譚仔三哥米線 (幸福中心)

營業中

休息中

是日生日去睇城城的演唱會~~~放工後跟朋友由港島搭船過中尖咀, 看了一下燈飾~然後帶我到三哥吃麵, 聽就聽得多, 但真係未食過~~~很多人啊, 我們也等了一陣子~~~~環境是有點迫, 但D侍應姐姐幾好人!!! 因為狀態不太佳, 所以只吃了清湯底, 實在試不到風味~~~但清湯底都幾濃的豬骨味, 而且腐皮夠多又好味~~~木耳都好多好爽, 墨丸夠彈!!大家一起吃了雞翼~~個名好得意!! 其實食完唔知點解要叫呢個名, 但D調味感覺幾特別~~~好一種嘗試!!! 謝謝同伴的介紹!!^^

好耐無食米線, 今晚特登黎食。2個人叫左個套餐$40, 要左糊ma 小辣。個套餐d 送又少左啦, d 酸菜變左碎濕濕, 魚旦, 牛丸全都縮晒水呀. bad ar!今次第1次食小辣, 本來都ok 接受到, 但係愈食愈辣, 食到噴火呀! 不過又唔知點解愈食愈想食哦!另外叫左個新出口水雞, 雖然紅卜卜好似好辣咁, 但食落又唔係好辣哦, 可能已經俾米線既辣cover 左。口水雞都幾滑, 幾好味。不過黎得呢到食, 預左坐得唔舒服, 好迫囉。

今日同肥妹仔來左尖東,一於試試三哥既譚仔米線!!其實如果食普通米線,真係無乜分別, 只係多幾款餸可以揀!!但係如果你食佢既扭紋薯粉!!咁就差得遠喇!! 非常煙韌, 彈牙, 好好咬口!!而且揀埋佢個糊辣湯底,據聞仲有補身功效添!!之後肥妹仔叫多個土匪雞翼,雖然肥龍B我唔食雞翼,但見到肥妹仔一邊食一邊話正!!我諗都應該OK既, 聞落真係好香!!最後飲多兩杯梅子蜜, 下下火, 爽呀!!不過杯野飲要另外+多$$$8, 唔太抵囉!!仲要成杯好多冰... 唉!!

食咗清湯米線配牛丸，肉醬及豬肝，幾大碗。老婆食咗酸辣粉，同埋叫咗個土匪雞翼，味道好似超級市場醃好咗果啲，不過幾大隻同埋幾乾身。連埋野飲加紙巾一包$78，抵食之選。

The dish i often eat is the chicken nooldes with sour chilli soup.After i tasted the first time , i get addicted with this dish..... now i have to eat it every week! (That's crazy right !?)Their chicken is the most tender i have ever eaten and their soup is really stimulate my appetite, even the amount of the noodles is large but i still can eat the whole bowl of nooldes, that's miracle as i can't wat that much before!!!And this only cost $24!!!! In such a low price, you can have a full and yumm

1. 侍應- 阿姐 - 超無禮貌... 入到去又唔帶位, 只你老遠O甘點我過去... 坐唔O岩又大叫. - 漠視客人的需要, 明明有2隻味的湯, 問都唔問就比左胡麻我!!! - 未食晒又想收野... - 我在講電話, 阿姐又在我隔離大聲喧嘩 - D 阿姐真係攪到成間野都好嘈!!! 吵耳!!2. 環境 - 沒有冷氣, 我見人客都食到成身汗 - 位係超迫, 後面個人就係O甘"i" 住我3. 食物 - 米線超lum, 入口就變糊狀!!! - 青瓜ok的

印象中好似係第二次食三哥譚仔, 因為三哥譚仔既分店唔係係屋企/公司附近, 所以都唔可以成日食到 是夜吃了雞肉+鮮冬菇+酸辣薯粉, 再同朋友share 土匪雞翼...酸辣湯底的味道剛好, 平時我一定食唔晒碗粉.. 今晚因為呢個湯底.. 我差唔多食晒!!! (對我黎講太大碗!太多粉!) 特別喜歡那種麻味在脷上的感覺!!朋友說冬菇有陣味.. 不過都入到口既..土匪雞翼.. 唔知係因為攤凍左定點呢... 好似另一間譚仔既好食dd.. 服務方面.. d 姐姐既態度都很好.. 上菜速度算也很快! 下次好想試三哥口水雞翼

今日同女朋友路過此店， 見幾多人食，我地都唔執輸，一於試一試。門口等左2-3分鐘左右就有位，我地叫左.......1/ 豬腩肉米線+糊辣湯底 (小辣) - 湯底好重胡椒味，好香。 小辣對我呢D唔係咁食得辣既就可以接受。 大大碗先至23蚊，抵食~2/ 腐竹豬肉米線 (中辣) - 這個比小辣就辣了很多， 入口已有點麻。 3/ 尖椒皮蛋 - 好好食， 酸酸辣辣幾開胃， 皮蛋是糖心的...正 (只是13蚊咋....幾抵食) 4/ 土匪雞翼 - 好惹味，一試難忘 不過3隻要16蚊就貴左D~ 不過服務態度就認真麻麻.......

今日少左兩個飯腳, 得返三個, 所以我地就試下去呢間成日一大堆人等位o既三哥米線，諗住少人d容易等位。一點去到, 大約等左十分鐘(並不是其他食評說要等太耐), 我地亦唔浪費時間, o係等o既途中揀定食咩, 終於我係揀左付皮腩肉扭紋薯粉(糊辣), 因為我o係呢度睇食評有人話過呢個湯底味道有少少小肥羊feel, 同事(阿sir)亦揀左套餐(即咩餸都有, 唔記得左$42定$43), 同事(dingding)就揀左炸醬酸辣米線(5小辣)。講返我碗糊辣, 真係ok喎, 幾似去左食小肥羊打邊邊咁~哈~我個人就唔覺好辣, 味道不算太濃, 幾香架, 腩肉都幾多塊, 付皮沒什特別, 只是個人喜愛吃, 講到呢個扭紋薯粉, 一個字 - 正! 煙煙unun, 又滑do do, 簡直係至愛!阿sir的套餐米線真係好大碗, 咩餸都有, dingding個炸醬都分開上的, 賣相睇落都ok架大家食完都好飽!再飲埋加$6的咖啡/茶(冷熱同價), 真係飽到上心口....哈哈我會再唻食架!!!!!!!其實今晚果餐都想食果個糊辣薯粉添~呵呵~

我之前係荃灣同沙田食過譚仔雲南米線後來星期日聽我朋友講三哥的譚仔雲南米線比較好吃之後就去品嚐了~~首先講下食物先我地嗌左2杯凍檸茶,味道同普通茶餐廳差不多尖椒皮蛋王..D皮蛋好彈牙~~值得推介哩碗酸辣粉食完之後我個FD話想嘔~~D食物有問題的食完之後咀唇紅晒囉~佢太辣了食物真係等左好耐..員工服務態度唔好..好似唔想做似的~~真係下次唔會再黎了

今日公司放lunch 第一次去左呢間譚仔度食好多人.. 等左最少15分鍾.. 終於有位入去..跟住 我以為呢度有河粉 我就同侍應講 要個牛肉河個侍應點左下頭.. 跟住我話要小辣.. 之後送左黎係牛肉米線 咁我緊係問侍應 我係要牛肉河佢勁大聲話 我地呢度無河粉嫁 ! 跟住佢又係度係咁講講講我話 你同事頭先又唔講 就幫我落 之後我都廢事嘈啦 唯有食左碗米線佢一食 好辣.. 又話小辣既.. 跟住我望餐牌.. 佢小辣 都有分5種我已經好火 個侍應又唔問我要邊種 就自動幫我落左邊種小辣 ??????咁叫完杯凍檸茶.. 我真係辣到頂唔順 就叫佢換清湯比我..佢話 清湯要加兩蚊wor.. 我心諗 豪比佢啦 就要~跟住 清湯黎左 得勁細碗 .. 我已經唔想食了 就賣單走人我以後唔會再黎呢間野囉.. 坐又坐得唔舒服 咁既服務態度 我唔明係咪一間食肆應有既態度囉!!!!

Weekend 去開尖沙咀，掛住d土匪雞翼，又唔洗等位，所以去食！土匪雞翼同湯底一樣係咁正！雞翼好夠味，湯底好香好濃！侍應無乜禮貌！叫慢d,諗多下，都唔得！枱與枱距離太近，人多時比較迫，坐得唔舒服！

下午兩時多去食個quick lunch，同了友一人一碗清湯米線，人手不足，叫都無人落單．落完單又成十分鐘都未有野食，後邊食已覺唔對路，成條脷開始麻，飲埋杯凍奶苶都無改善．食完飲左成支700的水都解決唔到味精的影響．朋友仲慘，味精多到佢下午到夜晚都頭痛，番到屋企狂飲水食生果都攪唔掂．咁多味精，食完真係無下次

今日考完試提議同2個同學過去譚仔食, 早過人地既Lunch Hour, 所以唔駛平時咁要等位等n年, 心情都叫唔錯...跟住又撞到3個岩岩落左單既同學喎, 咁就一齊坐啦, 跟住就即刻叫野食啦... (我同一個Friend叫左一樣既米線, 不過我要糊辣, 佢要中辣...)好, 咁叫先既同學d野食黎先係好正常既... 不過後來我個2個Friend個碗都黎埋, 仲要食到差唔多一半我個碗野都未黎...咁就梗係催下佢啦... 同第一位姐姐講, 佢竟然話: 後加係遲d架喇... 後加係遲d架喇... 之後就行左去... 好啦等多一陣, 我D早叫既同學差唔多食哂喇, 我梗係再催啦... 今次個阿姐睇完之後就走左...好喇等到我D早叫既同學食哂, 我兩個Friend都差唔多食哂喇, 我個個仲未到!!!! 我好懷疑佢漏左囉!! 我仲要睇到隔離枱D野都黎哂我碗野都未黎, 都開始火火地架喇!! 又唔想我D Friend等我, 跟住又叫個阿姐話幫我cancel左碗野啦, 點知佢睇都唔睇就話黎緊喇黎緊啦, 又行左去!! 喂大姐我D Friend都就黎食完喇!!!! 我唔覺得妳地有幫我跟囉!!!!就係咁我等到

上次係長沙灣青山道252-256號地下食過一次,覺得唔錯..今次咁岩係附近,所以去個到食dinner,之後嗌左一碗牛肉,火腿,竹,貢丸,鮮冬菇清湯火線。一碗牛肉酸辣湯底米線,有一碗係兩個人食既,之後就叫啲A阿姐拎兩隻碗比我地,好聲好氣講埋唔該,嗌佢個時就係另個頭個黎冇講野,我叫完佢拎碗,佢當冇左回事...跟住我就叫第個B阿姐拎兩隻碗比我地,佢就話好..等等下..之後又係當冇左回事,then..我又再叫C阿姐拎兩隻碗比我地..之後佢就冇講野就走左...都係當冇左回事！！！！啲野食黎哂...我地就等佢個兩隻碗足足等左十五分鐘！有冇搞錯！廚房就係隔離..拎隻碗有幾難?之後嗌第個D阿姐..個樣已經表示不滿..佢先拎比我地 好地地間野既野食又唔係差... 竟然請埋咁冇禮貌既人..真係失望同埋衛生都唔係好好..我地坐落人地岩岩走個張台,啲阿姐都汁哂啲野走...但又唔擦乾淨張台..又有蚊咬