角落咖啡廳 (已易手) 新餐廳

都已經有一段時間冇真係特登搵一間餐廳食嘢啦，難得同朋友食飯，所以就嚟咗呢度！餐廳燈光好光猛，座位都算坐得好舒服，而且呢度嘅店員好Nice！不得不說嘅就係，呢度嘅打卡牆真係冇得輸！坐咗喺度一陣，都已經見到呢個打卡位置有好多唔同嘅人去咗影相留念👍🏻👍🏻呢度嘅燈光配合埋呢度嘅波希米亞風格！一定可以影到一張好啱心水嘅靚相🤣🤣同朋友嘅小聚，叫咗兩件蛋糕，一件係純朱古力忌廉蛋糕，另一件係富士蘋果芝士蛋糕！呢兩件蛋糕各有特色，如果鍾意清新小小嘅，可以試吓呢個富士蘋果芝士蛋糕，食得出好香好甜嘅蘋果味道，而且呢個芝士蛋糕一啲都唔漏！入口即溶嘅感覺真係好正！至於呢個純朱古力忌廉蛋糕真係啱晒鍾意朱古力味嘅人！超級香超級甜嘅朱古力味，配合埋上面少少朱古力醬做點綴！真係好香滑！而且呢個朱古力蛋糕入面係一層鬆軟嘅朱古力蛋糕再加一層朱古力味嘅忌廉！所以成個味道更加出色！整體來講，呢個地方我都好鍾意，值得推介！