街知巷聞 (已結業)

買了個冰花大菜糕，因為突然好想吃。唔係好大杯，要$6。水準都可以啦。始終這些是很難做得不好吃的。

尋晚買左5個糯米糍同一個砵仔糕,諗住就算當晚0吾食, 都可以比爸爸做今日下午小點啦！我自己就帶兩個糯米糍返工下午茶啦！點知一咬就係酸架！！！兩個都壞晒！！！！！！即刻打返屋企叫爸爸0吾好食！！！好彩佢都無食過！！上黎睇, 見到有人又係話隔左晚就壞左, 其實我想知糯米糍有無咁易變壞呀! 我帶返工果兩個都係紅豆蓉同豆腐, 豆腐易變壞都有可能, 但係紅豆蓉喎.......鋪頭個亞姨話最好第二日食晒佢(即頂晒窿放到第二日啦！) .....但第二日都壞左囉......等我仲買左六件, 浪費左二十四蚊......如果你係都要買佢, 咁你就記得早買早食, 同0吾好咁夜買！！P.S. 同埋佢個櫃好似都無"掩"(cover)...... 雖然係商場,佢地都好乾淨,但加返個"掩",會0吾會再衛生D呢！？

多謝龍除了Metro記芝士餅，還買了糯米磁外賣給我家人。　由於夜晚吃得頗飽，所以擺到另一朝才吃，想不到就變酸變壞了... > <　奉勸各位，要食真的要趁新鮮呀!　P.S.最近吃過新出的馬豆味，十分美味的，可惜今次未能與家人分享了~

尋日(20-6-2007)行完街才5點左右,肚仔有啲餓於是就試吓呢間咁多人讚賞o既糯米糍喇,我要o左莫加咖啡同奶茶,朋友W就試o左只o係星期六,日及公眾假期出o既芒果豆腐.我食o個兩款都符合味道o既,奶茶味比較香濃啲,咖啡就淡少少.而朋友W o既就話只有芒果味冇豆腐味囉.我覺得皮唔薄,餡唔多,又細細個,賣4蚊一個貴o左啲.即係我o地都只係買個包裝,創意同service囉.我冇咩興趣再試囉.

自從屋企附近的嬸嬸沒有賣糯米糍之後,好耐未食過咁軟熟o既糯米糍喇今日同事請我食左個豆腐味,好軟好淡好似飲緊唔太甜o既豆漿咁,o岩晒我呢D鍾意唔太濃味o既人我會再買來食!!~

(6/6/07)夜了,只餘下款式唔多。芝麻：雖沒有雷沙湯圓的流沙,但芝麻十足,仍有咬口。奶茶：淡得很,感覺有點酸味。咖啡：齋啡味,所以算濃味。店員說道,佢地唔會落好多糖,就係鍾意咁,加上糯米糍皮太軟糯,配合不同的味道,每次食都好滿足。

5/11/2007 10:00PM"嚐越"過後, 唸起新都會有"街知巷聞", 想買D糯米糍回家試試.可能太妟啦, 好多口味都賣晒喇, 要了”芒果奶皇”X2, “豆腐”X2, 紅豆綠茶, 香蕉朱古力, 共6粒, $24.回家後即試了豆腐味, 糯米皮真的非常軟綿綿, 但要咬大啖一點先食到D餡, 唔緊要啦, 因為D豆腐味都幾好, 淡淡的好似飲豆漿.紅豆綠茶: 茶味都幾濃, 本應不錯, 可惜中心既紅豆一粒粒的, 好硬, 如果改成紅豆茸之類就不會破壞其整個鬆軟既口感.芒果奶皇: 呢個妹妹食, 佢話幾正. 香蕉朱古力: BF試, 比較甜, 都幾好味.下次好想試木瓜奶同芒果豆腐味.如果d餡多番d就好喇~

下午，是最容易口癢發作的時候．．．　也是我最不願意動的時候於是，只好到新都會去瞎逛，看看有什麼可以止癢．．．　突然，發現了一間樹立在正中間的店舖，名為街知巷聞，專賣中式糕點　ｅｓｐ．糯米糍要了三個來試試，分別有莫加　（Ｍｏｃｈａ）﹑巧克力﹑芒果豆腐．．．　小小顆，樣子討人喜歡．．．　糯米皮軟軟的，很有嚼勁．．．莫加的味道不太突出，就知道是咖啡味，沒什麼特別；巧克力很不錯，味道蠻香；芒果豆腐很有驚喜，豆腐味很香，很明顯，跟芒果很配呢．．．　三種味也不會很甜，而且餡料飽滿

(5/4/07)行過見到街知巷聞,發晒癲,要買豆腐糯米糍!太多吸引,買左九粒!不過小妹只試左豆腐,其餘請人食。,豆腐味很豆槳!食完絕唔覺漏。其他味,各人如下說,「木瓜奶:盒仔寫"南瓜",兩種味都唔覺似。芝麻似雷沙湯丸。奶茶味,很淡。咖啡亦然。」仲有香蕉朱古力、紅豆未食。總括糯米糍軟熟得難以形容!而且唔甜,下次再買。

木瓜鮮奶就飲得多，但木瓜鮮奶檽米糍你又食過未？在街知巷聞見有此新口味，忍唔到手外賣回家慢慢嘆。一口咬下去，檽米皮依舊軟熟，木瓜鮮奶餡傾流而出，味道有點假，如果不是預先知道餡料的內容，相信很難單靠味覺猜中。還是健議大家吃香蕉朱古力和芒果豆腐味。

第二次食，糯米皮依舊軟熟唔痴牙，不過葵芳好像比旺角的皮厚餡少，連我這個糯米皮痴都嫌唔夠餡。$24蚊6粒，唔算貴，包裝亦精緻，外賣回家非常方便。今次買了4款口味和媽媽分享：- 豆腐味非常原始，滲有濃濃的豆漿味- 奶皇尚算creamy，衰在糯米皮有椰絲，破壞了軟熟口感- 紅豆綠茶都唔錯，綠茶味夠出- 雷沙湯圓始終適合熱食，這裡的放涼了，芝麻餡變得又實又硬，不推介

從未吃過如此好吃的糯米糍,豆腐味,芒果味,朱古力味,每種味道也很好吃,而糯米更是鬆軟無比,在口內細嚼時真的感受都軟綿綿的感覺,很窩心,雖然十二元三個,平均都要四元一個,但也覺得值得,日後必定會嘗試其他味道的糯米糍及其他甜品!

此店有各款餅食，新開已來已試過兩三次，糯米糍是其一主打，要排隊買。新鮮食最好，好軟熟，但一放過夜便變得好硬。餡料方面，所有味我都吃過了。豆腐最好味，紅豆綠茶唔夠味，朱古力好怪(但這是各味中人氣第三)，其他如芝麻及芒果等，是我個人不太好此。還是覺得，糯米糍配紅豆餡才是最夾的。$4/個，好貴，其實包裝簡單點，賣平一點會更好。

之前o係旺角試過糯米慈~覺得幾好食~~今晚買左d俾同事試下~d同事都覺得好好食~~$24有6粒~其實都算係平~~服務員仲好好~叫我食左豆腐味既糯米慈~先好食其他味道~~因為豆腐味較淡~~所以我覺得佢地既服務態度幾好~~!!

新都會廣場地下呢層真係好似甜牙齒專區,未計餐廳,可供應甜品既除左已有既波菲、許留山、cake box之外,前排又有滿記、haagen dazs加入,尋日仲有埋呢間街知巷聞。呢度位置本來係cake box對出通道,新x基無啦啦係路中心整個舖位出租,真係利害。雖然整個攤位搭建有d簡陋,但裝飾都似模似樣,品種都幾多選擇,午飯時間相當多OL試新野,當然我都唔例外!揀左芒果奶皇、紅豆、芝麻糯米糍各一,只係幾粒糯米糍但包裝一D唔馬虎,除左獨立紙兜加膠紙,外面個包裝盒都有設計過,加埋可愛生果形膠簽仔,包裝費都佔左唔少。糯米糍外層好軟好煙靭,的確唔錯!芒果奶皇內容好香滑,真係有粒粒芒果在內,唔錯;紅豆茸味道唔太甜,口感似紅豆沙,好味;黑芝麻好香好杰,相對黎講係最惹味,只係食完要小心牙齒變黑=p另外有款豆腐芒果,要星期五至有得供應,搵日都要試試。