譚魚頭火鍋 (已結業)

上到去有d人係門口等位, 好在2個人易搵位, 所以直入唔洗等. 坐低叫左麻辣同海鮮湯底, 加埋2個人每人限定必要半邊魚頭, 都已差不多成百一蚊, 我地另外點左:１）美國牛肉-- 真正雪花肥牛，好．２）羊肉-- ok．　３）手打墨丸,蝦丸-- 香甜爽口，惦！４）三文魚＆象拔蚌剌身（9:00後＄６８) -- 新食法，三文魚放湯１５秒，三文魚変得外脆內軟，正～５）桂花蚌-- 爽,甜,鮮,脆，食到停唔到!６）蔕子-- ok．７）賴尿蝦(9:00後＄19.8 一隻）-- 大隻，多肉，抵食．　　自己幾鍾意個海鮮湯底, 不過越飲越濃,因為佢\\\地直接加湯而唔係加水. 侍應服務幾有禮貌．埋單2個人幾近六百, 仲要係d野已經特價左(9:00pm後),真係幾貴下～

日前訂o左張15人檯打邊爐，訂枱時雖然係訂12人檯，但re-confirm 時已將人數改為15人並已再三詢問張檯係o米可以坐得落。當然想做生意既譚魚頭梗係話可以啦，但去到既時候佢地竟然俾張10人枱我地，而果個帶位小姐仲話呢張檯肯定可以坐14-15人，加圓凳比你地米得囉，我地當唐打左個”突”。咩事呀? 依家比錢仲要咁受氣。你估譚魚頭D價錢平呀? 冇理由比咁既價錢同去食大排檔冇分別一樣坐圓凳呱?? (坐都要坐得條氣順呀……..)於是唯有問下有冇大d 既檯或者分開兩張檯，結果仲比人兇番轉頭真係頂住度氣。個位帶位小姐居然好冇禮貌咁話今日全場爆滿(但明明十枱九空，而且剛好有人walk in要3位，竟然說有位不用等！……簡直大話連篇，毫無誠意！)，廳房有大檯…..不過有最低消費，但也爆滿了!!!! （早D講我地米加錢lor, 依家係米話我地比唔起?? ）既然帶位小姐話唔到事，唯有叫個高級既經理來理論，我地一來質疑呢張細細既檯是否可以坐得落之際，二來更質疑佢又點能夠放得落食物??? 結果連呢位咁高級既經理都話食物放唔落起檯可以放起身後面的車仔，到時我地自然會一碟一碟傳上給您地，試問依家已經冇服務態度

個晚一行七人去譚魚頭, 去之前都預左佢唔係平, 所以有晒心理準備由於識人, 可以book到房, 間房都好闊落, 有獨立toilet同冷氣有plasma可以睇奧運, 唔錯!! (但係出面大廳個裝修無咩特別, 出面咁嘈, 每檯一個電視都聽唔到聲啦) 叫了魚湯+蕃茄湯, 蕃茄湯味係唔錯, 但係好似唔係太似天然蕃茄味, 應該係加過人造味道的, 由於蕃茄湯味太濃, 飲完都feel都到魚湯係咩味添. 好似之前一樣, 位位都要order半客$24的魚頭, 如轉就一定要轉海鮮, order了三客魚頭, 其實呢個蓮魚頭即係咪大魚呢? 其實個魚頭幾大, 但係無咩肉, ok啦, 無咩特別.唔食魚頭個d轉左蝦, 蝦都新鮮大隻, 但係四個魚頭只係可以換到10隻蝦咁上下, 都幾貴.另外order了爆漿蟹粉丸, 蟹粉好少, 咬破個丸之後覺得入面好空洞. 貢丸又係爆漿豬肉係入面, 貢丸無平日個d咁爽口, 但入面就無咩油, 水餃,美國肥牛,手cut肥牛,芝士腸, 都係一般貨仔. 魚肉係手打, 一碟上要自己放落去, 但係一定無有骨氣個d魚麵咁正, 潮州魚蛋好硬, 唔好食. 雞肉片同鴕鳥肉唔知點解cut到好碎, 好難夾,

其實每個食家只是將食後感寫出來跟大家分享，雖然本人未到過此食店用膳，但各人的口味總有不同，何必單打別人呢？

唔係好似某位自命食家講得咁正!價錢亦都唔咁值咁貴啫!!我只會俾呢間野搵我一次錢,唔會有第二次!

每次經過都聞到陣陣香味，很吸引，但又湊不夠人數(畢竟吃火鍋要多些人一起才划算)。星期日終於有機會來試一下了。我們六個人來到，因為先前預訂了，所以不用等太久。甫坐下來便點了一個譚魚頭蕃茄湯+白湯的鴛鴦鍋，原來每人半份的魚頭，用兩位的價錢換了一隻芝士焗龍蝦，另每人點了一款配料+兩個小菜(酥炸桶蠔和野菜煎餅)湯底端來，未沸騰己嗅到陣陣的蕃茄香。呷一口，嘩~~鮮甜美味，飲得出是用了大量蕃茄加入魚湯同熬，絕對沒有加入茄膏或茄汁等加工，對比下，白湯就淡了一點，但很鮮。配料份量很足，最好味真的是那份魚頭，厚肉又大個，放落蕃茄湯底，讓魚頭吸盡蕃茄甜味，吃起來特別滋味；其次泰式醬爆丸和小籠包也是不錯的選擇。小菜方面，炸蠔很出色，香脆可口，蠔大隻又新鮮，醮上配備的甜酸醬汁，正；野菜煎餅有點似蔥油餅，不過上時已擱涼，餅身腍腍的，有損口感，另芝士焗龍蝦，芝士濃得化不開，甚有水準。值得一讚是侍應服務態度良好，有問必答，而且很有禮貌，令客有賓至如歸之感，必定會再來。

每一檯都有部電視, 正!!!硬性規定每人要order 魚頭, 但如果唔想的選其他同價或下以的食物代替都可以. 但係魚頭值唔值咁的價錢就見仁見智, 我就覺唔值啦.服務差, 叫人加茶加湯要等好耐, 好似唔想做咁. 還有, 放支鉛子筆係D肉丸上面都夠膽死的!!!總結: 都好貴下的, 因為係上海食好平. 食物質素就叫中上啦.

上年到過東莞厚街店，驚為天人咁飲飽食醉。之後灣仔店開幕後定檯條龍長到番東莞，一直都無試過。反而友人飲過茶後以一句全部食物都係紅色而更加怕怕。點知昨日屋企人飯後讚不絕口，於是今天拉隊再去。一點未夠門外已有人等位，好在我地可以直行直過。主要係叫食送食飯，點心小籠包仲漏單無影無。食物味道中上，不過今餐唔係火鍋，所以唔可以比較。其實我都係想食火鍋的。主菜當然點都有啖天麻魚頭滑，可惜可能因為味道問題，無用上川弓百子。藥味大大減低。因為呢輪自已成日頭痛，對上兩星期在家都飲過三次以上的天麻燉魚頭or豬腦。不過，以後屋企女傭可以省回不小工夫。我出街飲得喇。本來想點口水雞、夫妻肺片。但見未食過張非牛肉，所以不如試試。張非喎，黑炆炆就當然啦。本來以為應該係紅色的，但原來，紅面的係關公。張非牛肉除有麻辣味的香料外，仲加上箇香等。黑椒及其他的辣味則不大。乾乾地，幾好咬口。黃油雞唔肥，有骨香，帶點客家咸雞的味道。四川/客家，真係四海之內也。千層蟹肉盒由腐皮扮演千層的角色，蟹肉唔係咁似真蟹，因為實在太彈口。蟹糕就更奇怪，似乎係一個香港特色的新菜式。豆辦燴雙雪分別係蛋白蟹肉、津白同帶子，急凍的一家。無厘頭經理介紹條

嘩!三個人食左$588蚊埋單，我地無食魚頭，所以補差額食生蠔，剩湯底要成$68蚊，有D搵苯!其他野食一般，俾我就試過一次就算!下次我寧願揀稻香，平好多呀!

四個人去八佰幾埋單, 比較貴。但食物質素幾好, 個湯底更是一流。只是佢地個電爐...開久了會overheat, 食到後尾, 每食半個鐘個爐就要小休5-10 mins, 好無癮!

Hi, MM1970, 我絕對同意! 因為上次我地都係2個女仔去旺個間譚魚頭, 情況同你一樣, 比咁既價錢,仲要坐張加, 即是近Kitchen 出菜位, d 伙記仲成日叫你借歪比佢地野...真係食到谷鬼氣, d 野又費, 最唔抵就硬性規定要每人order半邊魚頭,淨係湯底+魚頭就要過百...認真唔抵. 一定唔會再去la...

試過灣仔譚魚頭, 經開旺角想食下火鍋, 所以上去一試, 上到去似乎都幾多人係門口等位, 好在2個人易搵位d, 所以直入唔洗等. 坐低很叫左蕃茄湯同海鮮湯底, 加埋2個人每人限定必要既半邊蓮魚頭, 都差不多成百一蚊個湯底幾貴下, 另外同伴發板點左, 蝦, 美國牛肉, 羊肉, 四寶丸, 蟹子燒賣等等, 除左美國牛肉之外, 其他都幾大碟, 牛肉, 羊肉同蝦都唔錯, 由其係d蝦肉質幾好, 燒賣同四寶丸都只係一般. 自己幾鐘意海鮮湯底, 不過越飲越濃. 連埋一支啤酒埋單2個人幾近四百, 真係有d唔抵食既感覺.整體上同灣仔譚魚頭都好相近, 不過水準似乎有d不及灣仔, 連點菜都有d出入, 本來想叫蟹子魚蛋, 可惜侍應話唔知係咩, 我地話係灣仔食過, 侍應回答佢地同灣仔店有d唔同, 點既菜未統一, 所以無得供應. 真係有d失望.侍應服務幾有禮貌, 不過整體上好大意, 其中我o個台同附近2台客人都發現有上錯菜同遲上菜, 啤酒等問題, 其實睇佢地人手應該可以應付, 但比較粗心大意.

一句: 唔抵食，唔好食。兩個人食O左三百蚊。個湯底冇咩特別，個魚頭係幾滑，不過值唔值咁多錢就見仁見智。其他都係普通火鍋料，冇咩特別，亦都唔應該收咁貴。

上星期五同朋友去雅蘭中心譚魚頭食火鍋, 淨係個四川湯底要$68, 仲要硬性規定每人要點半隻魚頭$24一位. 我地兩個女仔, order 四樣野(羊肉, 雞肉, 靈芝姑. 小黃瓜), 2 支可樂($5支). 埋單要$395. 好鬼死貴(淨係個四川湯底+ 魚頭都要過百, 都唔知點解要硬性規定每人要點半隻魚頭. D火鍋配料一般, 咁既價錢, 有D搵笨, 下次一定唔會再去啦, D 侍應服務不佳.

我寫0個句關於大陸既comment時,我都有諗過, 一定係有人會有唔同睇法.我雖然無晌大陸長時間居住/工作,亦深信一定有好服務既食店,但好多都係唔得.我上星期先返過去大陸,晌唔同級數既食店食都係咁,咁我唔知係唔係我黑囉.