譚仔三哥米線 (威靈頓街)

營業中

休息中

13-8-2022（六）今日過開來中環工作，放Lunch同同事周圍睇下有咩想食嘅舖頭，發現左中環開左譚仔三哥，門面仲好有特色，作為三哥愛好者嘅我地當然都要去打卡試下🤩門面特色得來都幾搞笑，仲有三哥嘅樣😂😂新出串燒套餐，今次我地無試😂好有親切感嘅裝飾😆😆好啦，講返正題，來得三哥當然食米線啦，因為舖面多客又少職員，都等左一陣先有職員來落單，我朋友叫左雞肉、冬菇、生菜底、麻辣五小辣，我就叫左乍醬、魚腐、米線、麻辣十小辣，味道不過不失，唔記得叫少米線，今日仲食淨左少少。如果大家過開來中環，過來打下卡都唔錯，不過就唔好預d野食係特別好食。🙈

最近譚仔三哥搵咗Tyson Yoshi做呢個還我鴨血系列，呢次宣傳法又真係幾吸睛嘅。不過今日嚟到中環呢間旗艦店，試咗個五小辣水煮湯底鴨血米線，雖然有意外收穫，亦有失望之處。與其話還我鴨血，不如話係畀好似我呢d大鄉里出城嘅人開下眼界，試下乜嘢係老油條。好多朋友都只食過油條（油炸鬼），但未必試過老油條。其實佢係炸咗一碌內外香脆嘅澱粉質，好似以3d printing技術將脆卜卜，而且油香滿瀉嘅澱粉質列印成一條圓柱體，中間疏窿，浸一浸湯底，味道同口感都一流，未試過嘅朋友真係值得一試。鴨血就不過不失啦，都係差唔多咁樣啫。係滑同埋少少彈牙，不過不失啦。不過，令我失望嘅係佢所謂水煮湯底做唔到水煮嘅效果囉，用味精都溝唔到個味，哎……環境算係唔錯，始終係新開，仲要係中環核心地帶嘅地面。如果平日lunch hour就一定預咗多人，但係weekend會好好多，食完唔會即刻趕你走，又唔使同外傭姐姐爭位。至於其他方面，連鎖店都係standard野，所以唔特別多講喇。

果然係譚仔嘅旗艦店， lunch time嘅時候係極度多人，我哋用外賣自取去到間舖都要等一段時間，見到廚房非常忙。雖然係極度忙，但係啲味道冇咩影響，同其他舖頭差不多，份量亦都冇變小，煳辣都係非常夠味。但就係因為極度忙，所以外賣嘅時候都要睇清楚自己嘅嘢有冇到齊，兩次用外賣平台落單，兩次我都少左野，所以真係要check 清楚

中環 最近開了一間譚仔三哥 就係舊翠華 嘅位置 嗰度 一到食中午飯嘅時候 附近嘅寫字樓 一班人圍住 外賣 就算堂食你都未必有位 所以我選擇 三點過後 先嚟食 人比較少，其實而加譚仔d裝修真係好潮，成個門面都係紅色 階磚牆，自從俾日本上市公司收購後 成個感覺真係唔同哂， 成個業務 即刻變得有活力，今日叫左 蕃茄湯底三小辣 魚腐豬肉酸菜，呢個餐我諗唔駛點講 ，但佢有個新既 辣味蒜蓉雞翼尖就要講一下，跟米線，加15蚊就可以加， 蒜蓉油蒜蓉味 辣度適中 元朗B仔雞翼尖 感覺 值得大家要點來試一試

夜晚買外賣，返到屋企之後，張單同個內容物完全唔相符，原本左三個餸但物淨得兩個，湯底又唔同，但小食又有俾，真係唔打開都唔見真章🫥，好唔開心好嬲好嬲好嬲好嬲好嬲好嬲！

情人節番工都要OT，所以同同事食番個三哥情人節套餐應下節🤣🤣情人節套餐好抵食，包一碗過橋米線、3款小食（青瓜、雲耳同土匪雞翼），仲有2杯飲品$116 （外賣要加$1），而且仲送埋辣椒朱古力🌶青瓜同雲耳可以揀口水汁/涼拌汁；飲品可以揀葡萄烏龍茶/鹹檸檬梳打或其他我地過橋揀左過橋麻辣4小🌶，青瓜口水汁，雲耳涼拌汁，飲品我地揀左推薦既葡萄烏龍茶同鹹檸檬梳打🤣🤣小食係一人份量既，鐘意口水汁有花生好香口👍🏻👍🏻葡萄烏龍茶好甜，好重提子汁味冇茶味🤣鹹檸檬梳打好淡，一咩咸味🤷🏻‍♀️重點辣椒朱古力原來係龍島，食落真係辣嫁！食左少少就接受唔到🤣成個套餐2個人食到好飽，又有小食又有飲品同朱古力，真係好抵食！！😋😋除番開2個人都唔洗$60蚊

話說某日路過威靈頓街，諗住試吓三哥個香辣回鍋肉蝦仁炆米線。大概12:20pm 去到，門口已經有8, 9個人等緊，攞完飛後排咗半個鐘先入到去。一入去突然心血來潮想食薯粉，就將炆米線改做薯粉。另外見到有個新小食: 麻辣醬銀耳鹿茸菇，一於叫埋試吓。個炆薯粉(10小辣)香氣撲鼻，表面鋪滿一層紹菜同回鍋肉。回鍋肉夠入味同埋冇油膩感，蝦仁就普普通通，不過感覺好足料，一路食一路都仲搵到回鍋肉片同埋蝦仁 😂 薯粉都夠入味，10小辣對我嚟講啱啱好，而且質感夠咬口之餘又唔會太靭。唯一美中不足係原來三哥冇得少薯粉，對我呢d成日食唔晒碗米線/薯粉嘅人嚟講有d浪費食物 😣麻辣鹿茸菇爽脆可口，略嫌麻辣落得太重手，食咗幾啖已經覺得個嘴變咗孖潤腸 🥲 不過呢個應該係因為我本身淨係食到10小辣-5小辣 🤣食完好似上咗癮咁，已經諗緊下次幾時再試炆米線版本 😆

去中環唔一定要食貴嘢食「譚仔三哥米線」都得開業幾個月嘅中環旗艦店位於蘭桂坊鬧市佔地兩層加上紅當當嘅門面一度成為中環打卡熱點除咗打卡之外中環旗艦店都有其他特別之處嘅就係首間推出串燒同埋手工啤酒嘅分店▫️香辣回鍋肉蝦仁炆米線 (HKD43) - 今次試咗佢哋嘅新產品炆米線，第一次喺譚仔三哥食冇湯底嘅米線😆回鍋肉本身已經係肥嘢，加埋辣味簡直係邪惡之極。冇湯底嘅米線，味道冇咁重口味，下次應該會再食。▫️麻辣酸啤(HKD23) - 譚仔三哥聯乘本地品牌「少爺」推出嘅啤酒。兩款手工啤裡面揀咗呢款，因為我唔鍾意飲黑啤😆麻辣酸啤唔係有啲人講到咁伏😬酸味係有嘅，反而我唔覺得有麻辣味喎🤔▫️自選米線 (HKD55) - 胡辣湯底 (+$1)，其中一款食材係中環店限定嘅龍蝦丸🤪▫️土匪雞翼 (HKD25/ 3隻）

譚仔三哥新出嘅炆米線大家試咗未😆今日LUNCH TIME約埋幾個同事齊齊去試💖估唔到又幾好味🤪有驚喜🥳值得推介比大家😎平時食開湯米線，今次就試咗呢個全新「香辣回鍋肉蝦仁炆米線」✨食落好有四川菜乾鍋麵嘅感覺，用咗炆煮方式去煮米線，別有一番風味💥每條米線都索滿鮮香又辛辣嘅秘製醬汁，口感爽滑又煙韌，啖啖香濃勁惹味😋回鍋肉比起平時食開嘅五花腩更為爽口，食落又無乜油膩感，配埋秘製回鍋肉汁更JUICY🉐配料仲有爽彈鮮美蝦仁、清甜紹菜等，真係越食越滋味❇️炆米線仲可以加配其他指定食材添㗎‼️小食揀咗「麻辣醬銀耳鹿茸菇」💠銀耳爽脆又掛汁，鹿茸菇肥厚香濃，面頭仲有大量香甜乍醬，拌以香麻辛辣嘅三哥秘製麻辣汁特別惹味☄️食辣野又點少得飲返杯凍飲💦試埋呢杯全新「露絲瑪莉蘋果梳打」🌟玫瑰清香夾雜迷迭香、薄荷等味道，MIX埋清甜微酸嘅青檸蘋果梳打，解辣又解膩，成個組合都勁match🥤仲有其他滋味小食，大滿足呀～

睇到三哥出小新廣告🪧當然要去試試佢呢個就係小新米線🍜幾好食😋但個菜酸酸地到底佢變壞左定係咩呢🤔蕃茄米線加魚片同牛肉佢個番茄湯好水香草肥牛卷不過不失串燒茄子🍆蒜🧄味濃鍾意食蒜🧄嘅朋友可以食香辣烤菇一般凍阿華田蘋果梳打

中環返工，預左食呢間會花好多時間，於是11:49分已foodpanda落定order，跟住收到短訊話12:00攞，於是我慢慢行過去餐廳，大概於12:18分到左餐廳，點知見到嚮我之後落order既米線都已經擺晒係檯面，或者已比人攞走，但就係無我果份，於是同一個姨姨講左，佢用耳筒叫人地follow，等到差唔多12:28分，失去左耐性，一個後生既姐姐行過黎問我頭先嗌左d咩，仲搵左張紙仔mark低左，我問佢係咪漏左單，佢答我唔係，跟住話即刻幫我煮。（呢個唔叫漏單叫咩？？？）等到12:43分，接近一個鐘，終於攞到一份外賣自取既米線，我淨係想講，打工仔，不了。

OT到八點幾先放工，攰到傻又肚餓到傻🥲想快快脆脆食餐飯就返屋企瞓個靚覺！！所以，就嚟咗呢個譚仔三哥度食晚餐喇！🏃🏻‍♂️💨.酸辣湯底配鮮魚片米線✨鮮魚片係新嘅配料，食落佢魚皮喺煙韌，肉質係偏實小小，有小小腥味但可以接受，有魚甜味嘅～ 🐟 蒜泥白肉 🐖 相信好多人都食過，水準依舊，夠晒蒜味、夠晒辣、夠晒過癮！！🤩鳳梨蝶豆花梳打🍍🌸🥤梳打唔係好夠汽，鳳梨醬有小小假嘅甜味，但味道都okay嘅～

配合蘭桂芳既環境，呢間鋪既佈置零舍有型，色彩繽紛。今次專程試新出既胡麻爽豬肚同芥末蝦膠米線。我叫左個5️⃣小辣，唔算好麻辣。第一次食豬肚係粉紅色，好神奇😙 芥末蝦膠既配搭都好新鮮，平時食芥末都係配壽司，芥末味搶得黎又唔會攻鼻，不過食唔出蝦膠味，有啲可惜。另外叫左呢間店獨有既串燒🍢暫時出左4款，我地叫一串啡菇同煙肉卷。煙肉卷無想像中咁肥，但又唔柴口，幾重黑椒味，不錯🥓不過最驚艷係啡菇，好～～juicy！！原本怕d孜然味會蓋過啡菇既味🍄點知舊菇好多汁，真係一試難忘🤤

好想食辣舒壓，於是lunchtime 一個人食譚仔三哥，取票時間12:10，入座時間12:32，上餐時間13:05⋯⋯⋯⋯我本身都預咗要等位同等嘢食，但真係冇諗過要等咁耐⋯⋯最後因為趕時間，食咗10分鐘就買單走人。本身想舒壓，但成個過程令我更加有壓力。然而，因譚仔味太重，我又買唔到外賣返公司食。結論係，我應該無緣份lunchtime 食譚仔㗎啦！其實呢間食物質素唔錯，但人手唔夠，有部分姐姐手腳好慢同只識講普通話，連譚仔話都唔識講。

嚟到中環，除咗食貴西餐搵靚酒吧之外，而加多咗一個選擇，就係去全城最潮嘅 三哥中環店嘆返碗平民米線！😂🤣今次呢間鋪就威水啦，有別於平日食嘅三哥，個裝修以紅黑色為主，仲配咗譚仔三哥嘅簡寫英文TJSG 四個大字嘅霓虹燈燈牌係門口😂🤣個設計都算幾有特色，幾young!講講今次新產品 螺酸湯米線，有食過大陸嘅螺絲粉嘅話，相信呢個湯底對你一定唔陌生，嗰陣螺味同酸筍真係令人又愛又恨🤣唔明嘅朋友一定要去門店試吓個湯底嘅味道同我想像中嘅冇乜出入，還原度非常高，值得稱讚嘅係佢嘅海螺片同豬皮，都做得好出色！海螺片嘅軟硬程度剛剛好，而且幾入味！本人本身唔太好豬皮，不過都睇得出三哥好有誠意，豬皮完全搵唔到毛毛，前期處理得非常足夠，同行友人就覺得豬皮好掛湯底、爽口！我最欣賞就係湯底入面仲會搵到酸筍同埋酸辣豆角，真係同平日自己煮嗰種螺絲粉有得揮🤣🤟🏻鍾意呢一款酸酸辣辣湯底嘅朋友，我極度推薦你試吓加埋豆卜，湯底滲透晒入去，酸酸辣辣真係好過癮嫁！唔知道今次呢一款新品會推到幾時，想試嘅朋友記得唔好錯過快啲去啦