西貢星越泰風味館 (已結業)

來到沙田探家姐後， 約她去吃飯，她不想吃中菜，結果帶我去吃越南菜。她想我早些到來，以便吃完我可早些回家，晚上六時餐廳只有幾檯習慣早睡早起早吃的長者，一般客人應該不會這麼早到吧！看餐牌晚餐十分抵吃，有七八款可供選擇，只是40多元連飲品， 家姐點了香茅雞柳拼扎肉撈檬，我點了海南雞飯，加五元有雞髀，又點了一碟沙嗲豬串燒。香茅雞柳拼扎肉撈檬頗大碗，有雞肉和幾塊扎肉，芽菜，青瓜絲，蒜乾，金不換等，檯上已放有用辣椒，蒜和魚露調好的調味料，可用來隨意撈檬。家姐喜歡吃爽滑的檬粉，拌了蔥蒜等很惹味，加上美味的扎肉和雞肉是簡單而愜意的一餐，她說若是醬汁酸一點會更合意。我愛吃雞，更愛吃雞髀，飯有香茅香味，單吃飯也好吃，雞髀皮下有啫哩，雞肉很滑，有肉味，收50多元連飲品是快餐店價錢。沙爹豬串燒一碟有四串，每串的份量較一般的大，肉較厚，好處是肉經燒烤後不易變柴皮，肉汁能保存，而外層很香，若沙嗲醬多點花生會更好味。家姐想吃芒果黑糯米，我點了椰汁西米糕，又點了餐飲，咖啡和熱檸茶。椰漿下面是西米糕，用葉子包著，賣相不錯，味道不太甜，西米糕軟糯。芒果伴黑糯米，還有白糯米，上淋了椰漿，糯米是熱的，很香椰汁味，也頗甜，芒果

難得港島朋友過嚟沙田Shopping, 就緊係一齊食晚飯, 盡興而回了想離開沙田市中心, 讓腦袋輕鬆一下, 又可以靜靜地傾計我地去到沙田第一城"搵食", 在商場內走來走去, 見到有間泰越餐廳, 食物選擇好多, 有set dinner, 又有一人火鍋套餐餐廳環境寬敞, 靠牆有一排sofa位....可以坐得舒舒服服食飯🍚, 傾計金牌海南雞🐔飯 - $49 Dinner Set (配飲品一杯)海南雞份量多, 叫得"金牌"....水準一定有番咁上下, 雞肉煮得入味之餘, 仲保留著本來雞的肉香味, 就算厚肉嘅部位都唔會"嚡熠熠"皮與肉之間剛好有一層薄薄的"啫喱", 唔會太肥, 非常好雞油飯 - 油唔夠多, 所以飯會較乾身, 但就可以撈埋甜酸汁 / 薑蓉一齊食泰式柚子蝦沙律 $72我好鍾意食呢個沙律, 柚子多汁開胃, 蝦肉質彈牙, 個醬汁味道有少少複雜, 酸...甜...微辣, 去曼谷旅行時食沙律都係呢種味道聽聞成份有辣椒膏 ➕ 青檸汁仲加上烘脆的乾椰子肉, 咬落脆卜卜配埋一份生菜, 如果覺得醬汁太濃就可以包生菜一齊食, 中和一下木瓜沙冰 / 利賓納沙冰一直諗住飲椰青, 點知見到"利賓納沙冰" -

在沙田第一城搵食，遠遠見到「西貢星」，馬上吸引到我的目光。西貢星竟然在沙田？走埋去睇睇，原來是做泰越菜，價錢親民，算是岩口味，值得一試。有套餐但唔岩食，二人每人點了一款主食，再配一清菜清清腸胃。清菜是中式的炆津白，有著香香的奶油味，不比中式酒樓遜色。牛柳粒紅飯是老公的必點美食，酸酸甜甜的紅飯十分開胃。牛柳粒份量十足，有十多件。入口嫩滑唔痴牙，亦有牛味。一口牛，一口飯，配以甜甜的醬汁很合襯。西貢星炒粉絲，看名字估唔到食材，正合我心意。最愛試新野的我又有驚喜了，原來炒粉絲的配料有雞絲、午餐肉絲和蛋絲，有點點像茶餐廳的三絲炒米，真有趣！雖然不屬傳統泰越美食，但味道還是不錯的。粉絲乾身香口，十足火候。最後一杯甜甜的紅毛丹冰作結，盛惠百三蚊位。

嚟到沙田第一城, 今天胃口一般, 所以想食較開胃的泰國菜, 雖然第一城餐廳嘅選擇唔算多, 但基本上各個國家嘅食物 都總有一至兩間可以揀, 經過見到呢間西貢星, 聽個名原本以為係食海鮮, 但睇真啲原來係越南加泰國料理, 啱曬我今日所需所以就行入去啦。 環境: 入到去間餐廳環境相當寬敞,坐位都很多,有長型嘅方枱, 幾多人都啱坐, 又有圓形嘅圓枱, 幾個人傾計坐圓枱就好方便喇, 卓椅坐得都算幾舒服 餐牌: 晚餐嚟講,其實價錢相當吸引,四五十蚊有飯有飲品, 仲可以叫煲; 食好少少叫過一人火鍋, 有牛有海鮮有冬陰功湯底都只係88蚊, 不過牛奶豬食泰國嘢嘅指定動作 係食生菜包同馬拉盞通菜, 可惜套餐沒有,咁就唯有散叫啦。 椰青$40食泰國菜嘅另一指定動作就是飲椰青啦, 有時真係會為咗飲一啖清甜嘅椰青食一餐泰國菜, 所以平時對椰青嘅要求都好高。這店的椰青大大個, 非常清甜又有濃厚嘅椰青味,椰肉白雪雪,一試就知係放喺雪櫃雪凍個種, 唔係隨便放舊冰落去, 夾硬整涷佢又整淡曬啲椰青味嗰種, 質素讚!! 蒜蓉包$42頭盤揀咗蒜蓉包, 賣相就相當唔錯啦, 份量夠多而且烤焗成金黃色, 拎上手仲好暖, 不

天氣一凍便想到這裡的藥材鷄鍋及羊腩煲。藥材鷄鍋的藥材湯好入味，煮滖鷄肉後收火十分鐘很吃，鷄肉很滑，質地很像新鮮鷄。食完鷄後食生菜，再放一碟幼河粉在湯中滚熟。連湯一起食，十分好味。羊腩的配料很好。炆得合適。肉質及肉汁很野味。再食一碟生蝦刺生，一支象啤。晚餐十分完美。當然可以再加一個杧果黑白糯米啦。

呢間西貢星越泰國菜，我同fd行街睇到好似幾平幾好食就去試下。服務員服務親切幾好，會主動比張櫈我同我fd擺袋。我叫左碗雞柳扎肉撈檬，等餐時間短好快有得食。呢碗撈檬份量充足，好大碗，但雞肉較鬆綿，而檬粉嚼勁，調味汁(碌冧)酸中帶甜，只是水份過多味道不夠濃而我fd碟咖哩牛腩飯，又係份量充足，送時菜，依碟穩穩陣陣，沒什麼特別，牛腩爽口不太韌。只是咖哩汁水份多了些，使味道有點淡，或許適合一些不食得辣但又想食咖哩既人士。

一碟菠蘿炒飯我相信大家都是由細食到大，一聽也大概知道入面有什麼餡料，菠蘿炒飯入面餡料也不在乎是那什麼的幾樣嘢，亦都不是什麼貴價菜式，我明白亦都接受....如果我是在一間高級餐廳𥚃食的<菠蘿炒飯>定價是一定比較貴，因爲我所認為味道有可能會比較有保證，就算不幸是不好吃，那我安為自己食環境、裝修，也好吧！但是如果兩者都不是何而定價「菠蘿炒飯」加一後要$130😶...........呢！ 做生意還是良心一些比較好喔！結尾！..菠蘿炒飯入面餡料極少，味道？，一個小菠蘿裝上飯後份量 = 1個碟頭飯，$130食一個碟頭飯一家三口去都食唔飽。

I went to City one Shatin shopping.I had dinner in a Vietnamese Thai Restaurant inside the mall after I shopped.The resturant decorates in Chinese style with lanterns and round tables.All the staff dress with cheongsam like blazers.My friend and I ordered fried beef rice noodle with lemon glass,Hainanese chicken rice and deep fried squid.We also ordered a coconut milk red bean ice and Vietnamese drip coffee.Fried beef rice noodle with lemon glass乾炒香茅牛肉河(HKD$63)This is a favorite Cantonese dish,

今天（七號星期日）十二點左右經過沙田第一城，見是舖尚有不少空位，便提早吃個午飯，避免稍後假日人儕之苦。午餐牌的選擇不少，價錢亦算合理。既然是以泰越式食館自居，那當然和同行者一起點了個有特色的“泰式雞柳炒金邊粉”了。這餐廳上菜算快，熱氣騰騰的食物很快便端上來。第一箸的金邊粉一入口，便覺味道甚佳，味道濃淡得宜，頗能配合港人口味。然而隨即亦發現問題，說好的雞柳呢？在遍尋自己的一碟一無所獲後，同行者的一碟亦是付諸厥如!!兩碟金邊粉都只得菜絲和少得可憐的蛋絲，可見並不是個別例子。做生意，還是誠實些好!!

西貢星是越泰餐廳，可以同時品嚐兩國美食。先來海蜇拌鳳爪，滿滿一大碟，看得我眼睛也亮了！海蜇也爽滑，鳳爪則爽脆，伴菜有芹菜、蕃茄、洋蔥，我不愛吃芹菜、蕃茄但醋汁拌得好，吃來清爽可口，令食慾大增，結果，只吃餘洋蔥，皆因我不吃洋蔥之故！再來兩款香口上火小吃；一：串燒沙爹牛柳，一上枱又令我雙眼登亮了！不像一般奀吱吱串燒，細嘗第一口牛柳，味道適中，再嘗第二口牛柳，沾些沙爹醬，沙爹醬較稀薄，沒有花生碎有別一般沙爹醬牛柳味道適中，我還是喜歡清淡些！二：椒鹽鮮魷，鮮魷爽口，鮮味則較遜，優勝處是沒有油膩膩！越式生牛河，湯有牛肉味，不錯！扎肉雞絲河，雞絲已醃鹹，尚可。薄荷青檸冰，我試了少許，薄荷清新帶少酸，吃飽後飲很開胃！三色冰椰奶較重，相對，薄荷青檸冰很醒胃啦！三位連加一小費承惠$418

今日同老公放假一起身就去食好嘢啦! 揀咗呢間喺屋企附近嘅一間越南菜~ 西貢星裏面環境都好乾淨企理， 尤其見到水吧有好多新鮮嘅生果好吸引， 原來係呢度有好多唔同生果味嘅沙冰供應， 但啱啱起身所以費時飲啲咁凍嘅嘢， 唯有下次先再試下 一見到個餐牌就覺得咁平嘅 🤔，我唔會唔好食㗎?但結果真係令你意想不到 平時去啲地方食下午茶，如果有送嘢飲嘅，一定唔包括椰青，但係呢個 椰青原價40蚊而家都係加20蚊就可以飲到啦！好抵呀！ 仲要係好大個，好清甜解渴 越南滴餾咖啡， 第一次飲，好香濃嘅咖啡味，好香滑 嚟呢度一定要食呢個生牛河， 生牛河最緊要係個湯底，其次是河粉， 呢個生牛河嗰個湯底好重牛肉味，又多蔥啱曬我口味， 河粉好滑身，為左佢，我會再嚟 泰式馬拉盞海鮮炒飯， 都算有鑊氣，趁熱食比較好食 迷你炸蔗蝦，蝦肉夠實， 我冇分比我老公， 因為佢知我最鍾意食蔗蝦，停唔到口 泰式醃豬頸肉，豬頸肉 好大塊，夠爽滑，少少辣，青瓜好新鮮， 同個豬頸肉一齊食可以中和番豬頸肉嘅肥膩感 呢度啲呀姐服務好親切，睇得出佢地係專做街坊生意，所以喺度食飯都好舒服， 期待下一次再嚟

從前每日都踏足既地方，原來已經同以前唔同哂，餐廳既種類都幾多，不過我被“西貢星”呢個名吸引左我幫襯既時間岩岩限付午餐同下午茶之間，多心既我就係午餐餐牌揀左咖喱牛腩飯配生菜，另外係下午茶餐牌揀左越式蝦卷，同滴滴咖啡，最後加埋椰汁芒果糯米飯做完美既終結午餐既泰式咖哩牛腩飯 $48無論飯 餸 同菜，份量都多 抵食之選!薯仔入味淋而不粉牛腩份量多，但略微不夠淋 但好入味越式蝦春卷 $26外皮薄而香脆，將蝦既鮮味帶出，一點油膩感都無，俾滿分媽咪突然話見到人地叫冬蔭公湯好香，又想叫埋一份，咁我地就散叫黎試下椰青冬蔭公湯 $96佢上菜既時候椰青放面放滿蝦，魚，青口，菇，另外再加一碗湯，老闆解釋係因為佢地用椰青入面既水煲，但因為太多水同料，就分開上，令到份量唔會因為受椰青既內部而有所局限，湯好香濃，但如果再加辣d會更野味最後叫左椰汁芒果糯米好耐無見過咁橙黃既芒果，芒果揀得好好，好味，糯米夠黏，好甜好香下次再想來第一城覓食，原來有咁多好野食，價錢又抵，就算叫左散叫冬陰公，埋單都係$206/3人

今次和我的家人吃。。西貢星餐廳！我們點了半隻海南雞，整份雞的肉很多很入味，雞胸很嫩滑，值得推介。另外，我們也點了「咖哩牛腩」。餐廳很貼心地預備了剪刀和餐刀，讓我們可以稍候把農夫包剪成小塊，一口一件。咖哩十分香濃，加上椰汁去炆煮，更加香滑，辣度也是微辣。牛腩的熟度也是剛剛好，嫩嫩的，不會太老。之後，可以把剪好的農夫包佔上濃濃的咖哩汁，十分滿足和美味。第三道菜是「籠仔蒸肉餅飯」一打開蒸籠，傳來陣陣撲鼻飯香和魚乾的香味。蒸飯份量很足，飯也不會太濕，水份剛剛好。最後，我們點了番石榴冰。老闆偷偷吿訴我們，為了令番石榴冰更香滑，除了用真材實料的番石榴作材料，還會加上少量豆腐花攪拌。石榴冰味道不太濃，很清新、很消滯。

今日要同同事門去第一城寄辧, 一於就地取材, 發現有一間越南/泰國式風味的餐廳由於今日天氣好熱, 餐廳冷氣好涼爽, 舒服到呢我們一行三人, 先喝過清水再看過餐牌後, 點菜如下:泰式青瓜蝦沙律, 味道清甜, 原隻爽脆的蝦、 清清的青瓜、 甜甜的車厘茄 配上微酸小辣的泰式沙律汁, 很醒胃椰盅海鮮冬陰功盅原個椰青, 爽滑的尤魚在椰香味及香芧元茜下很是美味，再來一口爽脆的鮮蝦，配在酸甜剛好的中辣冬陰功湯，很是滿足越式燒牛仔骨這是必叫的牛仔骨, 軟腍的牛仔肉在骨邊咬下來, 又香又熱, 始料不及 青檸肉碎生菜包男同事們原來很喜歡吃這個青檸肉碎生菜包的, 他們不停包原又包, 我也吃包了一份來吃, 香熱好味的肉碎帶有青檸味, 在生菜之內肉汁流出, 確也很是美味的特別的風味的餐廳,下次我會帶同Honey來吃的

放工與同事來到第一城吃晚飯。一坐低，店員已奉上茶，menu，十分好服務 兩個人點了越式拼盤，蝦球即叫即炸，有春卷，乾豆腐，豬扒，雞翼，札肉。春卷包生菜吃，感覺很清新，點少少甜酸醬，在悶熱的夏天吃非常開胃。雞翼煎得剛好，不乾身，內裡juicy，外皮脆口。豬扒比平時吃的厚兩倍雲腿滑雞皇米粉在menu見到圖片以為是乾身，原來是用上湯，金華火腿，雞肉絲，白菜煮成。米粉爽口，並吸收了湯的味道最後是甜品，香芒黑白糯米芒果不酸，配上甜甜的黑白糯米飯，煙煙韌韌，非常適合夏天吃。店員定時幫我加茶，服務一流 兩個人埋單$245