譚仔三哥米線 (西洋菜南街)

營業中

休息中

超超超出名既一間米線，身邊朋友都超鍾意食，呢度平時雖然人多環境嘈雜，但係勝在米線夠好味，一般我都會食豬潤腩肉魚腐清湯米線，同一般車仔麵差唔多，大家可以隨心選取任意一種配搭，基本上各種組合都好味，抵食，而且對得住佢既價錢，可以話係平民既美食，我最鍾意係佢個湯好味得黎又非常之多配料，有芽菜又有蔥，但我最鍾意食既係佢既腐皮，軟得黎又香又有豆味，我超鍾意食，次次都想加腐皮。另外我會推介既小食係皮蛋同土匪雞翼，有辣汁調味既皮蛋，根本係人人都愛吃，仲有滿滿黑椒既土匪雞翼，超惹味，一試難忘呀!

平時食譚仔，個個都食土匪雞翼，厭了，今次見到佢有新推出產品，就係呢個茄子，18種香料秘製紅油，又話辣又話香蒜，睇落都覺得吸引。不過食落都比較辣左少少，即叫即燒起碼熱辣辣👍🏻

成日出街食飯都會好想食米線！米線係食極都唔會厭😂行過咁岩見到譚仔三哥，就緊係入去食返碗勿演乍醬米 大麻辣❤️❤️❤️譚仔三哥既乍醬真係好野味，份量又唔少。重點係，佢自動波會分開上，呢樣野唔係間間米線鋪都會做。

譚仔真係好無敵，有段時間直頭係每個星期食一次每次都必叫土匪雞翼，最鐘意叫竹笙加雞肉十小辣，啲竹笙加埋個十小辣湯 吸哂啲湯 勁夾!仲有必叫麻辣皮蛋 ，皮蛋同個辣醬勁好食

夜晚突然三哥癮起😂就去左食我最愛嘅酸辣米線同尖椒皮蛋💕每次去譚仔我都一定食普通酸辣，愈食愈有感情！今次兩個人share一個套餐份量岩岩好喇～叫左酸辣套餐、尖椒皮蛋、兩杯凍檸茶🤤三哥酸辣湯底最正，最經典！酸辣平衡得好好，碗麵一上枱一定要飲幾啖湯先😍套餐有個好處就係唔洗諗揀咩餸，一碗麵咩餸都有齊～其中我覺得最好食嘅係「竹苼」本身好中意「竹苼」嘅質地，加上佢索曬啲湯，超入味！另外尖椒皮蛋都係必食嘅，本身唔太中意皮蛋陣味，不過三哥呢碟加左好多尖椒碎，尖椒同皮蛋好夾，竟然可以令以前完全唔食皮蛋嘅我食到大半碟，可想而知有幾正😆

有一段時間我曾經好沉迷係三哥嘅三酸入面三酸嘅湯底 再混合蒜泥白肉嘅蒜泥會產生出另一種美妙絕輪嘅化學物我都唔知係啲咩但總之就好好食不過副作用可能就係食完之後有一段時間會唔好意思開口同人講野

🔅🔅🔅新年食到飽飽濟濟認真要清清腸胃～食譚仔三哥心癮發作咁啱放工又經過旺角二話不說就決定食佢🔸話明係要清腸胃所以叫左個清湯食譚仔三哥咁耐～叫清湯次數少於五次因為個湯唔辣唔過癮🔹<雞肉魚腐清湯米線> 原來清湯都可以好清甜因為我叫左百搭雞肉呀雞肉可提升湯底鮮甜味我每次食三哥必叫之選另外魚腐都好香好好味🔸最後飽到抱住個肚走😂因為我飲左好多湯～一啖米線硬要配一啖湯🔹如果想食清淡D可以試下叫清湯記得叫埋雞肉😆因為個湯真係會甜D架😍🔅🔅🔅

三哥真係米線既龍頭,佢個麻辣恰到好處,麻辣比例適中,仲有其他唔貼湯底,唔辣可以要番茄,要勁辣可以大大大辣,個土匪雞翼好野味,外脆內軟,仲有個皮蛋既辣恰到好處,蒜泥白肉d腩肉好薄好入味

今晚差不多九點到嚟到呢一間譚仔三哥米線。以前試過九點嚟嘅時候都仲有好多人。 但今日都坐得比較鬆動 。今日又冇豬膶所以就叫咗火腿喇。 最近去咗好幾間譚仔都冇豬膶賣，有點令人失望。 米線一如既往咁好食，軟度適中, (我曾經試過其他譚仔米線個麵質好硬，好似未煮熟咁但呢一間就唔會) 而且份量（ 雞肉、火腿、米線等）啱啱好。 酸辣程度都啱啱好，對於唔係食得太辣嘅人黎講 酸辣就最適合喇。 呢一間上菜好快。等左5分鐘到就食得。加咗個凍檸蜜，檸檬片數量都好多。

鐘意咗食三哥譚仔已經有6-7年時間，由一開始食十小辣，慢慢發現自己其實食到好辣，到現在無大辣/特辣都滿足唔到我食辣的心會揀三哥譚仔的原因係有我最愛食的薯粉，平時食其他米線店都只揀有薯粉的食。另外三哥譚仔的辣比普通譚仔辣好多，味道好食好多今次新年好多間都無開門，好彩仲有旺角喱間照做生意，叫咗個特辣套餐薯粉返屋企慢慢享受。食過咗多間三哥譚仔，喱間的辣是較辣的，成碗都紅食湯底，餸都好入味，我食完都咀巴紅紅的最鐘意的餸都係雞肉，芽菜，豬潤除咗野食好味，都要讚下喱間三哥譚仔姐姐的服務態度，雖然新年期間特別忙呀，但態度都保持都好服務，有d店唔係架🙈無咁nice架

譚仔係我食過米線入面最好食之一既米線。。由其是過橋米線，大大碗，足料。。。。辣度又有得揀，價錢合理，米線夠滑，arm晒一班去食，仲有個土匪雞翼，香味十足，入晒味，外脆內軟，

TamJai SamGor is the classic Yunnan rice noodle restaurant with locations all around Hong Kong.As usual, we went with the $52 Bridge Rice Noodle. An excellent value with enough food to satisfy two people.%52 Bridge Rice Noodle. A massive bowl of rice noodles topped with beef, chicken, ham, meatballs, veggies, and tofu. Generous portions of topping and noodles. Paired with picked vegetable and diarrhoea style meat sauce. A great sharing bowl for two.In addition to the noodles, we ordered two side

大前晚約左朋友去旺角行街, 就諗住是但食d野先佢就帶左我去食譚仔咁因為我本身食得辣,就叫左個清湯既雞肉米線倨米線叫左之後5分鍾就黎到就48蚊埋單連野飲, 味道上我覺得唔錯 幾好食米線彈牙 雞肉都夠滑

譚仔三哥盛宴🍜🔥.話說一年一度都會去譚仔開大餐😋即係平日會嗌一碗米線，然後年尾會食一次嗌到成枱都係🥳是日嗌左腩肉+豬肉+炸醬米線，小辣🔥‼️小編就都幾奄尖既，啲芽菜同腐皮一定要走😅小食方面就點左一個大土匪雞翼🐔同尖椒皮蛋🥚今次個辣好似特別辣🤔食到後尾唔敢再飲湯底😅有時小編會中辣添架！好彩好彩～雞翼一如往常咁香，皮蛋唔會好辣加上䓤夠香。食埋小食就真係好飽，但又好滿足🤤

今日又 在旺角工作, 放飯時間已是下午茶， 走咗去 西洋菜街 的譚仔三哥長長的樓梯, 還分兩層上， 老人家一定唔會上去， 小心 仆倒， 辛苦地爬上去， 地方都算大， 座位寬敞， 還有落地玻璃，點了一個兩餸套餐， 叫了一杯凍鴛鴦， 原來還可以用特惠價錢 來一客小食， 要了麻辣豬耳套餐口快快叫了豬潤， 服務員說沒有， 現在是非洲豬瘟， 所以沒有豬內臟供應， 叫了公園 片頭米線， 不錯米線 滑滑的但那碟麻辣豬耳就不敢恭維， 很 韌， 同出面賣的爽脆完全、不同， 雖然19元， 但感覺浪費了金錢。沒有理由因為特價所以弄得那麼差