豚王 (已結業)

豚王一直以濃郁的湯底俘虜我的拉麵胃，每次想食香濃美味的拉麵總會想起豚王。而今個禮拜連續幾日都下傾盤大雨，令人好想食一碗熱辣辣、香噴噴的湯拉麵。傳統豚王配肩肉是我必點之選，湯底濃郁不在話下，而且拉麵我選擇左中度軟硬，恰到好處的拉麵配上一口帶少少油膩的濃湯，完全滿足了我對拉麵的欲望。而且流心蛋亦是我的最愛，用筷子輕輕一按能感受到流心蛋裏面的彈性，一咬開裏面的蛋醬瞬間湧出來，與拉麵絕對是最佳組合！非常流心的半熟蛋，估計外面是用滷水汁煮過，令到鷄蛋有淡淡的甜味。豚王價錢屬於中等，而且服務員態度非常友善，樂於解答顧客的疑難，值得推介給大家。

Was trying to find food after basketball and found a parking spot right in front of this place! I've been to the old branch in Central, which I loved. Only drawback is the waiting time, which was around 45 minutes as well as the restaurant layout, in which I believe the owner tried to cram as many customers as humanly possible into that small shop, which from a monetary perspective makes sense but from a business sense, does not.Furthermore, it seems that the staff are trained to rush their cust

老老實實，今次第一次食豚王，平時聽得多人話佢好食，但要排隊我又唔想，今次撞岩未到放飯時間，即刻衝入去試試先。叫左豬骨湯普通硬麵，追加椰菜豬腩肉 ＆ 蛋（少辣），真心讚個湯好濃厚，濃得黎入口有點稠，係啊，食拉麵我中意湯係稠稠地，普通硬麵硬度適中，如果好似我咁食得慢，最好叫少硬，食到尾啲麵都仲未好林吖嘛。嘩，你睇塊腩肉肥到咁係咪好驚呢…唔洗驚喎，成塊啪入口，肉同脂肪混合左唔覺肥架，油香四溢，大滿足是也 （笑）個蛋都不容錯過，我決定下次去要叫2隻，流心之餘個蛋黃仲有醬油香味，一整粒蛋無論係蛋白 or 蛋黃都好香好滑，一定要追加，超級好味 （爆）食到連湯都幾乎飲哂，飽到上心口，飲支日本直送玄米茶解下喝先，其實你地有冇覺得每次食完拉麵都好口喝呢？我就有啦 (￣∇￣)

天氣凍個個都唔想郁，晚餐都唔想煮咯，一家三口落街食，佢地話唔喺好餓，唔想食飯，想食麵，豚王又出名又近就嚟咗豚王，雖然店面比較細，但坐得都算舒服，而且比較乾淨。日本feel，鵝黃色燈光，喺咁warm嘅環境食野，個人都冇咁凍。我點最普通嘅豚王，原味豬骨湯，湯底好濃嘅豬骨味好清甜，飲多都唔會覺得膩。豚肉肥瘦適中，口感細膩，叉燒我揀咗肩肉，肩肉無腩肉甘肥，肉質好鮮嫩，唔會好硬。麵好爽滑。老公比較重口味揀咗黑王，成碗都喺黑嘅，真喺名符其實囉。個湯充滿墨魚汁嘅味道，好香好濃。鮮美嘅墨魚汁加上芝麻更加香。叉燒佢揀咗腩肉，腩肉有雪花紋嘅，肥瘦相隔，入品爽滑。食完嘴同牙都黑曬。勁！貪靚嘅朋友仔諗過先好點喎。囡囡點左翠王，翠王喺青綠色，望落好靚，用咗唔同嘅蔬菜製成調味料嘅，有橄欖同芝士粉嘅香味，個湯濃而甜。囡囡怕肥同我一樣揀左肩肉，佢話好好食。來豚王點可以冇糖心蛋嘅，蛋白好嫩，蛋液系金黃色嘅流心，半生熟且無腥味，食落仲有d 甜，對得住糖心個名。

好耐無嚟豚記食拉面，今晚同朋友過嚟回味一下，尖沙咀lee間雖然位置比較偏，但係食飯時間人流一樣爆棚，我哋等咗成20分鐘先埋位；一坐低馬上點咗黑王同赤王，再加兩個糖心蛋，拍照果陣瞬間暴露咗我哋嘅重口味；黑王嘅湯底主要係墨魚汁加芝麻，里面嘅黑木耳、蔥花輔料雖然提鮮調味，食落香口d，不過我本人唔太鐘意食蔥花，所以通常會挑出嚟，人哋都話豚王會比黑王更鮮美d，不過食得多豚王，間唔中轉下黑王都唔錯；朋友點嘅我以前都試過，兩樣都係廚師推薦菜，但赤王略辣，叉燒係精華，肥而不膩，配面加湯底一齊食特別香；糖心蛋係精華中嘅精華，每桌必點，打開雞蛋，金黃嘅蛋黃汁慢慢滲出來，睇見都流口水，拌面食味道一流；

聖誕節節目豐富，帶肥髀睇聖誕節芭蕾舞劇前，先要去醫肚，呢間麵店都係人龍店， 尖沙咀分店比銅鑼灣大，地方照樣和式麵店格局，去到在門口椅子等位，店員會比定落餐紙點菜 入內坐中間方桌，座位唔迫，桌上有齊調味料！比咗點餐紙落單！食物好快到！ 豚王（$85）肥髀食，幼麵唔算彈牙，索湯，豬骨湯超濃，但好鹹，肥髀食咗1/3已經頂唔順，要攞碗仔夾起晒啲麵，先可以食晒！ 赤王（$95）我食得速，小辣都覺得辣！食到流晒鼻水，湯加了麵豉好杰，又好油膩，成碗都浮滿紅色辣油，本來麵質唔差！肩肉又爽口！但真的太油膩！ 日本產半熟蛋（$9）小碗另上，蛋白好滑，蛋黃半熟，唔流心！味道好味！ 免費辣芽菜：之前銅鑼灣食過，好味，今次好失望，芽菜已經醃過籠，淋晒唔爽口，辣汁好混濁！好像放了好多年咁！好恐怖！食物一般，服務企堂店員好有禮，不過有時太忙，攞碗仔要叫兩次，不過笑容搭夠！

今晚自己一個去街揾食，唔想食飯，正想打電話比朋友問最近有咩好介紹，佢就話前幾日去豚王食左拉麵，叫我去試下，呢個我之前去過，不過比佢咁講起，我又淋起呢間店嘅拉麵同溏心蛋啦，咁就決定去食喇。嚟呢度一定唔好錯過呢個溏心蛋，所謂溏心蛋就系蛋白都熟左，但入邊D蛋黃仲可以保持液體狀態，唔系度度都有得食，一啖咬落去然后有滑滑嘅蛋黃流出，果種感覺好奇妙，雞蛋又好新鮮，唔錯。拉麵有豚王、黑王、赤王、翠王四種，中意香濃D可以揀豚王，我今日點左個黑王，就系用湯底除左用骨頭仲加左墨魚落去煲，連麵都有加墨魚肉，黑黑嘅，湯底好濃厚，麵身我點左最硬果種，浸左一陣都唔覺得軟爛，麵整得靚，自己可以再另加木耳同紫菜等其他配菜，總嘅嚟講，比較值得嘗試。

可能系之前懶煮飯又懶得回吖媽度食飯，所以就成日食麵，搞到我依家對麵之類的東西都麻麻地鍾意。我們點左豚王同翠王仲有唔可以錯過嘅糖心蛋，我點嘅豚王，剛端上台，就聞到一股濃濃嘅豬骨湯味，濃到我真係以為系我媽煲嘅老火靚湯咁，味道認真好正，食麵前先飲啖湯一直都係我嘅習慣，一飲落去就覺得這麵值得食了，為左啖湯都抵喇。拉麵又好Q彈，好有嚼頭，搞到我突然就好有胃口。仲有就係，我覺得呢度嘅糖心蛋一定一定要食吖，呢個蛋蛋人地靠嘅真係內在美啊，口感好好，反正我好鐘意，不過只食全熟蛋嘅朋友就某試喇，哈哈、下次再來試下先得

今日老公黎收我收工，咁難得就請佢食好野啦(平日通常都係我自己食好野，哈哈)!!!!帶老公去左K11附近既「豚王」，老公好耐之前食過一次已經話好好食，我又未食過，就試下啦~7點去到，好彩唔使等位，位置有DD僻，係K11附近~我叫左碗豚王(原味)($85)，湯底我叫左超濃，麵就要超幼，要左叉燒肉同野菜~本身想加隻溫泉蛋，但係見$17太貴了，唔捨得=.= 等左10分鐘左右就有得食了~~首先梗係要試下個湯底啦!唔知係咪我叫左超濃，真係超超超濃味我直頭覺得濃到有D咸=.=即刻要叫WAITER比杯水我~ 不過真的好有豬骨味，好香!鮮味又濃郁，不過建議下次可以試個「濃」就好了! 超幼麵就真係好幼，但係食落又唔係易斷，雖然稱唔上彈牙，但係都幾好味，有D日本既味道!師傅都好細心，夾一次麵唔會好大啖，佢係適當長度切開，體貼顧客。叉燒肉有兩片，但就肥左少少，不過幾薄切，整體上都係好味的!臨走時我仲同老公講，下次我要試下黑王湯底，墨魚汁黎喎!唔知食完會唔會成口黑晒呢XD

今晚帶朋友去食豚王，都係叫咗我至愛既豚王拉麵吃加溏心蛋，真係好好味，濃郁既豬骨湯再配上多款既配料真係ichiban, 我朋友初吃都覺得湯好濃郁，溏心蛋好流心，回味無窮再飲杯日本啤酒♡正

晚飯時間經過棉登徑，以往大排長龍的豚王竟然不用等位！是熱潮減退？還是食客們已厭倦了？肚子已打鼓，立即進內光顧！是夜不算太多食客，所以坐得比較鬆動，舒服。Menu只有幾款麵食選擇：豚王，黑王，赤王和翠王，而是日限定王是蜆王。對於有選擇困難症的，可大大減低困惑！而我們選擇了豚王和黑王。豚王 (原味) $85 -吃拉麵前先品嚐湯底，用豬骨餚製的湯底，雖然秘制醬油，香油味選擇了多和濃, 但豬骨味道不算濃郁。叉燒肉選擇了腩肉，肥肉比例多所以較為香口，嚼口也較腍軟，雖然未做到入口即溶的口感，如喜歡吃腍身的可選擇腩肉！麵種類選擇了幼麵，麵質彈牙有嚼口！配菜捨棄蔥選了椰菜，頗為爽甜，不會太硬。而且還有木耳，不過偏硬了!黑王 $95 -豬骨湯底加上墨魚汁製成的黑色湯汁，味道非常濃郁！湯面灑了蒜粒，令香味更濃。個人較喜歡這湯底。叉燒肉選擇了肩肉，比起腩肉，整塊都是肉，脂肪較少，很有嚼口，喜歡啖啖肉的可以選擇吃肩肉。吃拉麵個人覺得幼麵才配合，所兩碗都選擇了幼麵。吃拉麵當然要配溏心蛋($17)！因為蛋是另上已經待涼，浸落熱湯加溫會更好味。帶點醬油味道的外層軟綿綿，很香蛋味，豚王的溏心蛋蛋黃很流心,咬開蛋汁已湧

豚王一開始時係排幾粒鐘先食到, 但隨住開左幾間分店, 排隊既人亦都少左, 所以今日行過見無咩人, 所以一於試下.同好多拉麵鋪一樣, 口味用顏色分.最後我揀左"黑王", 因為見佢話用墨魚汁, 配埋豬骨湯應該幾特別.先講湯底, 我要左濃, 一啖入口確實好濃既豬骨湯味, 加少少墨魚味, 咁就唔會搶左豬骨湯本身既味道. 至於义燒肥瘦剛剛好, 所以食得幾有咬口. 拉麵呢我就要左幼麵普通, 入口咬幾啖, 非常彈牙又爽口. 溏心蛋好流心, 一拆D黃即刻流晒出黎, 好正.跟住仲加左义燒, 另加既都係肥瘦剛剛好, 浸一浸D湯軟一軟身就食得. 黑木耳好爽口, 而且份量夠多.仲有紫菜, 夠大塊, 可以用黎索晒D湯既精華, 正.

晚飯時間經過棉登徑，以往大排長龍的豚王竟然不用等位！是熱潮減退？還是食客們已厭倦了？肚子已打鼓，立即進內光顧！是夜不算太多食客，所以坐得比較鬆動，舒服。Menu只有幾款麵食選擇：豚王，黑王，赤王和翠王，而是日限定王是蜆王。對於有選擇困難症的，可大大減低困惑！而我們選擇了豚王和黑王。豚王 (原味) $85 -吃拉麵前先品嚐湯底，用豬骨餚製的湯底，雖然秘制醬油，香油味選擇了多和濃, 但豬骨味道不算濃郁。叉燒肉選擇了腩肉，肥肉比例多所以較為香口，嚼口也較腍軟，雖然未做到入口即溶的口感，如喜歡吃腍身的可選擇腩肉！麵種類選擇了幼麵，麵質彈牙有嚼口！配菜捨棄蔥選了椰菜，頗為爽甜，不會太硬。而且還有木耳，不過偏硬了!黑王 $95 -豬骨湯底加上墨魚汁製成的黑色湯汁，味道非常濃郁！湯面灑了蒜粒，令香味更濃。個人較喜歡這湯底。叉燒肉選擇了肩肉，比起腩肉，整塊都是肉，脂肪較少，很有嚼口，喜歡啖啖肉的可以選擇吃肩肉。吃拉麵個人覺得幼麵才配合，所兩碗都選擇了幼麵。吃拉麵當然要配溏心蛋！因為蛋是另上已經待涼，浸落熱湯加溫會更好味。帶點醬油味道的外層軟綿綿，很香蛋味，豚王的溏心蛋蛋黃很流心,咬開蛋汁已湧出來，很好

好耐冇去尖沙咀，估唔到棉登徑多左幾間日本拉面店，就泥變成拉面街。食過好幾次銅鑼灣豚王，次次都大排長龍，今次尖沙咀唔洗等位，梗係即試啦。不過同行友人遲到，本來想入去坐住等，點知店員話要人齊先入得，但係鋪頭起碼8成空，佢咁堅持，我唯有係出面等 (PS:等咁耐間鋪都冇坐滿過)。我果碗係翠王，之前銅鑼灣食過好好味，但呢間食我覺得個味唔夠銅鑼灣咁出色，只可以話普通，食完仲要勁飲幾杯水都仲係口喝(唔知係咪冇味精)。叉燒我叫左腩肉，肥肉的比例太多，而啲肥肉又唔夠林。唯一讚的只係佢啲芝士粉份量夠多。友人食的係豚王，我試左少少，發現佢個湯底比我的翠王好味，豬骨湯清啲。佢食的係肩肉，冇我的腩肉咁多肥肉，林身啲。加$17叫左溏心蛋，同面分開上的，個蛋黃都甜甜地，但生得濟，一咬開啲蛋黃汁流晒出泥，嘥咗 總論係，我唔會再食尖沙咀呢間，只會去銅鑼灣總店食

今日口痕想食拉麵，放咗工之後去左尖沙咀嘅豚王食晚餐。去到甘啱有位，於是就坐低叫咗一碗豚王拉麵。食嘢一定要先試原味，所以叫咗豚王。上菜速度極快，拉麵唔使五分鐘就嚟到，啱晒肚餓ge我。腩肉比較多肥膏，肩肉就好多肉。鍾意食肉嘅我叫咗肩肉，配合特濃、特肥、多蒜味嘅湯底，碗拉麵簡直係無得頂。第一次食嘅朋友，可以叫餐廳另上辣汁，隨自己口味加多減少。食到一半覺得口味好悶，可以試加蘋果醋，又係另一番風味。湯底又湯底有少許偏咸，不過我依然將成碗湯飲晒，為咗睇碗底嘅字 。唔好以為太麵等於粗麵，只係一啲扁少少嘅幼麵 。鍾意食粗麵嘅我都覺得太麵整得唔錯，條條分明，所以始終冇失望。我見廚房師傅將太麵煮熟之後係空中拋幾 下，等啲麵條唔好癡埋一齊，可能就係因為咁所以啲太麵咁好食！會繼續去 !