豬扒之家 (已結業)

豬扒之家！聽到個名已經好吸引！"豬扒之家"理應最出名嘅產品當然係同"豬"有關啦！所以我來此也叫了大多數有關豬嘅食品。我除了這次叫了吉列豬扒外，之前也已經試過呢度嘅招牌貨：芝心豬扒同吉列豬軟骨！呢度嘅"配備"主要係 A - 滑蛋飯, B - 日式咖喱飯, C - 手打湯烏冬, D - 湯拉麵。由於我本人不太喜歡 C - 烏冬，所以我每次只選 A, B or D嘅配備。今次由於我不太肚餓，所以我只叫了吉列豬扒湯拉麵。選擇吉列豬扒嘅原因係因為我鍾意佢外表炸得香口！係，豬扒好薄，唔太juicy....但只係30蚊嘅套餐，我還可以要求啲咩? 唔通仲要求佢件豬扒成寸厚？但如果豬扒真係可以厚身啲同juicy啲....咁就prefect 啦！貴啲我都會幫襯！另外呢度嘅滑蛋飯同咖喱飯係用日本米的，夠正宗。主菜我推介鍾意香口嘅朋友試 "炸物"、尢其係"吉列"類！佢嘅"吉列"皮做得十分唔錯，有功夫！鍾意芝士就不妨一試佢嘅芝心豬扒(漢堡)啦，都唔錯嫁。喺呢度，從食物中嘅配搭、裝飾同味道中可以體驗出廚師嘅heart！如果香港多啲好似呢度咁有heart嘅餐廳，香港一定可以重拾"美食天堂"嘅美譽。

幾星期二去看本屆奧斯卡影后得獎作，完場差不多 10 時，與男友行落大角咀一帶看看有甚麼好吃。這間豬扒の家是回頭之選，因行過數間都不像太吸引。這店面積很細，侍應是從廚房探頭出來寫菜。要了豬軟骨拉麵、咖喱吉列豬扒飯和香炸雞軟骨。拉麵認真唔得，麵質不彈牙，仲好腍；豬骨湯底唔夠香濃，好淡，豬軟骨肉質頗柴；反而咖喱吉列豬扒飯不錯，咖喱甚香，微辣，豬扒略為薄了少許，但味道不俗；雞軟骨炸漿其實好香脆，不過有幾粒我淨係食到粉，冇雞軟骨

今日同小心兩個去左大角咀睇中醫, 睇完之後都8點幾; 又好肚餓喎。因為唔想行咁遠, 小心行到這間舖話d咖哩好香, 所以我地就入左去食。我地兩個都叫左1. 咖哩吉列豬軟骨扒飯 - 豬軟骨竟然係用豬耳仔, 雖然無規定用邊忽軟骨位, 不過出面無見過任何一間舖頭用豬耳仔做餡囉...即時覺得超失望色(因為d燒味舖賣豬耳仔勁平$20超大袋), 食落好唔夾喎, 飯太軟身, 配料勁寒酸, 一嚿薯仔同一嚿蘿蔔, 咖哩味唔夠出, 可能揀吉列豬扒會好食d, $35在大角咀區黎講算貴得黎唔抵食囉。2. 炸雞軟骨 - 粉厚左少少, 不過都幾好食; 但唔明點解唔比任何sauce去食, 問佢攞沙律醬先比得少少, 真係好少果隻。3. 八爪魚同螺肉 - 應該係攞街貨, 咸左少少, 不過都抵食既。今日我地又有問題出現喇, 入到去個男仔問我地幾多位啦, 個女仔唔知點解會黑哂面; 唔問我地食咩, 唔理我地。之後我地叫野食, 個女仔話個餐有野飲；問佢有咩啦, 佢話綠茶同汽水, 無其他野揀, 我問佢有否凍綠茶呢? 佢話無只有熱綠茶因為即時沖, 咁我米要熱綠荼囉; 不過見到佢唔係即沖, 只不過在茶壺倒下來, 飲落只屬微暖又無綠茶味

終於來到這間小店試它的招牌芝心滑蛋豬扒飯。說它是小店的確沒錯，因為它地方實在小，室內只可以容納三張枱，不過它的牆壁上除了介紹它的食評外，牆上的粉紅色豬仔Q版幾有特色，真的幾cute！豬扒飯送上來，只見上面舖著的是個圓鼓鼓的物體，完全不像平日吃慣的豬扒模樣，咬下去，才覺得有點似豬扒，裡面的芝士汁向外溢出，感覺的確幾新鮮，不過味道不是太特別，只可算不過不失，那些滑蛋就的確幾滑。此外，一起叫的炒什菜，份量幾多，味道也算ok。總括而言，這次試的豬扒飯只是普普通通，假如下次再來的話，再試試其他出品是否更佳吧！

二月二十四日晚上，去豬扒之家買外買：吉列豬扒咖喱飯(HK$30)。吉列豬扒：外面唔太脆，豬扒味道一般，無驚喜咖喱：汁的杰度適中，不算太辣，幾香口配菜：１件紅蘿蔔、１件薯仔及數小塊椰菜－－孤寒咗D掛　飯：過軟還有，份量多一點更好!

今日來到 "豬扒之家" ，雖然店舖細小，坐起來其實不太舒服，也吸引很多人來.......我們點Q版軟心芝士豬扒咖哩飯﹑滑蛋豬扒飯﹑紫芋金栗餅 + 二杯熱綠茶，原來呢到只有綠茶和汽水，如果有麵豉湯就更好了﹗這裡的服務態度很好，他們說如果你們需要加飯﹑加汁也可以的﹗Q版軟心芝士豬扒咖哩飯咬了一口芝士豬扒，有些少芝士慢慢地流出來，芝士份量適中，但吃下去不像豬扒，似漢寶扒多些﹗滑蛋豬扒飯這個飯淡了些，需要加些醬汁﹗紫芋金栗餅炸得不油不膩，很有芋頭味﹗這間店舖我會繼續幫襯﹗價錢也合理﹗以今時今日既服務態度，他們做得很好，這點很值得稱讚﹗

今日專程一個人跑到大角咀搵食，曾經聽過豬扒之家的名聲，便來一試。本來想堂食的，但店子原來小得只有三張檯，當時只餘一個座位，而且是六人檯坐了五個學生哥，坐下來只會尷尷尬尬，於是改要外賣。兩位店員態度不錯，有笑面又有禮貌。叫了Q版軟心芝士豬扒咖哩飯。咦? 我叫錯了漢堡扒嗎? 原來這是真的豬扒，咬了三口左右芝士就開始流出來了。芝士注入豬扒配搭第一次吃，但效果很不錯，兩種味道共存，不會被另一種味道搶了風頭。此店不是只賣豬扒，還有吉列豬、豬軟骨、豬頸肉、甚至吉列大蝦、多香魚都有，值得一試再試。店面不大，並不起眼，而且注意此店星期日休息。

係開飯呢度見到有d寫佢好食既食評就試下啦一行4人...去到見到真係好細間...以為無咩客架啦...點知要係出邊等位呢...入坐之後...有個ok靚既姐姐仔做server...服務都好好...咁既然豬扒係呢間鋪既特色...我地就點左2份招牌咖喱豬扒飯,1份日式餃子滑蛋飯,1份軟心芝士豬扒拉麵(另上)可能因為係放食飯既尾段時間...野食好快就黎到...我地都互相分左少少黎食...可以講講既係個拉麵真係好好食...係真材實料...比起係味千食果d...好食好多...同埋好難得有間以飯為主既日本野食...比起本時食既日式便當相差太遠喇...同埋老闆又會推出一d新口味既小食...炸芝士條...5蚊2條...有成支塗改液咁長...如果愛芝士既朋友係必食之選!仲有...果個軟心芝士豬扒...真係抵食...除左啖啖肉之外...入面果d芝士係會慢慢渗出黎架...同埋個份量都幾大下...4個大男孩唔洗添飯都可以食得飽肚...仲唔係超抵之選!

去大角咀朝聖, 一個人買了兩大袋戰利品, 走著走著, 見呢間店似乎係or 好多網友推介的. 好的, 那我當然把握機會試試啦!名字叫得豬扒之家, 想必豬扒定係最好出名吧. 就要咖喱吉列豬扒飯. 不一會, 豬飯已到, 先嚐一口咖喱, um...不錯, 係正宗日式咖喱, 點點辣點中帶點甜. 再試豬扒, 呢個肉汁不太夠, 雖然醃得幾好, 但乾身咗d. 希望可以改善. 見鄰座吃一個叫芝士年糕的野, 似乎幾得意, 下次一定要試試.

朋友推介下來食晚飯，果然沒有介紹錯，雖然舖頭細細，但估唔到 menu 都幾多選擇，而且味道佷好，價錢又經濟，雖然地點不太方便，但為左好食的東西，都無辦法啦！因為實在係有質素呀，相比那些差不多價錢的餐廳，我寧願行遠一點來這裏。我地點的菜全部都係即叫即整的，而且餐前還有個小食，係薯蓉..... 雖然係小食，但好好味，個薯蓉入面有 d 紅蘿蔔粒，有少少芝士味架。汁燒炒豬肉飯：本來係薑汁炒豬肉飯，但朋友改了汁燒，我只試了一塊豬肉，味道普通，但份量足夠，朋友食到最後都還有豬肉。Q版軟心芝士豬扒拉麵：第一眼見到個豬扒..... 都唔似豬扒，似大大件的豬肉丸，但可能壓扁左所以似豬扒吧！內裏有芝士流出來的，雖然芝士味不太濃，但味道都 ok，拉麵都幾好，唔會好 "淋"。紫芋金栗餅：這個朋友說來了幾次都試不到，今天終於有得試啦，這個好好味，外面好脆內裏有芋蓉及栗子粒，好好味，而且剛炸起又熱又脆又唔油，真的好好味呀，下次一定會再點這個。炒雜菜：好似屋企媽咪炒菜的味道，沒有味精，又清，而且 $20 一碟，份量足夠。

今次可算是慕這小店之名而至，不然便會走進另一間久未造訪的橋泰或新朋友越旺美食 (兩者皆坐落在這豬扒小店旁邊)....位子只得十來個，多一點人就已有點迫狹的感覺了。可幸小弟專程早了一點來，人不算多，所以可以慢慢吃，慢慢嘆本是要了個吉列豬扒的，但看見店子強力推介這裏的豬軟骨扒，也就馬上改變主意。只吃一碗丼實在有點單調，便來多份炸餃子....豬扒可是即叫即炸的，所以要耐心等一會才有得吃。吃進口果然沒有太令人失望 ---- 炸得不油不膩，皮不算厚而且脆得喀一聲響。加入了豬軟骨的豬扒吃落帶點爽脆，比單吃豬扒來得特別。不過肉質不算得上是鬆化，是唯一的缺點。但以三十多塊錢的價錢來說，已是超額完成了....伴着大量蛋花而吃的白飯，雖不是甚麼上等的日本米，但也挺可口....餃子包得胖嘟嘟，底部帶點焦，皮很脆口，餡帶點蒜味，出奇地正宗，不錯挺滿意這兒的水準，可以帶帶喜愛tonkatsu的太太來吃吃

終於同大少去試o左聞名已久o既豬扒之家. 琴日去o個陣時間尚早,未有其他客人. 店舖面積細, 得十幾個位.裝潢亦簡單. 樓面得一個人.不過佢服務態度好又細心, 如果唔係自己生意, 呢個伙計真係請得好. 吉列咖哩豬扒飯 – 咖哩汁有洋蔥,薯仔,紅蘿蔔, 汁o既濃度適中, 味道偏向日式, 一o的都唔辣, 配埋珍珠米飯食就o岩o岩好. 不過我食o個碗汁淋得太多, 食落鹹o左少少. 至於吉列豬扒呢…炸漿比肉厚好多, 豬扒切得薄, 完全食唔出豬o既味道. 唔覺得有幾好味.脆怪墨魚丸 – 呢個丸好好味, 雖然面個皮炸得好油膩, 賣相又唔多靚, 但丸好有咬口,啖啖都食到墨魚. 依家做緊特價, 每一套餐可以$1換1粒, 唔叫餐都係$5兩粒. 好扺食!香草芝士條 – 原條芝士用混有香草漿包面炸. 芝士條本身味鹹, 炸後不過係溶o左o既芝士條. o個個面漿食落煙韌但無香草味, 可以再改良.西蘭花芝士波 – 平時都係將芝士放西蘭花面焗, 呢個丸以同樣材料另一方式呈現. 攪爛o既西蘭花混合芝士汁再炸. 食時有流沙feel, 味道不錯.吉列大蝦 – 脆漿好但蝦炸唔夠時間,入面仲生. 炸耐o的會更好.

今日原本同男朋友去大角咀令外一間餐廳食晚飯，點知去到既時候已經排隊排到出門口。所以o係付近揀間餐廳食，行下行下行過豬扒之家，開頭見到佢門面細細，得三張桌，以為係間外賣快餐店，點知望下menu原來係食d日式飯同烏東之類既野食，我好鐘意食烏東，所以就入去試下。可能佢全間鋪頭得一個人做野，所以d table都唔得閒抹，有d污濁。我同我男朋友分別叫左吉烈豬扒烏東同Q版芝士豬扒烏東，d烏東就好彈牙，好似手打烏東咁，d湯就濃左d，不過最唔好都係塊豬扒，雖然塊豬扒中間有d芝士o係到幾好味，不過塊豬扒就略為鞋左d。Overall一碗烏東都夠飽，最低讚係個哥哥d service真係唔錯，得閒食下都ok既。ps:鐘意佢有電視睇..hehe

因 為 住 在 樓 上 ， 非 常 方 便 。從 開 張 第 一 日 已 經 來 這 裡 吃 ， 師 傅 很 年 輕 也 很 友 善， 肯 聽 客 人 意 見 ， 吃 得 出 不 是 敷 衍 ， 味 道 真 的 不 錯 ， 也 不 介 意 加 添 份 量 ， 價 錢 不 算 貴 ， 我 也 曾 經 做 過 食 店 ， 小 店 經 營 不 易 ， 有 這 成 績 算 很 好 。不 過 款 式 有 限 ， 可 考 慮 雙 拼 ， 現 在 加 了 『 豬 骨 湯 拉 面 』 和 『 咖 哩 汁 白 飯 』 ， 非 常 合 我 『 飯 後 一 麵 』 的 吃 法 。

既然既係舊街坊又係豬扒族寒，結果去左豬扒之家食返自己。牆紙D畫功勁Cute~!食左芝心漢堡豬柳咖喱飯，芝士一野整衰左我件衫，唔算好濃芝士味，咖喱味都覺得過甜左少少，如果下次再叫會叫吉豬(其實個豬柳係唔差，反而芝士有少少劃蛇Tim><")滑蛋飯*只係打底而已，都Okay La=]