西沙茶座 (已結業)

朋友介紹黎呢度食泰國菜，環境好舒服，但味道只是一般。海鮮柚子沙律：sauce酸甜香辣，味道好正，可惜今晚病，喉嚨痛，唔敢食甘多辣野。生蝦刺身：唔夠新鮮，蝦肉唔彈牙。燒烏頭：肉嫩鮮味，但價錢比九龍城貴多。唔舒服唔飲酒，要左雪糕薄荷賓治和雪糕涼粉冰，雖然都幾好飲，但我都係想飲番杯酒 …

舊年BB都係幫我慶祝兩日, 今年都係, 好開心好肚餓, 跟住BB就先帶我去西沙茶座. 舊年我地開始正式拍拖的前一晚就係呢度飲野架啦, 之後有一次我話過我從未試過係度食野, BB記得我講既野, 今年慶祝就帶我先黎呢度啦!我地唸住先食少少野, 叫左兩個粉, 我叫牛丸金邊粉, BB叫海鮮金邊粉, 跟住我話蝦刺身好好味, BB又叫埋, 再加一杯龍眼冰, 因為今日太熱啦.蝦刺身既汁太辣啦, 要走晒上面堆辣既調味我先食到, 好鮮味.沙爹牛丸粉都OK, 牛丸大大粒, 粉就普通啦. BB個清湯海鮮粉好味D.果杯龍眼冰就好笑, 甜到我地要加冰加水再加冰再加水, 真抵飲, 因為由一杯加到足足兩杯.由於街外太熱, 而室內有冷氣太舒服, 我爛瞓既BB竟然食飽飽舒服到唉住我膀頭瞓著覺, BB最近工作太辛苦啦, 我就睇雜誌, 由得BB瞓到醒為止啦.走既時候有個waiter向我笑, 唔知係因為BB瞓覺瞓得耐而笑我, 定係同情我有個爛瞓BB呢! 埋單發覺要3佰幾, 都算貴, 不過坐成兩個鐘, BB又瞓左咁耐, 都抵番啦!事後發覺唔記得入錶被抄牌, 真唔抵, 好彩我有個大方既BB.

夜晚收工之後, 已經係十一點, 其中一個dancer 建議駛車入西沙茶座食泰國菜去到已經十一點九, 肚都幾餓, 但奈何唔可以食得太飽, 個肚漲出嚟分分鐘要失業 哈哈, 言歸正傳, 我地三個食左包括串燒沙爹牛肉同雞肉, 濕炒豬肉河同一碟甜品拚盆沙爹串燒的味道比較咸, 但係另上的沙爹醬係十分之好味, 花生味香, 又帶甜, 好惹味, 濕炒河過得去, 但河粉太粗, 而且可能炒得唔勻秦, 有幾塊河粉係黐埋一齊的甜品拚盆睇相初初以為有芒果糯米飯喺中間, 原來係木薯嚟, 味道只係一般, 大菜糕比較鞋, 椰汁糕都係, 而且唔夠香, 個甜品拚盆普普通通侍應的服務好好, 好有禮貌, 笑容滿面 會讓人食得好開心的

沙嗲串燒豬，係炸嘅，因為支竹籤滴得出油，燒雞翼，亦係炸嘅，燒牛仔骨，都係炸嘅，成碟都係油，連炒碟菜都勁多油，又貴又唔好食，真係前世.....

夜晚同家姐等仔仔訓左之後, 跟姐夫架車入西沙茶座食泰國餐 十點入到去都唔係太多人了, 始終夜同埋經濟唔好, 加上西沙茶座的價錢都唔平, 例如一碟炒蟹要成二百蚊 不過原來呢間西沙茶座的食物水準都好高, 食物味道好好呢 串燒沙tei 半打, 雞肉, 牛肉, 豬肉每樣兩串, 個沙tei 汁好好味, 肉質都好好; 濕炒豬肉河好有泰國風味架, 味道同之前去芭提雅食的幾乎一模一樣! 最好味係煲冬蔭功, 好好飲, 我鍾意佢味道夠甜, 甜得嚟又唔會太辣, 總之就係好好飲啦! nuts入面既炸魚仔都好食, 但唔知幾錢! 埋單三百幾蚊, 三個人, 都算食得飽, 不過我地唔係大食之士, 但味道係唔錯, 所以都食得過!

老公揸車去西頁, 路經西沙茶座, 這餐廳名字聽就聽過,但就未試過.看見有免費泊車字眼,於是揸入去試試,入到去,有人問我老公取車匙,說可代客泊車.是時約下午三時多,餐廳約四分一滿,看餐牌,先知樣樣都貴,又看不見下午茶餐牌. 一客冬蔭公豬頸肉湯河,盛惠而不費 55 元正;一客酸辣鳯笊,盛惠 68元正; 桌上有炒蜆,醎魚炒芥蘭推介, 分別是90元及64 元, 仲要加一. 桌上於有一小碟花生,醎魚仔,炸米粉小食, 都估到佢要收錢. 事已至此,知道入了間出名的黑店.最後,決定只叫一客半打沙嗲雞和豬, 和一客星洲炒貴刁. 想落單, 揚手片刻,亦沒人理會,不知是否因那時是他們落場時間 (因看见兩個侍應在露天位坐下及抽煙). 最後,終有人落單,侍應落單後問取泊車咭,之後泊車咭上印有"代客泊車,每車需20元"字句, 但不是門口大大隻字寫上"免費泊車"的嗎? 等了約15 分鐘, 來了沙嗲, 味道尚可; 之後又等了約十分鐘, 再來炒貴刁, 碟頭頗少. 一吃,發覺內裡的蝦是凍的, 應該是炒好貴刁後才加蝦上面的.期間去了洗手間,發覺男女厠各得一隔,女厠頗污穢.最後埋單, 價錢是: $157.3 (沙嗲$64

我來這裏食飯同食嘢好多次，這裡的氣氛的確很特別，我很喜歡；但最近一次元旦日在這裡食晚飯，真的很失望。 食物價格貴得有點離譜，抄喋菜要七＋多元，重得麵檔油菜咁細，咖喱煆要一百八＋元，菠蘿飯超過一百元，加得大多了。不過最差係個青咖喱雞，d色重綠過绿茶雪糕(見相)，我勸有關責任人士改善一下。

今日boxing day同愛人遊車河, 一早諗好咗再同佢嚟多次~~同埋我有啲掛住佢嘅沙嗲同啲醬..去到都已經3-4點, 佢地有提供泊車服務, 但係我唔鐘意假手於人, 所以我就泊咗喺無幾遠嘅公眾停車場. 馬路都未過就已經有好多人向我地招手, 佢地隔離都開咗好多間食店, 有西餐有泰國菜, 我諗我下次會去試吓, 唔知會唔會好似西沙咁貴呢..我地一坐低打開餐牌就知佢又加價了, 乜啲租好貴咩, 以前啲價錢都已經好高, 仲學人加價, 你估真係好好食咩, 啲座位又唔舒服, 我比啲咁嘅價錢真係唔需要嚟呢度囉.. 愛人叫咗個椰青, 而我就叫咗薑啤. 我地叫咗個二人餐, 包括海鮮粉絲湯(淡而無味, 全煲野最多係椰菜, 2隻蝦仔加幾舊魷魚就叫海鮮), 泰式拼盤(一般啦, 魚餅, 蝦餅, 唔知咩雞各二件, 係個唔知咩雞炸到好硬同好乾啫, 其餘嗰兩款都ok嘅), 泰式豬頸肉(嘩, 最差都可以話係呢個囉, 一來個賣相已經唔多好, 陣味仲怪怪地, 好似臭臭地咁, 我平時都好鐘意食呢個小食, 呢度可能係最難食嘅一間, 唉~失望), 炒什菜(呢個反而做得幾好, 個味道ok, 又真係咩菜都有, 好平均, 唔似一啲餐廳比哂

erm..... when we arrived at the restaurant there weren't many ppl. But the longer we sat, more tables were filled up. 1. Raw shrimps2. Spicy minced meat with fried rice3. Fried choi sum with ginger sauce4. Deep fried shrimp cake5. Phat Thai (thai style fried noodles)We ordered a dish of raw shrimps... i will always order that when i go to a thai food restaurant. Cuz i love to eat the spicy sauce that goes with the shrimp. If they didn't pour all the sauce on the shrimps but put it in a side dish

前幾日去開西貢，忽然想起西沙茶座聽就聽得多，去就未去過，於是搭車去幫襯。都怪自己今次冇做定功課，去到先知呢度唔係食西餐，係食泰國菜。開頭都搵唔到下午茶個餐牌，以為要散叫，過咗一陣先有個女侍應遞過下午茶menu來，望一望個價錢，係呢d賣環境地方都算係咁啦，就叫咗個小食拼盆同一個泰式雞肉河粉，另加一個椰青。結果所有食物都係一個評語：「不外如是」！但係埋單都要成接近$200。其他人覺唔覺得抵我就唔知，我自己就覺得物非所值囉！應該都唔會再去lu！886

12-OCT-08 4:30PM約了朋友BBQ, 又未夠鐘,一心唸住黎坐坐食D小點~ 4人揭揭餐牌都搵唔到有下午茶供應, 想要的甜品platter又無, 最後只叫了雪糕涼粉冰($38), 菠蘿冰 ($38)同一碟泰式千層糕. ($60).杯菠蘿冰真嚇人,形容為菠蘿水更貼切, 大拿拿 $38, 得水杯細size, 仲得幾粒罐頭菠蘿, 更用番d浸菠蘿既水開, 製作成本真夠低!雪糕涼粉冰亦是死甜, 猛落糖水但椰汁不多, 涼粉又少又淋, 非常不濟!泰式千層糕敢收$ 60 都幾過份. 糕身仍是微暖, 很黏又無彈性, 入口竟接近糊口的地步, 椰味欠奉, 可怕!草草吃下, 速速離場!

身住九龍城的我, 竟然被朋友帶到西沙食泰國菜, 幸好這裡也有印度菜選擇...點了:薯茸烤餅($36): 最先來, 其實可以跟咖哩雞一齊上桌就更好了, 因為單吃無甚味道印式咖哩雞($75?): 非常香, 不甚辣, 無骨, 不錯明爐烏頭($187)嘩!!!: 我被火爐的火星星彈到眼(小心!!!), 味道不太腥, 但太太太貴了...鹹魚炒椰菜苗($64): 炒碟菜都要$64.....再加2支細啤, 泊車,加一同小食, 總共要$480呀....同級質素的食肆在九龍城大概三百吧, 況且假日太嘈吵了

呢間係我成日去的一間餐廳，雖然地點唔係咁方便。要查車入去。但係環境同食物都好OK。兼且D服務員質素都好好。因為成日食o既關係，所以無乜特別野寫。但係可以推介下佢地果度的蝦餅和牛油或蒜蓉燒餅，再加埋咖喱汁簡直係一絕呀。

一家四口釣完魚,記得附近有間西沙茶座,即管走去試試!叫左8道菜如下: (1)菠蘿焗飯$85 (2)雜錦拼盆(細)$68 (3)印度蒜茸烤餅$36 (4)印度薯茸烤餅$36 (5)北印度咖哩羊肉$85 (6)鹹魚炒椰菜苗$64 (7)粉絲炒蝦$77 (8)碳燒泰皇雞(半隻)$85 白飯一個,(用來送咖哩) 加一後$602.80簡評:雜錦拼盆:粉絲炒蝦:菠蘿焗飯..只屬一般菜式! 椰菜苗可以一試..但偏鹹! 咖哩羊肉..咖哩味濃.

已經係第二次嚟, 上次係食tea, 覺得環境唔錯. 今次夜晚嚟食晚飯, 夜景又有另一番浪漫感覺. 食物既味道都幾好, 特別係生蝦刺身好彈牙好新鮮, 不過價錢就偏貴. 講真嚟呢度都係食個環境多啲.