我本人不太常吃米線，歸根究底是小弟不懂揸筷子，吃米線滑得跣來跣去，很狼狽也。今回做完牙科療程，十分肚餓，就乾脆到對面看有些什麼吃的說。
餐廳在宣傳「一戰酸鯛」HK$59，即「三哥酸菜脆鯛魚米線」：
橫掂我喜歡魚湯，就來一碗吧 (少米線)：
先談酸菜，就是一般「譚仔三哥」米線的酸菜，絕對不是「酸菜魚」經過發酵的那類。
主角「鯛魚」肉爽實，新鮮的，卻好多細骨，要食得好小心，有點煞風景：
對於我極不喜歡吃魚有幼骨的人，吃得很辛苦，唔識食，亦搞到唔想食。。。
我都係食返啲腐竹、酸菜、芽菜、default 配的魚片頭吧：
啖湯都鲜嘅，你當是魚湯底吧，總之味道絶對唔似一般想像中的「酸菜魚」，只是「譚仔酸菜」+「魚」，兩者大欖都拉唔埋：
美味程度一般般，感覺「鯛魚」只被淪為其中一個散點的餸。
另見有新出品「滋補螺片滑雞白木耳米線」。理想：
現實：
可謂完美示範「圖片只供參考」。。。
串燒選擇有四款，那天兩款肉類都沒有 (阿姐沒有解釋原因，未 ready 啩)，乾脆點另外兩款試試。
「串燒香辣蘑菇」HK$17
賣相比想像中漂亮喎！有條紅米辣椒及芫荽作裝飾，另旁邊有些燒汁：
蘑菇從來都是肉類代替品的好選擇，今次用來作串燒，燒得不是太乾，有吃得出像串燒肉的質感：
一串大約有四件蘑菇，都幾大塊：
味道有些像「土匪雞翼」，下了很多孜然粉，頗鹹。下午茶用來配飲品或啤酒，效果該不錯：
叫埋另一款非肉類的「串燒辣蒜翠玉瓜」HK$10
這令我想起 N年前在深圳吃串燒，無論燒乜嘢都好，全部面頭都係蒜蓉，個底是什麼食材都不太重要，都是在食「蒜蓉」XD
唯一抵讚是佢底底用了翠玉瓜，厚身而且味淡，配搭鹹的蒜蓉，整體感覺還可以。
近年此品牌和裝修被活化，宣傳招式也多了。
在香港有不少朋友都是譚仔跟三哥的粉絲，日日食都食唔厭，因為佢夠大眾化，價錢也不算貴，最出名應該係佢有不同辣度選擇，同埋服務員大多是帶有「鄉音廣東話」的阿姐。
估計佔香港雲南米綫市場達7成的「譚仔」和「譚仔三哥」，結果在 2017 年被「日本丸龜製麵母企日本東利多控股」全面收購，當時涉及108家分店，變成攞咗日本 passport。
之前見佢同日本「蠟筆小新」有 crossover 宣傳，唔知係咪都係同日本背景關係？個卡通可以話係同碗米線完全無關：
「譚仔三哥」在東京新宿店在3月31日開幕，聽聞排隊要排兩個鐘。
原來用日文片仮名讀出嚟，已經有一種「譚仔阿姐」腔 ？！
老實說，我個人麻麻哋鍾意食米線 (只是鍾意食酸菜)。是日路過中環辦完工作隨便入內醫肚，入來重溫一下。
位置是以前「翠華」蘭桂坊店位，樓高兩層，好似旗艦店咁，應該唔平租，裝修也光鮮亮麗，反而唔係好慣。
「譚仔阿姐」依然係阿姐腔，食物類別也差不多，感覺是改變只在外表硬件個殼。
對本身是譚仔粉絲來講，未嘗唔係一件好事嘅，起碼坐得舒服咗，地方乾淨咗，勉強都叫有打卡位嘅。
清清地，「豬潤酸菜清湯米線」$42
呢排俾人激得多心血少，食返啲豬膶補吓血，滋味：
碗米線份量對我嚟講幾多，一碗作為午餐實夠飽，所以選擇少米線，可以減 $1 ：
酸菜係全碗的精髓，酸味到位。熟悉我的朋友都知道我是一個酸菜怪，食「台灣牛肉麵」一定都會落超多酸菜，當然是另一類，總之是酸菜就是喜歡。
湯帶微酸，10小辣都無叫，清清地：
米線爽滑嘅 (不過始終由細到大我都麻麻哋鍾意食米線)：
小食方面，沒叫「土匪雞翼」，點了「蒜泥白肉」$28 刺激一下：
豬腩肉肉質柔軟，帶甚多肥脂，點這個就不要怕吃吧：
肉沾滿濃郁蒜泥及川椒辣油，辣而不嗆，肉質細嫩幼滑：
食到滿口蒜蓉「香汁」，變態地要興奮拍手掌啊 XD
快快哋，就一餐！
影片
