豐鮪

營業中

休息中

第一次寫食評😆呢間餐廳一路都係我想食的餐廳list之一！餐廳嘅裝潢有日本小店的感覺，食物精緻又好味，價錢適中而且質素非常好。今次食了火炙左口魚肉餅飯，價錢係$158，包沙律，蒸蛋同埋麵豉湯。下次都會嚟幫襯！😁

最近同朋友喺銅鑼灣品嚐結合中日元素嘅「魚生燒賣」仲有非一般嘅日式肉餅飯打破傳統嘅日本料理呢度主打不同配搭嘅丼飯藍鰭吞拿魚亦係店舖嘅招牌✨夢之丼附上次序貼心小提示先品嚐肉質緊實嘅-赤身繼而帶有柔滑油脂感嘅-中拖羅最後享用脂肪含量飽滿嘅-大拖羅配上香軟壽司醋飯夾著紫菜一齊食滿足又完美嘅配搭✨鹹蛋肉餅飯估唔到吞拿魚可以製成肉餅上面添上醬油嘅蛋王每啖都細滑綿密．且帶有一絲絲魚肉纖維口感柔軟同時帶點嚼勁定食附送▫️蟹膏茶碗蒸▫️和風沙律▫️味噌湯第一次品嚐魚生燒賣選用有機大豆豆紙包著日本珍珠米同新鮮食材✨魷魚明太子燒賣✨三文魚籽燒賣既有日本嘅味道．再配上中式賣相好有特色

魚生十分新鮮，有多款套餐選擇 地點方便座位也10分舒適 自己經常來午餐可以休閒的坐一個下午 也適合和朋友來聚會 價錢10分合理 他們的吞拿魚腩性價比高 好味 這次是一個人來 水準依然保持

進入店時，店員在廚房內，就自己搵位座，原來枱面有有，QR code 自助落單及直接付款 。茶水寫明自助，還好食物不是自取，但店員送食物時仍然很安靜。直到有國內同胞進店，店員才有招呼談話。到我食完離開，一般情況會說再見都沒有。魚係新鮮既，但另加既甜蝦同赤貝可以唔叫。用e個價錢，銅鑼灣可以有其他選擇

原來銅鑼灣有隱世高CP吞拿魚專門店，食完真心忍唔住要開心share😆餐廳主打日本直運新鮮藍鰭吞拿魚，將日式美食融合中式賣相，幾創新獨特。客人使用QR code點餐及付款，方便又快捷夢之丼 $178赤身x 3，中拖羅x 3，大拖羅x1，迷你魚蓉燒賣，一次過滿足多個願望🤣赤身魚味非常濃郁，食後餘韻悠長，久久不散，口腔內殘留陣陣吞拿魚鮮味，第一次食到令人驚豔既赤身😋拖羅油脂豐腴，充滿魚油香味🤤魚蓉燒賣口感軟滑鮮味，一碗可以食到咁多唔同部位既吞拿魚，超滿足☺️薑飯幾特別，微辛少甜，清香解膩三文魚丼（極盛） $168份量澎湃，鮮艷奪目，淨係賣相已經好吸引😍約有200g三文魚，大概有十四片左右，幾新鮮肥美😋友人同我都好鍾意食三文魚，兩個人開心share岩岩好海膽吞拿魚蓉魚生燒賣 $55爆漿三文魚籽魚生燒賣 $55賣相精緻用心，真係未食先打卡🤣，以有機大豆紙包裹魚蓉、珍珠米及京蔥碎，口感豐富，鮮味十足😋真心唔建議分享😂同埋最好一啖食晒，先可以完美體現所有食材融於一身既口感及味道😌麵豉湯調味適中，有少許海帶鮮甜味松葉蟹膏蒸蛋水蛋滑溜鮮甜，蟹膏鮮味濃郁來緊仲會推出「魚蛋燒賣」小食，$48/兩粒，餡料係自家

吞拿鱼肉饼饭有葱香 肉质很细腻茶碗蒸很鲜美沙拉有柚子醋 调味很好 价格很合适，两个肉饼饭套餐才¥200出头强烈推荐大家来逛铜锣湾的话试一下，环境很好，卫生也很好。套餐第二个半价

好有誠意嘅拖羅專門店！裝修佈置都有去咗日本嘅感覺！拖羅好新鮮好高質，解凍溫度剛剛好，鮮嫩程度比得上一啲高級壽司店，大拖羅入口即溶，回味無窮。大推。茶碗蒸加咗蟹膏同蟹柳，都好好味。

中午和同事一起吃得好開心，蒸蛋口味特別好肉餅飯好好食，分量足味道正。服務態度也超級好。銅鑼灣好吃的不貴的日料第一選，大家得閒都可以去試試，不會失望，也很容易搵到

這家日本餐廳的刺身表現穩定，魚肉新鮮，切工細緻，能看出主廚的用心。每一口都帶有淡淡的海洋鮮味，搭配適量的醬油與山葵，口感清爽不膩。擺盤簡潔大方，讓人食慾大增。無論是吞拿魚、三文魚都值得一試，是刺身愛好者會喜歡的選擇。

係銅鑼灣呢個價性食到呢個質素真係抵。 魚生新鮮份量岩岩好，壽司飯唔會太林， 軟硬岩岩。 自助點餐方便。 環境清潔。 係門口可能難少少搵到 。係附近返工，間唔中都要黎呢到食餐好嘅。利申 評語可得額外魚生

望落實在太吸引啦！星期日都有買一個第二個半價，帶子肉餅飯加蟹膏蒸蛋都係$79蚊咋，咁佛心嘅set係邊到搵啊？😭😭😭係藍鮨吞拿魚，仲有沙拉麵豉湯同埋醬油漬蛋，無得彈

今日同朋友去咗銅鑼灣行街，行完之後就去咗渣甸坊嗰頭睇吓有咩食。行行下就發現咗一間專食吞拿魚嘅小店，咁啱我好鍾意食吞拿魚，所以又入咗去試吓！入到去見到個餐牌就覺得好新奇有趣，有少少似fusion咗中式嘅菜式，又有肉餅飯又有燒賣，但係原來佢嘅肉全部都係吞拿魚蓉！我嗌咗個推介嘅夢之丼而朋友就叫咗帶子肉餅飯，我哋而家嗌咗兩粒燒賣試吓！夢之丼嗰一個set除咗個飯之外，仲有個柚子沙律，茶碗蒸同埋麵豉湯。一嚟到賣相已經好吸引，勁大塊嘅大拖羅喺飯上面，左右配上中拖羅同埋赤身，性價比極高。上面都有一粒小型燒賣可以試吓。首先試咗粒燒賣，你食落去係滿滿嘅吞拿魚蓉，用咗一塊好薄嘅大豆皮包住，感覺好新鮮！之後即刻試過大拖羅，好肥美完全冇筋，食落口之後有魚油味道！同埋值得一讚嘅係魚生並冇冰鮮味，好正。跟住佢嘅中拖羅口感唔錯，適量嘅魚味又唔會太油膩。而佢嘅赤身咬落去實淨啲，魚味亦都重啲。三款嘅吞拿魚都另外有去咗日本嘅感覺！而茶碗蒸入邊亦都有少少蟹膏，配上好滑嘅蛋，亦都10分唔錯。而且麵豉湯就不過不失啦！朋友嘅帶子肉餅飯，上到嚟都好震撼，啲吞拿魚蓉多到完全見唔到個飯，帶子亦都好鮮甜。吞拿魚蓉作多餘嘅調味，食得出佢嘅鮮

食過最好食嘅刺身飯😚如果唔係老公帶我嚟，話佢有朋友介紹，未必會搵到，驚喜食品有質素，已經食過超過五次以上，次次都好好食🤤重點係環境舒服，而且自助落單好方便👍🏻

去渣甸坊試吓呢間藍鰭吞拿魚專門店「豐鯖」。餐廳裝潢走簡約和風路線，吞拿魚菜式新款高質，會再黎！ 🍱夢之丼 $178 飯面鋪滿大拖羅1件、中拖羅3件、赤身3件，再加粒迷你魚蓉燒賣套餐包埋蟹膏茶碗蒸、和風沙律、味噌湯，超抵食！大拖羅入口即化冇筋中拖羅肥瘦平均赤身魚味濃郁中間粒燒賣用薄薄大豆紙包住吞拿魚蓉，咬落鮮甜綿滑，仲有淡淡蔥香！珍珠咪仲要加咗薑，入口清香🍱帶子肉餅飯定食北海道帶子厚切又鮮甜，下面嘅「肉餅」竟然係手切吞拿魚蓉製成，魚蓉混入蔥碎，口感綿滑爽脆，配日本珍珠米飯真係唔夠喉！ 定食既蟹膏茶碗蒸，蛋滑夠熱，蟹膏鮮味跟蛋香完美融合，仲有冬菇等配料，層次豐富！ 魚生燒賣另外單叫咗兩款燒賣試吓，賣相幾得意！ 「辛辣明太子燒賣」用吞拿魚蓉做底，面頭鋪滿明太子，好鮮味！「親子蟹柳燒賣」鋪滿飛魚子、松葉蟹柳，咬落卜卜脆，燒賣底仲有少少醋飯，入口好順滑！

《吞拿魚飯頌》 吞拿魚飯以脂潤魚蓉碰撞溫熱米粒，醬香纏綿中透出海洋的鮮甜。醋飯微酸托起魚脂的豐美，蔥薑提點層次，每一口都是海浪與大地的交響。其色如琥珀映雪，其味若雲霞化露，平凡碗中藏著令人魂牽夢縈的極致饗宴。