詠藜園四川擔擔麵

營業中

休息中

乜老師傅無做啦?尋晚我一家人黎左食飯, book左八點半, 黎到等左一陣就有得食.點菜個部長好好態度,同我地有講有笑...抵讚... 我地叫左擔擔面, 糖醋桂花魚, 冬菇小棠菜, 清炒荳苗, 蘿蔔絲酥. 想叫高力豆沙, 點知又係無晒.d菜都上得幾快.我屋企人未食過佢個擔擔面, 我自己就o係大磡村度食過. 我對食面無乜研究, 而且o個次已經係好耐之前o既事, 所以唔識compare兩次o既質素. 不過我家姐o既comment就係"無乜特別, 唔值排隊黎食, 更加唔會嗌多碗", 而我媽咪o既comment就係"細碗過翡翠o既好多". 我就覺得okay o既...荳苗好鹹, 要黎送飯或者o岩, 齋食就唔係咁好. 小棠菜就幾清...個糖醋魚我地叫左細($98), 比較遲上桌o既...嘩一條細o既已經有成隻手臂咁長...個部長不斷同我講, "咁咪抵食囉"...不過食落, 覺得同我地上次o係小南國狀元樓食o既松子桂魚差幾皮...當然,兩道菜個汁唔一樣,但係其他烹調技巧有好多相似o既地方. 我就只係以條魚o既質素,刀功同埋炸魚o既技巧黎講. 我媽咪話條魚本身係死o既, 所以肉質唔得, 亦都無鮮味.

<br />大堪村個位老師傅己經收山，人面全非。麵無<br />以前0甘好食，花生要收6蚊位，茶介額外計，<br />都幾灰。

星期六晚光顧, 兩個人等左10min唔駛就有位.因為想慳錢, 所以叫左比較平既食物1. 擔擔麵(辣): 味道同麵都不俗... 不過若果好似以前咁要等好耐就唔值2. 紅油抄手: 我本身都幾鍾意食辣, 覺得好正好正好正...3. 碗豆黃: 之前成日聽人話係宮廷點心, 見只賣十幾蚊就試下, 原來佢係一個用豆茸做既糕點, 只屬一般, 好似食緊冰皮月餅個餡咁...4. 炸麥饅頭: 見佢有個麥字, 以為同平時既饅頭唔同, 但點知無分別兩個人食埋單$100有找, 真係貴有貴食, 平有平食, 有機會都會再去

上個禮拜朋友生日, 一行13人黎呢度慶祝. 因為聽聞呢度好難等位加上我地人多, 所以一早book定位. 點知去到等左超過半粒鐘都冇位, 佢又不停叫d細, 去嘈佢個時有位小姐話見我地等左咁耐, 所以俾間房我地, 咁都冇禁嬲.佢地d菜大都裝飾得美輪美奐上, 至於味道我就覺得招財寶鴨(香酥鴨), 糖醋桂花魚($168)同酒香鴨舌幾正, 尤其是隻鴨, 好鬆軟又唔油膩亦唔酥, 鴨舌有淡淡酒香加上拆左骨故啖啖肉. 但得獎的如砂窩雲吞雞($188)就一般, 好味精feel, 龍井蝦仁($168/$198忘記了)得個爽字, 冇乜龍井味(咁既水準似乎貴左d, 不過裝飾好特別), 雲白肉都冇驚喜. 至於招牌擔擔麵真係幾失望, d麵雖然好彈牙不過d湯就差左d, 冇乜麻醬味. 其他菜式乏善足陳.我地叫左十個, 十幾杯豆漿同成十碗擔擔麵, 一共$1,700有找, 平均一人$130都唔算貴. 因為有房所以環境好正, service亦都ok.如果唔怕等位都可以試.

Disregard the grading of the food, it's really funny that a customer would spend such big portion of adverse comment on the charge of merely $1 for a cup of tea. If I were the waitress, I would consider that complaint an offensive approach. However, I would still react politely for the sake of 'professionalism'.

仲邊有以前既水準....我細個住慈雲山由細食到大鑽石山成間鬼屋咁都要去...紅油抄手都正...不過已成往事

聽到鑽石山咁墟撼，有黃埔既氣氛，饉係去試下喇。虛有其名，麵太甜！坐得唔舒服！（唔係鑽石山喎）整體差！

Eating at this place is an experience I will never forget, nor forgive: poor table layout, poor service, and the sub-par so-called 'Szechaun' cuisine, in which the beef used in '水煮牛肉' was tenderized with lots of soda powder! Oh dear! >_<The only saving grace for this sad place is still the classic 擔擔麵, which taste wholesome (probably because of using duck eggs as ingredient?) and worth trying at least once. Other than that, that's about it. There are many good resturants out there than e

本人試過詠藜園(蔡瀾美食坊)的擔擔麵數次，但係只覺得一般。我今晚去了一間地茂四川菜館，發覺他的擔擔麵好值得推介。我食完後同師父傾了一會，得知他已做廚28 年，他現年47 歲。店內的所有菜式都是他一人包辦。如果唔係朋友介紹，我也未必會光顧，因為鋪頭的位置不但偏僻，而且很地茂。如果有機會，大家不坊試試。據師父所說，該店最好賣為油淋雞。我今晚就試了無錫豬扒擔擔麵，味道真係幾好。店鋪位置: 元朗安興街80 號地下( 鴻燕特式麵食)

如果你接受到差過茶餐廳些少既招呼~~不過我好肯定個擔擔麵一定唔會令你失望!!我去過咁多麵檔，係呢度至正啦!!

聽人講到咁巴閉,即管去試一試,4個人食左鳳尾魚(好淋,一D都唔脆),怪味雞(怪到有雪味),雲白肉(算唔錯,可以辣些更好),擔擔面(D湯ok,但面唔夠彈牙),菜螃蟹(合格),媽咪炒飯(太搵笨,用很少很少火腿加旦的炒飯,但總算炒得幾乾身),甜品豆沙鍋餅(煎得唔夠lone),成餐飯都平平無奇,只有埋單至有驚喜,想知自己去試下喇.

d野食一般,特別係d麵,普通到嘔,跟公仔麵一般普通個媽咪蛋炒飯係揚州炒飯黎o既.不過雲白肉幾好食.每人食髓知味$40蚊野都好似冇食咁,每樣野平返$10蚊就再值得幫襯

Order dessert 話唔得閒make懶巴閉!

改善係有，不過只係因為佢地少咗好多客人，啲伙記得閒，所以至有時間應酬下我。上個星期去開個頭，見佢無乜人，心想反正唔駛排隊，咪試下囉，招呼係好D，但都係踢一踢，郁一郁個隻，而且味道無改善，又一人失望而回。

冇o黎呢度食o野都已經成年；今晚8點幾先去到，等o左唔使15分鐘已經有檯，明顯地少客過以前好多。一入到去，侍應主動拿多一張椅俾我地放袋，又幾細心o播。落單D侍應都好有禮貌，又會同人客講解下個menu，D service比起以前真係好o左好多。兩口子，叫o左一碗擔擔麵($17)，雲白肉($48)，紅油大福耳($48)同奶油津白($48)。可能service好o左，竟然覺得連D野食都好味o左；尤其係個豬耳，整得好爽口，幾正。擔擔麵同白肉都有水準；不過個奶油津白D奶油就落得重手o左D，食幾條已經好漏~~埋單連汽水、前菜、加一要$196，價錢都算合理。相中就係擔擔麵，雲白肉同紅油大福耳。