街知巷聞 (已結業)

因為九龍區才有得買呀我買咗13元3件豆腐芒果味, 好香好味..不太甜綠茶紅豆味, 一般呀, 紅豆好硬芝蔴味, 好似擂沙湯丸...正呀

之前旺角有間街知巷聞, 我和班為食鬼同事巳非常欣賞, 好大粒的糯米磁食落好滿足, 果陣3元一粒, 通常都買幾粒大家一齊分甘同味.無幾耐葵芳都開了間還大的, 時不時都會買幾件返屋企做甜品, 最鍾意芒果奶皇, 豆腐味, 其它都好好味, 但越來越貴, 現在加到13元祇有三粒, 祇有偶爾才會買幾粒黎食

$13/3個都幾貴! 包裝幾精美!有好多口味, 試咗芒果豆腐, 香蕉朱古力, 抺茶紅豆, 黑芝麻, 豆腐.幾大粒, 幾真材實料, 餡多, 皮都幾煙靱!咁多款, 最好係芒果豆腐, 味道夾得幾好, 其他都係普普通通.

佢地既包裝係唔錯,不過我都係試過一次,佢地D糯米皮有D厚.......入面D"咸"太少,唔多夠D味麻麻地...............食多2舊有D滯......

買過2次食, sales態度友善, 好多口味選擇, 軟沐沐好新鮮, 不過d涵5夠濃味, 例如紅豆, 奶茶都好似好淡味

包裝確唔錯, 第一次去工展買既, 芝麻/ 豆腐芒果糯米糍, 紅豆糕, 即食,想丟.. 算了, 囉返屋企研究. 糯米糍表面一層粉, 可以用椰絲代替嗎? 餡好淡, 同皮一樣淡, 我食少甜都咁話. 不過質感個味ok既, 可以改進. 紅豆糕真係.. 粉太多, 冇咩紅豆味, 硬又放得耐, 囉去叮軟下, 都係唔得... 唔係好難整者?!讚既係sales好友善, 俾心機吧.

尋日買左白糖糕,芝麻糕同紅豆西米.白糖糕: 係我有生以黎食話最難食既白糖糕.d邊硬晒.食落白糖糕唔似白糖糕.真係好難食..芝麻糕: 芝麻糕都好難食.d邊又係硬既..又冇芝麻味道!又係勁難食..紅豆西米:好普通..雖然唔係好難食..但係都唔好食~12蚊3件..又唔係抵食..晒錢..

我想寫的是屯門新分店。見到有西米盞，好驚喜，只３款味。試了紅豆和奶黃，後者好重奶味。還有泰式椰汁的沒有試。另外買了個什麼限定燸米滋。芒果豆腐味，味道好。皮真簿，但反而沒有了風味。

食過街知巷聞幾次.開頭我係俾佢d糯米滋既外貌同咁多樣味道吸引~不過食過就覺得味道一般喇.唔夠皮薄"涵"多..芝麻:芝麻味ok.又唔係好濃.如果係~個人覺得係素食鋪買既擂沙湯圓好食好多.莫加咖啡:呢個涵較少.咖啡味淡..木瓜鮮奶:呢個係食過咁多味最好既一個..木瓜味較其他口味濃.另外入面仲有d一粒粒唔知嘜野.幾好食..豆腐:又唔覺有豆腐味.又係味淡涵又少..似食緊糯米皮多d!紅豆糕:個人認為硬得滯.好有咬口.但我鍾意食淋身既多d.

好多選擇O既糯米糍，13蚊要o左三個不同味，細妹唔食木瓜，所以我食，味到幾好，有木瓜粒同牛奶饀。細妹食週末限定o既芒果豆腐，佢話冇乜豆腐味。可能我哋食完d濃味o野先，最後share o既豆腐覺得冇乜味，只係覺得甜甜地，淋淋地。overall我覺得唔太特別，仲有d貴。

每次次都買3-6粒食,不過12蚊3粒都覺得貴,而家13蚊3粒...更加覺得唔底買-0-""應該好少會食,單買仲要5蚊粒添...但佢既size只係1粒普通米糍o既1半...好唔好味真係見人見志...

買咗三粒試..... 味道就好多選擇! 但始終唔夠軟綿綿!(糯米糍 個皮好重要!) 而且又貴! 隔離商場二樓個間.....貼咗有電視台訪問過個間軟d 又平d $5.- 2 粒! 但最好食始終係大澳個檔......5 蚊2大粒.....超軟又多饀 料( 由大澳買到出市區都幾個鐘都仲軟綿綿!) .....諗起就想食!

$13三件, 試了豆腐, 木瓜鮮奶, 香蕉朱古力. 最好是木瓜鮮奶, 豆腐就比較清喲, 最差是香蕉朱古力, 味道好怪, 不是我杯茶.整體上, 它是很軟熟的, 但要選對自己的味道囉, 同埋價錢都偏貴.

第一次在街知巷聞買糯米糍食，$13有3粒~我要左芒果豆腐、香蕉朱古力和木瓜牛奶，第一啖既感覺係:好軟綿綿呀!!!不過我們食到滿腦子問號???點解芒果豆腐冇芒果既?咁同豆腐有咩分別wor!點解香蕉朱古力冇香蕉既?咁同朱古力有咩分別wor!hehe... 但又幾好味bor~有機會會再買=)

街知巷聞初初開時幫襯過，其實只係想食一粒，不過$12/3件，於是買咗3件糯米糍，其中一款係芒果味，一食落口，硬嘅，即係唔新鮮，自始就無再幫襯。