譚仔三哥米線 (幸福中心)

營業中

休息中

唔知食咩好嘅時候，譚仔三哥永遠係穩陣選擇🍜！我最鍾意佢哋嘅酸辣湯底，夠晒開胃，配米線真係無得輸。用App落單仲有會員優惠同滿減，$50左右食到飽，性價比高。雖然唔係咩高級料理，但勝在夠快靚正，打工仔午餐首選～

今次試左三哥新岀嘅鮮檸清湯魚片雞肉雲吞米線(加左$5轉蒟蒻麵)。先讚嘅係個湯底唔錯，有d似魚+雞湯味，同埋加左鮮檸同檸檬葉令湯嘅味道更有層次。雞肉，魚片同雲吞份量都唔少，食哂麵都仲有餸未食完。讚完都有啲嘢彈下首先係如果想食呢個湯係要跟佢個set，冇得自選餸。第二係魚片仲有小碎骨，食嘅時候要小心啲。第三係雲吞係急涷雲吞，個皮有啲厚。最後一點係個湯都幾油下，唔好俾鮮檸個fresh味扼到🤣🤣因為個湯飲落真係好好飲，油膩感唔重，但其實睇到d油係多過其他湯底好多

分店極度混亂，實習員工負責counter總指揮，落單系統係毫無預警情況下取消了訂單，發現的時候counter再次落單但沒有加快出單。總等候時間超過一小時，再催，無反應。最後lunch time時間有限，只好取消訂單離開，午餐時間乜都食唔到。奉勸所有附近午餐時間有限的打工仔千奇唔好試呢間分店。

最鐘意食譚仔既酸辣米線！成日心思思都會想去食！卻吸引了眾多辣味愛好者的慕名而來。店主熟練地將熱騰騰的米線放入碗中,第一口嘗試,入口即是酸酸辣辣的刺激感,隨即在舌尖爆發開來。豐富的辣味層次,從最初的辣椒辣到後勁的麻辣感,層層遞進,令人欲罷不能。米線的彈牙口感與醬料的融合恰到好處,相得益彰。店家用心調製的醬料,不僅辣而且有著獨特的香氣,讓人難忘。除左米線,我仲鐘意食蒜泥白肉！令人驚艷！簡直回味無窮會再想回頭食！

我不嬲都欣賞三哥嘅米線特別喜歡他們嘅湯底，真的很好喝😂特別是麻辣湯底的香味，非常濃郁，既有香味又有麻辣味。有些麻辣湯底可能不夠麻或者不夠辣，但是三哥的湯底非常平衡。米線完全沾滿了湯汁，入口時充滿了麻辣的味道。而米線都好彈牙，煮得個淋度岩岩好。 米線的口感非常出色啦，煮得剛剛好，保持了彈牙的質地充滿了咀嚼的樂趣。米線的細膩質地與湯汁完美結合，使整道菜品更加美味。其次，腩肉的質地和味道為這道菜增添了豐富的層次。但今次腩肉太肥，入口就成口脂肪。不過三哥酸辣的風味可以彌補一下腩肉嘅失色。辣椒和花椒的組合為湯底帶來了辣辣的刺激感，同時也帶來了麻辣的風味。這種湯底的風味非常濃郁，既有香味又有麻辣味，給整道菜品增添了一種令人難以抗拒的美味。

雞肉酸辣米線真係好出色！米線真係最緊要主角，米線又Q彈又有咬勁，令人一試難忘。我每次食都一定會叫雞肉切得好薄，又多汁多肉，每一口都能夠感受到鮮美嘅雞肉味道，加上酸辣湯汁酸中帶甜，辣中帶香，雞肉完美地吸住啲湯汁，超正！湯底裡面亦有少許酸菜同豆芽，增添咗一份清爽口感同層次。呢個湯底唔單止可以帶出米線嘅味道，仲可以令整碗食物更加豐富。另外土匪雞翼味道濃郁，一送到台就香氣撲鼻，調味啱啱好，雞皮焗得好薄脆，每一口都令人回味無窮，真心好食！

三哥嘅米線清淡健康又抵食而且質素穩定🙈🙈，好多時諗唔到食咩就會去食佢😝😝。今日就叫做個雞肉麵線酸辣湯再加個細土匪。 一餸嘅雞肉份量幾多😋😋，調味都唔錯，麵質幾好，湯底都幾好味，非常飽肚。土匪雞翼亦都係我經常會點嘅餸，味道真係幾香濃、幾特別，肉質都幾鮮嫩，唔會炸到好乾🥰🥰。

#鼠尾草食飲玩 #sagefoodiehk沙嗲🥘 × 喇沙🍜 × 熱辣辣🥵譚仔或者三哥真係會隔一排就想再返轉頭食嘅嘢食😳。距離上一次食都已經一排，嗰陣食嘅時候沙沙湯都唔係咁普及，係得某啲分店先有得食，而且唔係成日有得供應🥹。今次醒翻起， lunch嘅時間就去食下啦。今次竟然見到變成常駐嘅湯底😍，所以就梗係要嗌啦，味道比其他以前有嘅湯感覺更加濃郁😋。不過因為lunch時間真係太多人，所以估計因為係咁樣🫣，湯底嘅比例每款有少少唔同，就連鼠尾草🌱呢兩款都有啲係多啲紅油，有啲少啲🫠。💰 沙沙湯米線🥢 譚仔三哥米線🗺️ 尖沙咀加連威老道92號幸福中心UG/F6-8號

見到譚仔三哥出左三酸撈薯粉，想試左好耐，今日終於有時間去試🙈🙈薯粉配辣真係哈好好食。配菜我選左肥牛，同魚腐，d肥牛加埋d辣汁，真係好正😂😂配料有薄脆、花生、芫茜及蔥花😂😂因為唔係好食得辣，所以選左10小辣，個人覺得係偏鹹😂😂不過係好惹味😂😂下次會再食。因為見到+凍奶茶都要加$9，特飲都係+13，所以到最後選左個奶蓋芒果蒟蒻椰香金露😂😂好似飲緊楊枝金露咁，係幾好飲🙈🙈🙈

推新野， 全條鰻魚麻辣米線，真係成條鰻魚上， 鰻魚入味，又幾正， 出面一條鰻魚都要3x, 全碗吾加餸都係$42, 個人黎講幾抵食。仲加送兩舊豆卜，呢個優惠算幾抵 期間限定， 可以一試。

返學前食個譚仔米線，叫左個最平餸，豬肉魚腐清湯米線。 再自帶一條新鮮青瓜， 發覺豬肉好好食，吾諧同埋幾入咪， 魚腐就細粒左少少， 冇乜特別。 埋單冇野飲兩餸清湯計埋$41, 返學平食算係咁

————————————————————————今期話題之作😂特技人promotion呢招真係好hit,推薦一試！🟠推薦食物🔹煳椒肉骨湯米線🍜($47):黑胡椒豬扒(朱扒公)，油條(食神），加埋煳椒肉骨湯(白糊派掌門)花式亂鬥，一上黎就有陣好香既胡椒味，個湯清得黎啖啖胡椒味，又有少少麻，秋冬暖胃之選，白木耳爽脆，豬扒好入味，數目都同圖片相符，不過就無咁大條啦，油條炸到超脆，建議真係浸一陣先好食，蒜頭🧄一粒煮到好淋，唔鍾意食蒜頭既我都覺得好食呀，成個combination唔錯，值得一試呀～辣度選擇5小辣或以上可加$13加配鳳梨乳酸梳打，不過三哥d特飲過甜，我就skip啦🟠員工譚仔阿姐好快手 午餐速食之選🟡環境譚仔環境，視乎分店🟠總評分（9/10）💰50/person#ezukokofood #ezukokomongkok #ezukokomk#ezukokowestern #ezukokonoodle#foodiehk #hkfood #食好西 #美食 #譚仔三哥 #辛辣式

今日同大家分享一間連鎖米線店：譚仔三哥米線！米線一直都係我最常食！所以今日同大家分享一間連鎖米線店：譚仔三哥米線！好彩當晚客人唔多，唔洗等就可以直接入去坐！但人手都明顯唔太夠，上菜速度有點慢！不過譚仔三哥的酸菜，真係越食越上癮，蕃茄湯都唔錯！只係牛肉既量真係好浮動 今次比對上食的少好多！米線又唔算太軟身 而且又唔太硬 口感so great ！

有時要去尖沙咀做嘢，自己一條友唔知食乜好，多數都係食米線。尖東有間三哥，冬天去嗰陣時，次次等位都要等成半個鐘至九個字，等嘢食就再多三個字，食餐晏要成個半鐘😅。前幾日去，已經見門口冇太多人，點知原來唔使等位就入得👍。而且上菜快咗好多，效率有所進步。題外話呢間舖啲姐姐幾好禮貌。自從有咗砂砂湯底之後，我就冇再食過麻辣，佢其實係沙嗲湯底，味道都幾香，不過辣度就好似隨心，感覺5小辣同10小辣冇分別。米線少少淋，但可接受。牛肉有幾多片，另外仲有隻新餸，鴨鎚$7，佢大小同KFX雞鎚相約，但無乜肉，而且原來係滷水味，我覺得麻麻，唔會再叫。

感覺服務員太不小心了 你說錯個湯底就算了 怎麼還少兩個餸 機器打出來的小票跟美食平台價格不一樣難道看不到嗎？ 提回來以為下錯單了 仔細看了一下根本就是現場打錯單 簡直離譜