豐生水起 (已結業)

朋友住附近，介紹左呢間比我地食，今次4個人去食。1⃣️鴛鴦鍋（重慶麻辣+沙爹鍋）🍲重慶麻辣湯底唔係得個香味，有麻有辣，沙爹湯底好濃2⃣️菠蘿咕嚕肉推薦！！外面皮脆入面肉軟，好食，建議點！3⃣️霜降肉眼肥牛🥩呢個肉好好汁，肉好新鮮同埋嫩，好滑4⃣️墨魚嘴第一次食咁大大大粒嘅墨魚嘴🤣🤣5⃣️水果茶（水蜜桃）然後仲叫左牛柏葉，鴨紅同埋蝦雲吞，食材都非常新鮮。總括而言熟食基本上都好好食，材料都好新鮮

因為朋友住太和火車站附近所以就試吓喺呢邊打邊爐平時真係唔會入嚟跟住就試吓呢間 估唔到有意外驚喜叫咗個牛乳海鮮鍋 超級足料啲蝦仲要好新鮮 係勁厚肉同彈牙粟米勁甜 湯底都飲咗兩碗 所以真係超級讚牛肉嘅肉質好有牛味 豬肉都唔差 好好味整體來講佢呢度嘅肉都真係幾新鮮然後叫咗呢一個三色面有原味 菠菜同埋蕃茄味我覺得好特別啊不過佢呢個面就比較吸湯所以呢就要煮耐啲我嘅建議係煮耐啲嘅話會好似烏冬咁 嗰陣食係最好食嘅 因為我試過生少少食呢有啲似上海麵咁就睇個人口味啦晚市 客人係可以拎走一條雪條㗎梗係揀咗我最鍾意嘅榴槤味雪條啦超好食所以係大滿足

同朋友兩個人試下黎食，叫左幾樣野，椰子雞湯底，厚切肥牛，牛栢葉，雜菜拼盤椰子雞湯底好清，好甜，好好味道，我同朋友一開始就飲左兩碗，而且又有竹笙，個感覺好好，好夾，D雞也有另外調制的醬汁俾我地用，個人認為吾點汁，就咁食已經好滿足個碟牛，瘦肥適中，不錯選擇，一碟都已經夠曬兩個人食了牛栢葉都幾大份，爽口彈牙雜菜拼盤都有4種菜，又有蕃茄，瓜，正餐廳服務都好好，一開始就俾埋醬料我地，自己配搭總結係吾錯的選擇

今晚朋友喺香港島遠道而來大埔探我 我為咗慰勞佢哋咁辛苦嚟到 就決定去呢間豐生水起度食飯 呢間餐廳喺大埔都算出名 因為價錢都幾大眾化 而且食物質素都一流首先就揀咗個湯底先 我哋揀咗一個藥膳鍋 再加上醉雞 成個菜式都好補 醉雞雞肉好嫩滑又唔太肥 加上花雕酒嘅香味 令人食指大動朋友係食肉獸 所以又叫咗一個羊肉片 呢個羊肉片唔太騷 啱曬朋友食跟住又叫咗一個手切肥牛 雖然叫做肥牛但係又唔算好肥 牛肉味非常之重 口感煙韌 值得一讚之後又叫咗個白鱔 大家都知道係一個幾貴嘅食材 但係呢個非常之厚切 口感亦都好煙韌可口

中秋期間搵唔到12人D區食市做節，今日先比我搵到哩間，一定要記錄在案。門口見入面光猛整潔，格隔闊落目測第一關已經合格，最吸引係4人每人食夠兩嚿水就送原條象拔蚌，今日特登叫齊人來試下，見餐單價格真係一啲都唔貴，全部一嚿水有找。 一坐落店員馬上送上前菜小食👍醬料盤乾淨衛生疫情雖然不是在高峰期，但餐廳的衛生，現在已經成為重要的一環。有多種靚湯何以揀！杏汁燉白肺湯鍋，近來氣管敏感，一飲完當堂舒服哂，感覺真係滋陰。好香杏汁味，飲哂白湯先再加火鍋湯，如果唔係浪費個原味靚湯。原隻象拔蚌真係冇偷工減料，足哂份量上枱現場製手打丸 不會太鹹，帶出鮮味更上一層樓小菜都有水準，4個人可以叫個湯齋飲唔打邊爐，再叫小菜食飯。很喜歡流沙金球，唔會太甜奶味又夠。芝麻榚即場蒸，口感軟棉，好食！最後送上心意雪糕， 令甜品環節相得益彰。

千山萬水踩到大埔好肚餓了～即刻睇下附近有乜野食搵到間打邊爐嘅又去試試呢度係一間好新潮嘅火窩店播住英文歌氣氛都幾輕鬆一黎到就上左碟泡椒雞翼尖俾我地過下口癮先好辣呀！但辣得好過癮！好開胃！我地揀左個黃湯鴛鴦花膠雞鍋(小)有半隻雞本身鍋入面已經有花膠同魚肚感覺好滋補呀！！加左雞入去5分鐘左右就可以飲湯雞我就覺得可以煮多一陣好鮮甜呀個湯仲會有漿口嘅感覺果然足料！老闆娘？！教路湯佢係預我地飲大半嘅然後可以再加返高湯入去打邊爐咁先唔會浪費左啲靚湯～飲到咁上下我地就請侍應加湯打邊爐我地揀左手切雪花肥牛蔬菜盤，雙拼自家製餃子，八喜臨門鮮打丸盛同鬼馬油炸鬼樣樣都好有質素肥牛充滿牛味鮮嫩，靚油花八喜臨門鮮打丸盛每款都可以試到尤其喜歡羊肉丸充滿肉汁，又唔羶自家製餃子又有驚喜京蔥牛肉餃超爆多汁元寶雲吞又大又爽，蝦肉鮮甜鬼馬油炸鬼就咁食又得浸湯食又得我就鐘意略浸湯等佢暖暖地但仲有少少脆口咁食最衰我地假日先黎如果星期一至四，四位以上一日前訂座並食滿800蚊仲有象拔蚌刺身送我都好想食呀！！！🥺🥺

跟朋友於大埔影完中秋燈飾後，便到附近吃晚飯，豐味火鍋餐(2人用) - $788鬼馬油條拼紫菜墨片頭這款小食有半邊蓬鬆酥脆的油條夾著爽口彈牙的墨片頭，中間夾雜些紫菜絲更惹味，還有醬汁可蘸減低熱氣感。原湯鴛鴦鍋湯底可任選兩款，一邊是較清淡健康有鮮味的清雞湯，另一邊則是香辣味濃的麻辣。值得一讚的是加湯除了常見的雞湯外，還有麻辣湯可加，變相麻辣湯不會變得淡而無味。極上手切雪花肥牛拼西班牙黑毛豬梅頭片肉類的份量頗多，兩種也有很多片。每片雪花肥牛有一定厚度更有口感之餘，雪花不是一般的那種肥膩，而是如大理石花紋般，平均分佈，牛味濃郁且鮮。西班牙黑毛豬是豬隻中的頂級不在話下，梅頭片油香而不膩，肉質柔軟且滑潤不澀。精選海鮮盛大連鮑魚廚房已去除內臟位置，清洗得好乾淨，新鮮的鮑魚色澤光亮飽滿，入口彈牙細緻，鮑味濃郁；元貝味道清甜，裙邊位好爽口；龍躉片彈牙鮮甜又沒有任何魚刺，尤其是魚皮位膠質很重；海蝦好新鮮彈牙，容易去殼。手打墨魚丸拼陳皮牛丸雪白的墨魚丸富彈性爽脆；牛丸彈牙多汁，略厭陳皮味有點重。招牌元寶鮮蝦雲吞拼小籠包雲吞皮薄柔軟，豬肉鮮蝦餡充滿鮮味且肉感重；小籠包皮可能較厚，包裹著的高湯好惹味。自家炸響鈴

男友生日飯, 滿足佢兩個願望, 有得飲湯又有得打邊爐, 知道呢度嘅鴛鴦花膠雞湯出名, 一於提早book 定枱試下點咗黃湯鴛鴦雞湯做湯底, 第一窩係飲個湯先, 鴛鴦雞湯原來係指魚肚同花膠, 湯底好濃沃, 飲到有豐富的膠質, 相信這個湯底亦都淆咗一段時間, 淨係飲個湯都正。生日喎梗係要食得豐富啲啦, 叫咗二人份量海鮮set同澳洲和牛封門柳再加一啲餐前小食海鮮拼盤算唔錯, 扇貝, 貴妃蚌, 蠔...因為少用海鮮打邊爐, 店員細心解釋每一樣海鮮煮熟嘅時間, 可能自己鍾意食海鮮, 特別對呢個拼盤加分封門柳, 個人比較喜歡白灼唔加醬油淨係食佢嘅牛肉味, 如果分量可以再多少少就更加開心了至於小食, 炸鯪魚球, 呢個比較一般, 略嫌鹹了點。但係鮑汁鳳爪不得了囉, 真心推介, 個人喜歡見到湯汁好快凝固, 代表真材實料, 鳳爪容易入口, 軟硬適中呢餐生日飯食得好豐富, 總算物有所值, 店員服務好, 有問必答, 最開心係可以飲到成煲雞湯, 真係真材實料, 滿滿的一個晚上溫馨提示 : (逢星期一至四) 一日前訂座4位或以上並惠顧火鍋滿HK$800即送原條 < 象拔蚌刺身 >

放假同屋企人打邊爐，決定試下呢間主打花膠雞湯底既火鍋店，餐廳位置係大埔近太和，舖面企理，望落都好干淨。入到去都無咩油煙味。一開始當然叫左湯底先，佢有十幾款湯底揀，雞牛豬都有，每款都幾有特色。我地就叫左最招牌既花膠雞鍋半隻湯底（$288）。湯底和雞分開上枱，店員會幫手開始煮，有哂計時器計足幾多分鐘有得食，服務黎講好好。個湯底的確濃，聞落好香，亦都有花膠既黏口感，配料既魚肚花膠亦都唔少。煲冧左既魚肚非常好食。隻雞質素都唔錯，係新鮮雞，配埋落個湯底度非常夾。店員提醒我地一開始煲起就可以飲左碗湯先，先食一輪“精華”，呢個提醒十分重要，首輪既湯底的確濃郁鮮甜👍🏻配料方面呢間既選擇都幾多，牛羊豬，海鮮都有唔同種類，仲有各式拼盤同肉丸，餃子等等。我地加左半份手切雪花肥牛（$138），肉脂分佈適中，牛味濃郁，質素唔錯。另外打邊爐點少得菜，佢既蔬菜盤（$68）都擺得養眼，而且分量唔少。由於佢湯式個味都好濃，所以就算唔特別加醬汁都好入口。不過佢既調味料全部獨立一枱枱咁上，比較衛生。其他擺設同碗碟都幾精緻。價錢來講唔算平，但食物既質素都上乘，環境舒服，係一個聚會唔會失望既地方。

<<滋補花膠雞火鍋>>身為大埔友，無理由唔識呢間咁出名的火鍋店啦，大大個師傅肖像係門口😂今晚諗唔到食咩，就近近地去試下.🟥招牌湯底：花膠雞湯🐔🟧黎到梗要食招牌湯底 - 黃湯鴛鴦花膠雞窩。金黃色的湯底，放滿大大舊的花膠及魚肚，加入清遠雞大火滾5分鍾，即可飲用~非常濃郁鮮甜味，飲落少少黏的口感，証明充滿膠質，真材實料。.平時唔食花膠少食雞的肥 Pat先生，都大讚湯底好味~飲咗勁多碗！當然所有花膠都歸我食啦😎😎😎hohoho~.🟨肉類🟩脆鯇腩⏩雖然細份，但夠肥美羊肉片⏩唔係平時食咁薄，但濃羊味.🟦其他配料🟪魷魚⏩全條上，好鮮味😍推介✨竹笙/娃娃菜/菇都正常水準.🥤鹹檸七🥤推介✨鹹柑桔唔會死鹹，落埋青檸增添微酸，感覺更 refreshing! 推介✨

۵ ❥ 豐生水起Hot Pot Market ⋆ ۵⑀∝ ∝ ∝ ∝ ∝ ∝ ∝ ∝ ∝ ∝ ∝ ∝ ∝ ∝✑ ✑必回訪的大埔火鍋店➴ 大埔的豐生水起火鍋店原來老闆是香港星級大廚陳國強怪不得食物都很有質素 真的真的比市區cwb/tst有名的火鍋店更好吃食材海鮮新鮮 真的超級推介😛➴ 招牌「黃湯鴛鴦花膠雞鍋」在吃火鍋前先喝湯 我們都喝了兩三碗 問店主才知道用金華火腿、三黃雞、瑤柱熬湯 真材實料特別花膠和魚肚有膠質有鮮味不是街外泡水橡膠沒味道那種 雞選用文昌雞件 特別嫩滑➴火鍋配料不錯但湯底太出色了🤣 火鍋配料點廣島蠔$98 龍躉魚$128 手切牛頸脊$118手切牛頸脊有咬頭肉味濃郁➴我們忍不住點了小菜 都好吃🥺椒鹽魷魚$118和大蜆蒸蛋$108椒鹽魷魚外皮香脆厚薄適中 薄薄一層包裹爽彈魷魚大蜆蒸蛋 蒸蛋好嫩滑不過蜆味道太淡 主要為蒸魚豉油味道/✿.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 豐生水起Hot Pot Market大埔翠和

地方唔算大, 但人龍好長, 基本上都要搭桌.叫左個沙爹湯, 同清雞湯, 沙爹湯算係濃味, 夾烏冬個類食, 十分吸汁.醬料正常, 有4樣選擇.本地手切牛頸脊(大) (368$)份量算相當之多, 2人食會有d太濟, 建議3-4人食會更好,牛肉口感十分爽口, 手切牛係數一數二打邊爐最好食既牛, 肉味本身都好濃,基本上唔需要點醬, 就咁食已經十分好食!八喜臨門鮮打丸盛(98$)手打丸, 主要大分別係呢到既手打丸比較爽口彈牙鮮味都比出面重, 可能係因為比較新鮮製造.小籠包 (68$)好少見小籠包可以打邊爐就整碟黎試下.皮比較厚身, 唔易穿, 一般放完打邊爐要煮8分鍾, 拎起身時全部都無穿, 都岩打邊爐. 湯底就正常.青檸梳打 (28$) 我幾中意呢隻design, 同埋份量都算大杯, 所以飲得都滿足.整體而言, 價錢算係中上級,食物質素算高質,  新鮮, 可以一試!

係屋企附近有間火鍋店，我一直都好想食🍲因為唔想煮飯，就同家人來食啦！呢到有茶芥～所以我地叫咗香片飲🫖湯底都有好多種類，有部分係原湯鍋，有部分係原料湯，湯入面有埋食材。我地點咗「北海道牛乳海鮮鍋」$238海鮮有4隻海蝦同少少大蜆。北海道牛乳湯好香滑，我飲咗好多湯。蘇格蘭蟶子 $58 & 元貝 $48海鮮好新鮮，肉質嫩滑。蟶子好好味。霜降手切肉眼肥牛 $218 全份肥牛好濃牛味，真係好回味！

此店朋友共聚的好去處🏠, 我同朋友都住港鐵沿線, 太和火車站行過去非常方便, 於是提議去豐生水起食火鍋(非常時期)。 一早book定位食6:00pm。服務員姐姐笑容滿面招呼我地坐, 並送上調味料。 落單不久, 原條新鮮象拔蚌送到。驚喜🎊🎉❤。食材新鮮, 足料。其中有ㄧ個朋友👩第ㄧ次來, 我及其他人就係ㄧ試再試😋😋😊。 朋友話ㄧ定要飲佢的最愛❤---落足料的杏汁豬肺湯🐷, 杏仁味十足!!!!😋😍ㄧ邊飲一邊讚口不絶。👍👍(係飲曬D湯才慢慢打hotpot😂)

今晚又相約朋友到大埔食飯，由於我們太多口水要噴，所以選擇打邊爐，最終選擇左呢間「豐生水起」，食材很新鮮，價錢中等，環境乾淨，坐得舒服，服務唔錯。黃湯鴛鴦花膠雞鍋$268花膠好淋又冇煮溶，魚肚大大件好厚身，半份雞件。首先待湯滾，再放雞件，店員預先準備了計時器給你，預設了5分鐘，放了雞件就按時間制。我哋試過放雞件前後，湯的分別，放雞前湯比較清甜，放雞後就十分濃郁。雞件好食，同埋係可以飲哂湯，之後佢會再加清湯比我哋打邊爐。極上手切雪花肥牛$248（全份）很新鮮，很淋很夠牛味，雪花多，所以食落好軟綿綿。韮菜餃拼京蔥牛肉餃 $78韮菜餃好好食😋牛肉餃比較多汁，咬開肉比較碎，但好夠味。個人鍾意食韮菜餃多啲😛娃娃菜 $32放落雞湯度煮，入哂味，好正😋三色手擀麵 $68紅色～蕃茄麵綠色～菠菜麵杏色～原味蕃茄麵是比較受歡迎，可能因為味道帶少少酸，比較有味道。我就幾鍾意啦～波菜麵係食到波菜味，都啱食。原味比較淡，都ok生麵要煮10分鐘，多湯煮會好啲