諸勝堂

營業中

休息中

嗰日嘅晏晝去咗諸勝堂，食咗個日常午餐🥣我覺得最為推薦嘅係爽口蝦仁日本滑蛋飯💕佢嘅份量好足，最值得表揚嘅係佢嘅滑蛋非常之嫩滑，自家製豉油也比普通豉油更加好味😋蝦仁也十分爽口正😋😋😋叉燒鮮忌廉豬骨湯意粉嘅汁味非常香濃，我個人也喜歡意粉，但想不到這樣的配搭也可以這麼適合，叉燒瘦而薄，唔會好肥，值得一試整體來說，呢間餐廳嘅嘢食都算唔錯😚😚最值得一試就係佢嘅滑蛋，因為佢係日本嘅蛋，所以特別香滑

好耐冇食過茶記，今日去左以前上環番工附近既諸勝堂，雖然選擇唔算特別多但樣樣睇落都好好食，掙扎左一陣拎左兩個lunch set外賣番屋企，值得一提係佢地prep 外賣好快手，我等左冇5分鐘就有得拎了要左一個飯一個意粉，首先個蝦口滑蛋飯堅正，打左飯盒數數有成六七粒蝦口，蝦仁看起來飽滿剔透，咬起來爽口彈牙，而個秘製甜鼓油不得了，加上日本雞蛋簡直又香又滑，撈落飯度可以食多兩碗而叉燒滑蛋意粉更加係色香味俱全，叉燒話係自家工場製作，薄切全瘦肉，但唔會乾韌，配上豬骨濃湯底冇得彈，咁有水準都不過係$48仲有熱飲送，加多$3仲可以將牛油多士轉做健康既沙律菜；咁高性價比既茶記絕對有下次  

#諸勝堂#繼續撐黃店 #黃店 又一間平價但高質既小店，小編已食左幾次🤤🤤——————————————————————#XO醬肉眼豬扒飯 $58用左自家製既XO醬去配搭肉眼豬扒，食落幾香，因為自家製既XO醬幾好味，唔會太咸，辣度大眾化，而肉眼豬扒煎得幾軟身，啖啖肉🤤想試埋個日本滑蛋可另加$10，個滑蛋系炒得幾滑身既🤣好味指數：9.1/10#鮮忌廉豬骨湯麵 $48用自家製叉燒加有創意既湯底，食落系幾夾，叉燒軟身，而個湯底都食到有忌廉同豬骨味，不過小編覺得可以再濃味少少就好😛好味指數：8.4/10抵食程度：8.6/10回頭度： 9.1/10——————————————————————📍地點：諸勝堂 (上環)上環禧利街15號地下⏰營業時間：星期一至星期日07:00-18:00#美食#相機食先 #黃店 #黃色經濟圈#豬骨湯#xo醬 #肉眼豬扒飯 #炒蛋 #sheungwanfood #sheungwan #foodie #foodies #hongkongfood #hongkongfoodie #hongkong #food #foodssss___

呢排冇得堂食，作為打工仔既我，梗係要發掘下周邊唔同嘅美食。禧利街不嬲都有好多嘢食，今日經過間條街見到間茶餐廳，喺中上環黎講佢啲lunch都幾抵食，40幾至50蚊就有個lunch，就入左去叫外賣。我叫咗個叉燒鮮忌廉豬骨湯意粉餐，配4.3鮮奶炒日本滑蛋多士，再加奶茶。先講吓個意粉，佢個豬骨湯都幾濃味，無咩味精味，啲叉燒偏瘦岩曬我呢d最怕食肥肉既人，而且幾淋。個意粉軟硬度適中，幾有咬口嘅，份量都多。值得一讚係個滑蛋炒多士，可能加左日本牛奶佢啲蛋真係炒得好滑，完全唔老，佢加左d蔥花一齊炒蛋，更加帶出個蛋味出黎。佢個包都烘得幾脆，配埋滑蛋一流。最後用個奶茶，茶味幾香，奶味可以再濃d，加少少糖已經好正。

自從武肺疫情第三波後, 好少出去外面食野. 今日咁啱要去上環做啲野, 就順便喺度食個早餐先. 我揀咗B餐, 鮮忌廉豬骨湯鮑魚火腿絲通粉配4.3牛奶炒日本滑蛋 + 多士走油 ($38)鮮忌廉豬骨湯鮑魚火腿絲通粉 😋湯底幾濃, 有忌廉湯味. 通粉係有坑紋果隻, 煮得啱啱好 👍🏻 (我好怕食到啲煮到淋晒, 冇晒質感嘅通粉)4.3牛奶炒日本滑蛋 + 多士走油 😋炒蛋夠滑👍🏻, 多士烘得夠脆早餐份量足, 食到好飽. 食到最後先見到menu寫住可以+$3走包轉柚子醋沙律, 太遲發現㖭 🙈服務態度唔錯, 加上食物質素高, 價錢合理, 絕對會再幫襯 🤤

向來鐘意周圍搵好味常餐，依加普遍都做得幾有水準，但講到有驚喜就冇乜邊間。今次嚟到諸勝堂，唔係ig派廣告，都未必嚟食，不過食物質素就令人喜出望外！🔶自家製叉燒鮮忌廉豬骨湯意粉湯底鹹香鮮甜，帶有淡淡蔥花香，增添咗一絲特別。最抵讚係叉燒，茶記嚟講真係好出色，肥瘦瘦中，有少少筋位，易咬偏淋。（最驚就係食乾柴叉燒）🔶4.3牛奶炒日本滑蛋+鮮牛油多士炒蛋夠滑，奶味較重，蛋香略嫌不足，食完粉再食炒蛋就變得好淡：多士連埋牛油一齊烘，酥脆香口，正常發揮。🔶熱奶茶同樣奶味偏濃，茶味偏淡，不過香滑順口，都算唔錯。

今日約佐朋友去上環附近既展覽，見時間早佐，兼夾有少少hungry，於是就搵下附近既餐廳，見到呢間comment都唔錯，於是就試下呢間黃色小店！😂🤣環境相對不錯！唔似普通茶餐廳，似係岩岩新裝修完無耐，光源充足，牆上面掛佐幾幅畫，都幾relax同chill。同朋友叫佐個豬潤一丁餐同三文治下午茶餐。一丁面好有suprise，豬潤咬落去chop chop聲，好爽好好食，加上佢地自家秘製湯底，絕配，唯一美中不足係湯底少少鹹得制不過整體都高上。餐包轉佐做奶油豬，都係高質的！😋😋😋餐飲我地轉左店內特色既薑汁奶茶，味道好特別，奶茶同薑汁味分明，一飲落去係好香薑味，都後又有奶茶既味道同厚厚既口感！😋😋總括而言，絕對係反食之選，不過下次可能試下招牌撈面！haha !

去上環早餐。星期六朝早七點幾，開門營業的地方不多。經過這家門口，便入去試試。餐牌跟旺記冰室有八成相似，因為一次不太愉快的經歷，個人對旺記的服務形象麻麻。這家卻有驚喜，年輕的店員有禮。落完單，食物很快到。忌廉雞湯火腿彷鮑通粉，通粉不會煮得太腍，有少少咬口，雞湯有微微忌廉味，味道不錯。火腿和彷鮑魚做簡單的調味。比想像中好吃。蛋幾濕幾滑，不會太重牛油味。最意想不到，是多士是脆的，實在罕見。九成炒蛋多士的多士都是腍的。老公的大火版，更是一流。我的檸水正常，他說奶茶失色，嚡得𠝹口。簡單一份早餐，吃得出店方的用心。

在平日周五買外賣回公司食，未試過此餐廳就決定試一下親身到餐廳落單, 到達才發現多數人都是先打電話再自取，今次笨了，下次會記得先打電話最後在門外等了20分鐘才有，幸好門外不是太熱，否則一定後悔為何不在餐廳吃，因當時餐廳仲有位原價$58, 外賣加$1份量適中，因叉燒及蝦仁都未試過所以選了雙併，味道不錯，套餐包一杯野飲，下次有機會可以再試其他

假日想吃過下午茶， 見到有$38一個餐，都幾抵，又多人幫襯。茶餐B) 鮮忌廉豬骨湯鮑魚火腿絲湯通粉 + 牛奶炒滑蛋 + 多士 + 熱飲 = $38自家淆製忌廉豬骨湯底，第一啖飲落鹹味重了一點，但其後飲落都ok，炒蛋香滑， 採用日本雞蛋，蛋味香濃。茶餐C) 蜜糖芥末叉燒炒蛋豬仔包 + 熱飲 =$38豬仔包唔夠香脆，有厚厚的炒蛋，但叉燒份量太少，夾在豬仔包之中幾乎品賞不到，仍需進步。還有一點，見到店員在大大力的掃地，塵埃飛揚，但當時客人多正在用餐，店面小小，灰塵會飄揚沾到食物，這一點需要改善。

有運就有機，香港人就係靠拼搏捱到今時今日，一個品牌能夠打入市埸，當然唔少得諗頭啦。經常行過上環都見到大排長龍既「諸勝堂」，將茶記最獨有既風味，配合自家工埸出產技術，將平平無奇既食材變得出神入化，難怪我都忍唔住要去打返個靚卡呀！👇📌自家製叉燒 · 鮮忌廉豬骨湯意粉 - $48▪ 4.3牛奶 · 炒日本滑蛋 -▪ 鮮 · 牛油多士 -▫ 佢地既叉燒經過悉心打造，大大塊厚切，仲要肥瘦相間，食落唔會太油膩，入口仲唔乾身，唔錯；而配上豬骨湯底，意粉浸過後，質感特別順滑，夠哂煙韌；另外用上4.3牛奶炒既滑蛋，入口相當濕潤嫩滑，而且蛋味濃郁，皆因全採用日本出產既雞蛋，難怪難怪；牛油多士岩岩做到膿邊，食落鬆脆，我幾鍾意。

朋友帶咗我去上環支持下小店。 雖然當日係假期，附近冇乜人要返工，但係 鋪頭都仲好旺場，好多人。我諗朋友應該冇介紹錯，應該幾好食。餐廳餐牌選擇唔係好多，但係全部都好似幾好食。餐廳走係質量路線，唔會好似一啲茶餐廳咁，乜都有得食，但全部都唔好食。餐牌 有八個午餐有意粉，通粉，有飯， 滑蛋飯。我當日唔係好肚餓，所以揀咗常餐。 叫咗自家製叉燒鮮忌廉豬骨湯意粉配4.3牛奶炒日本滑蛋加鮮牛油多士。 餐飲叫咗杯熱檸檬水。又真係幾好食 個湯底好濃沃 意粉質地 好彈牙配咗五塊半肥瘦嘅叉燒。 滑蛋好好味，蛋味好濃沃，可以想像到佢個滑蛋蝦仁叉燒飯都會好好食！餐廳雖然細間，但係座位同座位之間加咗膠板隔住，而且餐具都清潔得好乾淨。大家可以食得安心。

成日經過舖頭都覺得佢個餐牌好吸引，有女仔啱食嘅常餐，有男士啱食嘅碟頭飯，佢定價合理，而且望落用料上乘，所以我成日都好想試。平時返工食飯時間都好多人。今日難得假日去開呢頭，即刻拉埋朋友去食。我叫左自家製海鮮xo醬肉眼豬扒飯加熱即磨咖啡。果然冇令我失望，個飯好正。海鮮xo醬好惹味，豬扒少肥，夠林，有好多塊。 我鐘意佢啲汁唔會淋晒落啲飯度。飯底都靚。旁邊仲有沙律，有少少柚子汁，中和反食豬扒嘅飽肚感。杯咖啡都令我好驚喜，上面有少少泡沫，咖啡味香濃，好滑。😁😁最緊要係餐廳待應好好人好親切！大家不妨支持下佢，懲罰下佢！😂😂其實我更想試係餐廳嘅早餐，佢啲三文治好似好好食。下次可能返工前去買嚟試下都好🤤🤤

黃店 💛 #上環 #諸勝堂🟡 黃之鋒認證🟡 有米豬連同其他吉祥物貼紙今日去咗上環搞啲嘢，經過禧利街呢間貼咗米豬連認識嘅餐廳就入咗去䭍女個brunch，我11點左右到，未有午餐（11:30先有）就叫咗個早餐食💛🥞 早餐E. 鮮忌廉豬骨湯五香肉丁湯米粉 （$42）👉🏻 🍳 配4.3牛奶炒日本滑蛋👉🏻 🍞 配鮮牛油多士👉🏻 🍵 配熱檸水（餐飲）首先上枱嘅係熱檸水，用傳統黑白淡奶茶杯裝，我個人好鍾意覺得呢隻杯特別有味道☺️ 檸水有三片厚檸檬🍋炒日本滑蛋果然比普通茶記顏色淡啲但滑啲👍🏻 好味🍳茶記嘅牛油多士我一般都唔食，但呢個好香好脆🤪 邪惡少少都食埋佢啦😚鮮忌廉豬骨湯五香肉丁湯米粉 上枱啦～ 嘩擺碗勁靚！佢用咗兩片生菜承托住啲豬肉粒，而且個湯嘅顏色唔係一般茶記咁！佢真係用忌廉豬骨湯咖😍 豬肉好腍，好肥美。 湯底都好好味，有啲creamy又有啲辣辣哋，讚🥰🥰

中環收工行落上環食番個遲黎既午餐都會係一個非常好既選擇✅日日番工都食到好鬼厭🤧今日黎到海膽屋同Jacomax附近既@katsudo_official 試左兩款都可以算係招牌既套餐🥣————————————————自家製叉燒鮮忌廉豬骨湯意粉🍝配4.3牛奶🥛炒滑蛋+鮮牛油多士忌廉豬骨🦴湯都幾夠味但唔會太咸,而主角叉燒就厚薄/肥瘦都適中,食落唔會太韌或者一咬就散———————————————叉燒蝦仁🍤雙拼日本滑蛋飯因為有好幾個地方都會食到叉燒炒蛋🥚飯,所以今次貪心同特別少少,就試下叉燒拼蝦🦐哩個組合！結果無令我失望,用上日本雞蛋🥚做成既滑蛋食落蛋味香濃！鮮蝦亦都新鮮既,豉油夠多又夠香甜！————————————————-我同男朋友都一致認同,整體上比光榮更優勝👍另外,食食下見到對面枱個碟海鮮🦞xo醬肉眼豬扒飯,厚切肉眼豬扒🐽🐽勁吸引！下次再黎一定要試🙊😛