影片
港鐵油麻地站 A2 出口, 步行約4分鐘
繼續閱讀
營業時間
今日營業
08:00 - 23:00
星期一至四
08:00 - 23:00
星期五至六
08:00 - 00:00
星期日
08:00 - 23:00
以上資料只供參考, 請與餐廳確認詳情
依日去旺角買完嘢，附近路過位於登打士街既一間新派豆品店豆公館，除咗有我喜歡既豆腐花、豆漿之外，仲有肉鬆蛋餠同老乾媽炒麵，以及多元化既款式。入到店舖，裝修以大地色及木製傢俬，環境舒適，感覺悠閑。看看餐牌先，餐廳有四大名物 : 招牌麻婆豆腐花、肉鬆蛋餅、老乾媽炒麵及杞子元肉紅棗黑糖豆漿，亦有魚肉煎豆腐、開心果蛋餅、多士、刈包、腸粉、炒米粉，以及多款豆漿同豆腐花選擇，很不錯。黑芝麻豆腐花 $26果然係黑白配，一次可以過食齊兩款。豆腐花綿密細緻，豆味濃好嫩滑，入口即化，芝麻糊味道香濃，稠身既芝麻糊與綿滑既豆腐花，一啖就滑落喉嚨裡，好味又暖胃。肉鬆蛋餅 $38蛋餅餡料豐富，包裏得漲卜卜，切開每一件都食到肉鬆香同蔬菜既爽口，餅皮做得Q彈，醬油膏既味道唔會鹹，令蛋餅既味道更有層次。老乾媽炒麵 $36喜歡食辣既人仕，呢款一定要點。炒麵熱辣辣，鑊氣十足，豆豉、蔬菜、辣椒醬與炒麵結合，辣度適中，唔會太辣，食起嚟非常惹味。杞子元肉紅棗黑糖豆漿 $22依個係滋補健康既豆漿，相信會好多人鍾意。清甜既元肉、紅棗、杞子及黑糖，與豆漿好夾，滋潤養生。豆漿 $12原味豆漿，豆味香濃，甜度啱啱好，帶出豆香又唔膩喉。魚肉煎豆腐 $28豆腐煎至外脆內軟，豆腐好嫩滑，魚肉夠鮮，沾上醬油味道更提升，好吃。鹹牛肉芝士蛋餅 $43蛋餅煎至金黃香脆，雞蛋與外皮貼合唔鬆㪚，煙韌有彈性且有厚度，鹹牛肉帶鹹香味，加多一份芝士 (+$5)，芝士味特別濃，餡料好餡滿，滿足啦。炒米粉 $26米粉炒得均勻，唔會太乾或太濕，鑊氣夠，調味恰到好處，口感爽滑。
繼續閱讀
呢間豆公館每一道菜都充滿咗創意☺️事關有麻辣豆腐花、麻辣鐵板蛋煎腸粉等等…勁多新奇有趣又好味嘅美食🤩鹹牛肉芝士蛋餅呢個係必試推介👍蛋餅外皮薄脆，入面包住鹹牛肉同濃郁嘅芝士，咬落去即刻感受到牛肉嘅咸香，真係好滿足😌蘿蔔糕呢個係一個經典嘅小食，外脆內軟，不過整體就普通左少少🤏黑松露炒米粉上次食老乾媽炒麵好正，今次呢個米粉炒得乾身左少少，不過黑松露嘅香氣有加分，整體味道層次分明，都唔錯👍麻辣雞絲鐵板腸粉係一道非常特別嘅創意菜，腸粉滑嫩，麻辣雞絲嘅香辣味道同腸粉嘅柔滑形成強烈對比，食落去既有辣味又有香味，真係好過癮👍無糖淡豆漿清新可口，豆漿味道純正，飲落去既健康又解渴，真係一個好嘅選擇，同朋友一凍一熱👍黑芝麻豆腐花加小芋圓豆腐花勁滑嫩，黑芝麻嘅香氣濃郁，小芋圓Q彈可口，食落去令人感到滿滿幸福☺️魚肉煎豆腐豆腐煎得金黃香脆，豆味十足；魚肉鮮嫩，搭配上特製醬汁，味道絕對令人驚喜🥰📍 豆公館 (旺角)旺角登打士街43號地舖#豆公館 #招牌麻辣豆腐花 #新鮮製造 #香港製造 #美食推介 #豆控 #豆腐花 #豆漿 #老乾媽炒麵 #蛋餅 #旺角美食 #登打士街美食 #人氣推介 #香港探店
繼續閱讀
我們於8/6（日）約下午五點十五左右到達餐廳，起初以為星期日客人會較多，豈料也不是🤫菜單有中文，有英文版本，好似好貼心，但字體較細，同行長者🧓🏻👵🏻🧓🏻覺得好眼花😵💫又難睇得到我們叫了12樣食物，其實每一款都不是十分便宜，也沒有套餐選擇，所以所有食物加起來就貴了。唔怪之得食店周日在旺角區，客人也不多（因為可能有其他更好選擇🤭）Order完，店員行過嚟拎紙，然後重覆我們點的食物，收銀再出單。我們發現賬單有入錯，其中一樣單品點了2次，好彩收銀都自己行過嚟收番賬單😮💨（服務業self check的重要性🥱當然最好check完先比客人）❶鹹牛肉芝士蛋餅（$38）：已切開3件，餡料集中在中間較多，證明餡料不夠多（餡料夠的話，切6件，每件都有）鹹牛肉同芝士都望到，但沒有什麼鹹牛肉或芝士味🫨❷魚肉煎豆腐（$28），：最後先上，有4件，魚肉同豆腐係分離本體，毫無關係，冇辦法一齊夾住❌🥢不像一般吃到的店家會將2樣食物黏住😥不過豆腐係滑，同行長者🧓🏻表示「魚肉本體」濃胡椒味🧂❸黑松露炒米粉（$58）：第一樣到的食物，聞落有黑松露味，食就冇乜，叫飽吐❹台灣肉燥菜飯（$58）：這碟必須要吐嘈，就算冇去過台灣，都食過台灣肉燥菜飯🍚，飯就長長一碟，份量係多，肉燥就少少一攝，汁都冇，最後淨食飯咁，比較離譜的是，菜係只有蔥碎（？）名不符實💢💢吃了一大個寂寞🤬❺吞拿魚煎蛋刈包（$28）：3樣食物，一樣係分離本體，毫無關係，煎蛋🍳刈包及吞拿魚係冇辦法一齊夾住食❌🥢，吞拿魚塗在一片生菜上🥬反而增加重量，難以令食客夾住食完整的包😓❻鐵板蛋煎腸粉（$30）：稍微叫ok的菜式，已幫客人落醬，有一些洋蔥🧅炒蛋🍳，味道夠，所以係吃調味料/醬🙊‼️‼️所有豆品，我們都叫凍，不過一點也不凍，頂多算室溫🙂↔️🙂↔️不會解喝的‼️‼️❼凍杞子元肉紅棗黑糖豆漿（$22）：有姜味🫚，杞子元肉紅棗都有❽凍杏仁豆漿（$22）：杏仁粉未攪均勻❾凍黑芝麻豆漿（$22）：芝麻粉未攪均勻❶⓪凍紅豆沙豆腐花（$28）：普通❶❶凍黑糯米豆腐花（$28）：普通❶❷凍黑松露薏米花生豆腐花（$48）：既然係新品，就抱著試吓心態，有薏米有花生，係飽肚，亦有黑松露味，但豆腐花面就一層油，與南方人吃慣甜的和清澈的豆腐花稍有不同，味道奇怪😳‼️‼️吃時看到店員在抹碟，不過店員就超hea又求其😑，先抹了碟底，再抹碟邊，就係冇抹碟中間（放食物的份置）😰😰‼️‼️千祈唔好俾有啲潔癖的食客見到🤗❎我們在IG知道有長者卡有八折優惠，但店內就唔覺眼有宣傳poster，咁如果有長者🧓🏻幫襯而不知優惠，店家係咪會收原價呢？🤔🤔Order時再問下店員是否有八折優惠，該店員就話「唔知而家有冇wor」（有乜理由會咁回應食客🧐香港服務態度）我們埋單show了長者卡，然後問收銀係咪有印花卡，一樣係要食客主動問，店員不會主動講，收銀就話：「你拎住先（收據）」 究竟係咩服務態度，講句「係呀，而家比你」好難咩🙂↔️😒PS我們坐的位置，店內冷氣不夠，連瘦瘦的，平時不怕熱的長者🧓🏻都覺得好熱，問店員有冇開，店員回應「係囉」😯我本人覺得大家真係唔需要專登過嚟吃，去其他小店幫襯，又經濟又實惠，不要像我們一樣吃了昂貴及寂寞
繼續閱讀
喺香港想好地道體驗吓台灣早餐店 原來都唔係咁容易 今日喺登打士街發現咗一間完全可以過晒台灣早餐店人嘅餐廳🥰🥰=================Food list📌👍🏻肉鬆芝士蛋餅**🥚🧀：外脆內軟，肉鬆加芝士，真係好好味啊！😍👍🏻老乾媽炒米粉**🍜🔥：辣辣地，炒得香香脆脆，食完仲想再嚟！🤤👍🏻餐蛋刈包**🍔🥚：夾住蛋同肉，口感超正，早餐或者輕食都啱！👌👍🏻椰汁豆漿🥥🥤：清新又香甜，夏天飲最啱啦！☀️👍🏻黑芝麻豆漿🖤🥛：營養豐富，味道濃郁，超好飲！💪👍🏻豆腐花**🍮✨：滑滑嘅，無論係糖漿定鹹味，都好受歡迎！❤️🎉
繼續閱讀
每次去台灣都會覺得台灣有很多豆品款式的早餐店，美味又抵食。幾時香港先會有呢？現在唔需要去台灣，香港都有「豆公館」，任何時候，都有創新的營養豆品食物選擇，價格都好抵㗎！😋是日選擇：1️⃣老乾媽炒麵🍽麵條煮得剛好，配料增添脆口，香辣令整體很惹味。2️⃣蘿蔔糕🍽香脆外層，新鮮白蘿蔔，內裡綿密，沾上醬料，又有另一番風味。3️⃣台灣土雞絲菜飯🍽份量蠻多，土雞絲鮮嫩，米飯香軟可口。4️⃣無糖淡豆漿🍽淡淡的豆漿香氣，無糖選擇，適合追求健康朋友。5️⃣椰汁豆漿🍽椰汁的香氣，與豆漿融合，味道更香甜。6️⃣原味豆腐花🔸愛玉（加5元）🔸桃膠（加8元）🍽清爽的愛玉，養顏的桃膠，嫩滑豆腐花，不太甜膩。7️⃣柚子愛玉凍豆腐花🍽清新的柚子，是一款特別適合在炎熱的夏天裡品嚐的甜點。
繼續閱讀