影片
以上資料只供參考, 請與餐廳確認詳情
假日去鰂魚涌公園特別舒服，人流非常少，環境又清幽附近有間美式漢堡，價錢非常親民我哋叫左3個漢堡，🍔「經典安格斯漢堡」 安格斯漢堡煎得好juicy，見到朋友一啖咬落去，啲汁即時滴出嚟🍔「街頭玉子豬柳漢堡」豬柳蛋漢堡好好食，比連鎖快餐店好食10倍😃相信豬柳漢堡係人手打的，麵包亦好鬆軟下次一定要叫雙層豬柳漢堡🍔「醬爆照燒雞扒漢堡」🍟薯條係有薯仔香，仲係我鍾意嘅粗薯條❤️係鰂魚涌返工嘅人實在太好，可以食到高質嘅酒神早晨漢堡
繼續閱讀
發現鰂魚涌最近新開咗一間漢堡店——街頭漢堡。店舖主要做外賣生意，但都有兩個位可以堂食，正好有一排冇食過漢堡喇雙層經典安格斯牛漢堡 $72叫咗一份雙層經典安格斯牛漢堡套餐，小食加錢叫街頭漢堡醬薯條及冷泡荔枝茉莉茶。安格斯牛漢堡配料有蕃茄、芝士、雙層安格斯漢堡扒、洋蔥、生菜等，漢堡扒肉質軟淋、油脂豐富，每一啖都有好豐富嘅牛油香味，配上清甜蕃茄、生菜等配料，口感豐富。小食叫咗薯條，街頭漢堡像其實係千島醬，醬汁比較杰身，配薯條食就比較清爽雙層豬柳玉子漢堡 $68另一款雙層豬柳玉子漢堡套餐，同樣加錢叫黑松露醬薯條和冷泡荔枝茉莉茶。相比起安格斯牛漢堡扒，豬柳肉質會比較結實，加埋玉子，整體口味係會比安格斯牛漢堡清爽。小食係黑松露醬薯條，本身粗身薯條已經用鹽調味過，加埋味道香濃嘅黑松露醬，令人唔忍唔住一啖接一啖咁食～冷泡荔枝茉莉茶係自家製，有明顯嘅荔枝香，入口除咗荔枝香氣，仲有明顯嘅茉莉花茶味，微澀回甘好解渇！超推介大家要試
繼續閱讀
十二點半衝到後巷，鐵皮車前已排了七八個西裝友，個個低頭撳緊手機QR落單。叫咗「雙層豬柳蛋堡餐」，$60連薯條汽水，比茶記碟頭飯貴少少，但睇住阿叔即煎豬柳就知值回票價。兩塊豬柳扒厚過公司文件夾，邊緣煎到焦糖色脆邊，籬位地盤阿哥大口咬包，含糊嘟噥：「X，啲豬柳鬆化過我屋企煲嘅湯渣！」趕返公司前特登加多份外賣，阿姐手寫單時提我：「豬柳蛋晏晝兩點就賣晒，聽日早啲嚟啦！」紙袋細心用釘書機封口，翻到office拎出嚟仲熱到燙手。血淚教訓：避免12:45-13:15高峰段，試過等足廿分鐘加$5轉黑松露薯條好抵食 必加自備濕紙巾！試過爆汁
繼續閱讀
本身見到有間新開嘅漢堡店，仲有幾多好評都期待試下水準如何，可惜今次外賣體驗真心麻麻。 12點半落單等咗半個鐘以上先有得拎，睇返張單估計喺佢嘅平台落單後要15分鐘先出張傳菜單，然後再等佢排隊整好（因為得一個人喺到砌個餐) 食物方面，薯條係唔熱嘅，口感味道都同一般薯條唔同，仲要無畀茄汁。 漢堡一打開包裝紙就見到條毛髮喺上面（見相片紅圈)，但漢堡本身味道係正常嘅，只係塊牛肉食食下會碎開幾塊有啲估佢唔到。 成個餐最正常應該係枝+$3嘅lemonade😮💨 新店開張都明白會有適應期，希望店主睇到可以趁早改善下。
繼續閱讀
2025年4月9日幫襯見到個收銀阿姐戴住手套，負責砌麵包、入袋入薯條。雖然唔使掂到現金，但個阿姐一直帶住同一義手套撳個收銀機螢幕、撳部信用卡機、撳佢個手機打電話、開雪櫃拎嘢飲，仲撩埋耳仔。然後都係繼續用返同一個手套，繼續拎啲生菜蕃茄砌麵包。🤢其實戴手套真係做樣。支樽仔奶茶壞嘅，一飲落口酸的！個底日期貼紙寫住2025年4月3號。我唔知係4月3號過期定係4月3號做？ 就算4月3號做都已經過咗6日啦支唔係密封嘅奶茶。新開無奈都做到咁差，真係唔知佢呢間鋪捱到幾耐！
繼續閱讀