豐衣足食 (已結業)

住喺元朗嘅朋友仔話試左間新開熱狗店，食物質素高，服務貼心，一定要試~小店裝潢別出心裁，食物種類都有唔少選擇，包括熱狗、牛角包、炸物、小食、冷烏冬等。雙重芝士熱狗熱狗包烘熱後鬆軟有韌性，雙重芝士份量十足，拉絲效果吸晴，脆皮司華力腸好有咬口，正。蛋牛牛角包牛角包軟熟酥脆，面頭鋪滿超滑炒蛋，蛋味香濃，滑不溜口。炸墨魚丸 墨魚丸鮮甜彈牙，口感爽脆細嫩唔會DRY。炸雞翼 雞翼醃得入味，外皮香脆，內裡肉質嫩滑好JUICY，配埋千島醬，提升味道層次。炸薯條 即叫即烤熱辣辣，外酥內脆，口感蓬鬆，加配芝士醬更惹味!蜜桃茶桃味香濃夠哂足料，甜度適中。凍奶茶茶味濃厚，入口香醇，口感幼滑。

元朗總給人驚喜 到處美味小店林立 走進千色店附近 傳來陣陣牛角包的香味 發現了一間名字幾特別的小店 於是走進店來光顧一下 這裡主要美食有熱狗牛角包及香口小食 店員亦介紹了幾款推介给我選擇 相當親切 蛋牛牛角包 即叫即做 熱辣辣 牛角包外層食落香脆 而炒蛋好滑身又唔會過老 配上牛肉 成件事好夾 炸鷄皮 邪惡之選鍾意食的人 就會知道 咬落口小小鷄油浸出來的程度 炸得剛剛好 加入孜然粉 更加惹味 炸墨魚丸 大大粒 又爽口彈牙 一份重要有六粒 有埋孜然粉既加持 食唔停口 店舖雖小 但所有野都齊全 重有一樣特別之處 可以自拍一張即影即有貼在舖頭內 誠意十足的小店

同女朋友由上水踩單車去元朗，踩完好攰，女朋友無端端話想食牛角包！搵左好耐，終於俾我搵到間良心小店！🥰價錢我覺得算平，食物又足料，服務又周到，仲要有良心。我覺得佢值得擁有更多客，只可惜個鋪位唔夠突出。😣元朗朋友真的要多多支持。吞拿魚熱狗 （$40）材料有腸，吞拿魚，粟米，洋蔥。吞拿魚超多，好足料！😍吞拿魚口感好好，好滑，而且都好香！👍愈食愈上癮。蛋牛牛角包 （$42）老闆娘表示佢地用既係農場雞蛋，蛋食落真係超滑，而且蛋味好濃。本身覺得42蚊真係貴，但食過之後就覺得值回票價，用料靚，炒得滑，一個字 “掂”。😋🤤不過如果個牛角包皮脆d既話，就絕對係滿分！😆炸墨魚丸 （$25）超好吃，炸得香炸得脆，但而唔會覺得dry，正呀！🤩再配左小小孑然粉，好食。👍炸薯條 （細 $15/大$20）薯條勁脆，好正。而且老闆娘俾左個佢地自家製既千島醬我地試。一開始心諗，自家製應該啲味道都唔會太突出，但試完，“嘩”，好香好甜！🤤一試難忘！炸雞翼 （4隻$25/6隻$36）呢度整既炸野真係高質，個雞皮卜卜脆，又鎖得住肉汁，好juicy。怕食炸野好dry，就記得問老闆娘攞個千島醬點黎食！完全將件事昇華！😆凍檸茶 蜜桃

豐衣足食元朗西菁街9號富盛大廈地下91號舖一向都對熱狗情有獨鍾，知道元朗新開一間熱狗店，當然要來會一會。店小小但五藏俱全，熱狗款式都多，還有牛角包🥐二人套餐都只係$140，兩人就可以食到飽飽。蛋牛牛角包$42濃濃的牛油香和脆脆的口感，吃起來比其他的麵包，味道好又不會膩，蛋香滑濃郁，入口即化。吞拿魚熱狗$40熱狗包中間加入熱狗腸及吞拿魚，粟米粒和吞拿魚幾夾，熱狗卜卜脆，麵包有香效果，所以我外皮脆脆地。雞翼六隻，加了孜然粉，雞翼外皮炸得香脆，雞肉嫩滑。薯條香脆，加上薯蓉，芝士醬混上薯蓉😆還有少少沙律醬，酸酸甜甜嘅有芝士香，亦有薯蓉滑滑的口感。跟餐叫了一杯蜜桃茶和一杯奶茶，甜到剛剛好，蜜桃茶比較清新，適合吃熱狗和薯條是配上。

元朗第二站～ 試下呢間良心熱狗小食店店面細細但店面好搶眼！喺橫街入面要行入少少配色同埋佢哋個logo設計隻北極熊仔好可愛㗎～第一次就等我試下basic款式先～肉醬熱狗一整起香噴噴 啲芝士焗得啱啱好～ 果然back to basic係無走雞當然再加少少小食啦 係配有孜然粉醃雞翼同埋墨魚丸！啱啱生炸要等大概十分鐘 但絕對值得喺附近行到攰不妨嚟小休食啲小食呀～良心小店梗係支持佢哋仲有一款炸雞熱狗 配搭好新穎下次二訪一定會試下～

今日入元朗探朋友兼買嘢，順便周圍搵食支持小店同阿仔行咗轉千色廣場之後有啲餓。從千色側門出嚟，見到條小巷，入去睇有乜小食咬吓見到一間位於西菁街小巷中間，主打熱狗及牛角包嘅小食店，名「豐衣足食」。見佢門口易拉架有款「地獄熱狗」吸引咗我嘅興趣原來小店大概開業2個月，咁更加一定要支持一下啦！除咗熱狗，仲有多款新口味牛角包如果有朋友仔鍾意食熱狗又鍾意食辣，咁就值得一試呢款「地獄熱狗」🌭️呢款熱狗除咗基本有熱狗腸，仲配有蟹柳，面層再鋪上秘製辣汁及香葉碎。咬落第一口感覺沒有什麼特別，然後佢的辣係慢慢滲出來，而且都持續幾耐另外，牛角包裏面配有生菜絲及粒粒炸雞，味道出色好味。醬汁方面相信係千島汁，酸酸甜甜很開胃。唔想食辣，呢款牛角包推介必試。其他小食仲有雞翼，店長會很細心會問你雞翼是否需要加孜然粉。雞翼皮脆肉汁豐富。然後發現居然有炸雞皮，見佢係限量所以又叫了一份，炸雞皮脆卜卜，而又不會太感覺油膩，十分邪惡但值得一試飲品配了蜜桃茶同檸蜜茶。見到杯檸檬茶無檸檬，正想問店員是否忘記放了，然後店長告訴我是將新鮮渣好的檸檬汁加入茶裡，所以沒有檸檬。店舖有少量坐位，可供客人坐低慢慢食。

今日去咗元朗千色店借廁所行過留意有到一間新開嘅小食店應該係一家人，個老闆娘同個女仔個頭都染左粉紅色🤣 細細間但都勁多人叫外賣，因為冇野做我就同朋友堂食啦私隱度高me ok ahhh😍嘢飲叫咗一個蜜桃茶同埋檸檬茶老闆話杯檸檬茶冇檸檬因為係自己榨汁！好特別啊有台灣檸檬茶嘅風味！兩杯嘢飲都勁高質🥺❤️之後仲叫咗兩個牛角包同埋兩個小食強烈推薦炸雞牛角包🥐同埋佢哋既雞翼！好食到即刻食晒冇特別幫佢影大頭🥲第一次覺得原來炸雞配牛角包可以咁好食，嗰醬汁係佢哋新鮮打出嚟！不過就真係好多人幫襯所以需要等耐少少🤏🏻 最好就打個電話去預約咗先落嚟拎或者叫定外賣然後再去行吓街買餸等會好啲😋

As we need to work overtime tonight, we decided to buy some light bites back to office. One of my colleagues suggested 豐衣足食 as he have eaten before. It was located at Sai Ching Street at Yuen Long.It was a small stall, catered for take-away. They sold several flavours of hotdog and crossiant, as well as fried snacks and drinks as well.Iced lemon tea and iced peach tea were presented nicely. Iced lemon tea was sweet and refreshing, with strong lemon taste. Peach tea was sweet and refreshing too.F

元朗嘅豐衣足食係朋友大推既熱狗店，係新開架，食物既種類有好多呀，除左熱狗都有多款既牛角包可以選擇👍👍👍🔸雙重芝士熱狗，熱辣辣既熔芝士鋪喺鬆軟萬分既長麵包上面，兩種唔同既芝士混合埋一齊，芝士既香味真係撲面而來呀，入面再包住司華力腸同一定要有既經典茄汁，味道我俾滿分！🔸芝士炸雞熱狗，炸雞大大件，炸到香脆既雞皮下面係鮮嫩多汁既雞肉，而長麵包中間既芝士加埋炸雞真係一個完美既金三角，味道互相補足，大推之選！🔸蛋牛牛角包🥐蛋控表示勁好食呀😊😊啲炒得勁嫩呀，配埋脆卜卜既牛角包，口感好好呀😍🔸食左兩款炸物，雞翼一定一定要食！！襯熱食，好好食，好似食緊大排擋既貨色囉，炸得好靚仔，調味岩岩好😚雞肉好juicy🤪💕💕薯條🍟熱辣辣炸起，份量勁多😙😙🔸飲品試哂三款，蜜桃🍑茶，檸檬🍋茶同埋奶茶，各有特色😍😍其中檸檬茶既檸檬用人心窄出👍👍好有心思呀⭐️⭐️

西菁街一帶係元朗美食集中地， 差唔多乜式都有😚姊妹今日去食 🥐🌭🍟🥤小店在小巷中，店舖雖然細小，處處也用心裝飾👍 有食物即叫即整、新鮮熱辣😚小食方面，有比較少有既炸雞皮😈吞拿魚牛角包🥐包烘得鬆脆，內裏軟熟👍好味嘅醬汁加埋配料，好 fresh 😋雙重芝士熱狗🍞同樣好正，拉絲🧀遇上脆皮香腸🤤🤤小食炸薯條 /炸墨魚丸 同樣唔錯👌飲品方面也照顧周到呀😚唔使自己篤檸檬嘅凍檸茶🍋用飲筒就可以食到嘅蜜桃茶🍑同埋食店既千島 / 辣椒醬， 都係自己調配， 辣椒醬有兩種唔同辣度🌶🌶 下次再食過🌭🌭

今日我哋兩個唔係好想食飯 ，諗緊食咩之際，見到有間新開嘅熱狗店，仲有人排隊叫外賣，咁啱有兩個位，不如食埋先走啦！好，睇下有咩好食先。吞拿魚熱狗，上面係吞拿魚醬汁仲有粟米、洋蔥粒，大大條熱狗腸，個包咬落軟身仲暖暖地。辣肉醬熱狗，肉醬微辣夠惹味，加上芥末，食到醬汁嘅豐富。炸雞、炸墨魚丸、炸薯條係即叫即炸，重點要講個千島醬汁同辣醬係自己調製，味道特別。檸檬茶，檸檬味十足，係用檸檬汁調製，唔會有檸檬皮嘅苦澀味。蜜桃茶，用上新鮮蜜桃粒粒，飲落清新唔太甜。

豐衣足食今日難得去開元朗, 見到有間新店店舖裝潢仲有復古的感覺幾有特色，咁岩又想試下熱狗炸雞熱狗即叫即炸的喲熱狗包都脆內軟，餡料滿滿厚厚的芝士有拉絲效果啱晒食開正餐悶悶地又想試吓新野嘅朋友炸雞薯條嘩份量都幾多，炸雞卜卜脆好好味薯條都係用粗嘅薯條再加上老闆娘自己製作嘅辣醬辣得來又好好味凍檸茶依度嘅凍檸茶係冇檸檬片嘅原來係老闆娘自己用心用檸檬汁再加紅茶飲落去有幾好飲又唔需要吉檸檬好方便食物用心製作用心裝飾過老板娘好好人又熱情, 滿分阿小店一定要支持

今日去元朗睇楓葉，要醫飽個肚仔前先！唔係好肚餓，喺橫街見到間主打輕食嘅，就即管一試，果然有驚喜！元朗又多一間hidden gem💎牛角包（必食）驚喜好脆口，滑蛋同牛肉嘅咸香味好夾。口感好豐富。生炸雞翼（另一個必食）皮脆肉嫩，爐溫控制得好好，肉質非常juicy，雞肉好滑溜。另外手切粗薯條都好有口感。水蜜桃茶（值得一試）淡淡嘅水蜜桃香，帶一點果糖嘅清甜，滿滿的清新感。原來係每日新鮮自己做，怪不得咁正。

雙重芝士熱狗$38麵包外皮烘到好香脆，裡面鬆軟，中間係一層濃厚香軟嘅芝士覆蓋住熱狗腸，一啖咬落去長長嘅芝士拉絲，芝士控必食之選。蛋牛牛角包$42暖暖哋入口超鬆脆嘅牛角包，夾住嫩滑嘅炒蛋，老闆娘話係用農場蛋，仲有炒鹹牛肉碎，整體口感同味道配搭好夾，超讚。炸雞翼$25即叫即炸，要等十幾分鐘。外皮炸到香脆，裡面嘅肉仲係嫩滑juicy，老闆娘話係用啤酒醃製。雞翼本身味道唔會太重，以便配上自家製千島醬一齊食。上面仲洒上烘過嘅羽衣甘藍，豐富咗顔色同香味。蜜桃茶好香桃味仲有粒粒果肉，檸檬茶好貼心咁將檸檬用手工搾汁，等客人唔使自己督檸檬片，又唔會飲到檸檬核。

行過見到有新店開左，主打熱狗、小食的外賣店，感覺蠻不錯就試試吧。小店門面十分“新淨”，細問下原來只開了18日。店內用心裝飾過，這些鐵皮牌很有味兒店內只有一張二人枱，要堂食真係要睇運氣了，不得不提小枱也同樣用心佈置一番。先來杯飲品，點了蜜桃茶，桃味十分香甜，有大半杯桃呢，攪拌後還是喝到啖啖桃肉，好誇張，桃味強烈到差不多蓋過茶味，店家會不會蝕本了？食物方面點了芝士炸雞熱狗＆炸雞皮，即叫即炸的喲～熱狗大大隻，麵包烘熱過外脆內軟，餡料也下得多，拎上手沉澱澱的。厚厚的芝士層，仲有拉絲效果。炸雞塊很香脆，咬落軟嫩，炸得剛剛好。醬汁是店家自制的千島醬，酸酸甜甜跟炸雞很配。最特別係上面的羽衣甘藍，帶來蔬菜的清新，少許苦澀味跟芝士千島醬好夾，好看又好味仲有每日限定嘅炸雞皮，成個手掌咁大塊㗎。勁香脆！ 勁香脆！勁香脆！（重要野要講三次～）加了孜然粉很惹味，一口咬落爆出雞油勁甘香呀，香口美味又邪惡的小食，真係太邪惡了，食完一塊係滿滿的罪惡感餐牌有套餐仲有冷烏冬炸物併盤炸物即叫即食特別好味，一路寫一路回味緊呢，搵日同朋友一齊去可以點多幾款