豐記魚蛋粉 (已結業)

小妹我成日食粉麵，唔知點解諗5到食咩同埋要快😁，一諗就係食碗粉🍜，食碗麵🍜。今日到上水做嘢，經過見到有間新開粉麵😄，我叫左碗牛丸雲吞米線，同事要左碗雲吞牛腩河加底，第一啖緊係飲湯先啦，好正喎😊真村實料，雲吞仲正好味，蝦肉👍好爽好新鮮👌👍🏻，同事不停贊👍🏻👍🏻👍🏻牛腩香濃好入味超級正，我都忍5住夾舊試下，真係好得☺️。下次試下牛肚，我見到檔面師傅切牛肚好似好正。店侍應溫馨提示：辣椒油好辣要小心幾細心。😃👍🏻大家小心真係好香，好辣😳但好過癮。

邊度都唔想去，收工是但食個晚餐就返屋企休息。路過見到有大量坐位，晚市只得一兩個食客，又會靜得咁誇張既？牛雜撈粗走肺走蔥，講左不下三四次，四眼叔叔侍應硬係唔明我講咩野，我都開始唔耐煩喇。隨後後生仔侍應聽到就過黎跟進一下，事情完滿解決。叔叔似乎新上任喎，無緊要，慢慢學。牛雜撈粗走肺走蔥，粗麵好濕淋淋喎，仲有點溶溶地既感覺，質地尚算滑彈合格，係太濕唔乾爽而影響口感囉。撈上蠔油大大束地啜，蠔油好咸呢，要調調去喎。潮興旺蠔油太甜，豐記就太咸。清湯好味喎，非常香甜，跟上次魚蛋河湯底有天淵之別，飲晒成碗湯都無話頸湯，真材實料，good！芥蘭有驚喜，居然鮮甜爽脆，難得。牛腸浸到好深色喎，勁咸！牛肚軟棉棉，都係偏咸，其中有件帶濃厚羶味，好驚。牛膀外層嚥韌裡面棉，無牛肚牛腸咁咸，香甜正常，好味道啊！辣椒油仍舊唔多掂，叫做好過無，微香唔辣而且咸。

剛發現原來君滬執左笠，估唔到。新開麵檔見佢招牌打正魚蛋粉，專登黎試，但真係罷鬼！連大元邨街市間潮興既魚蛋都比佢還好。但星期六 lunch 人頭擁擁，座無虛席，可能因為位置明顯易見，又係新屎坑啦。有粉麵飯提供，連魚麵都有噃。魚蛋河走蔥加腩汁，首先試左招牌野先。叫左走蔥都照樣跟蔥芫茜，好采無倒落碗河度，會匙羹盛著，我唯有掉落枱啦。魚蛋魚片一咬即散，不爽不彈，魚味淡而死實無鮮味，質地好發泡膠。湯底清淡，雖然 menu 打住係鮮骨響螺湯底，但麻麻地。加點腩汁還好，如果唔係就淡如水。河粉煮得好，棉滑唔會硬屈屈，完整一束束食得開心，滿意。辣椒油香而不辣，單調而且有點咸，跟香港仔魚蛋粉機乎一樣，一啲都唔吸引。後生仔侍應招呼熱情，敬業樂業，主動兼進取，讚。