豐明苑茶餐廳 (已搬遷) 新店位置

↑裝修完的豐明苑, 位置雖然少左, 但係坐位舒服左, 環境仲整潔左, 枱與枱之間都有一段距離, 對食客安全都多一分信心. 廚房同水吧位置無變, 但外觀型格左好多.↑早餐就好似無乜點變, 都仲係有羅宋湯底, 取代一般清湯底, 重點係唔需要額外加錢.留意如果揀B餐餐肉, 配菜又可以再配餐肉, 一個唔留神, 就會變左3塊餐肉出現架喇.講返個羅宋湯, 蔬菜係多既, 好在蕃茄味無被溝淡, 每一啖通粉都好有蕃茄味. 雖然個餐有厚多士, 但唔算厚, 而且都好鬆軟, 重點又係唔需要額外加錢. 早餐黎講, 真係抵食夾大件.

尖東半島中心一樓：新豐明苑餅店茶餐廳沙嗲牛肉意粉：個人覺得就唔算得上係沙嗲，不過啲牛肉好淋，味道方面都可以。火腿奄列足料，奶茶都算唔錯。整體來講都算合格，價錢$39都算合理✅

午餐時間非常之多人，叫左個叉燒飯，看起來很簡單，但味道真的讓我們吃了一驚，它真的很好吃。肉質嫩滑同味都幾香, 我仲叫左杯凍奶茶, 奶味就偏多, 不過都我就鐘意多D奶既會好D 都覺得姆好飲 我們下次以黎過

每每想食燒味, 我哋唔係去燒味店 or 太興呢類, 而係去豐明苑! 我哋叫呢間茶餐廳做 “半島茶餐廳”, 除左因為喺半島中心內, 最主要係附近又有間豐明苑, 而2間質素相距極遠, 為免攪錯, 我哋自行幫佢改名! 叉燒煎蛋飯, 睇相都知好食啦, 燶邊半肥瘦叉燒, 蛋又煎得靚! (本來無穿架) 芺蓉蛋飯 ~ 芺蓉蛋多到隻碟咁大! 裡面勁多料, 有蝦, 叉燒, 火腿, 芽菜, 韮黃…等等! 唔係勁肚餓千祈咪 order! 我食叉燒燒鴨米粉, 個叉燒真係無得彈, 又滑又軟又香! 個鴨都勁好食, 皮仲脆架, 不過我真係對肶無乜興趣 (唔好打面) 註: 其實我哋成日去呢間茶餐廳

我幫襯得最多既茶餐廳係澳牛, 華星 & 喜喜! 自從喺尖沙咀返工, 就變成去豐明苑! 出品實在係高質素, 雖然坐得比較差, 但味道郤能留住我哋既腳步 (只要著得 casual d 就可以)! .我往往諗都唔諗就話要椒鹽豬扒飯, 但係同事們已經禁止我再食呢樣 (唔知關佢哋咩事), 咁我唯有重投燒味既懷抱! 叉燒好多時喺 1:30pm 已經賣晒, 今日有幸食到睇落好似好瘦, 但係極度軟滑香口的叉燒 拼 燒鴨飯! 有時叉燒會切到燶邊 (睇下好唔好彩)! .註: 我知我咁講會比人打, 但係我真係喜愛胸多過肶…

那天往位於尖東半島中心二樓的豐明苑餐廳品叫左午餐，並選擇洋蔥鴛鴦扒意粉餐(配洋蔥汁)。嫩滑意粉乃現成式，一塊簿牛扒夾一塊醃味豬扒，肉質煙韌爽口，再配上美味洋蔥汁下幾開胃，當然還有紅蘿蔔椰菜絲作配料。再加杯熱奶茶幾好。

剛才午餐去了尖東的豐明苑，叫了個鮮茄牛肉會意粉，因我最喜歡食不同食店的意粉。今次的鮮茄加上牛肉令人胃口大開，真係好好食的，牛肉充滿熱度，配鮮茄，更加令意粉又香又滑，值得下次再食。

牛腩河早餐連熱檸茶＄39價錢比較一般茶餐廳貴，但這裡的牛腩不錯，唔韌，有肉味。湯底水準不一，有時好鹹，有時好似清水！最近裝修完，環境好了，冷氣充分，招待OK。整體來說，可以再來幫襯。

尖東有幾多間茶餐廳?? 大至上都有十間上下, 但價錢上落很大, 如果閤下想平, 就請到商場內的一/二樓或地庫, 價錢起碼平二/三十巴先. 就好似呢間, 其實水池附近都有一間, 但同一店名, 水準差不多, 但定價完全不同. 是晚未夠7時, 心血來潮, 想食碟星洲炒米, 散叫, 加多杯奶茶.米粉炒得未算夠镬氣, 但都不太濕, 入口仍算些少爽口, 一點點咖哩味道, 材料不少,义燒絲/火腿絲/豬肉絲/蛋絲全齊,  但洋蔥切得太大片, 蝦仁大粒, 無味, 但已經把蝦腸去除, 沒有黑色一條在蝦背倒胃口, 讚一讚.辣椒油, 夠誠意, 辣度有翻咁上下, 而且材料足, 唔係只有油.

原來家妹結婚，做阿哥的於早上不能逗留屋內，唯有要遠走尖沙咀。看時間充裕之下，唯有走入一間茶餐廳裡。早上已備有各式早餐選擇，可惜沒有一樣是我心中想吃的。剛好在基本的餐牌裡見到有沙爹牛肉包，很久沒試過此物，可惜不是位於早餐的餐牌內，如果散叫的話，加上餐飲，乃就要三十元了。換著以前，一切也要看價錢做人，今時今日，如遇上心頭好，為何還要吝嗇那數塊錢 ? 一於照吃可也，來一杯熱奶茶，茶身帶點厚底，入口甚為滑溜，雖沒有回甘之味，期間亦不苦澀，一個人悠然自得地喝茶，期間看看電視及觀閱免費報紙，不亦樂乎。那沙爹牛肉包，中間處也經烘過處理，內裡的牛肉份量不少，惹味之物，肉質也是合乎期望。這一個早餐可吃得滿意，起碼比其他ABC餐更適合自家心水，它是尖東的豐明苑，但位於尖東半島中心的商場內，招牌也多了一個「新」字，不知與尖東地下的老店有何關係，套餐不合心水，但看那些出爐麵包漲卜卜的，不排除找天再試。陵之微調：B-用餐於二零一一年十一月五日的早上

午膳時間，每次經過都看到此食肆熙來攘往。這天，終於下定主意走進去。雖然只是一位，但聚眼看來，亦不容易找到位置。幸得侍應幫忙，餐廳四周算是擠擁，但侍應仍很替我著想地安排了較好的位置，心裏很感謝他。很想吃燒味，看過餐牌後，發現有燻蹄，最後點了燻蹄切雞飯，配凍檸茶。燻蹄切雞均配有醬料，吃下去挺惹味。燻蹄大件而多，屬好味之作；切雞達到水準；不知為甚麼，飯令我感到「家」的感覺；檸茶則一般。整體而言，可試試呢！

lunch,我叫左沙爹牛肉通,朋友叫洋葱豬扒飯,咖哩豬扒飯同黑椒牛肉意粉我個沙爹牛肉同黑椒牛都ok.另外兩個朋友食到擰晒頭.話curry無味,洋葱得d色又係無味.其實又唔係極差,早餐我地食都ok,即係湯粉ok,飯類就真係馬馬...

中午尖東d 茶餐廳真係好多人但唔代表d 食物水準做低d 都無問題呢間新豐明苑同地下o個間比較真係差d地方唔乾淨, 午市套餐個牌又唔清晰叫個午餐送個酸辣翅好似"痰"咁既質地咁既野都可以俾客食...最差係叫個餐蛋飯 (無野叫得落手先叫d 易煮既飯)叫佢餐肉煎膿少少, 要太陽蛋...都係個邊煎膿少少黎到餐肉唔膿, 蛋係太陽蛋...但同窩蛋無咩分別一見到就唔想食!同佢講話叫左煎膿d...佢話太陽蛋係咁架喎...我食過咁多太陽蛋, 無一隻係咁既樣當然唔收貨...結果個廚口 up up 話"麻煩"叫我食過第二樣一聽到佢唔幫我整就火都黎Cancel 左即刻走!都未試過去一間餐館未食就想走如果煮野煮到咁就不如唔好煮喇以後都唔會再幫襯我識既人都唔會幫襯

因一場颱風令本來計劃好的事被擾亂, 唯一不變就係去睇劉美君. 出到尖咀風大雨大, 身為旅遊區竟然四處水浸, 無路可行, 兼一身濕透, 就慌忙地找落腳處.可能因天雨關係人唔多, 見掛出來的燒味賣相麻麻, 就叫個粉麵比較穩陣牛什粗麵- 牛膀好鬆軟, 唔會好似坊間咁死實、牛腸有少許肥膏帶甘香, 而金錢肚炆得幾腍, 雖然個湯咸左少少, 不過睇成場演唱會都無口喝感覺另試了友人的牛腩, 肥瘦適中, 炆得又夠腍, 幾唔錯

平時都係去開另一間, 但裝修緊, 咪過來這間囉. 原來這間都啱啱裝修過.見人家的豬扒米線幾得, 也點了. 仲有奄列和多士添...豬扒都幾入味, 鬆軟, 大大塊. 米線的湯底都幾濃, 奶奶地, 唔係魚湯, 但都幾夠味. 奄列好油, 多士厚厚地, 但唔算鬆軟. 整體也相當滿意.