西門町台灣麵食 (已結業)

酸辣粉皮只是微辣...有d d 麻的...對我黎講...真係幾易入口...所以係食唔停口呀...酸酸地又好開胃喎...個粉...滑嘟嘟咁片片...雖然有d難夾...不過好滋味...豬軟骨麵個麵幾爽口彈牙喎...不過個湯有d hea...豬軟骨就好淋...唔會d肉乾淨淨的~豆腐肉燥飯唔係玉子豆腐既?不過都ok 喇...個皮炸左...裡面都仲幾滑...d肉燥...好夠味呀...好得意...食d飯既時候..有d脆脆既口感...唔通...係d肉燥燒焦左?!?!芝麻雪香好濃的芝麻呀!!!仲有多多的胚芽係面~ *yummy*雖然係坐得有d迫...不過店員都好nice...我地覺得好凍...佢就撥開左個風口...

這店位於通菜街內﹐街道兩旁都是街檔﹐如不熟識這區真的不知道這處有那麼多餐廳在兩旁的街檔後。店內環境不大﹐燈光昏暗﹐整店主要以深啡色為主。是晚叫了鹵水拼盤及肉燥豆腐飯。 鹵水拼盤 - 拼盤內有五種不同鹵水食物(豆腐﹐蛋﹐大腸﹐豬頸肉及鴨腎)﹐ 豆腐肉質很滑﹐一點也不鞋口。大腸及鴨腎鹵得入味﹐沒有一點異味﹐因這兩款味道較濃﹐用來送飯也不錯。肉燥豆腐飯 - 徐了肉燥及豆腐外﹐配菜亦有鹹酸菜及炸蒜頭來作調味。 豆腐與拼盤的一樣﹐肉質很滑﹐不鞋口。 肉燥味道不鹹﹐還帶少許甜味。 整碗飯的質素不錯。這店的食物不過不失﹐但如要排隊﹐不值得一等。

點解咁多人讚? 係咪佢失準??我又係慕名而來依到食, 無錯! 好多人排隊, 諗住應該真係幾好食咁我地一行4個叫左個set 雞斯粉皮一般 , 粉皮吾夠口感 炸蝦一般, 普通冇特別 牛筋最叫人另眼相看, 可惜偏鹹 小食拼盤普通佢係抵食, 但吾係想像中咁好食.... 普通餐廳一間

聞說旺角中數一數二的,聞說很好吃的 ....來到時.. 見到d麵好似幾靚, 撈下佢先 雞塊擔擔麵 ($36)友人叫的, 雞塊炸得正常不過,但點解...點解d雞肉白色既 ? 一咬...冇雞味既?成頭問號... 唔通係西門町特色??豬軼骨擔擔麵($38)我叫的 ...豬軼骨有...3舊 ..only! 係林既 , 但係點解唔分開上?搞弱冇晒d醬汁... 已經唔知咩野味d麵ma ,只可以用正常形容 ...d醬我okay睇好, 雖然唔係話特別有花生味..小小spicy兩者balance得唔錯, 應記一功 珍珠 & 香芋奶茶(約$8-10)下..好甜.. d珍珠唔彈牙,太林了...overall,唔可以話唔okay wor,但又唔會令我好想再try多次,可能係肉燥飯先係最出名掛 .... =/

因為搭枱o既關係,所以幾乎唔使等就入得去,不過搭枱我係唔介意o既,都係食飯姐!!叫左個二人餐:1,要左個拼盤,有炸雞,炸墨魚波(唔肯定係咪),排骨,尤魚包住酸瓜,重有啲雞絲酸菜! 每樣食物都ok,無話邊款較突出!2,酸辣粉皮,味道幾特別,可能平時係食開麻醬味道!3,忙果醬炸蝦:份量幾多,有六條,不過男友話粉太厚,唔夠鬆脆,又的確係o既!!4,肉橾飯&擔擔麵各一小碗,普通,唔算突出!5,台式飲品兩杯:我撰左香芋雪香,男友要左朱古力雪香,兩杯都唔錯!二人餐$158p.s:唔使加一,我覺得幾抵食!

見openrice食評成日讚，在好奇心驅使下走去試試晚餐。1. 鹽水雞+肉燥飯餐：隻雞超"鞋"，好鹹同好重酒味。2. 炸雞乾面餐：d汁料好鹹，只食咗一半，頂唔順綜合而言，真係唔明點解咁多人話好食，lee間野試一次就夠。好想同西門町個老細講：落重調味唔係就叫好食同入味囉。btw，個老細不停要d客肩並肩坐(不可打對面咁坐)，係因為等d客食完快d走，唔好再坐喺度傾吓計。個場已經夠迫，仲要被迫與與另一枱搭枱客你眼望我眼咁食飯，我真係覺得無謂幫趁。

嘩! 唔明點解咁多好評!!!!!!!!!!! =.= d 人有冇去過台灣, 有冇食過台灣野, 點解要求咁低..... or 根本對食冇要求無要求唔該唔好黎亂寫食評, 誤導人地去食!! 叫左個 2人餐 包括有一個小食拼盆一個腐皮蚵卷一個涼拌茄子一個鹵肉飯 一碗担担麵再加左一個紅燒牛肉担担麵担担麵好難食, 勁重花生味, 唔辣唔惹味, 如果想食好味既担担麵, 唔該去翡翠拉麵食, 好lee個一百倍鹵肉飯都係超難食, 都唔知乜野味黎ga!!!!!!!!!!!!! 臭臭地咁, 食左一半已經食唔落!茄子無乜特別, 冇機場66號閘口附近o個間台灣麵食咁惹味!小食拼盆算係 ok, 每樣三兩舊, 可以乜都試下!!!最推介既只係腐皮蚵卷! 熱辣辣!! 好味, 又炸到脆卜卜!!杯珍珠朱古力奶茶都唔合格!因為d珍珠又唔夠 Q, 中間又好似未熟晒咁!!!!!! 環境一般, 食物好差!!!所以唔會再去, 唔掛得已經冇大排長龍啦係咪大家去過?! 見真章....食過冇回頭呢?!

某晚，與眾食友打籃球後，沒有跟大隊去蘋果綠新店，反去了旺角閒逛。鬧市人多車多，運動後的疲累感漸漸浮現，心只想吃個快飯迅速回家，想起了近三百笑臉的西門町台灣麵食，反正從未試過，懶得再考慮，遂甘心在街上當一次「等候的人」。西門町的客人流動性大，約等了十分鐘就能入座，但內裡地方淺窄，更出現茶記「搭檯」情況，環境充滿壓迫感。人累食慾減，與女友二人共享「花蓮鹽水雞餐」 ($46)，再另叫一客雞絲粉皮 ($30) 便成。「花蓮鹽水雞餐」雖是一人份量的，但包括了鹽水雞，台式燙 A 菜，肉燥飯及飲品，頗為豐富。先來的是珍珠奶茶 (套餐加 $2)，份量當然不及鄰近的一眾台式奶茶店多，粉圓也比較少，但味道尚算可以的，亦沒有過甜的情況。名堂響噹噹的花蓮鹽水雞，賣相普通，不知是選用了雞的那個部位，骨多肉少，肉質既不滑溜，味道也未夠鹹，不過爾爾。台式肉燥飯上的肉燥少之有少，完全是「將貨就價」，鹹鹹的肉燥送飯一流，但份量再一次「到喉唔到肺」，實在教人失望。台式燙 A 菜則不過不失，油麥菜不當造，未算爽甜，幸加上肉燥仍是惹味的，只是有點油膩罷了。最後是散叫的雞絲粉皮，粉皮厚度恰到好處，配合雞絲、青瓜絲，以麻醬拌勻後

今日的午餐, 到了西門丁食台灣野一個人的午餐, 食擔仔米粉一碗同一杯叫香芋奶茶加杯牙的飲品, 擔仔米粉的味道不錯, 湯係鹵水汁味的, 加芽菜同韮菜絲, 配合惹味的肉碎, 好味, 但稍為咸些少, 食完有點口渴杯飲品就有好有唔好, 好係有好濃香的芋頭味, 但有陣怪怪地的類似白花油的味道, 杯牙的味道就像麥皮, 如果唔係我都幾鍾意飲芋頭飲品可能飲一啖就唔飲了環境就一般, 因為d位好迫同好窄, 坐得好唔舒服

西門町依間野,排o係旺角區第二位..係旺角女人街咁近..點都要同男友去試一試..去前都上網做過下Research..睇下有咩係值得一試GE..食物雞絲拉皮: 真係好好味..個汁係食過最好食GE!牛筋擔擔麵: 牛筋反而無咩特別.但係個擔擔麵GE花生味都算香濃肉燥炒A菜: 肉燥都幾多.個汁唔錯珍珠奶茶: 珍珠有咬口.但奶茶麻麻地芝麻奶茶: 唔夠芝麻香**食物GE水準係幾高,不過飲品方面可以再改善一下**環境出面等位個度已經好逼.入到去唔係好多位.一張細細ge卡位都要坐四個人,所以都係快快食完快快走

今日下午去左哩間野到食飯啦我本身係一個大肚婆 入到去有好多卡位空哂向到佢地就話因為lunch hr 所以唔可以坐 咁都算啦我地就坐d比較迫同冇咁舒服既位置 其實間鋪已經夠哂迫架la 仲安排一個大肚婆坐埋哩d咁既位 真係好唔識做law 我都廢時話要掉位一陣比人覺得好似大肚婆大哂咁款~~~~食到半路 我老公隔離有個空位 跟住空位隔離又有個男人個到d侍應竟然叫個身型比較肥胖既女士坐入去哩個中間位到我實在忍冇可忍 明明其他位仲有地方 點解一定要坐到咁迫呢???我老公就問佢駛唔駛坐到咁迫呀 我就講左一句：真係痴線咁樣安排坐位跟住個侍應走埋黎兇我：你話邊個痴線呀！咁高檔就唔好黎哩到食啦哇)))真係咁都有個喎 咁即是話d明星都唔好去食牛腩河之類既野啦真係越食越嬲 最後我地連個d炸腐皮都冇食 因為佢地成間鋪頭d人好似打龍通咁唔知佢地有冇加料食物質數又唔係真係話咁好law 我食個個肉燥飯 我覺得綠野仙宗個d仲好味過佢law最緊要係 d服務態度咁樣 我一定唔好再返去食 請都唔入去~~~~~~~~~~

很少到旺角這個煩囂的地方，今天難得有事情要做，便跑到人人都讚的西門町試一試。本身極愛台食，在台灣最難忘的魯肉飯，在香港很難找到同樣好吃的，今天竟然可以回味得到。 魯肉飯: 極有台灣風味的鹵水汁，魯肉及飯軟硬適中，入口已經有身在台灣的感覺，份量亦剛剛好，真的很回味！ 肉燥豆腐飯：豆腐也很嫩同滑。還叫了兩杯綠茶，不過就普普通通，早知試香芋奶茶。

孖芝伉儷忽然懷念台灣味道，於是跑來了西門町~這是我倆第二次光顧，依然旺場呢！ 牛肉新竹米粉：很入味和軟腍的牛肉~~~ 配上幼細的新竹米粉，good~! 炸芝士丸︰熱辣辣上碟，外層炸魚丸新鮮香口，內裡的芝士更可以拉出來的呢~~~ 小心燙口啊~ 哈 醉中翼︰雞肉爽口入味，酒味適中，偏鹹一點，不過價錢相宜，抵食之選 四寶新竹米粉：全部滷物都很入味，難得雞腎沒有腥味，都不會韌呢雖然坐位略擠，不過價錢相宜，值得推介~!

老友派囍貼, 我們相約到西門町吃飯, 第一次光顧, 點了這裡比較出名的幾款來試試。 腐皮蚵卷: 腐皮炸到脆卜卜, 非常燙口, 內裡蠔仔好少, 比較油膩和熱氣, 但蘸上甜酸辣醬後很好吃, 可減少油膩感, 這款是我最想試的, 味道果然沒令我失望。 鹽水雞餐: 小小的三碟, 最驚喜的應該是肉臊飯, 飯的軟硬度與肉臊很配合,我們吃得很滋味, A 菜清清淡淡的, 鹽水雞味道一般, 最不好的是很多骨, 吃得不方便。 台式擔擔麵: 我本身不太喜歡吃擔擔麵, 尤其用油麵弄的, 但這裡的比起我想像中好吃,我估應歸功於用上與肉臊飯相同的肉臊, 麻醬湯底很香, 麵條浸耐亦沒發漲變腍,既然味道不抗拒, 那我便放心的吃多幾口。 金香奶茶: 茶味奶味很香很順滑, 還有面層那些泡沫, 令我尋回初嚐珍珠奶茶的味道, 我覺得比起街上任何一間台式奶茶店來得更好喝。 香芋奶茶: 老友的那杯茶我就沒試過, 但我記得她第一句說有很濃郁的香芋味道, 應該好味啦~ 最後祝福老友婚後在德國生活愉快, 以後每次回來香港記得要來探我呀~

Went to some of the restaurants that eat and travel recommended on an issue on taiwanese food. Seam Eett taiwan noodels was one of the place. When I first walk into the street of where the restaurant is located...my expectations was ready and was set to a low point. Maybe its good that I didn't have any expectations at all. We ordered the rice that was recommended...肉臊飯. When the rice finally came, its has proven that its good to have low expectations. The portion was decent but it looked very