譚魚頭火鍋 (已結業)

其實當日是一家三人想去粵江春飲茶，不過下雨天的朗豪坊人多得嚇人，才移師雅蘭中心不用等位的譚魚頭。　說淺嘗是因為吃的是午茶時段，點心佔了大半數，點的川味小菜只是少數。先說四川名菜的夫妻肺片，外型看紅油及花生粒都足，味道卻不夠鮮明不夠辣。四川酸辣粉的粉幾彈牙，奈何又是辣味不足，大家一致認為這裡食物已經港式化。　另一方面這裡的點心不錯。特色談不上，卻勝在選擇夠多，我們點了鳳爪、雞扎、叉燒包、叉燒酥、豆苗鮮蝦餃都幾好，另外試了特色小食汁燒銀鱈魚味道也不錯!甜點選擇有十款以上，我們試了流沙奶黃包、流沙糯米磁、奶黃千層糕、銀絲卷(配煉奶)，不計流沙甜點不夠流，其他都食得過。　總括而言，這裡當是普通茶樓飲茶就可以，想吃川菜的話，還是找機會去成都總店試好了!

05-07-06(三)其實我晌呢間同尖沙咀都食過,味道好似兩間都差唔多,不過價錢好似呢間分店平d,服務又好似呢間分店好d,我就唔覺得佢地d服務有問題,火鍋配料就同稻香差唔多,都有番咁上下,e+ 9:00pm後有特價,$18變$12,$28變$22,$38變$28,其他價錢不變,話就話中銀信用咭有9折,但如果用左中銀咭就有d食物冇特價,即係唔用好過用,呢樣要問清楚先好比$$,今晚同呀媽家姐去食,佢地都話幾好味,佢兩個第一次食,我就緊係覺得d食物唔差先帯佢地去食啦...叫左個鴛鴦鎬底(番茄+什菌)=$68味碟..較特別(唔係普通豉油)=$6@口水雞..(唔係四川正宗口水雞)一般=$48蒜茸粉絲蒸聖子..只剩兩隻特價$28賣埋比我地,好好味,好有水準=$28炸枝竹=$12鮮花膠仔..好大隻=$38午餐肉=$22桂花蚌(同稻香一樣咁ok)=$28美國肥牛=$28魚頭(半份)=$24皇帝菜╳2=$24椒鹽瀨尿蝦..呢個炸得好有水準,一d都唔濕,好耐未食過咁好食嘅椒鹽瀨尿蝦。每隻$18,叫左3隻=$54上次同個fd 9:00pm前去食,兩個人都要$430,今次3個人都係$488,平左好多^^

點了醉雞鍋，味道不俗!食品款式特別，食物新鮮，員工的服務良好!經理推介我們食的甜品-椰王雪烚膏，正!

試過這裡的晚市&下午茶時間.最喜歡他的下午茶,就算星期日都有特惠.哈哈~~~~~~又不用同人迫,可以慢慢食好過癮!!!!!!!最喜歡奶皇流沙飽,正;相反晚市要等,有時訂位來到又要再等,唔好啦.喝下午茶好了.

星期六晚（五月二十日）與友人一行四人去旺角那間譚魚頭打邊爐。我第二次去這間食店，記得第一次去有book 位都要排隊排到癡線，反而今次去無book 位竟然即刻有位。我們選擇了蕃茄湯底加白湯底的鴛鴦鍋，好健康，味道唔錯。食物方面，帶子片超好食，魚皮餃併菜肉餃都唔錯，比較喜歡那個什麼蟹黃醬爆丸（唔係好記得全名），好醬爆！服務就比較差！以為中銀卡有折扣，誰知準備叫橙汁飲時，原來用中銀卡order 橙汁是沒有折扣的！（奇怪理論）問侍應有什麼飲品是可以用中銀卡order 又有折扣的，她答了一句「應該無！」就匆匆離開，不再理會我們。不單沒有水晶叉燒包食，我們那碟帶子片未食完就被侍應收了，唉﹏﹏怪不得現在不用排隊就有位坐啦。價錢方面，可以接受，四個人食，埋單$550 左右，食得都好飽。

前2日一大班人去到,明明已經book 左位, 去到竟然話無, 要我地轉房,但要收minium charges$1500, 我地諗住成十幾人,都算鬼數, 就轉去房食, 點知入去, 諗住叫野食, 又話呢個set 唔叫得,個檥又唔叫得, 咁都算, 我地叫侍應有冇好介紹, 佢話龍蝦平,$88 一斤,我地心諗我地甘多人, 價錢又ok, 正打算落order 叫, 點知有個部長入來話我地坐房,冇呢個offer, 比佢激死. 最後搞了一大輪,算叫做落左單, 隔無耐, 部長又入來話唔好意思, 話個set 個湯賣晒, 甜品又賣晒冇得揀. 雖然部長都算好人, 但叫個晚飯入來幾次話d 野賣晒都真係離譜左d.但個set 話原來個湯賣晒, 後來轉了個南瓜湯, 好似水一樣, 真係不知所謂, 個味炸雞一d 味都冇, 全個set 最能入口的係碟炒飯, 你話死唔死. 仲有最好笑係, 其中一個侍應成晚都留係我地間房到聽我地講野, 好似狗仔隊一樣,叫佢走都唔走! 明明係佢自已電話, 佢為了聽我地講野, 竟然唔認自己電話, 仲一味係我地d 電話, 叫我地聽~~總之一句到尾, d 野食比起普通還要差距!!

早前與同學吃火鍋聚舊，七時多walk-in等了一會就可以入座了，真好。同學推介蕃茄湯底，另點了皮蛋芫茜湯底，來個鴛鴦鍋。湯底滾起即有侍應來勺起一人一碗湯，然後給各人以湯底混合醬料，想不到有這樣的吃法，這服務頗體貼週到呢!火鍋料應有盡有，味道不錯。雖然我平常吃菜比吃肉多，但手切肥牛很美味呢，吃了很多。四人行共吃了六百多元，一分錢一分貨，不用吃垃圾食物。

新年個段時間,除左煲仔飯,不得不數既就係火鍋經友人介紹到譚魚頭一齊拾下拾下我地點左出名既魚湯同埋麻辣湯底材料:臘x魚(唔記得咩名了) 肥牛(切得幾薄) 蝦(無咩特別) 水昌叉燒包(待應推介) 金菇,魚皮餃,駝鳥肉等等等等....(不能盡錄)肥牛:唔錯架呢!切得夠晒薄!灼幾灼就熟!正水昌叉燒包:好似無咩特別@_@ 唔係我隻屯臘x魚:呢個夠晒野味啊@0@\"\"正其他都幾好不過佢\個麻辣湯底越食越唔辣...不過呢度唔係主打麻辣..算係咁架囉!相反地個魚湯底就幾鮮五個男孩子飲埋酒埋單係$16xx 都唔算貴啊,因為食得好飽啊

成日聽我個同事講話E間野打邊爐好好味~上星期六終於約到朋友去試啦！我地叫左一邊白湯底,另一邊係麻辣個白湯底~好好味...至於個麻辣..我就覺得唔辣..不過..都幾正嫁~我連埋三個朋友總共叫左21碟~大部份材料都好好味！特別推介有︰水晶叉燒包、珊瑚蚌、貴花蚌、花膠仔等~不過..都幾貴嫁~但都係值得！HAHA

2006/1/21今日同班舊朋友黎呢樹聚舊，估唔到我朋友都識選呢度，因為佢話上次黎呢食晚飯見ok所以就黎過朋友響早幾日已經book左位，原本plan食晚飯，不過最後confirm order個陣要返打邊爐，因為一班人圍埋打邊爐開心d﹗今次唔試蕃茄湯(我唔多鐘意=.=)，經nice nice待應提醒先知道各款湯底都可以雙併^^所以我地要左野菌湯同魚湯野菌湯一般，比較濃，反而魚湯白雪雪的，滾過既野食仲好食，又唔'流'5個人叫左16碟野，哈哈﹗超多﹗不過係分前後三次叫，除左我以外另外四人都係第一次響譚魚頭打邊爐，A朋友食完一個水晶叉燒包後立即愛上，話真係好好食(yeah!!)最後埋單每人都係140，非常抵，我地叫象拔'pong'﹑帶子片(超正!!好好食)﹑肥牛(冇乜肥膏架，我都食左唔少^^)﹑水晶叉燒包﹑蝦呀咁.......140真係好抵，下次再多d人就可以再平d，哈哈﹗服務方面，個亞叔待應都ok呀，開頭叫野既時候我地問乜都答乜，唔嫌我地煩，不過佢走左之後就真係有d叫天不應了(汗汗)，anyway都過得去﹗(比我上次黎好少少啦)近來佢攪promo呀，食100送100，不過要等下次先用得，我地

幾好~ 味道真係唔錯. 湯底好夠味, D料亦都新鮮不過唔鍾意係太嘈而且D service比較差

好耐之前食過一次，就係為左食魚雲先揀呢度。完全唔明白，點解迫人加五十蚊要一邊魚頭，而個魚頭係無魚雲既。好有大陸黑店感覺，其他野幾好味都無用，我今生今世都唔會再去。

因為有朋友極力推介,所以就試左蕃茄湯底. 點知我有個朋友飲左一碗湯,就出現左味精過敏的反應. (佢通常都係食左有好重味精的食物先至有反應)好在叫鴛鴦湯底, 另一邊的魚湯就普普通通la.火鍋料麻麻地, 我地叫左碟金菇,乾到皺晒. D肥牛好碎. 連我唯一覺得比較好的奶皇水晶包,我D friend 都話"有骨氣"好食D wor.Waitress 面口認真難睇,唔會再幫襯.

好似黎呢度食今次係個fd介紹黎食下因為佢話果度有個蕃茄湯底幾好味我地就要左個鴛鴦鍋一面蕃茄一面海鮮但海鮮果面唔好好味d食物方面比平時任食火鍋差唔多但今次食左個水晶叉燒包同奶皇包用黎打邊爐一陣好好味味道估唔到咁配合下次大家可以一試仲有佢地d醬料都好多下不過食落又冇乜味既?!!當個爐滾左之後佢地會埋黎幫我地一人一碗湯試左先呢度做得幾好同埋佢地加湯既時候都會落返果個湯底唔會係熱水所以味道一路keep住唔錯而環境方面好大下我地上去唔駛等位就入得如果你有衫放嚮椅背問佢仲可以拎d衫套幫你套住慎防整污糟d外套呢度幾好同埋效率都幾快不過價錢就幾貴下但一分錢一分貨既始終^^

一早訂好位, 但都要等一陣先有位, 入到去坐好就即刻叫各朋友推薦的蕃茄湯做湯底, 結果.......真係好得, 但湯好好味(可能我鐘意食蕃茄) 打邊爐的配料選擇都算係多款式, 但價錢略貴, 而且想叫一個侍應, 都要舉手成五分鐘先有人睇到............但上配料好快, 一入完單, 等一陣就已經上菜, 整體都算不錯