影片
以上資料只供參考, 請與餐廳確認詳情
那天一家人去完深水埗，因為開了車出去而便，就買埋餸回家吧。論集中同方便停車，我們比較喜歡走去順寧道一帶買野。我們停車的地方，就有一間《豐麥園麵包》在面前。太太說買幾個包明天早餐，咁我就入去揀幾個了。給太太的，是大大件的紅豆包。帶衣及起沙的紅豆餡，感覺不錯。不太甜，太太說雖未如意，但不太甜又有不太甜既好，吃起來健康點吧。我同小朋友，也一人一個包。菠蘿包，算是幾好，起碼個菠蘿皮不會一咬就碎散。腸仔包是正常既質素，包子本身有甜味，腸仔就是普通的廚師腸，沒什麼特別。叉燒包，好的是饀內的叉燒帶有肉粒，而且包子亦帶著甜味，感覺是不錯的。總結一說，這就是一間很街坊的街坊麵包店，不會突出，也不會不好食，只可以給OK!
繼續閱讀
過往經常購買，麵包軟熟價錢較其他店舖便宜，但今日下午六時半到店内購物，用電話八達通付款，電話也有付款記錄，查問職員話收銀機沒有收到，只好再付現金，所以請各位留意付款時，避免重覆付款浪費金錢及時間！
繼續閱讀
今日去保安道街市買餸，買完經過舊式面包鋪，見到有新鮮蛋撻出爐，好似好香咁，立即買個黎試下，番到屋企即刻打開黎食，當我拎開張蛋撻紙，嘩！個底使唔使燶成咁呀！成個蛋撻完全唔食得，真心唔明咁燶仲可以賣俾人係咩心態？今日簡直㷫過火屎！😡😡😡
繼續閱讀
依家嘅生日蛋糕， 間間都要百幾蚊。 今次阿女生日， 因為已經訂咗兩個其他蛋糕， 所以見咁平咪試下囉。呢一間蛋糕店實在係平， 53蚊一個蛋糕。 但係個樣好特別嘅嘢， 佢哋只會被三支蠟燭你， 如果你要再加蠟燭要另外畀錢。 要一蚊一支。 其實我都係第一次聽日仲要畀錢。 好似咁嘅服務真係有啲。。。剛返味道啦， 我覺得同普通嘅blueberry cheesecake冇分別。 唔算特別好食， 又唔算特別難食， 如果大家冇乜特別要求呢間會推介， 如果你有要求嘅話就唔係咁適合你。
繼續閱讀
深水埗宝安道街巿附近一帶的食肆和麪包店都比較其他区來得便宜，所以會吸引一班跨的居民來購物，我就是其中一個，多年來我都喜歡光顧這間街坊麪包店。因為售货员熱情有禮，部份出品亦有水準。好食喎，in between 麵包同蛋糕之間，比麵包多牛油，比蛋糕小牛油，好鬆軟，面焗得好香。又鬆軟，又不太甜，只用十大元，就可以吃到如此可口的食物，實在超值。這袋連皮方包多年良心價只賣五大元，今年升至六元一袋。以質量計算，超晒值。所以我每次經過必買!這餅店開業多年，產品亦算多元化，令客人有很多的選擇，每天大清早，店舖門口就擺滿整齊的6元一袋袋方包，不少街坊都络繹不絕的上門光顧，店鋪是推行薄利多銷來吸引顧客，也真是值得推介的餅店。
繼續閱讀