譚魚頭火鍋 (已結業)

今晚一行5人去了旺角譚魚頭打邊爐，我都係第一次去，成日聽到人話個蕃茄好正，於是我o地今晚叫了蕃茄+麻辣鴛鴦湯底。蕃茄那邊真的很不錯，未開始打邊爐，我們已經一人一碗蕃茄湯。但麻辣那只是普普通通，講到麻辣還是小肥羊的好！打邊爐時，墨魚丸對我來說是很重要，那裡的墨魚丸真的很不錯！加分！哈哈！那個用湯底調出來的醬料，只是普普通通，其他食物也不是太過突出！服務也很ok，可能我們安排坐在偏廳，又對著電視機，所以更覺得滿意！不過總括o黎講，價錢都幾貴，我們$200的coupon，但埋單每人也要$170。

之前食過大陸的譚魚頭, 蕃茄湯底超級正, 但食物一般, 今次黎香港呢間試, 八點幾去到, 原來九點後有做任食, $128 一位, 聽落幾貴, 不過包埋湯底, 都ok, 同埋心諗質素應該比果d 幾廿蚊任食好好多吧!星期四, 都幾多人, 我地早去, 到九點即刻有位了. 首先叫湯底, 本來想要蕃茄+清湯, 但要加廿蚊, 算了, 試下其他啦, 叫左個花膠湯底. 個湯底冇乜味, 但都幾多花膠. 任食的點菜紙, 都幾多野揀, 當然貴野例如蚌類, 生蠔果d 就要另外比錢叫. 不過任食list 裡有蝦, 唔錯, 我地叫左都係d 普通野, 但肥牛好好味, 好香, 未食過任食的肥牛係好食的, 呢度幾好. 另外比較特別既有墨魚蘇, 露順, 芝士丸, 各樣野都好新鮮, 好食, 同埋有一樣野叫雪花蚌, 未食過, 好好食, 口感有d 似尤魚, 但爽口d, 我地叫左兩次都食哂, 哈哈服務就一般啦, 旺角黎講係咁上下架喇, 個個都好忙, 行得好快, 唔係想慢但佢地真係做唔切咁..態度不過不失.同意其他食評所說, 冇豉油真係唔慣, 但我地都叫左, 唔知駛唔駛收錢呢.我地叫左3 支啤酒, 嘉士伯promo $16.8 一

我好鐘意食蕃茄湯底, 聽人哋講咗好多次話譚魚頭既蕃茄湯好正, 今日終於都有得試. 不過我覺得佢個湯唔係話好蕃茄咋嘛.... compare德興嗰d無乜茄味囉我覺得. 不過佢加湯係加番蕃茄湯都唔錯. 同埋佢唔駛落豉油既做法好有自信, 不過我食食吓好想有鼓油.. anyway, 我哋今晚主要攻魚. 我連我平時最鐘意既肥牛都係食左幾塊. 魚類野食真係好特別, 好多都係出面食唔到, 例如魚既面珠, 真係好好味. 食完想再食. 可能今晚同d 好耐無見既朋友食飯實在太開心, 係無睇價錢點菜既情況之下, 4個人食咗千幾蚊. 張單黎到都不禁呆咗一呆. 仲要係我哋4個當中有人唔係食飽咁走嫁喎. 真係好貴呀. 食過一次就夠喇!

來這裡之前上網看看, 一看服務好像很差, 但由於我之前也來過好幾次, 又沒有什麼服務差的印象, 於是不理了, 一於來吧!可能我們食得早, 去到時才6時15分, 所有侍應都還很精神, 未做累, 所以我一入店, 都有很多位侍應和我打招呼, 講歡迎, 看來一點問題也沒有。當然, 他們會推介那個198元的金翅豬骨湯底, 但我是不食翅的, 表明後他們亦沒有勉強, 當又有另一人又推介這湯底時, 那個高大的部長馬上說: 小姐是不食翅的, 其他人也沒有再勉強了, 都算不錯的了。只有一個男侍應是表現出:妳睇我唔到......的態度, 那個是身型較細粒的, 其他人都不錯, 女的也不錯, 換碟都很勤快。食物方面, 一般火鍋料新鮮正常, 但份量明顯比力奇的少, 另叫的小菜水煮魚就有驚喜, 很好味, 全家都讚好。但由於份量少, 好像食極都不飽, 最後要去義順食雙皮奶和油占多才滿足。

朋友請食飯提議去旺角譚魚頭，我第一時間上openrice睇下大家既comment。睇完之後，即刻想改地點。不過人地請就無所謂啦。我地一行五大一細，比預訂時間遲咗15分鐘，攞枱既時候即時被reception既姐姐炸型，不過都係講咗兩句。我地被安排坐係一間有五張枱既房裏面，環境都ok。間房裏面有一個亞姐負責招呼客人，不過佢都係入面同出面兩邊走。至於大家認為勁差既service就無發生係我地身上。雖然我地request一張BB椅，係我地無吹之下，半過鐘之後亞姐既然攞入黎比我地，我地都有d意外佢竟然記得。另外係開始打邊爐之前，佢又問我地飲唔飲湯，無水佢又自動加水，自動換碟同比碟我地食魚頭，而且仲有笑容，我地各人都覺得都唔錯。至於食物方面，推介既有魷魚鬚，唔”um”好趣，手切肥牛(好食過美國肥牛好多)。湯底我地揀咗蕃茄湯，好有蕃茄味。而佢個醬只要加少少湯落佢已經好夠味，好香芫茜，有輕微辣。有一種餃叫蠔仔餃，不過完全無蠔仔味，似九菜餃多d。至於魚頭，我覺得有少少泥味。

一向有留意譚魚頭的食評,評價壞多個好, 有趣的是每次幫襯也全場滿座, 表示食物質素確是不差.星期三我和朋友在此吃晚飯, 點了口水雞, 蒜泥白肉, 蒜子浸芥菜及南瓜海鮮盒(名字大概是這樣), 口水雞麻辣度恰到好處雞肉好入味,好吃得很.至於蒜泥白肉,賣相與一般薄肉鋪面下面加粉皮的做法不同, 是用白肉卷著青瓜,加埋超大量的蒜容上碟, 吃起來濃淡得宜,作為前菜最好不過, 唯一美中不足的是青瓜太點微暖, 冷凍時間不足,影響風味(感覺有點怪怪的),幸好調味還可搭救. 至於其它兩味也是中上水準,以六七十元一味菜的水位而言,質素算是有交代, 所謂一分錢一分貨, 如果下次去開附近,我也會繼續幫襯喔.而於service, 無可否認非常一般, 知客不太smart, 好似sell甜品咁啦,竟然一晚走過來問了四次, 但點菜就叫完又叫才有人理, 如果脾氣唔好的客人,一早嘈生曬啦, 但我覺得唔趕時間的話, 都可以接受, 始終去食飯都係求開心, 無謂咁計較啦!

今晚同細妹黎雅蘭果間譚魚頭食火鍋, 慶祝下我生日. 未去之前睇過其他網友既食評, 真係咁差架? 我一次都未去過, 今晚睇睇先.部長介紹一個魚翅花膠湯底, 好似好正喎. 嘩! 個湯底要$198! 唔好搞喇, 都係試下大家都話正既蕃茄湯底先. 侍應俾左每人一大碗現成冇汁既醬料, 佢話一陣湯底黎左, 倒d湯落去個醬料就得, 唔洗豉油. 咁得意既? 湯底一上, 咁恐怖既?! 好似血色咁, 不過自己少見多怪o者, 食過先算. 我地點左手切肥牛、皇帝菜、魚皮餃、四寶丸、桂花蚌、水晶叉燒包、脆鯇片、竹笙, 總共八樣野.先講湯底. 真係超好味! 好有蕃茄味. 我原本諗住蕃茄味湯底冇咩特別o者, 咪好似羅宋湯咁. 點知唔係架! 我都唔知點形容, 好濃, 好味, 好想飲晒佢, 有輕微辣辣地, 但絕對接受到. 竹笙同埋d菜, 索左d湯底, 嘩, 好好味呀! 桂花蚌灼完, 居然仲係好鮮味, 又爽, 推介! 脆鯇片唔夠脆, 不過都可以. 手切肥牛有d韌, 麻麻地. 值得一提係細妹點既水晶叉燒包, 估唔到又幾得意喎, 幾好味. 個醬料d味幾特別, 幾好!侍應態度唔錯喎! 湯底唔夠水, 又會自動問我加唔加水, 落單

服務態度並非如此差!旺角這家我也去過很多次了說真是有令人不滿的,不過近幾次都好了很多!記得有個四眼女仔D服務都很好,穿西裝的都很有禮貌!只是每次才剛坐下D人就叫你食甜品有點怪!不過有定力他們也不會煩你啦!!

先講服務！忙的時候叫人也難那天坐６６号抬叫了兩个甜品差不多等了３０分鍾不來，如來幫我地落單的经理落錯枱号，前後差不多等了一小時オ吃到甜品，经理無帶腦返工。服務差、、、招啋差、、、、。

我是从内地和朋友参加自由行去香港的,以前就听说过谭鱼头在香港还算出名,我本来就来自美丽的天府之国四川!而且在成都我也去过谭鱼头几次!感觉很不错!所以来到香港理所当然的要去试一下!看是否正宗!和成都的有何不同!我们去到尖沙嘴谭鱼头,知客笑容满面的接待我们,第一感觉就很亲切,不像很多朋友所说的歧视我们内地人!而且感觉这边环境都不错,服务态度也很好!一坐下来就有个肥肥的男人笑容满面的过来介绍菜式给我们!后来递名片给我们才知道他是这家店的高级经理.他听说我们是成都过来旅行的,而且在成都谭鱼头吃过饭!他马上跟我们推荐这里的麻辣番茄汤底!看看跟成都谭鱼头有什么分别!如果有什么不满意的话,可以提意见!他们会不断的改良!态度诚恳得让我们有一种宾至如归感觉!这里的菜真的很新鲜美味!我感觉这家谭鱼头的番茄汤底比成都的味道更加鲜浓!所以我推荐朋友们下次去香港一定要去尖沙嘴谭鱼头品尝一下那里的人间美味!并不像上面朋友所说的那么差!

　　有內地朋友來港游玩，話幾日都沒吃餐飽了，想找的家鄉菜吃！有同事介紹話去譚魚頭啊，川菜好正宗！　　一試，真係好味哦，特別係：水煮魚和辣子雞，朋友話簡直就好像在四川吃一樣－－－正宗！服務都唔錯，態度都好好．聽的樓面話譚魚頭的火鍋最出名，而且還非常地道，下次一定會再來吃！　　

咸魚頭的服務奇差, 本人上星期五晚訂了枱 8:30, 與朋友8:00前就去等枱 , 結果等等等等等等等等等等等到9:15才能入座. 當中當然經過不少唇槍舌劍,儀態盡`失的埸面,未食已經一肚氣. 當晚不只我們不滿, 其他客人也不斷跟那知客理論. D客問她叫到幾多號,她一時話未開始,一時叫你睇顯示屏,一時又話叫order 枱 先,一時又話叫一張order 枱 一張walk in 枱 (梅花間竹), 最離譜那次是有客追問顯示屏顯示的號碼, 她居然說那是下午茶時段的號碼,晚上的未開始……. 問你死未! 一個字”亂”.總之她一副不屑的咀臉,機械式的回答, 根本就是想你走, 不過係你班餓鬼厚面皮係都要等之嗎….. 當我找經理投訴時, 態度也差不多,果然上下一心,互相包庇.這間公司管理好有問題, 完全不顧服務質素,莫視顧客感受.雖然食物ok, 但絕不能這樣對待顧客. 現在是講服務講質素的年代.我們作為顧客是有尊嚴的,是求享受的! 不應容忍及助長此歪風.大家站起來,杯葛這種沒進步的營商手法.

和大學莊友聚首，曾同學選了來潭魚頭。一向對這裡亳無好感的我，經過今晚後卻對這裡改觀。雖然食物及服務都不算出色，但勝在新鲜經濟，都幫襯得過。推介蕃茄湯底，味帶酸，濃得來清，不錯不錯。手切肥牛及牛都不錯，起碼夠淋及有牛味。其餘的食物令人留不下印象，只記得無邊樣係唔新鮮。每位$180元，食得過啦！

譚魚頭既服務態度不嬲都出哂名好差。但因為火煱係本人既至愛，而呢間餐廳既秘制湯料又較為特別，所以都忍唔住要去試試。結果上月初到旺角分店一試，上月底再到尖沙咀分店一試，感覺都一樣~~~ 服務態度真係奇差!!!上月初同朋友到過旺角分店: 我地訂左8點鐘檯, 我地準時到達。櫃檯職員話客人埋緊單，叫我地等15分鐘。15分鐘後再查問職員，識員又話客人食緊甜品，再等10分鐘。結果一等再等，等左成個鐘先至有檯。埋完單再食甜品駛唔駛成個鐘頭? 好明顯係職員講大話啦! 訂左檯都要等成個鐘, 已經好唔滿意, 職員講大話令我地更加唔高興, 結果成餐飯大家都食得好唔開心。今個月中舊同事又相約到尖沙咀分店食火煱，由於今次訂檯訂7:30鐘，而且尖沙咀分店人流少啲，結果真係即時有位。可惜食唔夠一個鐘便被職員催我地埋單。第一次被催趕既係係我地食左45分鐘，職員已用幫我地清理張檯為由，將火煱煲最走。再隔15分鐘另一普通職員就同我地講可唔可以先埋單，因為我地重有野未食完，又未飲完野，所以禮貌咁婉拒左。再過10分鐘又有一個高級少少既職員走過黎，好無禮貌咁問我地可唔可以交番張檯俾佢地。我地真係開始唔滿意佢地既態度，我地同

其實佢既食物係ok，我都幾鍾意佢既番茄湯底，但次次去親都發覺佢地d服務態度差劣﹗所以話過唔再去了，放棄佢﹗>.<最近一次去係上個月，同朋友係旺角果間慶祝生日，一行12 人一早已經訂左8 點半既檯，我同幾位友人未到8 點半已經到左，個門口阿姐話已經有檯喇，就帶位啦，點知去到張檯原來張檯已經比錯左另一批人，帶位阿姐就叫番我地係門口等話好快(話約10 mins 就有) 比過另一張檯我地(當時仲未有人告之全店共只得2 張12 人既大檯﹗﹗)，等下等下唔對路，就再問帶位阿姐幾時有檯或者一係比番原本張檯我地喇，帶位阿姐開始用不同既藉口應酬我地喇：另一張大檯埋緊單喇-> 張單埋左架喇-> 張檯d 客食緊糖水快架喇-> 上左生果盤就有喇-> d 客切緊旦糕就得喇……結果等左超過1 個鐘至有檯﹗﹗等既過程當然有好多不快啦，如果帶位阿姐唔係張本來reserved 左比我地既檯比錯左人同埋呃我地好快有檯，我地就唔會白等啦，佢地做錯野再加埋講大話再道歉都無句，你估唔使錢咩…. 分別試過佢旺角同尖咀2 間d 服務都唔得，叫支可樂都要成30 分鐘先到，d 侍應不論男