褔村日本料理鐵板燒 (已結業)

朋友生日飯，想揾間就近的日本餐廳試下。係O/R見到尼間評價有讚有弾，但見到圖片有好多名人都來，一於試下。侍應推介OMAKASE,有1600/1800/2000三個價，1600及1800分別是美國牛同日本和牛的區別，2000就無問啦....。老實講出面一個OMAKASE得個刺身幾款壽司幾件、煮物少量都收2000幾。但尼間又有熟食又魚生、壽司等。特别是魚生方面最令我回味是TORO，超新鮮。唯獨不足是無海膽，所以另散仲叫海膽壽司及雞泡魚乾。好正哦！1600蚊尼個價錢來講都算是勝價比超高咯。最好會再翻來刺身拼盤－好新鮮，鰈魚薄切色澤透亮，鮮甜。拖羅肥美 入口即溶比起日本牛更喜歡美國牛的我

終於等到堂食開翻。同好友聚舊，今次吃飯地點是朋友揀，唔是好就腳但私隱度都幾高。侍應介紹我地試－燒香魚。尼種魚對水質要求極高，海藻為主食，所以魚肉會有特殊香氣，試上口又果然清香，配番杯白酒，得！再來個生菜三文魚壽司等。刺身都好新鮮

個人中意坐鐵板燒吧枱對住師傅，享用美食同時亦可欣賞手藝。覺得座位不算多但算寬敞。大蝦好彈牙帆立貝鮮甜。朋友就要左厚燒牛，被我吃左一半。最後嘆翻杯咖啡☕完美。感恩～

終於開翻堂食緊係周圍搵嘢食啦，睇社交平台 搵到間褔村寫西村班底心諗點都有翻一定水準丫，食完連想用個腦去形容都浪費我口水，菠菜沙律食落口暖嘅重要有沙算，壽司飯完全無飯香無醋味失敗，海膽上到枱瀉曬成劈屎甘，磯煮鮑魚無賣相可言黑伩伩無擺設，龍蝦熟過頭個汁教得非常一般，喺出面食鐵板龍蝦一般都用翻龍蝦個腦（吳知腦定膏）教翻個汁吳好甘熟基本都一定好食，但連甘基本都做吳到失敗，牛肉賣相好似去左啲＄80份嗰啲火焰牛肉甘款，西村班底嘅招呼係由頭去到食生果只係換過一次碟重要經常聽到個貌似經理定老闆講嘢好大聲甘追單落單你有無諗過會影響到啲食客，我係黎食Omakase吳係黎食大排檔架無下次

日前趁着假期打算好好慰勞一下自己和家人，便去了這間餐廳吃鐵板燒。叫了兩客美國牛套餐，主菜到來時卻大吃一驚。雖然擺盤不錯，但是牛肉的品質卻差劣到令人無法入口。最後每人只吃了一舊牛便作罷。牛肉的劣質程度不單止完全沒有牛肉味，還乾如柴火，這種質素的牛肉出現在這個價位的餐廳令人訝異原來現在香港的劣食也能生存這麼久。鐵板燒的結尾來碗炒飯，已沒有期望過什麼。炒飯應做到的乾身和粒粒分明在這裡只是奢想，整碗炒飯濕潤如杰粥，連炒飯的蛋也是苦的，大概是炒燶了。總結而言，這間餐廳不值一去，望大眾不要再中伏，就算有人請你食不去也罷，不要浪費自己寶貴的時間。

以日本高級餐廳收千六蚊一位嘅 Omakase lunch，原來換來係呢啲服務? 劣評1: 餐廳經理無check清楚就帶位，結果入完去餐廳又出門口等再入，都算...劣評2: Omakase 頭兩道前菜，同廚師都無任何交流，有完全唔知食咗啲乜落肚嘅感覺，到第三道菜上，要我男友出聲問「係咩嚟?」，先開始介紹，原來要問先會介紹？唔問就一直唔出聲？印象中 Omakase 係廚師會主動介紹自己安排嘅食物俾客人，係服務嘅一種，感覺廚師唔係好專業，定係呢間餐廳無呢個習慣去介紹？劣評3: 開頭餐廳職員有問我地有無食物敏感同偏好，我有講到要走蔥，結果上到第六道菜，就有成堆蔥喺我個碗湯度...之後再三提醒，到最後上烏冬麵就有走返蔥。雖然我唔係食物敏感，但呢種大意喺日本高級餐廳嚟講，的確係唔合格。劣評4: 茶水飲完好耐，無職員察覺要refill，男友叫咗一次職員，但個職員又行開無即時斟茶，男友已經開始黑面話：點解好似去咗酒樓叫阿姐斟茶咁...劣評5: 我同男友兩份前菜（第二道）個擺盤唔太乾淨，一個碗底黏住一條疑似蘿蔔（唔多似裝飾，如圖），另一個碟邊有滴汁，又係感覺到唔太專業...總括嚟講，性格比好低，尤其服務

今日有人升職請食飯 揀咗喺中港台嘅福村鐵板燒～ 一日門口見到入邊嘅裝飾好日式 睇得出係高級野～侍應安排咗我哋一行八人坐喺鐵板燒枱前面 老闆自備左兩支清酒 用咗玻璃滴漏杯serve ~ 仲有好多靚靚清酒杯俾我哋揀Menu由老闆直接同經理準備 先來個刺身拼盤 全部都好新鮮 食得出係靚野～！ 鐵板鮑魚口感剛剛好 配埋個特製醬汁 松葉蟹腳天婦羅都好正 成隻手指公咁粗～銀雪魚有少少fusion feel 煎好 之後用返個湯上當然唔少得食我最愛嘅牛肉薄燒啦～用嘅係日本和牛 ！每一道菜嘅擺盆都好靚 一邊欣賞師傅鐵板燒功夫 一邊飲清酒 享受美食 人生一大樂事

朋友生日，约了吃日本菜，今次地点為尖沙咀中港城福村日本料理。一進門已發現酒柜內很多十四代清酒，心想這店舖不簡單，朋友告知原來是響噹噹的西村師傅創辦，在此開業已七年。 今次朋友訂了铁板房，一行四人坐得很舒適，朋友點了每人一份刺身做頭盤，然後是龍蝦，鮑魚和牛。各種海鲜極為新鮮，味道不錯！是晚平均消費為1800元，性價比超值，装修又不错，肯定再光顧。

裝修後嘅福村坐得舒服左，選了鐵板燒房,剛剛今次師父係鐵板燒嘅主廚所以問下有咩推介,師父推介Omakase，只問了我有咩吳食和有咩特別野想食,例如想吃海鮮多定肉類多，好細心,先黎頭盤沙律賣相有心思配料有白栗米,高糖水果蕃茄,北海道帆立貝，三點前菜,個秋刀魚餃子好特別配左個金箔梅子醬完全吳會覺得腥,刺身生蠔好肥美,鐵板昆布鹽焗蟹腳保留蟹嘅原鮮味再配蟹羔牛乳汁簡直鮮再加香,再黎依個北海道蝦夷鮑有口感有鮑魚味，第二粒試下依個配鮑魚嘅海膽忌廉汁Yummy跟住見師父無啦啦攞個好似透明膠袋裝住啲湯甘原來師父話依個昆布木魚清湯煮關西產地蜆用嘅係日本耐熱紙可以承受到220度嘅高溫主要成份係樹旨可以放心食用，到法國鵝肝真係驚喜嘅驚喜，配意大利黑醋紅酒汁加日本嘅最中餅一齊食完全中和左鵝肝嘅漏，隻熊仔超,超,超,超級可愛，高菜炒飯無鹽無雞蛋嘅炒飯到你食炒飯個位食落去都唔會覺得漏,好清新好想食嘅感覺，比起以前嘅福村以壽司為主現在鐵板燒也相當出色會有回味嘅感覺。

今晚o系openrice度想搵間鐵板燒同幾個朋友食晚飯。睇到呢間review 好似幾好。跟住試下。點知中哂伏。又貴又唔好食！人均2000一個。竟然俾三文魚刺身。個鐵板燒🦐仲要好腥。同個服務員講話比個廚師試埋。話落牛油落得太重手，跟住一句唔好意思就算。好彩我個朋友放飛機無黎。如果唔係一定入去廚房指著個廚鬧。D刺身普通到爆。去千両仲好食。最好食都係個壽喜燒個D菜。如果大家想試下貼錢買難受既感受絕對可以嚟試下。

午餐鐵板燒價錢比較親民，地方坐得舒服，而且海鮮質素高，十分新鮮。尤其是銀鱈魚，現在很多餐廳都無貨，因為越來越少，而且質素未必好，所以很難得吃到這個超好味的。餐茶只有冷熱啡選擇，我不飲但又沒有檸水選擇。這美味一餐結未只欠一球雪糕。

午餐點了北海道丼外賣，門口那女士(我想稱呼佢大嬸)招待客人如市場大嬸般口吻，問句有無熱湯或熱茶(如果無我本想加一個湯，但佢好無禮既一句 ”我呢度咩都無跟架，係咁架”，聽到其實想奪門而出，如果只想招待佢眼中熟人，早d出聲，尖沙咀海港城都有選擇，300蚊lunch但大媽鬧仔般招待，有多好吃都永不下次。好食既日本餐四處有，這間連日本禮儀都做唔到，非常一般唔好扮傳統。

俗語有話：舊嘅唔去，新嘅唔嚟。早前公司隔離部門來了位高層，原來是我舊公司同事，立刻相認，傾吓講吓，大家仲有好多 common friends 喺呢行，咁就約食個迎新飯，吹吹水。其實在「中港城」平台也沒有甚麼特別餐廳坐得好又方便傾計，在趕時間下又去了食日本菜。之前食過，C/P 值甚低，午餐人均加埋一要廿百幾，刺身質素相當一般 。今次選熟食，睇吓「鐵板 US 牛厚燒定食」$220 有冇好啲？食物質素係有，美國牛肉粒煎至 medium，肉嫩，配炸蒜片，鹽與黑椒味也剛好：同事的「鐵板 US 牛薄燒」，平 $20：大家都配碗鐵板炒飯，大攬炒。。。只談味道，我會歸類為還不錯，份量就偏少；以午餐 set lunch 加無景、服務平平，我份餐加一後 $242，C/P 仍偏低，sorry ! 不過與同事傾講了很多 common friends 的 updates，很不錯的暢聚，也謝謝他做東埋單 XD

🐻既生日慶祝終於黎到尾聲 🤣 好閏蜜都對🐻好好，今次揀左間豪氣日式鐵板燒餐廳 😳 其實....🐻未試過食尼種鐵板燒，即係有師傅係你面前燒俾你食個種 👨🏻‍🍳🔪 今次安排左我哋坐其中一間客房，環境好日式亦都好舒服，服務亦都非常好 😛閏蜜決定揀選「鮑魚二人餐」🤩 包左前菜、沙律、原隻活鮑魚（刺身/鐵板燒）、刺身拼盤、茶碗蒸蛋、鐵板燒白鱈魚、特級美國牛肉（薄燒/厚燒）、蛤清湯、炒飯/稻庭烏冬（冷或熱）、甜品 😍😍😍😍😍推介/意見‼️✨🐻同閏蜜都想像唔到「原隻活鮑魚」係咁大隻真係嚇親 😛 新鮮鐵板燒鮑魚片好爽口同埋燒得好香，但放涼左少少就要用多d牙力咬啦 🤣 ✨「厚燒牛肉」都很不錯，雖然唔係好入口即溶個種，但加埋炸得乾身既蒜片一齊食都係無得輸‼ 「刺身拼盤」都好新鮮，「鐵板燒白鱈魚」既魚質爽口但就俾個湯既濃甜味搶得太多了 😝✨其實最令🐻同閏蜜有驚喜係前菜裡面既「鴨胸粒」、「烤起既鱈魚片？」，仲有最後既「炒飯」😝 唔通我哋真係唔係有錢人既材料⁉️✨鐵板燒之旅整體都很滿意，師傅亦都會同你傾下計，亦令我哋知道尼間不是「表演系」鐵板燒（笑😆）而且同閏蜜係房內傾下計食下野真係好滿足呢

今晚食咗一餐千八蚊人頭嘅廚師發板 但比預期差 食物 質素好普通亦都 食材冇乜特別 全程冇乜嘢招呼 比出面 連鎖式 餐廳仲差 而家出面市度已經係唔係咁好所以佢哋嘅招呼係唔係值得咁嘅收費呢