譚仔三哥米線 (已結業)

今日放工要食個快飯，黎到金禧商場，唔知點解，下午5點零鐘，吉野家已經排哂長龍，所以就去左隔離譚仔，雖然都九成滿，但都叫做即刻有位，一坐低，即刻同朋友一齊叫返個過橋米線，勝在乜都有。其實都好快就有得食，叫左個十小辣，叫做吊下味，唔使太清淡，不過就咸左少少，所以都係加左杯凍檸茶，有野飲下又舒暢啲既。米線夠淋，餸菜方面，係豬潤「鞋」左少少同老左少少，啲菜吸收都啲湯味都麻味十足，其他餸菜都ok既，不過不失！！

諗起食米線，就會諗起譚仔， 賣米線做到家傳戶曉，勁！夏日炎炎推出新米線湯底， 有我最喜愛嘅番茄味蕃茄湯底保留清湯味， 面頭多了少一層新鮮蕃茄醬，爽口。(本人最憎罐頭蕃茄)叫了一客全新意川醋香蕃茄， 香甜得㴝帶有醋味的酸，又有麻而不辣嘅味道，份量２人食剛好，夏日炎炎最爽口， 溫度微冷又不是冷盤香草雞翼保持水準， 雞翼大隻肥美。只是叫杯凍奶茶稍微多了些冰。連鎖店做到有突破， 有新嘗試又好好味， 抵佢分店一間又一間開！

真係分店嘅問題，大圍依間食過幾次都係一般般。不過臨走又近都係過嚟食多次譚仔先返鄉下，咁叫咗個雞肉米線，叫佢小米又冇小到，不過都算啦，都明白佢忙係會有時出亂。不過真係喺尖沙咀同旺角食都好食啲，真係貪夠近先來依間食lol

放假訓完食, 食完又訓, 所以到左晚飯時間唔係太肚餓, 走左去食米線.兩個人一碗過橋米線最啱, 因為夠多餸, 如果分開逐樣加仲貴.米線都仲幾彈牙, 唔會煮得太林, 清湯底味精唔濃, 無口乾. 至於D餸, 雞肉豬膶比較硬, 酸菜都幾酸, 其他料就正常無咩特別.仲要多個蒜泥白肉小食, 呢個蒜味唔係太濃, 同埋唔夠辣, 而個白肉脂肪都幾肥下.

今日夜晚唔知食咩，求其去咗屋企附近食譚仔三哥。每次食譚仔，都會挑戰麻辣湯底，好刺激好正啊！今日叫咗個腩肉同炸醬，最鍾意食就係呢兩樣餸啊。加埋小辣嘅湯底，真係辣到阿媽都唔認得呀！好鍾意三哥譚仔既米線，口感好彈牙，而且米線中吸晒麻辣湯底嘅汁，再加埋炸醬一齊食。每次食完隔幾日都會再去食，好似上咗癮咁。腩肉都好新鮮，本人覺得炸漿同腩肉加麻辣湯底係譚仔最完美既配搭。因為腩肉嘅鮮味加埋炸醬嘅甜酸味，再加埋好辣嘅湯底，個口感好特別好鮮甜。我諗下次一定會再叫炸醬腩肉，不過會再挑戰中辣或者大辣！

做完運動黎食碗米線而家既米線，離不開三個元素，湯，米線，餸。清湯，呢個譚仔既湯底較清 ，食到底唔會好多湯料係底，亦不會口渴。米線，彈牙之餘不太林， 又不會太難咬同消化。餸，感覺芽菜，腐皮，等配菜較別家少一點點，不過影響不大。重點 係 今次既魚腐，出乎意料地 好好好味!!!! 比外面的任何餐廳還留下深刻。彈牙，係呢個魚腐既精彩之處，咬一口還食得出魚腐一層層既層次。味道很鮮味，本身的魚味已經很足，還有一丁點惹味。大讚!!!! 雞肉米線，足料! 土匪雞翼即叫即上枱，但熱到辣口，剛炸起吧，外皮十分脆，也十分之香，肉滑。 餐廳姐姐都好好人，上菜快手亦都同我地聊了一下，哈哈，服務很好。

在星期天的下午，大圍金禧商場無論是大家樂、吉野家或是譚仔三哥，在下午兩點半的時候，到處也仍人頭湧湧，那便隨意選一間吧。既不想點兩碗米線，便點了一碗酸辣湯底的「過橋米線」($49)兩個人SHARE，過橋米線也者即一碗較大份量的米線，而且還包括多款配料，包括牛丸、墨丸、魚蛋、豬潤、腩肉、牛肉、雞肉、竹笙、炸醬、酸菜等等。普通沒加辣的酸辣湯底偏重酸味，完全不辣，個人認為加少許辣味會更香更有層次；各款配料均沒什麼特別之處，唯墨丸比較好食，可惜墨丸並不鬆軟質感結實。米線份量雖沒有兩碗單點的米線這麼多，但亦足夠二人小吃用，但不會飽肚。最後還加了$7元選配一杯凍檸檬茶。

譚仔和三哥有何分別？今次選了三哥的墨魚丸和腐皮米線，因為上次在譚仔都是叫這個$33两個餸，已加外賣$1份量足有四粒丸和一大份腐皮墨魚丸很爽口，好鲜味，腐皮加上鲜甜清湯，吾口乾，少味精，米線爽，加上芽菜和九菜做配料，但要兩店分别比較，就分別不大。

爸爸媽媽去了trip只有cyn跟cyn弟吃晚飯所以就去了大圍的譚仔但可惜太多人了所以就決定外賣回家食Cyn弟就點了清湯而cyn就初嘗煳辣不過原本麻麻吧不夠辣味道也一般不過不要緊今餐重點是土匪雞翼和蒜泥白肉土匪雞翼大FIT!!多皮夠脆十分入味肉質新鮮完全無得輸!!另外蒜泥白肉Cyn都得喜歡蒜+辣油 大fit!!但又不過份油如果蒜的比例多些就好了T.T

昨天見天氣涼涼地提議去食痳辣米線，心諗去過譚X不俗貪就腳咪試吓3哥囉，點知一試之下就覺得失望。我地叫咗2碗，腩肉豬潤同埋腩肉腐皮(出名話必食的)痳辣湯底米線及土匪雞翼，相信2碗都係咁鹹。起初端上枱滿心歡喜。因為賣相不俗，老實講都幾咁足料，但係一睇個湯底見到咁濃，因為我地叫的都是少辣，點知一試之下鹹到唔敢點啲湯，難以入口。

三哥，一換新menu 又加咗價！唔好掛！至愛「土匪雞翼」！加到$29了！悲哀！（五隻）雞翼size比較大，今次整得一般。不夠入味！我叫咗「墨丸+雞肉」麻辣$32+涷檸茶$7。近來比較忙一排無食三哥了，不知何原因，湯面好多油？湯底及米缐好似無以前咁好食！湯底夠熱，但得辣，無乜麻的感覺！三哥墨丸好味！咁至係墨丸！有口感！（最討厭有D舖頭墨丸似魚旦）雞肉比較大塊同完整，不會碎濕濕！唔錯！「雞肉+金菇」酸辣$32+涷檸茶$7。湯底也夠熱！味道一般。妺妹話米缐好似無以前咁好食！

都係一個禮拜前o既事，喺大圍打完波，諗住同女朋友食少少野，就黎到大圍唯一o既商場 ─ 金禧商場搵野食。由於身邊o既女同事日日都同我講譚仔有幾好味幾好味，但係礙於次次都排長龍o既關係而一直未食過(我認我out)，難得唔係太肚餓今次就排隊試下佢係龍定鳳。半粒鐘後終於搭枱坐底左，位置唔闊，再加上打完波揹住個背囊只可以放大脾，唯有速戰速決。二人叫左麻辣雞肉牛肉米線， 酸辣墨丸牛肉米線以及尖椒皮蛋，大約15分鐘上菜，即係由決定食佢到真係有得食要大約45 分鐘。麻辣雞肉牛肉米線：雞肉碎濕濕，好在冇雞皮(健康啲囉)，牛肉唔係肥牛，又係碎濕濕。最有問題係湯底，話明"麻辣"，得個"辣"字，"麻"在哪裡？求其俾少少花椒八角都好丫。酸辣墨丸牛肉米線：墨丸穩陣之選，牛肉同上。湯底得個酸字唔辣 (定係我個麻辣太辣?)，不但止，仲有一陣隱約o既餿味，以 "回甘" o既方式呈現出黎，予欲無言。尖椒皮蛋：對比起上黎簡直係"啊~美食"， 英文係 Amazing。對於有時食店可能只係一時失手 / 另一分店大廚水準太高，我多數會俾多次機會佢地 ─ 之後我試左佢地鑽石山分店，好好多。

開始覺得三哥既米線冇之前咁好味了外賣可能會差d...今次堂食..叫左個糊辣湯底, 小辣~ 唔太辣~ 幾重糊椒味. 要左鮮當菇, 幾新鮮~雞肉普通~食完覺得好重味精...確實冇之前咁好食了

經過見到, 又想食, 太多人堂食, 於是叫了外賣返到家, d 米線痴埋一舊, 分都分唔開. 要剪先得叫左3 小辣, 但個湯都唔辣....豬潤煮得太耐...好un, 又鞋鮮當菇都ok~雞翼煎得太燶..有點苦~順帶一提係..叫外賣時. 因為等左好耐, 冇耐性既我問下點解..侍應話因為雞翼..巳經等左十幾分鐘既我, 仲要再等多最少10分鐘先有..我話取消..咁佢就即刻黑我面..仲要怒啤....其實如果可以, 應該係落單時, 就要提醒人地要等..而唔係到最後先同人講, 起碼等20分鐘以上先有囉..呢一樣真係好激氣~

腩肉ok，夠入味! 但窄醬本人就覺得個味道麻麻。酸辣湯底，淡淡地都幾好，不太辣。唔好睇d汁紅彤彤好似好辣咁，其實個辣味並唔突出，皮蛋都係要睇彩數，因有幾件皮蛋唔靚，食完好乸喉。