譚仔三哥米線 (啟田大廈)

營業中

休息中

中午去左屋企附近食米線，唔錯的選擇。首先講下d餸先，我叫左金菇同牛肉，金菇好新鮮，而且處理得好乾淨，吸收左好多湯汁，本身亦都好鮮甜，食落好爽口。牛肉方面亦好新鮮，煮出黎熟既程度o岩人岩好，嫩滑唔會老，食落又無筋，加上芽菜增強口感，仲有吸曬d湯既腐皮，可以話係一絕。我叫左清湯，味道好鮮甜，好清，入口完全唔油膩。最後係米線，食落好滑，有小小爽口同彈牙，份量好足，好飽滿好實惠的一餐。

我呢個三哥迷今日一放break既刻走佐去食三哥，雖然對於我地學校遠佐啲，但絕對冇影響我地對三哥熱情！一坐低見到出佐新野，緊係試下新野shasha湯。*平時我只會叫三哥辣雞肉，有冇人同我一樣？haa之後就去試下啦！今次叫shasha湯雞肉(微辣)我都係離唔開雞肉！我最愛三譚仔雞肉但係有少少失望，可能因為叫微辣帶唔出個味啦！個人認為淡佐少少吾夠入味！不過食多幾啖又好似ok，但我都係覺得三哥辣好食啲！而我有個提意，就係如果食shasha湯，一定要每啖湯連米線一齊食，甘就好好多！

一碗簡單的米線真的來之不易三哥店內貼滿嘩眾取寵的海報什麼研發湯底過程之類還是少講一點沒用的話點了麻辣十小湯底濃郁得有點奇怪麻味令人失去味覺配料選擇全是低價品連魚腐都欠奉墨丸魚腥味濃魚蛋肉質梅爛米線質感軟爛如此價錢不如去吃港式雲吞

時常聽人說三哥的皮蛋好吃，今日一定要來一試，2點多來過仍然見店內有很多人，於是在附近商場行一陣再來，行到差不多3點來吃，已經唔多人了，仲有大把位揀...安坐後由於太肚餓的關係，便和朋友立刻點了一碗過橋清湯米線套餐，尖椒皮蛋加凍檸水，還不夠五分鐘先來皮蛋，我覺得皮蛋加了蒜茸有點怪，汁也唔夠辣加小,至於主角皮蛋,我覺得略嫌切得太厚,更加吸唔到汁,浪費了皮蛋。過橋清湯米線來到時好大碗，真的客了一跳.我習慣吃時先喝一碗湯,湯夠熱也好香豬潤味,很好喝..我喜歡吃這個米線是因為甚麼餸也有小小,如牛肉,雞肉,腩南,魚旦,牛丸等等....咁多款餸我最喜歡吃腩肉，很爽，墨魚丸更值得一讚,有墨魚味,好吃.可惜我最喜歡的酸菜和肉碎都唔好味,酸菜過酸,肉碎的味也太鹹。最最最劣質可算牛肉,雖然夠滑但有渣,咬都咬唔開,最後不得不放棄.飲品的凍檸水完全沒有味，下次還是加點錢試下特飲。不得不讚員工很友善，能聽到很多次的多謝。今次第一次來覺得食物不錯，下次必定再來試其它食物。

見兩間譚仔開在一起，只隔一舖位，便支持開方牛三哥叫了：腩肉$25 + 3小麻辣湯$1雞肉$25 + 3小三哥酸辣湯$2口水雞翼(3.5隻) 推廣價$23腩肉米線味道可以，有11片腩肉，份量足夠雞肉米線，三哥酸辣湯好味，樣子辣但入口不太辣口水雞翼敗筆👎得3.5隻，份量好細，雞翼肉黏骨，顯然無出水，又不入味！以三哥的努力，希望可以改善，否則原價$28會更加無人食～全單計$76元

同同事12:05去到，唔駛等位，坐低後就諗住落order，我就食開過橋走膶5小，個阿姐竟然問我咩湯底！仲要跟手講句清湯之外咩湯底5小…嗰刻我忍住5小佢，同佢講麻辣5小，佢就問「係咁多？」兩個男人唔會share一個過橋吧…我同事就叫咗腩肉豆卜煳麻小辣。過咗差唔多10分鐘，有個阿姐雙手供奉住一杯凍奶茶走去隔離枱，但隔離枱無人叫凍奶茶，個阿姐就大聲問有無人叫凍奶茶，我話我有叫，佢就話我轉咗枱，呢下真係5小佢唔得啦，我回覆佢︰「我無轉枱喎！係唔係你落錯單呀？」佢check下，真係落錯枱…佢就死死氣道歉。再多5分鐘又有個阿姐拎碗過橋去隔離枱問係邊個叫，我就大聲回應佢，佢放低碗米線就走咗去，我呆X咗咁望住碗米線，另一個阿姐問我有咩可以幫到我，我就問佢︰「過橋米線仲爭咩呢？」佢又識答我乍醬同酸菜，再斯斯然走入廚房攞俾我…跟住我同事就問個阿姐，點解佢碗腩肉豆卜仲未有？係唔係漏咗單？個阿姐就話整緊就到…再多等5分鐘我同事碗米線終於到，食完之後大家都認為碗米線好無味！我諗我唔會再幫襯呢個三哥！