譚仔三哥米線 (啟田大廈)

營業中

休息中

每次揀三哥都係因為有蕃茄湯薯粉，係譚仔無嘅嘢😂叫左雞肉金菇蕃茄湯薯粉，幾好味😋蕃茄湯幾濃味，鍾意薯粉個種煙韌嘅感覺😋三哥姨姨都幾好人，雖然少人做嘢，不過都好快手👍🏻

📍爆辣小豬件 （$23）新出嘅小食，當然要試一試佢。😆。豬扒大約有三至四舊，面頭鋪滿辣椒碎，堅係勁辣🌶🌶🌶🥵！豬扒唔油膩，肉質醃到軟腍，婆婆都咬得開。食唔到辣嘅重有鹽香小豬件，不過如果鍾意食辣嘅就一定要揀爆辣🐷呢一款啦。.📍柚子桂花茶（跟餐+$10）味道比想像中更讚👍🏻，柚子加上桂花香🌼，兩樣味道都夠晒突出，但係飲落唔會過甜，解辣一流！.📍魚腐蕃茄湯米線（$30+$2）蕃茄湯夠晒濃味，酸酸地又食到真蕃茄🍅，真係好唔錯😋，草根身邊好多女仔朋友都好鍾意食。米線唔會煮得過腍，而且份量夠多，加埋魚腐飽肚又好味。

收工無所事事，一條友又食唔到咁多野，碟頭飯又唔多想食，經過譚仔三哥，又索到d引人既酸辣味，就比佢吸左入去左睇右睇餐牌，樣樣都想食（可能因為太肚餓）最後選左酸菜、雞肉、魚蛋，要3小辣；我唔食芽菜架要走左佢；米線最驚就係淋曬，我要爽D咁我又驚食唔曬，要少米線（仲可以減$1）再加一個乍醬烤四季豆真係極品級小食D醬多到可以撈飯碗3小辣果然無令我失望，米線非常之爽身，辣度啱曬我口味出奇地粒魚蛋超彈牙，真係好想加多幾粒酸菜又唔會太淡喎，今晚真係好滿足

我一向覺得三哥比譚仔出色，因為味道同材料都比較新鮮。職員都比較殷勤同勤力，唔會串串共同埋三哥既雞唔會連皮，唔會搞到成碗湯油林林～值得一讚☺️價錢都較合理，少米線會減一蚊☺️

有一排無食譚仔，突然好想食🤪就襯lunch同friend一齊食我地各自叫左墨丸魚腐 同 雞肉魚片頭之後我地share 餸最出色係個湯底！😍叫左三哥重慶酸辣，雖然個湯望落就好紅好辣咁🌶，但其實個湯做得好balance, 辣味係好香好濃郁，唔會一味得個死辣而咩味都食唔到！食落係好有層次同好多香料既效果👅而我平日唔係太食得辣，只係食小至中辣但呢個湯底我可以唔洗配飲品都食到👌🏻而餸菜我就覺得魚腐同魚片頭都正！魚腐既吸汁又香，魚片頭就好彈牙！平靚正既平民野😚

話說食左咁多年譚仔，第一次聽佢出新小食仲要係平時啲串燒舖整開既燒茄子緊係吸引架嘛去左好多分店都係叫我早啲黎......因為好快賣曬即刻叫番個魚片頭三哥酸辣再整個辛蒜燒茄子，加杯柑桔香梅杯野飲啱啱好係可以中和到啲辣味而且唔會化學味加上天氣咁熱，飲番杯柑桔既係好解渴~個燒茄子話就話有三小辣但其實我唔係好食到辣既都可以接受到而且一捧出黎係超香燒烤味加上滿滿既蒜蓉，真係好惹味一個一個都唔夠今次出既呢款實在有驚艷到我 ;)推介: /5

一向比較支持三哥，因為三哥嘅菜式，有創新精神，肯改革，煳辣係我其中一個至愛，今日叫咗過橋米線煳辣，另外加左凍檸茶，呢間鋪頭係特別嘅只係加＄3。天氣突然轉冷，食煳辣可以令到個新暖洋洋，而且今日米線煮得啱啱好！

老婆今日又同班姊妹去食飯，掉低我一個。喺我嘅字典中，男人的浪漫除咗豆腐火腩飯外仲有三哥米線。今日叫咗湖辣五小辣，加豆卜同雞肉，走牙菜。會揀三哥而唔揀另外嗰間最主要都係因為三哥嘅湯底選擇較多。胡辣湯底比較重胡椒味好香口。雞肉能煮得保持嫩滑，配埋爽口彈牙嘅米線真系冇得頂。今日比較肚餓所以另外叫咗三隻土匪雞翼。土匪雞翼獨有嘅香味真系喺屋企冇可能整得返，而且煎焗得外脆內嫩，真係教我如何可以不愛它！而且仲有免費贈飲凍飲一杯。兩餸米線加三隻雞翼仲有一杯凍飲，都只係56蚊，經濟實惠又好食。

藍田三哥咁岩係譚仔隔幾暗鋪好有明爭暗鬥既感😆唔知係咪因爲咁，呢間三哥係有飲品送架！真係好吸引人👍🏻因為食一碗又熱又辣既米線，真係要飲番杯凍飲先過癮。黎三哥必食三哥酸辣又辣又酸口感豐富好多！

食過好多間譚仔三哥，得藍田呢間三哥真係最抵食，平時三哥叫野飲係要加錢，得呢間譚仔三哥係叫野食包野飲！食完埋單姐姐會俾一張手拍青瓜或雲耳小食卷，留返下一次食既時候係落單時俾埋張小食卷就會送一碟小食，冇分咩時段食都得真係認真抵食！而且送既小食都唔細碟，有平時叫開小食既份量。野食好味又抵食，當中午或晚餐都好夠飽！平時好都多人食要排隊等位叫飛先入到去，日日都好爆場！而家真係食親譚仔都淨係去呢間，其他個啲譚仔真係冇咁吸引。

一星期總有兩日想食酸野，無關乎係咪有左，淨係想過下口癮哈哈，所以酸辣粉係我固定餐單。比較喜歡雲南米線嘅酸辣，無重慶酸辣咁chur，夠味得黎唔會有厚厚一層油浮面，加上譚仔嘅酸甜菜真係好好食，一次又一次返尋味～👍🏿👍🏾👍🏾👍🏿👍🏼👍🏿話說藍田有兩間譚仔，只係隔一個舖位。三哥或沒有三哥，係一個好問題。作為藍田街坊，兩間都去過好幾次，純粹覺得三哥服務較好(估計係無咁忙，姐姐會好笑容d)，同埋我最近入左三哥酸辣煳辣會，忠心永久會員，所以諗都唔諗，行入三哥！是日星期日，提早左到餐廳避開人流，6:30已經入座，唔洗等🌸🌸🌸香醋雲耳 $12 ⭐️⭐️⭐️⭐️⭐️三哥最近有Promotion，幾種涼菜都只係$12，抵食！其實叫晒5種都只係$60，不過同男朋友食，要扮下細食😆😆酸味有！香味有！口感有！滿分無難度！抵食又好食，唔再係十個小菜都用同一種麻辣汁，中意佢酸得黎香，香得黎脆口，正！土匪雞翼/5件 $24 ⭐️⭐️⭐️唔確定個價錢，熱辣辣食最好，雞翼肥美，調味可以更好，有d 淡。主角：三哥酸辣過橋米線 $49 +$3湯底兩個人食，配料一定夠食，有丸有肉有好多豬潤，真係好多，食到尾都仲有，又有雞肉豬肉竹笙，米線呢，兩個

今日中同同事嚟到搵食， 見到兩間譚仔打對台，其實平時食開無三哥，今日就決定幫襯下三哥啦。叫左例牌竹笙魚腐麻辣米線，竹笙索哂湯底， 爽口爆湯，魚腐亦無大差別，惟一覺得湯底偏咸； 土匪雞翼同皮蛋都同譚仔無三哥分不大，能保持水準。但米線既精髓就係個湯底，下次都係幫襯番無三哥算！

今日中同同事嚟到搵食， 見到兩間譚仔打對台，其實平時食開無三哥，今日就決定幫襯下三哥啦。叫左例牌竹笙魚腐麻辣米線，竹笙索哂湯底， 爽口爆湯，魚腐亦無大差別，惟一覺得湯底偏咸； 土匪雞翼同皮蛋都同譚仔無三哥分不大，能保持水準。但米線既精髓就係個湯底，下次都係幫襯番無三哥算！

今日去試一下食三哥有沒有不同。叫了一碗米線加雞肉，竹笙，魚腐，麻辣小小4度辣。湯底好清，有很少辣味同夠哂熱，但食一啖就好咸。魚腐煑得好腍，有好輕微魚腥味，程度可以接受。雞肉頗嫩，但餸唔太多。竹笙幾爽口，但浸泡完湯後，都好鬼咸！唔知係咪食慣咗，食到最尾就無咁咸！ 皮蛋有好多蒜蓉同䓤碎，帶少少辣味同麻油香，皮蛋都不過不失，連埋醬汁入口都几惹味。

譚仔三哥係人都食過咁滯,但係今次我試左呢個砂砂湯底就伏左味道當然想扮喇沙啦,用了類似蝦米之類來整出來,海鮮味不夠重,溝埋佢地本身既豬湯,有點四不像.兩者混合亦唔見得有更佳效果睇黎要再改良一下