蠔站 (永昇中心)

營業中

休息中

長文，所以總結寫係開頭蠔正常發揮，冇試十蚊蠔不過拼盤開眼界芒果牛油果大蝦沙律有驚喜收尾既蟹餅有少少失望會下次再黎試其他熱食====================收工前突然蠔癮發作，再加上日日返工經過都未有機會試，一直都想會一會佢，所以趁夜人少啲去止下癮。本身諗住10蚊蠔KO自己，點知咁岩撞正星期二三既Oyster Night，咁就唔好浪費難得既偶然。$199有七款不同國家既生蠔同一杯餐酒，加三十蚊加多隻Gillardau 0號，咁就梗係去馬啦！PS:我其實唔係好記得成個package, 我係憑張相去記返成件事，詳情請查詢餐廳🙏上枱好靚仔，隻隻都冇蠔殼碎，基本野係咪？店員為叫左呢個拼盤既都介紹返每隻蠔名同產地，亦都由美國岩蠔兩點鐘開始建議順時針食到尾。個人覺得係淡口系列，主打鮮甜。整體都係合格新鮮正既，所以唔逐一講lu。有驚喜既係日本宮城蠔，味道一啲都唔複雜，金屬味海水味都唔重，清甜嫩滑，放左係第二係因為口味而唔係質素，即刻放心繼續食。再講多一款係韓國統營蠔，小弟見識少，錯過左呢款蠔咁多年，真心唔差。最後有隻Gillardau零號收尾真係有啲跳級，不過應該冇更好既ending因為時間比

今日約咗朋友食午餐 同佢嚟都天后附近嘅呢間oyster station餐廳午餐時間人唔太多 環境舒服 傾計就啱曬啦。牛油果花馬火腿無花果沙律 沙律都幾大碟 上面嘅巴馬火腿有三塊 味道香濃而唔油膩 配埋 柚子做主調嘅沙律醋一齊食 令成件事更加清新而唔單調 沙律菜新鮮就不在話下 仲加埋口感creamy嘅牛油果同香甜嘅無花果 成件事好夾 減肥健康人士啱曬呀嚟呢度點可以唔食生蠔呀 餐廳將今日有嘅生蠔全部都放曬喺雪櫃任人揀 首先叫咗半打特價生蠔 10蚊隻已經食到來自法國嘅生蠔真係超抵食 夠曬肥美 海水味淡 啱曬女士呀另外推廌來自日本嘅雪解生蠔 口感極度creamy而且好肥美

✨抵食$10隻嘅生蠔店✨.上年係銅鑼灣分店食過一次，覺得佢啲蠔性價比幾高，今次經開天后分店就食埋個lunch～我哋都有叫佢嘅$10生蠔，仲有一個意粉同主食.▫️紐西蘭生蠔 $10/隻超高性價比嘅生蠔，10蚊一隻我哋就叫咗半打，係略嫌重左海水味🙈但係以呢個價錢真係超級抵食.▫️卡邦尼扁意粉 $128卡邦尼汁好濃忌廉味，同蛋黃撈埋一齊更香，扁意粉夠晒掛汁，幾好食😋份量仲夠兩個人食！.▫️迷迗香燒春雞 $228雞肉皮脆肉嫩夠juicy🫶🏻可以沾上餐廳特制嘅醬汁，幾好食。配菜方面都幾豐富，有薯角，脆肉瓜、茄子同蕃茄仔，薯角仲炸得好脆身好正( ˶ˊᵕˋ)੭.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我𝐈𝐠 @fibee3b

因為之前疫情太嚴重，所以都冇出街食飯. 見而家好左好多, 所以就出黎食. 好鐘意食生蠔, 所以就黎到北角既oysterstatio! 呢到個地方都好寧靜, 可以坐底慢慢享受真係唔錯. 因為呢到有$10蚊蠔呢個promotion 所以就叫左一打, D蠔都係又大又鮮. 幾好食. 有海水味. 食生蠔呢間都算係幾安全. 超大肥蠔,味道唔錯,好抵食！另外都仲有叫pizza黎食. 四重芝士脆薄批，芝士味好濃郁，忌廉味亦都有 完全係味蕾既享受啊！餐廳面積雖不大，但座位距離不會太近，坐得自在舒適

同朋友一齊食嘢 食生蠔做午餐 $10蚊隻真係好正 叫左一打 食晒 都大隻 新鮮 幾好味 唔錯 另外都叫咗個沙律菜 味道清新 幾好食 沙律都正正常常 生蠔 海水味係有既 咁先可以食得夠鮮 蠔味清甜 肉質嫩滑 另外我都叫左個虎蝦意大利飯 個虎蝦係牛油香煎過 非常惹味 肉質鮮甜 意大利飯飯係夠軟滑 中心有口感 幾好味 下次會再食過 因為d 汁都好足夠 鐘意d汁 同意大利飯一齊配合埋 真係幾好食 😋 野飲我就叫左凍檸茶 都正正常常 呢到都坐得幾舒服 環境都唔錯 可以再黎過啊😊😊

我同朋友都係生蠔愛好者 所以今日就黎到天后既 oyster station 蠔站食生蠔 $10隻生蠔真係都幾抵食而且又夠新鮮 除咗生蠔之外仲有海鮮刺身小食薄餅意粉扒類都有 都好多選擇 我哋就叫咗一打生蠔 生蠔都算大隻$10嚟講都算唔錯同埋食得出鮮味 鮮甜嫩滑 另外叫咗斧頭扒 好厚好大份 肉質鮮嫩 我地叫左7成熟 食完都好飽 好豐富嘅一餐 呢度都容易搵到間餐廳 坐都坐得幾舒服所以約朋友見面嘅話都可以揀呢一間 整體來講都食得好飽同埋可以解決到對生蠔嘅飢渴了

因疫情嚴峻的關係，已經好耐無約朋友食飯，見近來疫情開始緩和，所以就約了好友食lunch, 放鬆一下心情。餐廳環境清雅舒適，座位乾淨整齊，令人心情輕鬆。 Lunch Menu共有8款set選擇, 價錢由$68~$98不等，包餐包，湯，main course, coffee/tea/dessert, 非常抵食。Fine de Claire生蠔12隻$120~$10一隻法國生蠔喺邊度揾呀！生蠔口感爽滑，帶好濃的海水味，甘甜，正！餐湯＆餐包~餐湯是粟米忌廉湯， 口感順滑，有粟米粒粒，配鬆軟的蕃茄香草包，好味。夏威夷薄餅$78~ 薄餅皮很薄脆，茄汁底，配芝士，辣肉腸和蕃茜，不錯。鐵板大蝦龍利魚柳伴薯菜$88~魚柳有2大條，肉質嫩滑，大蝦肉質爽脆鮮甜，配黑椒汁十分惹味。配菜有薯角，茄子，西蘭花和椰菜花，份量頗多。焦糖布甸$88~擺盤好靚，以鮮雜果砌出花花圖案，除了有很香滑，蛋味濃郁的焦糖布甸，還有一球雲呢拿朱古力碎雪糕，食完真係十分滿足。

幾年前已經食過蠔站，咁多年嚟都冇加過價，都有$10蠔。今次係愛爾蘭生蠔，叫咗一打過吓癮。好甜冇腥味，不過有肥有瘦，但都叫過到癮。主菜叫咗鹹蛋軟殻麵，鹹蛋有油香，落得好重手，啲麵索哂鹹蛋碎！好有驚喜！！會encore呢個麵，軟殼蟹都好脆，有少少膏另一個主菜係冬蔭公天使麵，泰式風味嘅天使麵第一次試。青口冇雪味，蝦一般冇特別，但天使麵食到有香料味。幾特別。不過如果二揀一會揀返鹹蛋麵。餐廳員工好nice，有禮貌，整體體驗好舒服。

一個人的浪漫,一個人食蠔,一個食沙律,一個人食PIZZA四色芝士拉絲薄批$10一隻指定生蠔優惠慢煮雞扒凱撒沙律蠔吧,周圍都有分店,最吸引人就係佢寫住每日都有既$10生蠔優惠一個人都可以爽食半打只要$60,即點即開,雖然唔係超大肥蠔但勝在夠鮮夠蠔味,味道唔錯,好抵食另外再追加一客脆薄批,四種芝士,集濃,咸,滑一身,批底脆如餅,忌廉芝味濃郁,完全唔同單調,味道也很豐富凱撒沙律,加塊特大慢煮雞扒,煎得香口,切得厚身,食起黎嫩而有肉汁呢度係可以一個人黎既蠔吧,真係正,又無限時,可以慢慢食呢度也有不少食客也是1-2人個人黎食蠔#蠔吧 #OysterStation (Jupiter Tower)#osoysterstation Station (Jupiter Tower)蠔站 (永昇中心)OS Oyster Station (Jupiter Tower)#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigbl

今午約咗剛由外地回港的好朋友見面談天說地之外，食過豐富生蠔🦪午餐🥣🥳🥳Saldanha Bay一打$120今日供應的南非Saldanha Bay生蠔，海水味淡，蠔味清甜，肉質軟厚肉😋😋水牛芝士伴蕃茄沙律🥗$108上次食完好想再食，紅色厚肉鮮番茄🍅，白色的水牛芝士，淋上綠色的羅勒醬，新鮮翠綠的沙律菜，味道清新😘😘虎蝦柏士圖意大利飯$188賣相吸引，牛油香煎虎蝦，肉質鮮甜彈牙，意大利燉飯外表軟滑，中心有咬口，完全吸收晒「青醬」濃郁味道，每啖都品嚐到Parmesan起司、蒜蓉、蘿勒的香味delicious👍👍

朋友說這間餐廳做生蠔特價，個人也鍾意吃生蠔，所以來試試餐廳感覺很舒適，播放著80、90年代出名的音樂，頗有情調。一入餐廳便看見生蠔吧，白色的外牆及一些仿植物裝飾，配合柔和的燈光，朋友來午餐聚一聚感覺不錯。首先當然要點特價生蠔，是這次來的主要目的$10一隻，我們點了6隻。是法國fine de claire生蠔。雖然是$10隻，但細緻位都做得不錯，例如以一盤冰保持生蠔溫度。以$10來說size是不錯，都有鮮味另外，見有另外promotion也很吸引。跟餐以$120優惠價原價$218即開生蠔，有韓國生蠔及Scotland嘅生蠔，當然一份錢一份貨，比起$10更肥美，更鮮味。個人認為可以兩款優惠都點，試試不同款式。韓國甜蠔Scotland生蠔牛餐香煎西冷拌薯菜牛肝菌燒汁 $98配餐湯及飲品牛扒夠份量法式焦糖燉蛋配雪糕 $88燉蛋頗滑，個人不喜歡太甜，這個甜度剛剛好

朋友生日去咗這間餐廳食飯、服務態度非常好食物好味又有不同種類的蠔，食咗四式芝士pizza，甜品都非常好味心太軟非常好味，仲有食咗炸魷魚圈，多款食物任君選擇！環境舒服非常乾淨

Oyster Station同同學家長吹水，佢推介呢個餐廳集團，話天后同銅鑼灣分店同步推廣，每日推出平靚正生蠔，堂食每隻$10，產地定時轉換。價格咁親民，今日同老公專程去食好嘢！先嚟半打Carlingford 愛爾蘭生蠔 (特價$10/隻)。每隻唔算特別肥大飽滿，但勝在肉地爽脆，滲透淡淡地嘅海水味，啱晒我哋兩個beginner嘅品嚐級別！酥皮波士頓龍蝦 ($268)係主餐牌推介之一，可以配長通粉、扁意粉，或者天使麵。牛油酥皮薄身，焗得香噴噴，趁熱食，真係冇得頂！老公鍾意食龍蝦頭，龍蝦肉亦比想像中多好多。天使麵勁掛汁，配濕潤開胃嘅自家製蕃茄汁，酸酸甜甜得來，口感唔錯！荔枝乳酸梳打($48)比較一般，加啲荔枝果肉或者荔枝味椰果，咁就好啦！

好耐無食蠔啦~記得呢間餐廳都幾舒服好坐，食物質素都好好👍🏻所以今日同屋企人一齊嚟食多次！🤤星期日妟就嚟到唔算多人，可以揀位坐~餐廳播嘅英文歌都好hit🤣因為無lunch set，我哋分別嗌咗6隻$10指定生蠔🦪今日新鮮到嘅三文魚刺身，法式鵝肝同炸軟殼蟹扁意粉🤪生蠔係愛爾蘭嘅~好新鮮又鮮甜同埋唔算好細隻，$10嚟講係性價比好高！😍不過我覺得三文魚刺身都好值得讚🤩店員無講錯真係好新鮮，同係其他壽司店食嘅唔同，三文魚望落紋路靚又夠厚，加埋少少檸檬汁🤏🏻就好好食😋法式鵝肝雖然唔算平但係抵食嘅~~~鵝肝好厚好大件，煎到啱啱好，入口即融，配埋有牛油嘅多士同柚子醬，真係想再食多幾個😙沙律菜都okay新鮮~🥗最後炸軟殼蟹扁意粉嘅軟殼蟹份量都正常，入面有洋蔥同蒜頭仲有青椒紅椒，同好食嘅忌廉~扁意粉口感都唔錯，鍾意就算食完都唔會覺得好滯👍🏻呢個價錢正正常常啦🤣下次去應該要食佢其他生蠔先得！🤣

今次去試天后地舖,店子相信是集團較細的一間,但裝修佈置一點也不馬虎,不用多說先叫了滿滿一盤鮮生蠔開開胃先,靚女店員更細心介紹今次推出的是法國綠寶石蠔,由於食海草,所以蠔身羣邊會有淺綠色,入口海水味畧淡,但鮮味濃郁,更配以圓鰭黑魚籽,每10克也只須十多元,使味覺又多一份口感。正,又要添食啦！另外再order咗一客BBQ豬肋骨,除了份量很大,更配以香脆薯角和爽口沙律菜,靚女真好介紹,主食叫了虎蝦意大利飯,兩大隻虎蝦上枱時已香氣撲鼻,意大利飯就超有咬口很有水準。相信又要再來光顧其他菜色了