裕滿人家 (已結業)

去元朗整完牙，口痕痕諗住食埋飯先走，去到new york cafe先知休息，就求其去隔離食中菜啦！上菜一刻有驚喜，碟碟都好大碟！土魷肉餅：肉質軟滑，配上蒸魚豉油，連汁都要撈埋魚香茄子：味道香口，但極多油 涼瓜煎蛋：一般 白酌海蝦：優惠價，$18，男友話唔嗌對唔住自己......d肉都爽喎！呢個價錢配呢個味道ok啦！係個蝦同肉餅值得encore

見無人放相及介紹點心，想分享比大家~難得同阿媽一齊放假，就約佢出元朗飲下茶~mother 建議去元朗人家~一於照佢意思~gogogo~一向熱愛點心的我，元朗及屯門既酒樓都試左好幾間~人家~ 款式都算OK~ 不過最緊要係味道方面~我覺得整體上唔錯~ 值得一試~相比起d 大型集團既酒樓~"人家"已經做得唔錯~

原來係openrice叫裕滿人家，如果係我去之前search到交通廣場呢間元朗人家的食評，見到下邊2位的食評，牛年團年飯就唔駛成為我認為牛年最差的一餐節日飯。訂枱個陣，介紹左個全包宴，$1688一席，$888半席。因為我們人數唔夠二席，所以訂左一席(大枱)和半席(細枱)。去到，佢地自作主張，分左2張8人枱，由說我地每枱叫半席，加$18片皮鴨一食就夠食。算啦，唯有接受，我睇返隔離枱是大枱，我估計佢地係將大枱比左其他客人，不滿由呢一刻開始左，感覺呢間酒樓辦事，係由方便佢地酒樓出發點做決定，完全唔駛問下客人鍾唔鍾意。第一道菜，乳豬，不過不失，皮有幾件脆，有幾件唔脆。第二道菜，上湯龍蝦球衣底，上枱己經有D奇怪，龍蝦點解會一D殼都冇，未食之前心諗，唔通佢咁細心起晒D殼，淨係比肉咁正。屋企人食完，話係蝦黎架，唔係龍蝦。大家試完，每一個都只食到蝦味。同埋個型狀都似蝦球，每一隻都係差唔多型。同個侍應講，佢話係龍蝦，淡水龍蝦，吹脹，當我地未食過龍蝦呀，就算波士頓或者本地龍都唔會呢D肉質同味道啦。唉! 張菜單晨早寫明蝦球麵就冇問題，而家分明係呃人。仲有腰果珍珠帶蚌片，嘩，個D蚌，爭D咬唔開，合埋眼以為食緊

提早同阿爸慶祝生日, 近近地去左呢間人家, 2千幾蚊一圍唔算好貴, 但呢個價位鴻星都可以食到投訴一:上第一道龍蝦伊麵, 侍應放低就走,唔分d麵都算我地自己分個時走埋黎話我地將d 麵分落佢要黎裝魚翅d碗到wo但我地其實係分落自己個位d碗到, 講完俾佢知, 佢仲企係到望又唔係做, 已經無服務投訴二:上第2道菜, 就已經係魚翅 我地問佢乳豬都未到做咩咁快上魚翅佢扮聽唔到, 我叫左佢幾聲先應我話隻豬未燒好wo, 但隻豬出黎個時係凍家囉投訴三:上菜速度超快, 我仲食緊第一碟龍蝦伊麵個時, 已經上到第四道菜, 好似趕收工咁, 但個時只係8點幾!!投訴四:去到最尾叫侍應拎返個旦糕出黎, 佢竟然話無旦糕, 之後問返另外一個侍應先知道原來係有, 但o個兩個侍應竟然企係我地隔離嘈交, 嘈左成5分鐘都無人拎個旦糕出黎, 最後要我地安撫佢地, 叫佢地唔好嘈先拎返個旦糕出黎投訴五:食唔晒d野, 要拎盒同膠袋拎返屋企, 佢俾我地個時無講聲, 到我地自己check單個時先知要收錢, 收錢唔係問題, 但佢可以講聲. 唔講之餘仲要話而家政府規定, 問返佢邊到有膠袋稅個貼紙, 佢就話我地坐個位睇唔到, 到我地走個時望黎望

晚上家裡沒煮飯, 一家三口打算去食餐普通簡單的飯, 黎到人家, 點了 1 條魚, 2味小菜, 開始了不愉快的經歷是晚唔算滿場, 但係出菜頻率奇低, 漏單情況奇高,幾乎每一木台食客都是做著同一樣的事------ 唔係食, 而係等! - 等過半小時終於上左條魚, 叫幾個飯都要5分鐘先出到黎!!- 三催四請下, 廚房依然故我, 繼續其慢條斯理的工作!! 你要明白, 其實我只不過想快快趣趣食完餐飯就走架la,但係廚房手腳咁慢, 還是人手不足呢???? 似乎人家唔想做生意囉 簡單的小菜, 一班''廚房大佬'' 卻叫人呆坐了一小時!!! 最後2味小菜食左一半就打包走, 因為真係得大大條荷蘭豆, 唔見晒d肉 ps. 阿姐的算唔錯啦, 夾在食客和廚房之間. 可是經理們卻總之避之則吉. 整頓飯和整間食肆的感覺都很差. 人人都唔開心. 如果[]繼續以沒有改善的意欲,我想, 這裡在不久將來會成為每一個食客感到反感的地方.至少廚房裡的人手應該要增加, 否則遇上酒席時,真是難以想像他們怎樣去服務客人!!對於其經營理念及態度, 實在要打 -10000 分 !!希望該店長/老闆能檢討檢討

好耐冇去過幫襯,今日我休息放價去覆診,原本約咗【肥豪 & 康記】晚飯,但因為【康記】放飛機,加埋【國華】突然致電相約,我就推咗【肥豪】,今晚坍同【國華】晚飯。我六時半返到屋企,睇奧運乒乓球賽及上網,到七時半離開屋企.到樓下會合駕車既【國華】。原來佢太太同個仔返到鄉下,所以佢今日一個人冇飯開約我晚飯。我上佢車到交通廣場將車泊好,到【元朗人家】食晚飯。期間柯打咗【梅菜扣肉煲、冬瓜盅、海哲薰蹄 & 茄子鮑魚煲】,期間發生一個不快小插曲,就係落單女侍應,將【梅菜扣肉】落錯為【四季豆炒蝦仁】,一上枱我即出聲冇叫過呢個菜,但上菜另一女侍應完全唔理會離開,我再叫佢同佢講,佢猛話我係叫咗呢個菜,仲用怪責我口吻應對,最後我解釋佢都唔聽,導致我即時發咗脾氣佢先去查清楚單,最後原來係之前侍應落錯柯打,之後都有換過俾我。先講【梅菜扣肉煲】$48元,扣肉由以往係用芋頭伴菜改至梅菜及小白菜,味道都係咁正,扣肉都係偏瘦,對我促食較健康既我係好事,鹹甜適中份量本多,五分二都食唔哂。冬瓜盅特價$38元,冬瓜盅內現料簡單,味道偏啖又係較健康,朋友嫌唔夠鹹味,枱面設有鹽樽夠細心,唔夠味道可自己加鹽。【海哲薰蹄】係散叫味道

第一次來元朗人家飲早茶, 見佢有特價點心紙 $12有兩款點心, 其中一款仲係點心拚盤添, 好抵喎之後, 仲叫左其他點心, 但樣樣既水準都普普通通食完都想唔想有邊樣特別好食埋單先發覺, 原來價錢唔係便宜喎五個人都要 $180環境 : 好嘈吵, 可能樓底唔夠高的關係冷氣亦唔多夠唔多值得特登來幫襯

今日同大佬一家四口食晚餐大佬話朋友介紹元朗人家, 所以特別前來求其一餐$198 可選小菜六款, 散叫就$38一碟有大約50款可供選擇, 我地就點左~-金莎鮮蝦:::蛋黃炒鮮蝦, 香口, 正!!! 膽固醇萬歲~-馬蹄魷魚肉餅:::味道好好, 咸左少少囉~-鳳利肉排:::唔係新鮮煮, 表皮開始粉, 但都可以接受~-涼瓜魚煲:::涼瓜甘甘地, 下火~-海鮮豆腐:::豆腐好好味, 清清地唔錯~-芝士薯蓉焗青口:::有成8隻咁多, 底食~特價冬瓜盅$38分到成十碗, 夠份量, 正~好在早來早Order, 七時已售罄楊州炒飯$52每碟都係正常size, 冇特別細碟左 very good ~送紅豆沙, 煲到起沙, 冇過甜~服務不滿意：6:45pm到達, 客人不多, 佢地安排我地一行五人坐張四人細枱, 仲要係路邊, 廳內大把位, 因為係十人枱, 所以唔比我地入, 我地要求走人, 佢地才話開間房比我地, 房內容納五張枱, 入座不足15分鐘, 食客己座滿所有枱, 今日是星期日不知為何不安排開放所有枱, 怕冇生意就唔好做啦!!! 之後叫野食及加水, 服務員都好亂!!! 埋單個女人, 係我背後, 不停行來行去

同家人到元朗人家@元朗交通廣場晚膳.味道不算突出,但勝在夠平!三十多四十元一隻片皮鴨,好柢食!很多小菜也是大衆化價錢…用三百多元四個人抱住個肚落樓,值得再去!

~ 好抵食的下午茶~年初五跟媽媽到人家飲茶, 平時都有去開, 但飲下午茶真係好鬼抵, 食左以下4個點心加一個炒河連茶芥加一都係盛惠港幣$88.5而己!* 奶皇流沙包* 燒賣* 叉燒腸粉* 牛肉* 干炒牛河咁既價錢同服務, 絕對會再幫襯!

*放大假第9日*今日去伯伯家拜年，差不多４點多才去到，坐到６點大家就出去吃晚餐。本來媽咪提議去大力水手吃齋（因伯娘及她媽媽是素食者），不過伯娘說不用特地就她（其實還有４人吃雜的XD)，最後去酒樓吃。多年多我幫襯開屯門分店的裕滿人家，這間總店還是頭一次，估不到住在附近的他們也是第２次光顧而已^^”6個人，叫了一個4人餐和2碟齋菜。分別有：螺肉煲雞湯(材料好多，味道不錯，但很油)﹑燒味拼盤(有我至愛的海哲，嚼勁是有但淡了一點；叉燒又甜又入味，正；豉油雞都幾多肉，唔錯以及乳豬件)﹑白灼蝦(雖然MENU上沒寫明有多少斤兩，不過在場的老一輩估計有兩斤，很足稱啊，而且蝦很新鮮，肉質超彈牙)﹑西蘭花炒魷魚象拔蚌(味道稍為淡，不過份量很多)﹑蒸石斑(新鮮魚，好味)﹑發財蠔士生菜(獻汁超勁，因不好此味只吃了墊底的生菜)﹑另外是北菇扒紅燒豆腐(獻汁也很勁，味道沒什麼特別)及炒西生菜(爆多油，炒到D菜反光之餘仲滑嘟嘟，我吃了很多<肥膩多數好味^^”>，伯娘要用滾水洗一洗才敢放入口)額外要了白飯，像大榮華一樣用石本仔盛裝，飯身軟綿綿，水份剛好，意外之中的好吃。套餐附送原隻柑，親友們本想要糖水，

睇到個個食評之友說價值錢198的六套餐抵食,一直心思思.挨年近晚,一問知道此酒樓既有團年套餐,又可散叫,團年飯就決定在此進行.一行廿四人,筵開兩桌,叫一樣的,分別是兩個六套餐,及一個晚飯孖寶A包括半隻燒鵝和蒜茸粉絲蒸元貝,另加一條清蒸大青班,一隻香妃雞.六套餐份量不少,普通應足夠六人食,其中最好味的是:梅菜扣肉煲-梅菜甜,扣肉稔,落口順滑,冇油膩感,好野!味菜枝竹豬肚煲-味菜不酸,枝竹夠稔,豬肚爽.正!日式魚肚粟米羹(雙份)-只知好味,不懂形容.其它包括在六套餐的小菜如:五香蓮藕腩仔煲,鳳梨京都肉排,魚露炒什菜,馬拉盞玉蘭豬頸肉,荷芹炒腊味,錦江海鮮豆腐鍋等都有水準.欖菜肉碎翠玉涼瓜粒-味道可以,但個人不喜切得太碎.唯最差的是:美極煎海蝦-大小如鉛筆頭,唔掂!其它菜式如:蒸元貝-味道O.K.香妃雞,上變了半隻香妃雞和半隻一品雞(燒雞),香妃雞中規中矩,燒雞皮脆肉滑,好食!燒鵝冇食,清蒸青班,-肉"鞋",全晚最差!待應服務很好,加水,上菜都很快捷.可能是人多關係,漏單情況時有發生,我們一圍漏了條魚, 一圍漏了燒鵝.其它如白飯,酒水都有漏單,但亦由於如此,致使我們不致浪費太多的食物.僥倖!

星期三(10月4日), 我地一家人去元朗人家做節. 之前阿婆生日都係呢度食既, 所以知道有一個6餸套餐幾抵食, 仲有幾樣唔錯既野食架. 點知一睇張menu, 哦~~ 轉曬d餸既. 一問之下, 原來佢地剛剛轉咗菜式, 我地想食既野都無得食. 無辦法啦, 唯有睇下有咩好食既新菜式.6餸包括.. 欖菜翠肉瓜炒肉碎, 芝士焗青口, 五花腩煲, 栗子雞煲, 炸九肚魚同埋雜菜煲(都唔記得呢個餸名有無錯添!) , 另外再叫咗扇貝, 同埋半打馬拉糕. 整體黎講, 圍村菜就一定偏鹹架喇, 但味道都唔差既.

10蚊唔洗一碗乳鴿瀨粉，而且係半邊唔係得一兩舊敷衍了事，七個人飲茶都係二百蚊搞掂，而且水準好好

套餐抵唔在講,我每次去都係散叫,但一定食$38元,超正超惹味。服務好環境舒適,生力細樽支裝啤酒,$16元三支,同座大廈有停車場泊車又方便。