道正之餘仲要健康~正同埋間店可以比你加飯同加汁,真係超好!對於我呢d勁鐘意汁既人黎講簡直係恩典另外不得不提既就係我另一樣最鐘意既雞軟骨餃子~如果話個咖哩飯係全大角咀最好味....咁個雞軟骨餃子就係全香港最好味! 個雞軟骨餃最成功就係d料同個皮match得天衣無縫,個皮好薄好靚,o岩o岩好可以包住d料,無多無少,仲要一咬落去係乾脆利落,一下就可以咬斷個皮,呢種手勢真係我食過咁多間煎餃店都無一間做得到!gor 種感覺真係超正! 其實呢間店可以揀既菜式唔算多,但係佢可以比你揀既菜全部都肯定有一定既水準,真係可以話亂叫野食都一定唔會食到唔鐘意既野, 好希望見到間店真係可以愈做愈大,呢間真係一間好

前幾日同朋友食完這間豬扒之家，成日經過，都無時間去試，終於有日可以好去試一試，終於食到它們的炸豬扒，不過比的想像中差，食了一塊一D都唔脆的炸豬扒，好像一早炸定這樣，如果無乜特別，應該都唔會再去食，除非有所改變。

有事要到大角咀去，由於閒時不常到那頭，這次便特意找一找有甚麼好吃，寒風陣陣令人尤其喜愛濃香熱辣的食物，便選了豬扒之家。時候尚早，店內只有一兩個似是街坊的叔叔伯伯在吃飯。沒錢也只要就住叫，有特價的set包汽水便不多想了，叫了set的照燒一口雞咖喱飯，因為為食side　order了香草芝士條。芝士條先上，炸起不會油淋淋。不過芝士可能不是特別或高價貨色，還是銅鑼灣的嵐山料理的炸芝士勝一籌，當然這是一分錢一分貨，$8和$22有分別是正常的，這$8就當用來過口癮。吃完了芝士條，咖喱飯也來了。份量算是不錯，抵食，女孩子應該會很飽了。雞塊一口siＺe，加起來大約和一塊普通雞扒差不多吧。雖是froＺen　chicken，但有心做出照燒的感覺也算了。咖喱汁給了好多，一定夠撈飯，味道則是甜甜的日本咖喱味，可惜我向來不太欣賞不辣的日本咖喱。整體而言是有心的街坊小店，而且店員和廚師都很親切友善，$30幾的價錢，算係咁啦p.s.店內牆身是自家人畫的可愛圖畫，看得人心中暖意洋溢

最近，日式吉列豬扒店愈開愈多，其中以尖沙咀的銀座梅林及浪漫館橫浜的出品特別吸引，一張又一張的「炸豬相」令我看得心癢癢，可惜聖誕花費太多，新一年要節衣縮食，貴價的只好留待下個月，平有平食，不如去大角咀試試住家式的吉列豬扒飯吧。豬扒の家店子不大，只得十數個座位，一坐下便發覺周遭全是 OpenRice 的食評，包括 JJcaptain、Dragonfir、雪儀等資深食家的文章，感覺份外親切。目標早已鎖定吉列豬扒滑蛋飯，套餐價只是三十元，包前菜及罐裝可樂，另加一客吉列豬軟骨扒咖哩飯 (晚市價 $35)。食物即叫即製，先試開胃菜味付螺肉，份量不多，螺肉味道酸酸甜甜，再加一些青瓜粒，感覺涼快。先來的吉列豬扒滑蛋飯，金黃色的吉列豬扒炸粉很薄，十分脆口，內裡肉質帶點煙煙韌韌的感覺，十分標準。豬扒下的滑蛋的確滑溜，味道較淡，唯份量不多，未能完全覆蓋白飯。珍珠米煮得軟熟，但拌飯的洋蔥只得兩三片，整體感覺不錯，細微處卻未夠稱心滿意，應該可以做得更好的。至於賣相特別的吉列豬軟骨扒，據說秘訣是在豬肉內加入豬耳絲，入口除了來自炸粉的鬆脆外，還有豬耳的爽脆，口感豐富，但若論豬扒本身的肉質，則是普通吉列豬扒優勝。日式

尋日去奧海城之前獨個兒去左大角咀食個lunch 先.去左豬扒之家. 日本野既鋪頭入面環境應該唔錯.但未入門口, 首先冇門先, 只有幾條膠條, 入到去, 見到只有兩張4人台同一張大圓台. 看來間鋪頭比想像中細好多. 而且亦非日式佈置我1點左右去到, 入面冇乜人. 睇黎唔錯, 咁就入去坐.坐低就嗌左芝士豬扒拉麵$32, +$3 要汽水, $3 有罐汽水算唔話得, 話晒大熱天時.我開頭擔心那個Q版芝士豬扒會好細個, 但其實都唔算細, 佢個厚度係足足有一吋咁厚唉, 不過好可惜比我見到阿大廚哥哥拎塊豬扒入微波爐叮再放上麵上.其實我係想食吉列豬扒多d, 不過鬼叫佢哩個芝士豬扒係招牌. 頂多下次再食吉列啦.食左兩啖豬扒, 依然見唔到芝士流出.原來芝士o係另一邊流左出黎.之後再食多d, 一口咬落去. 唉也. 比芝士辣親條脷!!d 豬肉食到中間有d 紅紅地色. 不過我相信都係熟既... 而且我相信自己體格拉麵比較硬, 唔夠彈牙, 似乎可以再滾耐d.個豬骨湯值得一讚. 佢係比唔上三河屋架啦, 人地o個d 豬骨湯真係白色架喎, 點同人地比.但係都飲得出哩個湯冇乜味精. 係湯個面多d 油嗻.講真個麵份量唔係多

今早我因事外出，中午則到大角嘴舊區找家既便宜，且特別的地方用膳。可能是緣份，覺得老闆娘份外好招呼，我初時看見只有飯類，便問她有沒有麵食呢?她回答說有，而且馬上給我看看菜牌。我想了一會，決定叫豬軟骨拉麵。價錢:$27元，包汽水或綠茶。這一頓午餐除了得到熱情的招待之外，還坐在店外食用，很特別。露天桌椅不一定只出現於法國，而且香港的特色。結帳時，老闆娘說今天天氣轉涼，我也回應說最近天氣甚為反復，著她保重。如果大家要求吃一頓超值的午餐，位於大角嘴說61號的豬扒家家絕對是閣下的好選擇。試想，即使酒店級的食肆，又會否跟食客噓寒問暖呢?另外，味道而言，這碗豬軟骨拉麵很可口，鹹味適中，賣相精美。

豬扒之王呢嘅店名很特別,,點了吉列豬扒咖哩飯和Q版軟心芝士豬扒烏冬。吉列豬扒咖哩總算滿意.. 不會太濃的咖哩味道呢個我中意.. 但是芝士豬扒烏冬更是好味好濃郁的芝士味道..

一早已想來吃的了，上次專程來吃，但店子竟然碰巧休息一天，所以今天再來一試，終於來到了。在寫這篇食評前，才發現原來女友很有幽默感，她竟叫我將這食評的題目寫成帶女友回家，還笑說不介意，我想大家也明白這意思吧，但我當然不肯了，怎會這樣叫自己女友的呢？說回正題，甫坐下，見到店家將Openrice上對其店子的食評打印出來貼了在牆上，噢！原來是食友龍火的食評，感覺很特別，讀了一會後，也集中精神點菜了，最後我倆點了吉列豬扒咖哩飯及Q版軟心芝士豬扒烏冬。在吃鹹的前，店定免費奉上兩個巧克力忌廉泡芙，泡芙是冷冰冰的，這點不錯，忌廉也滑，但不香，而且也沒有巧克力味，而泡芙本身的質地是散軟的，沒有鬆軟的感覺，很明顯是放久了吸了水份之故。吃過點甜後，才吃鹹的，先來的是Q版軟心芝士豬扒烏冬，先吃一口烏冬，烏冬可說是有點彈牙煙韌，但當然比富久保的差很遠，而湯以木魚清湯來說，可說是濁了一點，但味道仍可說是清甜的，Q版軟心芝士豬扒原來根本不是豬扒來的，點菜的時候也好奇店家怎可將芝士塞進一塊豬扒內呢？答案原來是那豬扒根本就是以免治豬肉搓成，再包着芝士粒而已，就像吃火鍋時吃的芝士牛丸同一道理，這芝士豬肉球很普通，豬肉不嚡，

來豬扒之家，當然是要吃咖喱吉列豬扒飯。咖喱汁濃稠偏甜，口感溫和，豬扒炸得有點乾，肉質偏實，豬味稍欠；炸粉本來是脆脆的，但浸在咖喱汁后就變得有點腍。也點了幾款心水小食，都是和芝士相關的炸物，取材似是超市來貨，但炸得味道也不錯，芝味香濃又不太油膩，其中以西蘭花芝士波最好味，芝士年糕黏韌咬口，炸芝士條就很平庸。出品平宜得體的店子，選擇也多。如果豬肉的質量可以提高少少就更好了。

五一勞動節晚光臨,坐低之後就問有乜好介紹,推介咗兩款:吉列豬軟骨扒拉麵同Q版軟心芝士豬扒滑蛋飯.吉列豬軟骨扒拉麵 -- 首先要贊的是豬扒同麵是分開上的,豬軟骨扒炸得很脆,很香口,亦幾大塊,入面真係見到啲細軟骨,口感及賣相幾特別,另外拉麵味道亦很好.Q版軟心芝士豬扒滑蛋飯 -- 叫得Q版,就即係比較的骰,但係口感極佳,入面啲芝士一啲都唔"溜",雖然叫做豬扒,但係似豬柳漢堡,很淋,很易入口,豬叫亦夠,另外蛋亦很滑,飯亦不會太硬.另外叫多一件芝士年糕,炸得十分好味,個皮脆得嚟又軟熟,食落口真的有年糕的味道,$8件絕對抵食最後仲送咗兩粒朱古力泡芙,幾好味.叫得豬扒之家,果言名不虛傳.