譚仔三哥米線 (威靈頓街)

營業中

休息中

13-8-2022（六）今日過開來中環工作，放Lunch同同事周圍睇下有咩想食嘅舖頭，發現左中環開左譚仔三哥，門面仲好有特色，作為三哥愛好者嘅我地當然都要去打卡試下🤩門面特色得來都幾搞笑，仲有三哥嘅樣😂😂新出串燒套餐，今次我地無試😂好有親切感嘅裝飾😆😆好啦，講返正題，來得三哥當然食米線啦，因為舖面多客又少職員，都等左一陣先有職員來落單，我朋友叫左雞肉、冬菇、生菜底、麻辣五小辣，我就叫左乍醬、魚腐、米線、麻辣十小辣，味道不過不失，唔記得叫少米線，今日仲食淨左少少。如果大家過開來中環，過來打下卡都唔錯，不過就唔好預d野食係特別好食。🙈