影片
港鐵油麻地站 A2 出口, 步行約4分鐘
繼續閱讀
營業時間
今日營業
08:00 - 23:00
星期一至四
08:00 - 23:00
星期五至六
08:00 - 00:00
星期日
08:00 - 23:00
以上資料只供參考, 請與餐廳確認詳情
招牌麻婆腐皮蛋餅$38 餐廳好young ，推出左好多特色蛋餅。依款就係最signature 。麻婆味，麻麻辣辣咁好惹味。好少蛋餅會用麻辣做味道。腐皮脆脆咁好有口感。吞拿魚芝士蛋餅$38吞拿魚經典嘅蛋餅味，配埋拉絲芝士一齊食好滿足！餐廳係落餡料方面好大方，你會見到蛋餅嘅橫切面有住滿滿嘅吞拿魚。如果大家掛住台灣早餐店嘅蛋餅，就過黎啦！老乾媽炒麵$36 老乾媽炒麵，非常之有特色。用豉油做調味、又用左麵豉炒香個主調、配埋青蔥同埋炒香咗嘅黑白芝麻，炒麵變得非常惹味。麵質炒得非常乾身，啲面唔會炒完之後變得一嚿嚿黐埋一齊。每一條分明而且每一條都均勻咁樣沾上咗豉油。鐵板蛋煎腸粉$26 腸粉表面煎得好靚，微微焦香又香脆。同其他港式嘅XO醬炒腸粉好唔一樣。每一條腸粉都會有煎得啱啱好嘅滑蛋黐住個表面，食落去除咗食到腸粉大米嘅香味，仲會食到蛋香。開心果豆腐花$42 大家嚟一定要食開心果豆腐花！豆腐花上面開心果糊食得出係由開心果打碎成漿整出黎。食落去有香濃嘅堅果味，並且開心果味都好突出。糊打得好稠密，配埋口感輕盈嘅豆腐花一齊食會有2重層次。泰茶麥芽桃膠豆腐花$35新式fusion豆腐花都好值得食！泰茶做主搵嘅豆腐花食落去有一種中西合璧嘅感覺。有埋麥芽代替黃糖，感覺更加健康同埋味道新穎。食落去會食到茶香、麥香同埋豆香。最後桃膠就係畫龍點睛嘅配料，一半煙韌一半啫喱嘅感覺配上豆腐花，每一啖食落去都好豐富。
繼續閱讀
平時成日經過呢間 豆公館 見到門外嘅豆腐花餐牌已經好想食 今日終於嚟試啦😬 入到去坐低睇睇餐牌 再自己用筆落單 方便簡單～有好多選擇 揀咗一陣終於揀好🤣 黑芝麻豆漿好香黑芝麻味 豆漿好順滑 唔會好甜 好好味😋 無糖淡豆漿豆漿打得好幼滑 豆味好重 健康之選😀 老乾媽炒麵好香好好味🤤 炒得夠火候 條條面都有上色 越食越想食！必點👍🏻 麻辣鐵板蛋煎腸粉 呢個好有驚喜😍 腸粉煎得好香好乾身 加埋佢嘅調味好惹味😋 招牌麻婆腐皮蛋餅呢個真係必點！麻辣醬好香唔會勁辣 蛋餅煎得薄脆 加埋花生榨菜又係另一種享受😌 蘿蔔糕軟糯嘅口感 再加上煎得兩面都香脆 加埋辣椒醬同甜醬 正👍🏻 麻辣鹹牛肉芝士刈包熱辣辣拎上嚟嘅時候芝士仲係拉絲😍 鹹牛肉就咁食就有啲鹹 一定要加埋刈包食 咁就啱啱好啦😇 麥芽黑糖桃膠花生豆腐花食完咁多鹹嘢最後梗係要食返甜品😗 超多桃膠😍勁鍾意！豆腐花幼滑 加埋桃膠花生食超好食😋 大推！ 整體嚟講 呢間 豆公館 環境不錯 食物種類有創意 一定會再嚟食佢嘅豆腐花😊
繼續閱讀
鐘意食豆腐的人士要來！一次食哂不同味道豆腐花、豆漿、魚肉煎豆腐、滷水豆腐豆卜等等。開心果豆腐花鍾意食開心果必試，好多開心果粒粒開心果味非常濃郁，味道偏甜。唔食得甜就嗌返正常豆腐花🥹薑汁豆腐花，薑味超級重女仔食一流😃除咗豆類產品外更出色嘅係老乾媽炒米粉！平時都有食開老乾媽辣椒醬辣度適中，用嚟炒麵炒米粉好惹味。👍🏻仲有麻辣鐵板蛋煎腸粉好好食必試！食埋碟腸粉已經夠晒飽～見到早餐只係$20包埋嘢飲好抵！
繼續閱讀
新寶戲院結業在即 約咗啲friend睇返場戲睇完近近地喺附近見到呢間豆公館好似幾多唔同種類嘅小食仲有近期大熱開心果豆腐花 即刻衝咗入去😂入去d座位都好闊落 唔係一格櫈仔size比起一般小食店坐得舒服好多好多野都好想試 3條餓鬼叫到一枱都係～🥣柴魚花生粥 $34粥底都棉～唔鹹今時今日好難得喺街食到清啲嘅粥份量唔算好多 配炒麵或者炒米粉食一流🥡老乾媽炒米粉 $36呢個都算係味道比較濃嘅一樣嘢食但係正嘅！鹹鹹辣辣非常香口兩啖麵一啖粥咁食，轉個頭就食晒🥡鐵板蛋煎腸粉 $26呢個估唔到咁好食煎得好香口 已經撈好咗麻醬甜醬夠晒味$26呢個份量夠晒三個人share 抵食🥡魚肉煎豆腐 $28好食到encore多咗份魚肉一粒碎骨都冇，香口得來但係唔燶最貼心嘅係豉油另上但係我哋都冇落，就咁食已經夠味～好食🥡吞拿魚芝士蛋餅$38蛋餅夾咗芝士吞拿魚、芽菜同埋甘筍絲，所以食落去好清爽，唔會好似平時食台式蛋餅咁乾同咁油，反而有啲似墨西哥卷餅嘅感覺，好味🍵泰茶麥芽桃膠豆腐花（熱） $35🍵開心果豆腐花(凍） $42本身以為佢哋主攻鹹食熱食啲甜品都應該係咁意啦 諗住試吓就算點知原來都好出色🥹🥹太茶桃膠呢個配搭完全未試過本身個泰茶係好少甜味 桃膠微甜得來煙煙韌韌 出奇地幾夾喎.開心果就睇相都知勁足料個開心果糊好香開心果味 仲有開心果碎碎增加口感又係個豆腐花其實唔甜～枱面有樽糖自己加所連我哋幾個怕甜人都覺得好好食🥛凍無糖淡豆漿 $12本身未食嘢嗰陣飲就覺得淡左啲但係食完咁多嘢飲就覺得淡豆漿個口感先啱凍凍地又無咁漏估唔到俾我哋試到間咁高質嘅小食店款式又多又好味飽肚又價錢親民甜品仲係新式得黎又做到好味低糖平時放工都會多啲過嚟食嘢支持吓😍其他餐牌
繼續閱讀
👵🏼特盛老乾媽炒米粉 $58米粉炒得夠身 上枱時條條分明無碎散碟底亦唔見油淋淋 呢點加分老乾媽風味比預期溫和 辣度只屬好低唔知落果時可唔可㶼要求加辣呢豆豉香同蒜味可以再突出啲 略嫌調味保守咗啲食完有輕微口渴感 可能重手左少少整體嚟講一般啦 未必會再食🫠 🫚薑汁豆漿 $22薑味夠新鮮 一入口就知係現磨薑汁微辛唔澀 唔算甜 少甜人士會like 不過薑辣感好快就無 如果薑量可以double就更好價錢有少少貴 同街坊糖水鋪比性價比一般 推薦指數：⭐️⭐️⭐️✨ (3.5/5)性價比： ⭐️⭐️⭐️(3/5)
繼續閱讀