譚仔三哥米線 (幸福中心)

營業中

休息中

一向食開譚仔，都預左要等位，但今天來到這間不用等位，很開心地入去！一時十五分落單叫野食，兩碗米線，一客土匪雞翼！土匪雞翼很快便到逹，吃下去依然很美味 等呀等，等呀等‥‥已經等左三十分鐘，我們的米線還未到，眼看同枱比我們遲的吃完走了，我們還在等！叫了待應來問問，他說來緊！再等十分鐘，我們的米線還不見蹤影‥再找待應來問問，這次他跟進我的 Order，回來說已經整好左，出緊來！落單計，等了五十分鐘才有東西吃！食物是好吃，但是等了五十分鐘才有食物送上，感覺不好！

好耐好耐冇去食譚仔喇！估計至少有２年冇幫襯，去其他食店食雲南米線就有~~還記得約早係０４年第一次去＜譚仔雲南米線＞係長沙灣，果時店子細細已經好多人食，除咗因為麻辣湯底可分多種辣度外，配料又有多款選擇，連最少有的黑牛柏葉都有，真係正架！另外佢Ｄ小食又好出名，尤其新彊香草烤雞翼、四川麻辣烤雞翼、湖南土匪烤雞翼最出名，果時我已經覺得土匪烤雞翼係最好食嘅，因為面層有黑芝麻很香，正！不過之後越來越少有粉麵，又少出深水埗果邊，所以都冇再幫襯喇，之後見佢越開越多分店，到到都有得食，又覺得好似唔再馨香咁，咪去其他雲南米線食囉，不過最後都係覺得最好食還是＜譚仔雲南米線＞，因為佢Ｄ麻辣湯唔會好似坊間果Ｄ一浸油係面，但又能有麻辣味，的確好唔同，唔知點整架！只係價錢覺得貴咗Ｄ，一碗米線跟一款餸要＄２３喎......。今次隔咗咁耐再幫襯，都係因為每次周末經過尖東幸福中心都嗅到陣陣勁香的麻辣湯味，真係次次嗅到都好想食架之後睇雜誌介紹知道佢呢間出咗款扭紋薯粉喎，小小透明嘅薯粉？心諗用乜野材料製成架呢？好想試吓喎（因其實我唔太鍾意食米線）好啦.....還惦之之經過都想食，咪決定搵日去返次喇！！＜土匪烤雞翼３隻 (小)

又係係返學之前去搵野食~比我係落車之後望左望加之後比我見到有三哥~十個開心~即刻入去搵佢~環境好好~外面都係公園景~又有落地大玻璃同埋我食個個時間好少人~所以好正~叫左個腩肉小辣小米~加凍OT見到張單比SSP費4-5蚊左右尖沙咀貴D都預左~只係希望個質素係返到~一黎到~唔~係個陣味喇~~唯一唔好係料少~SSP好多料嫁~其他的都係同一水準~認真唔錯~又多個開飯點LU~^^

是日去食譚仔啦,等左成半粒鐘好慘但係上次等左40,今次進步左叫左煳辣酸菜牛肉薯粉加杯凍奶茶好味,個湯好似小X羊D湯底,唔太辣,D粉好好咬醱菜好好食,夠酸仲食左1隻土匪雞翼,都唔錯碗野又大,正唯一不足之處就是要等好耐先有位

下晝同同事去食下晝，其實已經過左2點，O的人都好似仲塞住左係到咁坐低無人理，問阿姐個酸辣O的野，真係好似欠左佢咁， 答得好唔願意咁到落完單，開始聽到後面O的人開始股燥O的野仲未來皮蛋。。。。。好味，可能鐘意食青椒，夾埋真係幾好食白肉。。。。。無特別亦都無咩味，下次唔會再叫米線同扭紋薯粉都幾好食，O的餸一灌唔會死既質素，不錯唯獨，我真係食唔到我碗酸辣，因為太辣，所以問佢可唔可以去左本身O的湯，加O的清湯，個姐姐話要收＄2無得咁樣加法。後尾同返個店長講件事，最尾係酸辣都有得選酸辣既程度，湯都可以加上去，不過另加一碗就真係要收錢，最覽店長扣返＄2 比我地成件事亂到七彩。。。。。。。。

呢日同個朋友仔去尖沙咀辦事.夜麻麻, 朋友仔話食譚仔, 就去附近開左無耐既呢間啦!坐低見到尖椒皮蛋皇個牌, 好吸引, 嘿嘿~跟手見到佢出左...酸辣薯粉, 嘿嘿~唔使諗, 一於食呢 2 個!!!都已經成 10 點幾, 點解都仲咁多人架....攪到我地等左成 20 分鐘先有得食 /_\尖椒皮蛋皇 ($13) - 個樣好靚, 食落唔油, 好香口, 不過無想像中咁辣~酸辣薯粉 ($15) - 好好食喎 ^o^ 酸辣度o岩o岩好, 味道同分量似乎仲正過 "傷心酸辣粉", 推推!!!我愛上左 "三哥酸辣粉", 哈哈 XD

本身都係譚仔fans 既我, 最近睇報紙先知原因三哥同譚仔係有分別唔知係唔係心理作用, 講食落肚都係三哥硬係好似好味o的星期六晚同朋友食日式烤肉慶祝生日, 細細碟又貴, 食完個個都都係唔多夠喉, 死都話要搵三哥先夠~行去附近尖東幸福中心, yeah! 終於唔使同d OL 迫!!唔望餐牌都知自己例牌雞肉豬潤酸辣扣底但同行d 朋友一見到樓面貼住食評比賽就鬼o甘開心, 話會一會新出o個個＂煳辣＂湯底飲第一嗒試得出比其他湯底濃好多, 少少似牛腩味, 連埋d 米線shu一聲滑曬入口~後尾發現聞落有少少燶燶地味, 同埋隱約有d 香草味, 但係咩又講唔出, 總之幾開胃~決定下次自己食一碗~~最後8個人叫o左一套餐、3碗米線、6個小食, 先3百幾個大洋, total仲平過食烤肉per head, 抵到笑!!最緊要係個個都滿足開心o甘走~~

諗住開開心心同老公睇劉華，就決定揀雲南米線醫飽個肚先！點知就火都滾埋…六點半去到有好多吉枱，啲阿姐唔招呼我哋，咁咪自己揀位坐囉，揀完嘢食叫極都冇阿姐同我哋落單，明明坐喺收銀喺隔離都唔理我哋…結果要同枱的人又叫嘢食先引到啲阿姐注意…落完單後老公話想加青瓜，就叫番落單個阿姐，點知俾佢一句得埋嚟"頭先又唔講，妳唔見我好多單要落咩"，咁對唔住囉!之後第二谷氣就係去廁所…明明廁所寫住話落一層轉右，去到先發現要鎖匙，返鋪頭問收銀借匙，佢話"我哋冇匙，出去問保安借…"，咁咪出去問保安，點知保安話商場已經將廁所匙俾晒啲鋪頭，叫我問鋪頭借，玩嘢咩人哋急尿架！再入返鋪頭問個收銀，佢話廁所咪出玻璃門前面個公園咪係廁所囉！痴線架，叫我出公園個公廁解決 結果我問隔離鋪個知客借匙去廁所咋！跟住更谷氣的事係等咗成半個鐘都未嚟嘢食，凈係得兩杯嘢飲，想叫啲阿姐催單，又係唔理我哋 跟住間鋪開始多人，就有個阿姐就埋嚟叫我讓個位出嚟俾等位嘅客坐(我用咗一張圓凳放手袋)，個阿姐都唔係路，張枱都已經坐咗六個人，仲要攝多一個人，我老公即時話個阿姐叫就唔過嚟，迫人讓位就識即刻走過嚟，個阿姐即時黑面仲同個新客講"人哋唔肯讓喎喎喎"，嘩

勸大家唔好夜晚7-9pm呢個時間去食等位耐之外D阿嬸態度極差話晒都係客呀明明我地黎先話人地多人就逼我地去張已經坐左好多人既枱落左單之後我地見有其他位想調過去佢居然話唔得!!!!!!!咁好啦已經1肚氣之後等左9個字野食都未黎- -cut單lor個收銀叫我地俾全數都幾好笑我咩都無食過wor!!!!!好型咁放低廿雞俾杯奶茶就即刻走比多小小錢食隔離間金水好過

我叫左酸菜扭紋薯粉，朋友分別叫左墨丸扭紋薯粉和酸辣粉。必食扭紋薯粉！推！！真係好ＱＱ！！好特別！加埋湯一齊食好得意！酸辣粉真才實料！都只係２２蚊，好抵！這是新開既分店，所以好新好企理！太近大學，所以會成日去！

一向都鐘意食譚仔～以前一向都唔知幸福中心有一間～依家知道呢度有，第時就唔洗行去寶勒巷咁遠ＬＵ！呢一間三哥都幾大間，雖然去到既時候係ＬＵＮＣＨ　時間好多人排隊～但係好才好快就有位～三哥有新野，強力推介個胡辣湯底～等同平時既十小辣！！！就叫左個ＴＲＹ　ＴＲＹ！！但係等左好耐都味有野食。。。。。等左３個字有野食。。呀～！個胡辣有幾好味喎～咸咸地咁又唔係太辣，配埋炸醬真係岩岩好～！！鐘意食譚仔但又唔係太食得辣既朋友可以試下～！！！！

星期6放工特登黎搵阿三哥。因為三哥近排新出左碗酸辣粉, 只係$15, 碗野紅卜卜, 睇落以為好辣, 但又唔係囉, 接受到, 酸又夠酸, 正, 薯粉滑嘟嘟, 有d 花生碎同炸菜配上, 好味。另外叫左個5少辣魚旦米線, 第1次叫5少ma辣, 真係好ma 呀! 食左幾啖已經feel 到口唇好火~不過真係好味, 食到流晒汗都要食啊~同埋好鍾意佢地d 魚旦夠彈牙。三哥仲有新出糊辣米線, 原價要$3嫁, 新出就免費, 個到寫相等10少辣,朋友試左話very gd~

第一次開Account寫食評,請多多指教!譚仔三哥新店開張,門口仲放住好多鮮花籃.我岩岩收工,同同事一齊黎食野.譚仔我成日都會去,但係發現唔係間間水準都一樣...而且我口味好特別,係一間餐廳食過咩最好食,我就會一直點返果樣野食,所以同一款菜只要一有唔同我都食得出!今日我如常點左尖椒皮蛋同埋中麻辣嘅米線配芽菜,菲菜,竹笙,炸醬同豬潤,因為米線太多,我通常都要同同事share一碗先食得晒,最鍾意個麻辣湯底,越食到底越辣,好刺激呀,我連湯都飲晒!尖椒皮蛋品質差不多,皮蛋一般,唔係特別靚嘅糖心皮蛋,但係配起蒜粒尖椒再加上個汁有少少醋酸就夾得幾惹味!而我同事就點左蒜泥白肉,蒜泥好足,好濃蒜味因為係我介紹佢食先嫁,佢覺得超正之後次次黎譚仔佢都必點的!總括水準都係不錯嘅!

中午係上水食左一碗薯粉之後，去左沙田，再去埋尖咀，行行下去左尖東，本來只係想去食尖咀幾間froyo~但唔知點解硬係記住要去幸福中心@@到搵到呢間譚仔三哥~我先醒起~可能因為之前睇到唔知邊本報紙雜誌講話譚仔三哥出左酸辣薯粉，咁我琴晚又想住去食薯粉，所以上網搵過想睇下邊度有「有薯粉食ge譚仔」，比我搵到尖東有分店所以咪記住囉~好~既然咁有怨念就行入去食啦~本來想叫15蚊特價的酸辣薯粉，但係知自己唔食得酸辣，所以最後聽侍應姐姐推介，轉叫扭紋薯粉，跟一個餸，揀左豬膶，再加4蚊要腩肉，清湯底~本來唔記得走腐皮芽菜~好在之後補叫~侍應姐姐都肯幫我跟~間鋪係幸福中心，個位都幾顯眼~星期日下午的陽光穿過落地玻璃窗，冷氣夠，都幾舒服，等左一陣碗薯粉就上左啦~D腩肉都幾爽口好食~豬膶就老左D啦~我鍾意好似維記果種軟軟地剛剛熟，呢度就稍熟~雖然因為切得薄唔算好韌~不過就食唔到肉汁囉~飲左D湯，都比較鹹，可能因為我口味一向都清啦~口感係一貫薯粉的微微煙韌，不過較偏軟，用少少力就咬得斷啦~一條條扭紋狀薯粉比較少見，聽講係易d 掛湯，等我可以食返正常酸辣野之後，一定會試下用酸辣湯底，睇下係咪入味d呢？至於份量就係