譚仔三哥米線 (西洋菜南街)

營業中

休息中

三哥主要吸引我的地方1. 麵多~ 食得夠滿足~!2.湯底唔咸又唔會只得水 3.價錢十分平一般我叫牛肉米線 牛肉量多 又唔會煮得過熟~ 保持到個軟硬度!米線夠彈牙! 價錢又平~! 支持

好耐無食過譚仔 難得黎到就試下番茄雞肉米線，就試下個番茄湯底好唔好食，成碗面好多番茄，番茄味道好香濃，都有少許番茄，好多番茄汁，食落都好開胃，雞肉都係如以往一樣，都係鞋鞋地，不過都慣左，不過要注意蕃茄湯底下午3點後先有，想食就要睇住時間

三哥米線好了得。食飯時候，真的好難揾位。今晚稍夜，不用等位了。叫了一個麻辣米線加墨丸再加竹笙。三哥湯底好講究，可說是佢咁認第二，冇人咁認第一。墨丸、竹笙及米線質素不差。最主要是湯底好味，麻而不太辣，最後成碗湯飲完。皮旦加重慶口水汁。皮旦好流心，好有皮旦味，但重慶汁太肥膩。食完不會口渴，正

一個人ko成個套餐今次已經係第二次！感覺超滿足！其實每一次嚟譚仔，如果我想叫多個三個餸，我就會叫套餐㗎啦！因為基本上我入面都冇乜野係唔食嘅！好喜歡譚仔嘅辣！每一次都會叫5小辣或者以上。 因為佢個湯嘅麻辣味好足！ 係會令人上癮嘅感覺！ 我最喜歡嘅餸係竹笙同埋豆卜， 其實都係因為吸哂啲湯，感覺好正！ 肉類分面我就喜歡雞肉同埋炸醬！雖然啲人又話佢個雞肉好似打針既，又話d炸醬好多油 ，但都始終阻止唔到我對呢兩樣餸既鍾愛！ 叫套餐有個好處就係佢有菜。有時其實我覺得而家譚仔越嚟越貴，不過都明既，物價上漲呀嘛。 米林啲，喺我必然嘅選擇！譚仔米線好幼， 咬落去都好彈牙！煮得林啲覺得好似好食啲！ 一個人食曬成個套餐其實真係會飽到上心口所以好間唔中一年一次就算啦

普通譚仔同埋譚仔三哥食嘅嘢都唔同，認真睇下就會知道有分別金菇雞肉酸辣係我最愛嘅配搭，雖然好多人都話食今個好蠢但係我覺得佢呢度啲金菇幾大個，分量都算OK ,爽口，好過其他米線店嗰啲。裏面啲雞肉好碎好細粒，食起嚟冇乜雞味，不過都可以嘅，酸辣來講比較酸唔係太辣，令人越食越想食！米線好多一個女仔未必食得晒，但係男仔一定得

其實食左三哥十幾次，偶然心思思又想食。這間裝修不算舒適，沒有卡位，但勝在空間不太迫。我今次点左三小辣雞肉，好正，辣得我流鼻水，雞肉份量亦不少，有腐皮，腐皮吸收了個湯，簡直係精華！食完個口內仍有麻辣味。可惜很口渴，堂食飲完一杯都不夠。價錢大眾化！之後仍會再食。

雖然還是十七號。但已經接近糧尾，跟朋友食飯，當然選擇平靚正。譚仔三哥係首選。一入到去，用九秒九嘅時間點餐炸醬，腩肉三小辣，冷檸茶少甜少冰。就算係繁忙的晚市時段，上餐一樣保持到快餐的速度。因為肚餓所以叫兩餸全肉係常識。再加少少辣，用十分鐘就可以食完離開👏

The TamJai Sangor Mixian shop in Mong Kong Sai Yeung Choi Street offers different Mixian choices, including the different ingredients added, the soup choice and other drinks or snacks available. The Soup I recommend is the Hot and Sour one, as it gives you more appetite and you can finish the whole noodle Mixian soup. The " Guo Qiao Mixian" gives you an opportunity to savour most of the ingredients in one bowl with a reasonable price ( $51 HKD). The service was nice, and they proactively cleaned

今晚想清淡d，老公OT又得返我一個人，自己去左食譚仔，等位都等左15分鐘，唔好以為一個位好易等，其實都幾難等架！一個人食一餸好啦，太多驚飽！我叫左炸醬，因為突然間好想食辣野，我幾時都話一餸好抵，碗辣醬勁多呀！望落似免治牛肉咁，我欣賞佢分開上，好貼心，一pat好似花生醬咁，唔係好夠辣，但係勝在唔膩！雖然清湯湯底，但夠味！配料腐皮芽菜我最愛！米線亦好柔好滑！呢個一人晚餐都OK吧！

Lunch唔知食咩好，米線控既我就決定又食譚仔腩肉、豬潤胡辣湯底小辣，好香既胡椒味呀腩肉夠晒肥美，咬落去脂肪融化系口腔內，仲有少少瘦肉豬潤偏細塊，無咩特別。米線熟既程度岩岩好！炸醬味道一如以往咁正，甜甜地帶少少肉香味。凍檸茶甜度岩岩好，茶味都夠，幾唔錯！

就算大家點講譚仔用好多味精都好，佢都係我既摯愛。今次叫左木耳豬潤5小。麻辣底一向係我摯愛。食到條脷少少麻麻地咁既感覺好正！豬潤黎個陣仲有少少紅，浸多陣已經無晒。就係呢d剛剛熟既豬潤先夠爽！亦好有潤味(唔係廢話，不過唔知點形容好)木耳仲爽，咬落去有聲個種！到到譚仔d價都有少少差異，呢間好似平d?

唔洗多講，三哥譚仔同無三哥字眼的譚仔是𣎴同的。三哥譚仔才有糊辣！糊辣係我的致愛！燒烤的味道😍米線煙un,竹生爽口！三十幾蚊就可以滿足我食慾。我叫了杯熱菜蜜解下辣。

今晚想食平靚正d, 最後揀左譚仔！叫左清湯墨丸炸醬米線+蒜泥白肉墨丸重味夠彈牙清湯湯底味濃一啖炸醬一啖米線正呀蒜泥白肉好重的蒜味，配薄薄的腩肉一流口感環境夠大又坐得耐

叫左麻辣牛肉米線 麻辣味濃，配牛肉，牛肉味鮮，但有點兒靭，可能滾過耐，牛肉肥膏比較多，略嫌肥膩，米線雖然已經入曬昧，但煮得太腍，麻味香，辣就一般辣味，冇特別

今晚收工唔使返屋企交人，老婆同阿b返左婆婆度食飯，我OT完一條友周圍蕩，譚仔係我最佳選擇！今日食雞肉酸辣，平時我好少食雞肉，厭佢齋左啲。黎到就覺得點解咁似清湯既？唔通阿姐唔記得左我要酸辣？試兩啖，真係酸辣黎，味重夠，偏酸帶一點辣而已。唔太食得辣的我都可以接受。雞肉量唔太多，但肉好嫩滑，本身雞肉無味，但加左酸辣湯吸收晒就好好味，每件雞肉都入晒味，Yummy！米線軟林林，份量又夠！三哥果然係三哥！