豆花妹撈米線

有朋友在深水涉鴨寮鴨接手了一間樓上音響店已有一段時間了,這天下午他邀請了我與另一位朋友到店裡聽聽看看玩玩;不知不覺地由2點左右消磨到4點幾,此時發覺有些許肚餓,剛巧另一位朋友也有同感;於是就問問店主附近有哪些推介,店主直指西九龍中心!說行就行,拜別店主後,與朋友很快到了目標地點;在西九中心的美食廣場轉了一圈後,留意到這間豆花米線,有點印象,朋友說應是數年前在某電視節目上贏得創業基金而成立的食肆;問及朋友有否興趣一試,他說當然沒問題!菜牌簡單直接,與朋友小議後,選了招牌的米線與兩款小食,以便留下更多的胃納在晚上的酒宴!米線需要即煮,等了好一會就上來,看看配料有:牛肉碎,豆花,花生,辣醬,蔥花,拌勻後與朋友分食;首先是辣度不够,因為點的是小辣,對喜好食辣的應該要點中辣或以上;而牛肉碎與豆花估不到是頗為相配的,米線走的是軟滑路線,三種味道混和後滷汁味與牛肉味始終佔主導位置,豆花是隱隱在後段有些許回響!這沙嗲雞肉串是最先上來的,沙嗲汁的調味甚為討好,可惜雞肉的質感帶著模糊的樣子,令整個口感失落了不少!反而這最遲出爐的花枝丸驚喜最大!吃了沙嗲雞肉串與豆花米線後,本來已被濃味佔滿了口腔味蕾;但這花枝丸外皮炸得油脆,趁著熱辣辣時一口咬下去時,內裡的肉汁不小彈出來,也覺甚是鮮美!而且整體肉質紮實又有足夠彈性,調味得宜不用配醬料,相當不錯!總結此餐,作為一個下午茶小食來說,這店子的價錢與質量成正比的,也算頗滿意了!而飯後水杯指數(食物調味輕重度,5杯為最重口味),本人給予3杯,以此類小食店來說,算是不錯!…查看更多

喺西九中心8 樓既foodcourt入面有好多細細間既美食平靚正， 其中 出名既豆花米線都喺入面。 係港式米線， 味道幾特別， 各人可點價值29 蚊既米線餐 包埋野飲同一個小食 味道好又夠平 ,.如果仲想再點小食 每一個平均10 至12 蚊 米線有三款招牌豆花撈米線上面鋪左一層超滑既豆腐 滑到好似豆花甘 口味又夠香滑， 醬汁充滿肉碎， 而最特別既係肉碎炒到有d 燒焦味十分惹味，加上少少類似潮式既濃味辣醬 配以大粒軟身既花生 葱花 成為呢碗豆花米綿， 麵身十分爽滑彈牙 同濃稠既肉醬好match , yummy !  喜樂牛肉米線米線同豆腐一樣 但醬汁卻用左牛肉碎整成既茨汁 整個味道好似牛肉整成既肉醬意粉甘 配上辣醬增加香味 同咪硬身既花生 都好正 雲吞湯米線雖然麵線同豆腐一樣 但卻不是同上面兩款一樣係撈麵， 而係用胡椒湯整成 雖然清身但聞同飲落去都幾香濃， 配埋素菜雲吞 口感幾好 而小食方面有溏心蛋 凍食而醃得夠入味 蛋皇半生熟！惹味雞翼醬汁唔知乜野黎， 但食得出醬汁有輕微辣 同少甜 都真係同個名一樣幾惹味既柚子豬手片豬手肉用醃過既咸豬手 味道濃烈 配埋 柚子既清甜就剛好沙嗲魷魚係舊時小食店 醃到好林好濃既魷魚 超軟滑南乳汁又夠入味 正 飲品點左薏米水十分清甜 完完冇落湯 清熱又健康豆花奶茶香滑既凍奶茶 加上豆花墊底 , 令到奶茶更滑 特別又好味！ 一個字 平靚正…查看更多

豆花妹係西九龍中心開左分店，以後食豆花妹又方便左！ 和朋友一人點了一個套餐，套餐除左有碗米線外，仲包左個小食同飲品，都只係$29，好抵食！ 招牌豆花撈米線（$29）同以前味道一樣咁妹味，肉碎香味濃郁，惹味可口。 喜樂牛肉撈米線（$29） 米線嫩滑可口，牛肉香濃美味！ 小食選了麻辣鳳爪，兩大隻易咬又入味！ 沙嗲一口雞串惹味可口，肉質嫩滑！ 惹味雞翼有兩大隻，肉質嫩滑！ 還額外點了份柚子豬手片（$12），豬手肉質鮮嫩，配上柚子味道酸酸甜甜很開胃！ 飲品種類也非常特別，選了三款不同的，分別是豆花奶茶、薏米水和紫貝天葵山楂水，最欣賞紫貝天葵山楂水，酸酸甜甜很開胃，岩曬夏天飲！    …查看更多

香港地真係無咩多，特別地唔多；唯獨人多餐廳多，所以好多闖出名堂既餐廳都未曾試過，今日終於又去左一間。講開豆花撈米線，相信好多人都聽過什至食過。而我對佢既認識係TBB既"我要做老闆"創業節目。雖然最風光既時間我無食到，但今日食都未算好遲。位於西九龍中心上面既food court，呢度好多間餐廳，云云之中會見到佢。星期六中午時間異常多人，建議先搵左位再去餐廳點野食。係餐廳見有招牌豆花撈米線同喜樂牛肉撈米線，兩個人一人叫一碗岩岩好，再加野飲小食。$29 包一米線一小吃一飲品招牌豆花撈米線見到表頭分有豆花，肉碎，花生，感覺都幾豐富，然後底部係米線。先將所有材料撈勻，令到味道可以均勻一點。食既時候口感都幾豐富，有肉碎既咬口，豆花同米線既滑口，再加幾分惹味既辣，配搭有新鮮感之外，味道都唔錯。喜樂牛肉撈米線同招牌既分別係由豬肉變左牛肉，食既時候牛肉味會比招牌豆花撈米線更突出，似肉醬既感覺。肉素雲呑皮薄餡多，個汁都幾夾雲呑。惹味雞翼呢個味係南乳味既雞翼，但自己就唔太鐘意食南乳，所以覺得麻麻。香炸花枝丸外面脆，內裡彈牙，而且好大粒下。豆漿 (+$3加大)食米線我都幾鐘意配豆漿，已經成為一種習慣。豆花奶茶味道唔會好濃，底部有豆花，好特別既配搭。如果你飲過仙草奶蓋就類似果個感覺。其實撇除佢背後既負面新聞，我覺得豆花撈米線的確係幾好既idea，而且係香港獨創，所以真係幾值得欣賞。…查看更多

豆花妹撈米線從地舖搬到西九龍中心的food court，openrice也有新戶口，未知味道和選擇會否有所不同？不知是否太久未有光顧豆花妹，已搞不清這是否新店的新餐牌 和男友各自點了一客米線：招牌豆花撈米線和喜樂牛肉撈米線，外加小食杞醉雞翼、炸花枝丸、肉素雲吞和半熟流心蛋。兩款米線差異，只是辣度略為不同，一心品嘗喜樂牛肉滋味的話也許會失望。一碗看起來滿滿的，但其實是紙碗較以前的小。猶幸豆花與米線尚具質素。四款小食之中，最教人失望的就是這款半熟流心蛋，不止半熟，更不流心。杞醉雞翼肉質很鞋，雖然入味，但不滋味。肉素雲吞偏小，也有點太乾。花枝丸來貨揀得好，炸起來熱度也夠，可以一吃。我飲的是山楂水，他的是豆花奶茶。山楂水沒啥特別，但豆花奶茶相當香滑，忍不住不斷偷他的來喝。兩位共銀HKD70，以晚飯價錢尚可接受，我倆食量小也就夠了。…查看更多

今次買咗個29蚊套餐有一碗 喜x米線仲有一杯野飲同埋一個小食佢同我第一次去食總店食已經唔同啦 第一個豆腐花應該係唔係自己整嘅 第二好似始終冇總店咁好食講下個小食我揀咗沙爹雞串有浸鹼水味野飲我揀咗山楂水真係冇咩味呢間嘢冇下次你請我都唔會去食…查看更多

豆腐花撈米線搬了去西九龍~ 豆腐花撈米線相信大家都會知道是什麼啦,之前TVB那個創業節目勝出那間，當時一開店，更做成一股熱潮，不過始終生意難做，剛剛路過西九龍foodcourt才知搬到這裡 西九龍foodcourt餐期時間超多人，來的只為醫肚，別想可以舒服地品嘗食物大碗＄２２／細碗＄２０點餐比較抵食，＄２９包一小食加飲品(招牌)豆腐花撈米線，入面有肉碎花生、蔥花、豆腐花同米線等，食的時候先混在一起，味道非常豐富，那豆花好嫩滑，味道辣得來帶麻，非常刺激小食點了雞翼和雲南辣雲耳 ，雞翼偏腍，有點煮得過火，而雲南辣雲耳則非常好食，好爽口而且很夠味，辣而不過火，推介～店員推介的紫貝天葵，既健康又可以下下火，味道淡淡的，相信人人都可以接受的那種…查看更多

只係知今日要嚟西九龍中心，所以求其搵啲野食，但由搵到呢間小店，到食完，我都唔知原來呢間小店嘅來歷係咁傳奇。平時食開湯上嘅米線，今日就試吓一款對我係好新奇啲嘅米線啦！＄29一款米線，包一款小食及飲品，到俾錢嘅時候，店員話＄58，仲以為係＄58一個人，原來係兩個人！抵呀！（好明顯冇認真睇過個menu.........）落完單之後搵位坐，不過啲位就非常唔好坐，斜嘅，拎住晒野都唔知放邊好... 而且檯與檯之間非常迫，可以的話其實外賣會更好招牌豆花撈米線旗袍叫咗呢個，有肉碎、豆腐、花生、芫茜、蔥、香料及麻辣醬，又幾特別喎！但米線呢？原來被遮住晒... 可惜米線幾淋，撈完所有料之後會覺得好槳...喜樂牛肉撈米線我呢個係加咗汽水調味嘅牛肉碎，料充足之餘仲非常入味又夠香；米線係幾滑，但對我嚟講係太濕及過淋，好在有啲脆脆哋嘅花生點綴一吓口感；撈少少豆腐，其餘嘅就咁食，撈咗嗰啲又令到個配料輕盈啲喎！但老實說，撈完嘅外觀唔係太靚，雖然你個名叫撈米線，但我覺得唔撈就咁食都OK吖... 落單時唔記得講要走辣，卒之撈完之後越食越麻，麻到條脷都痹晒，雖然係特別，但如果我呢碗係走辣的話，我會食得更盡興香炸花枝丸即叫即炸嘅關係，要等等... 吖又炸得幾靚喎，金黃色嘅！上面有少少胡椒粉吊味，但可以再重手啲呀！半熟流心蛋最鍾意食蛋，點都要叫個食吓！蛋白部份完全凝固，蛋黃係徘徊在似膏又液狀之間，吖真係不錯... 但最好就分開食，否則會被撈米線嘅味道完全蓋過豆花奶茶豆花加奶茶？！對我嚟講都係好新奇嘅配搭。奶味比較出，會蓋過茶味，不過唔算好甜，當條脷痹晒嘅時候飲係好舒服！睇完呢度嘅來歷之後，覺得接手人非常有勇氣，希望可以做返個正面嘅形象出嚟啦…查看更多

終於到星期五啦!!!! 但我呢個禮拜真係好累好眼訓，就算星期五我都無咩動力出街   淨係想快d番屋企休息，所以一放工就拿拿聲去左西九龍個food court搵外賣啦其實我都好耐無黎呢個地方，一上到去估唔到都真係好多選擇，行行下就見到有間豆花妹wor，之前瘋摩一時o既時候我無試到，難得今日再見到佢就試下啦食品款式簡簡單單，價錢相宜，order完之後5分鐘唔洗就已經預備好晒[前] 紫貝天葵山楂水 ($9)      [後] 養生薏米水 ($9)唔知係咪因為外賣關係，d冰溶左，所以兩杯都係偏淡三杯杏鮑菇 ($10)     杞醉雞翼 ($10)兩款小食如果分開擺會好d，雞翼幾入味，有淡淡酒香，杏鮑菇就大大粒，幾好味招牌豆花撈米線 ($29)同老公一人一碗撈米線，未撈之前清楚睇到有肉碎、辣醬、花生、蔥末，當然唔少得仲有豆花，一對筷子撈呀撈呀~ 將佢地撈勻晒就可以開動lu 雖然有辣醬，但就真係得好少好少o既辣味，只係令碗野更香，豆花如果可以再多d就好啦，因為撈完之後淨係食到肉碎唔係好感受到豆花o既存在，整體黎講碗野好好味，係方便速食之選…查看更多

位於深水埗的豆花妹撈米線，是一間雲南餐廳。早早在很多年前，有一套電視台節目， 關於年青人的創業。某兩位男青年創造岀雲南豆花米線的組合。深水埗欽州街37號西九龍中心8樓熟食中心806號舖在深水埗地舖時已吃過一次，知道轉了西九龍的熟食中心又來光顧一次。支持小店！想不到煮食物的姨姨依然記得我哦，那位姨姨很好人而他的女兒服務也不錯，要努力哦！A招牌豆花撈米線$29套餐包括：米線，小食，飲品。價錢超值哦。豆花滑溜配上也滑身的米線，口感一流先把豆花，肉醬，米線伴勻，微辣口感辣得過癮。肉醬味濃帶咸，伴上淡味米線，剛剛好，依然推介。B喜樂牛肉撈米線$29朋友點選另一米線。餐廳需只有兩種米線，貴精不貴多，我依然推介。牛香撲鼻的B餐，牛肉味極為濃郁牛骨髓的味道全由牛醬帶岀來，朋友也吃光光沙爹一口雞串$12雞串是妹妹推介小吃，一串三粒。雞肉嫩滑，沙爹醬不辣哦，但十分惹味。滷水豬大腸$10朋友選的豬大腸，我沒有吃，不過也算不錯。在熟食中心競爭激列的地方，大家不防支持小店。雖貌相不算太討好，但味道會帶給你驚喜哦。…查看更多