裕滿人家 (已結業)

此店是半個家人飯堂, 如有不想煮飯的日子, 就會車來食飯, 反正有泊車優惠.5人order $198六晚飯:咸豬骨春菜煲- 潮式野, 味道有d似胡椒豬肚湯, 幾好, 略嫌菜太少骨太多.西檸煎軟雞- 幾好, 起碼個汁夠酸元朗人家小炒王- 太多花生, 又冇蝦乾, 如果多d西芹會好味d.魚香茄子斑腩煲- 麻麻, 魚太腥. 但係咁平, 又唔可以同"好彩"果次食一碟$140的新鮮起肉"粟米斑塊"相比...咸檸檬蒸烏頭- 我揀o既, 好味!脆奶拼炸大腸- 差. 炸左好耐, 凍哂, d油又索返哂...燒腩仔- 免費o既, 唔錯.最後送o既甜品係生果涼粉西米露, 雖然係送, 但做足功夫, 生果有新鮮蘋果及西瓜, 加上涼粉、西米及椰汁, 味道非常好!

唔好意思，我食既係卓爾分店～昨晚食左一個＄１９８晚餐，足４－６位食，廿多款菜中可要４款，要左燒味，苦瓜炒牛肉，炒白菜同紅燒豆腐～最正係苦瓜炒牛肉，牛肉唔”ｕｎ”又入味，苦瓜甘甘甜甜好鬼正！其他既都好好～有甜品送，係什果西米露，超多什果同西米，真係冇”坤”人，好過其他例牌野紅綠豆沙啦