角落咖啡廳 (已易手) 新餐廳

今晚真係食咗一餐好豐富嘅晚餐，除咗有好好味嘅食物之外，呢度菜式嘅賣相亦都相當吸引！餐廳極具用心嘅形式烹調優質嘅食材，菜式唔單止美味可口，仲有好靚嘅造型！另外，不得不讚嘅係呢一度嘅環境裝修好別緻！而且睇得出好有心思！係一個鬧市嘅地方有一個咁寧靜嘅環境！可以好舒適咁坐低靜靜地享受食物！都算係一個喺鬧市中嘅一個樂趣😌叫咗一份西班牙豬鞍😌呢一個豬鞍真係好有水準！首先，呢個烹調方式處理得好好！雖然我唔知係點樣煮，不過我食得出應該係花咗好多心思！因為入口嘅時候呢個豬肉好林！但係出面依然可以煎得好香脆！重點係依然可以保持到入面有豐富嘅肉汁！同埋我好鍾意食有骨嘅豬扒！再加上呢度係做到骨肉分離，連骨頭附近嘅肉都食得到真係好正！

同朋友讀完書之後都好少可以見面，見咁耐都冇見就約埋一齊揀咗一間啱feel嘅餐廳，可以兩個人靜靜地坐低傾吓計食吓好嘢！餐廳都好乾淨企理，算係好舒適嘅地方！而且仲有一個好靚嘅打卡熱點位！所以整體嘅氣氛非常舒適！而且加埋一個咁柔和嘅燈光，喺呢度嘆吓咖啡，食吓好嘢，同朋友聚會傾偈！真係好舒適！！我哋都叫咗唔同嘅嘢食，我今次就叫咗一份西班牙有骨豬鞍😎呢一個豬扒好好食，唔似一般出面嘅豬扒，呢度嘅豬肉係比較林！而且豬嘅香味比較香濃！而且仲有薯條！👍🏻👍🏻同朋友share一齊食都好夠！另外仲叫咗一杯Rose Latte👍🏻好香嘅玫瑰味，而且係一杯好香滑嘅latte！奶味十足🤩正！

最近做咗一單大嘅project，所以想搵間餐廳好好咁食一餐，當下可以同自己慶祝一下！朋友同我介紹咗呢度呢間餐廳，話食物質素好高，所以就專登走咗嚟幫襯，試一試下餐廳出品嘅品質！🤤美國Prime肉眼扒🤤今日真係要介紹一下呢一份美國嘅肉眼扒！聽講美國嘅prime都算係一個好高級嘅肉眼扒之一！所以可以喺呢度食得到，仲要係用呢個價錢食得到嘅話，可以話係性價比好高！而且呢塊牛扒好大塊，一個人食嘅話絕對係可以食得好飽好滿足！再加上呢個肉眼扒煎得啱啱好，我吩咐左想食五成熟，真係可以處理到！切落去嘅時候有少少嘅半生熟感覺！就係我最鍾意食嘅牛扒！我入口嘅時候有好香濃嘅牛肉味！而且仲要係好多肉汁！擺入口嘅時候真係有一種好幸福嘅感覺！整體來講呢度都可以話係一間好高質好抵食嘅餐廳！加上有一個靚靚嘅打卡熱點，相信好快呢度就會爆場！

這間餐廳位於，喺餐廳店舖環境都算唔錯，相當之有氣氛，可以話係同朋友食下野傾吓偈唔錯嘅地方選擇之一！而且我同朋友不約而同咁都搵咗呢間餐廳，果然心有靈犀❤️我叫咗一份法式香煎羊架❤️❤️冇諗過喺呢度都會可以食到羊架❤️所以真係好開心！而且呢間餐廳真係比足粉！有幾件大大件嘅羊架！而且煎得好香！再加上呢個羊肉本身好好食！好Juice！真係好多汁！而且呢個羊肉七成熟左右！所以入口嘅時候好林！配合埋呢度嘅醬汁一齊食真係好好！另外仲叫咗一杯士多啤梨荔枝綠茶！呢個綠茶好清新！而且有兩款我鍾意嘅生果！所以整體來講都係非常喜歡的❤️

這次去了一間餐廳吃晚餐，環境挺美，而且舒適涼快。平日到來人流不算太多，所以不用等位！而且朋友剛好約了今天好好吃一頓晚餐，正好來了這間餐廳。首先講一講呢度嘅環境，呢個環境絕對係好有少女感覺嘅風格！整體嘅氣氛好好！坐喺呢度食嘢真係有好舒適好休閒嘅感覺！食物方面我叫咗一份西班牙有骨豬鞍另外仲配左一杯士多啤梨荔枝綠茶！呢個豬扒比我好大嘅驚喜，首先呢個豬扒整體嘅賣相好吸引！有大大嘅骨頭！好有霸氣！而且呢個豬肉好好食，好林！而且一絲絲分明！對一個鍾意食豬肉嘅人來講一定係好滿足！至於呢杯士多啤梨荔枝綠茶亦都好飲！好香嘅士多啤梨味，而且仲帶有淡淡嘅荔枝香味！所以係好夾嘅！對於啱啱食完豬扒，飲一杯咁清新嘅綠茶！真係好爽！

無論係乜嘢天氣都好，都阻唔到我要出嚟享受下食飯嘅心情！咁難得先約到好朋友，係假期可以一齊出嚟聚下舊，梗係要預先book好餐廳啦！經過左一輪篩選之後，最後決定咗去呢一間😆😆叫咗好多正嘢食！西班牙有骨豬鞍！呢個豬扒好正，首先份量超大，而且呢個豬肉好Juice，同埋超級林！食豬扒最怕食到好硬骨骨好乾嗰啲！但係呢個真係一啲都唔會超正！美國Prime肉眼扒！至於呢一個係好好食嘅肉眼扒！呢個肉眼扒可以做到5成熟！而且呢份肉眼扒嘅肉汁好豐富，而且牛肉嘅香味好濃郁！威靈頓三文魚配牛油忌廉汁！至於呢個威靈頓三文魚係比到我好大嘅驚喜，首先本身之前冇食過威靈頓嘅三文魚，之前都係配牛扒！而呢個威靈頓三文魚嘅魚香味好十足，而且配合埋呢個忌廉汁一齊食真係好夾！同埋呢個威靈頓嘅酥皮做得好香脆！而且好友奶油嘅香味！所以真係好滿足！

都已經有一段時間冇真係特登搵一間餐廳食嘢啦，難得同朋友食飯，所以就嚟咗呢度！餐廳燈光好光猛，座位都算坐得好舒服，而且呢度嘅店員好Nice！不得不說嘅就係，呢度嘅打卡牆真係冇得輸！坐咗喺度一陣，都已經見到呢個打卡位置有好多唔同嘅人去咗影相留念👍🏻👍🏻呢度嘅燈光配合埋呢度嘅波希米亞風格！一定可以影到一張好啱心水嘅靚相🤣🤣同朋友嘅小聚，叫咗兩件蛋糕，一件係純朱古力忌廉蛋糕，另一件係富士蘋果芝士蛋糕！呢兩件蛋糕各有特色，如果鍾意清新小小嘅，可以試吓呢個富士蘋果芝士蛋糕，食得出好香好甜嘅蘋果味道，而且呢個芝士蛋糕一啲都唔漏！入口即溶嘅感覺真係好正！至於呢個純朱古力忌廉蛋糕真係啱晒鍾意朱古力味嘅人！超級香超級甜嘅朱古力味，配合埋上面少少朱古力醬做點綴！真係好香滑！而且呢個朱古力蛋糕入面係一層鬆軟嘅朱古力蛋糕再加一層朱古力味嘅忌廉！所以成個味道更加出色！整體來講，呢個地方我都好鍾意，值得推介！

有多繁忙的午市，每個人都籌備去邊一間餐廳度食lunch，今日有人推介我去一間Cafe，還有我最鍾意食嘅羊架，同埋個環境我一定會超鍾意，所以唯有去試試佢 ！ 點知一嚟到呢一間角落！ 個環境真係靚到飛起，樸素嘅簡約風設計，睇得出佢非常用心，客人亦都係女性居多，多個打卡位。仲有得盪鞦韆添！😍 我今日就嚟咗呢一間叫咗個法式香煎羊架$268 。 對於我來講份量有啲多，但非常吸引，好彩我嗌薯菜無配飯！ 個羊架超級香，一啲都唔羶，配埋個汁簡直😍😍 非常juicy , 外表煎得好香，內裏亦都有豐富嘅肉汁，完全食到羊嘅香味，脂肪分布都非常之平均，整體上嚟講非常滿意！ 😍😍👍👍 友人果然冇介紹錯 ！

講咗好耐話一直都好想試吓呢間係中環蘭桂坊嘅呢間特色嘅Cafe！今日終於都可以同朋友去到呢度試吓😍😍呢間位於中環蘭桂坊正中心嘅角落！成間餐廳都係波希米亞風！對於鍾意打卡嘅來講一定係一個好好嘅打卡熱點！今次同朋友就食咗純朱古力忌廉蛋糕同埋富士蘋果生芝士蛋糕🍰呢兩個蛋糕都好出色，特別鍾意嘅係呢個富士蘋果芝士蛋糕！食落去非常清新👍🏻👍🏻而且好香嘅芝士味道，一啲都唔會好肥膩！！另外呢一個純朱古力忌廉蛋糕亦都好出色，好香濃嘅朱古力味，再加上香滑嘅朱古力醬！鍾意食朱古力蛋糕嘅不妨一試！😍

老蘭除左有酒吧原來係有Cafe 嫁~ 仲要真係係個角落頭度，好難搵~ 朋友話要減肥，所以搵左間生酮既餐廳，因為間餐廳主打生酮，但生酮既選擇，基本上只得5-6款生酮蛋糕Sold Out，主食得All Day Breakfast 所以最主要都係個呃個環境打卡Chill下用QR Code落單，真心覺得QR Code好唔實在，圖片又細吸引唔到我，個人經驗，樓上小店cafe千萬唔好叫扒因為叫親豬牛羊扒，都一定出事，伏伏伏伏意粉就係因為圖片太細，我又冇咩興趣，所以得返All Day Breakfast 最後 All Day Breakfast  選擇左一個正常一個生酮，食物冇咩特別，要讚既只有蛋既香滑，飲品: 一個綠茶花茶，一個Latte富士蘋果芝士蛋糕，因為太細件，所以Zoom到好前影，哈哈佢比正常蛋糕再細多一半，自己諗有幾大件啦~ 有幾粒蘋果肉係入面，係好味，但size大少少，我會開心好多囉樓落$500，買個環境，然後沒有然後了~ 

忙裏偷閑嘅一日，梗係要好好咁慰勞一下自己啦！有時候都好想會有個時間可以有一個me time！有個可以比自己舒舒服服放鬆嘅時間真係好正！今次就去咗呢間係中環蘭桂坊正中心嘅角落！呢間餐廳真係好有特色，成間餐廳雖然唔算好大，不過裝修得好有氣氛！成間餐廳都係波希米亞風格！今次我就叫咗一個純朱古力忌廉蛋糕同埋一杯Rose Latte👍🏻👍🏻性價比好高，兩樣野加埋都唔使$100🤣同埋呢個純朱古力忌廉蛋糕真係好香濃！如果係朱古力愛好者一定要試吓，好香嘅朱古力，再加上上面有好邪惡嘅朱古力醬，真係一啖擺落口都會有好滿足嘅感覺！另外呢一杯Latte亦都好香濃！你杯咖啡好滑，仲有探探嘅玫瑰花香味！好正！！真係好值得推介！

話說今日比朋友突然之間放咗飛機，所以都係要自己一個搵嘢食！喺Instagram見到有好多人都推介緊呢一間角落！見到餐廳都好似好多選擇同埋好靚，所以就走咗去試吓😘😘叫咗一份西班牙有骨豬鞍💖呢個豬真係好正，平時我自己都好少會食豬扒，不過見到呢度係有骨嘅豬鞍應該同一般豬扒唔同，所以就叫咗嚟試吓👍🏻👍🏻首先呢個豬鞍一上枱嘅時候就已經有少少嚇親，因為真係好大塊，而且仲要非常厚切！食落去啖啖肉，依然保持到好多汁好Juice！！再加上近骨嗰邊嘅味道仲香💖💖整體來講性價比好高！鍾意食豬肉嘅不妨一試😌總括而言呢間餐廳我都會比好高分，首先餐廳環境好舒適，而且餐廳都用咗好多心機去佈置！而且食物質素都好高，價錢合理👍🏻

見到佢被封為人氣咖啡店仲要有keto food 專登約咗幾個朋友你試吓，開門嚟到環境唔錯，餐牌上選擇也多，但係估唔到有咁差嘅體驗。首先叫咗兩個意粉同埋一個keto all day breakfast , 意粉煮出嚟正常口味，一個大蝦番茄意粉，令一個青醬大菇意粉，青醬意粉淋口啲，食食下竟然驚見一條洗碗銀絲鐵線！！即刻同職員講，話換過一個俾我哋，最後要成差不多30分鐘都未上到，我哋個位置坐喺冷氣風口位，叫咗職員將個冷氣校細少少，但係好似冇乜反應， keep住都係吹住，所以最後都冇等到再上嘅青醬意粉，叫佢取消😥😥😥😥 最有趣係佢Menu上面嘅嘢圖片只作參考，首先想叫一個keto蛋捲，但係一開門就話冇貨。再嚟，叫Keto all day breakfast, 同我講冇雞蛋😣😣😣之後轉左啲厚切煙肉俾我哋，超級鹹。相片中嘅牛油果係半個，黎到得兩片，蕃茄仔都得兩粒，重要最重要嘅kale都冇上俾我哋！之後問職員佢就俾返一個細杯仔嘅kale我哋，仲要好唔新鮮🥲🥲🥲呢個all day breakfast 收我$168 ，有冇過分少少（附上落單Menu上的圖片作比較）網上好評只作參考，除咗飲品之外其他嘢都好

憤怒令我寫食評 Anger made me do it一，我同朋友一坐低，侍應係咁催我哋嗌咖啡，八點都未夠，ICAC都冇咁積極啦。二，睇menu嗰陣時我想嗌dinner set，話明叫set梗係多過一樣嘢㗎啦，如果得個意粉咁散嗌都得啦。但保險起見，我特登問個侍應dinner set跟唔跟嘢飲，佢話跟，咁我都跟！於是乎我同朋友一人嗌咗一杯咖啡。三，佢哋餐廳係用電子落單系統，俾咗個吧曲我哋掃，但我喺落單嗰時，佢先同我講話個落單系統壞咗。佢話同事應該喺我哋入門口嗰時同我哋講咗，但係冇人同我哋講過。（第一次覺得被騙）四，我嗌左個加拿大海膽煙肉意粉，好難食，啲海膽係臭嘅。另外嗌咗個美國PRIME肉眼扒配椰菜花飯，嗌個時侍應連幾成熟都冇問過。一擺上台，舊扒一見到都知唔對路，已經冇晒食慾，唔想影相，食落仲好似拖鞋咁硬。啊唔係，連拖鞋飯都軟過佢塊扒。五，埋單嗰時先同我講話淨係收cash，大佬2021啦PayMe PayMe meow啦，佢話同事應該喺我哋入門口嗰時同我哋講咗，但係冇人同我哋講過。（第二次覺得被騙）六，埋單嗰陣時收返我兩杯咖啡錢，我問個餐唔係跟嘅咩，佢話唔跟㗎喎。（第三次真係被騙）七，仲

「中環- 虐待的角落」💋💋💋💋今日嚟到中環呢一個地段，想去一間波希米亞風嘅cafe，滿心歡喜拎埋生日蛋糕想同朋友食一餐健康keto文青cafe。今日想先講食物質素，其實都算係正常嘅，如果係中環以百零蚊呢個價錢我就絕對無投訴嘅，除咗食物選擇較少。主要係服務質素方面，必須要大力改善先至可以力保不失。主要係去到嘅時候一位女服務員嘅服務輕浮，我好似被一位已被魂不付體嘅女士服務，佢先係坐係度禁電話再同我講要安心出行，而佢並無打算起身去帶位，甚至並無打算同我有任何eye contact，亦沒有打算給予我menu，其後再三追問先得到的電子點餐QR code😮‍💨但係，除此之外我認為其他嘅環境，食物，地點等嘅分數都算係咁，亦都可以嚟打吓卡嘅🥰Food ordered: 有骨豬髀椰菜花飯 帶子椰菜花飯 Super bowl salad性感指數：💋/5